للمرة الخامسة تنسرق سيارة ابوي .... وهذا المسج اللى وصلني منه اليوم - نادي الهلال السعودي - شبكة الزعيم

ابو طـــــلال · #1 29/11/2007, 05:09 PM

بسم الله الرحمن الرحيم

تحية لاعضاء منتدى الزعيم الكرام ............

ماامداني منزل موضوعين

....... بس وصلني خبر سرقة سيارة الوالد الله يحفظه .. وجتني منه هالرساله ....... رسالة تضحك .... طبعا هذي خامس مره تنسرق هالسيارة وبمجهودات عياله نلقاها ( غاسلين ايدينا من الشرطه ) ..... انا مدري وش يبي فيها

....... كل ماقلنا له بعها .. يقول هذي ( أم الجمايل ) امحق

الرساله النصية اللى وصلتني من ابوي تقول :

كعادتها الكريمه حفظها الله .. سيارتنا المحبوبه انسرقت

.. إذا لقيتها بطريقك قلها ترجع كلنا بأنتظارها

انتهت الرساله .............

طبعا ابوي يلمح لي الحين .. يعني اترك شغلك ودورها

هالمره ان لقيتها .. بولع فيها .........

كل سرقه ياخذون الشرطه بصمات ..؟؟ وبس يوصخون السياراة بالبصمات ويمشون !!

خامس سرقه !!

وين الأمن ؟؟

اللهم امنا في اوطاننا ........ في اهلنا .. وبيوتنا .. وممتلكاتنا .......

كان اقولكم مواصفات الموتر ...... بس اخاف احد يلقاها .... وانا مابي احد يلقاها هالمره

خصوصا اني انا متهم بسرقتها ......

لأني مليت من كثر ماتسرق

اجل عمركم شفتوا سيارة تعطيها ركبه مع الباب تشتغل

تحياتي للجميع ........

وانتبهوا لاغراضكم وممتلكاتكم .. والله يعوض الجميع

Hictar · #2 29/11/2007, 05:20 PM

هلا بولد العم

كيفك طال عمرك

أبوطلال ذكرتني بسياره أخوي الكبير
حسيت إنها سبيل من كثر ما إنسرقت

أما الأمن فسلم لي على الأمن
تذكرت سالفة واحد أنا أشهد إنه ذيب وذكي

أول ما عرف إن سيارته منسرقة وكان بوقت الإرهاب
أتصل على الدوريات وقالهم إن الإرهابيين سرقوا سيارته بعد ما نزلوه

ما كمل 6 ساعات إلا ولاقين سيارته

خل أبوك يقول إن واحد إرهابي سارقها

القيصر رهيب · #3 29/11/2007, 05:21 PM

خخخخخخخخ

وش ذا التقنيه

ركبه مع الباب وتشتغل هآ هآ هآ

وتظامنا مع أخوي الصغير أبو طلال

يا رب ما تلقونها

شـــذى · #4 29/11/2007, 05:22 PM

إقتباس


	كعادتها الكريمه حفظها الله .. سيارتنا المحبوبه انسرقت .. إذا لقيتها بطريقك قلها ترجع كلنا بأنتظارها

من رسالة ابوك شكله خلاااااااااااااااص عذر منها خخخخخخخخ

الحل عندي

..

ولا تدورها ولا شيء ..

تقاط أنت وأخوانك واشتروا له ...

جيب شروكي مستعمل يمدحونه

( حنين

كيف الحال )

ولا تدري اشتروا له كوريلا وبعد الهايلوكس ماهو بشين المهم اي نوعية من تويوتا بعد يمدحونها

يحلفون تقف بأي مكان ولو كان تبه ( والعهدة على الراوي )

إقتباس


	اجل عمركم شفتوا سيارة تعطيها ركبه مع الباب تشتغل

هههههههههههههههههههههههههههههههههههههههههههههههه

ههههههههههههههههههههههههههههههههههه

ههههههههههههههههههههههههه

ههههههههههههههههه

سمعت إن فيه ناس ما تشغل كمبيوتراتها الا بالمراسم والاقلام ههههههههههههه

واحد من أخواني كان يحط بداخل الفديو أعواد أذاني عشان يشتغل هههههههه

والله يابو طلال حنا شعب ماعندنا رحمة

...

نتجاهل ان كل شيء له عمر افتراضي وينتهي

حنا شعب نحب نحلل الفلوس اللي ندفعها

إقتباس


	وانتبهوا لاغراضكم وممتلكاتكم .. والله يعوض الجميع

ليتها على الأغراض والممتلكات كان تهون اليوم أوادم تُخطف من قدام بيوتهم ولا حس ولا خبر

..

الله يرد سيارة الوالد له سالمة غانمة ..

والله يوسع صدرك

دمت بكل الخير .

ورده

Hictar · #5 29/11/2007, 05:44 PM

إقتباس

الرسالة الأصلية كتبت بواسطة شـــذى


	موضوع جميل

جميل مين يا أم جمال

الرجال يقول إنسرقت السيارة وإنتي تقولين جميل

عاش حاجز

شـــذى · #6 29/11/2007, 05:51 PM

إقتباس

الرسالة الأصلية كتبت بواسطة مواصل من عام 1413هـ


	جميل مين يا أم جمال الرجال يقول إنسرقت السيارة وإنتي تقولين جميل عاش حاجز

ڪـيــف الـζــآل ؟ · #7 29/11/2007, 06:04 PM

الله يستر

مواصفات سيارة أبوكـ .. نفس مواصفات سيارة الوالد .. خصوصا إنها مسرقة بعد ..!

وتشتغل بأي مفتااح ..

........

يعطيك العافية وإن شاء الله تلقونها .. ولا ما تبونها ..

صمت الرمــاد · #8 29/11/2007, 06:05 PM

هههههههههههههههههههههههههههههههههه

إقتباس


	كعادتها الكريمه حفظها الله .. سيارتنا المحبوبه انسرقت .. إذا لقيتها بطريقك قلها ترجع كلنا بأنتظارها

إقتباس

إقتباس


	اجل عمركم شفتوا سيارة تعطيها ركبه مع الباب تشتغل

أكيد لو الحرامي شاف موضوعك بيصلح السيارة وبيرجع يوقفها عند باب بيتكم

الفارس-5 · #9 29/11/2007, 06:07 PM

ابو طلال
8
8
8
8
8

8
اراه ما ترد <<<<<امذح
موضوع محزن

<<<<<وي وي يوي وي
باير باي ابو طلال<<<<اخيس رد لي لأني بيجوني ظيوف
اّسف الرد لا يليق بموضوعك

!!هلالي الرس!! · #10 29/11/2007, 06:21 PM

ههههههههههههههههههههههههههههه

حبيتين والله ميزه جديده ركبه مع الباب وتشتغل والله نظااام الييييم

يصلح لي والله

المهم والله يأبو طلال أن شاء ماتلقونها تظامنا معك يعني

واذا لقيتوها خلني أرسرقها أنا

من حق أن لقيتوها

اللهم أحفظ أمن بلادنا وجوالتنا من السرقه>>كلن على همه سرى

أخوك الصغير

!!هلالي الرس!!

عبث طفلة · #11 29/11/2007, 06:27 PM

هههههههههههههههههههههه>>>بس والله العظيم إني تسدحت من الضحك

إقتباس


	كعادتها الكريمه حفظها الله .. سيارتنا المحبوبه انسرقت .. إذا لقيتها بطريقك قلها ترجع كلنا بأنتظارها

ترجع بالسلامه إن شاء الله..

إقتباس


	كان اقولكم مواصفات الموتر ...... بس اخاف احد يلقاها .... وانا مابي احد يلقاها هالمره

بدورها بس إذا لقيتها بشلحها وآخذها لي>>>خوووش والله أنتي وخشتس

مواصل:
لاوأزودك من الشعر بيت يقولون إن سيارته مقربعه ددسن أبو غماره

>>بس نفشوا الدنيا الين لقوها

بس تكفى أبو طلال علمنا إذا صدتوها>>>افلقني إن رجعت

سموّ الحرفّ 2006 · #12 29/11/2007, 06:30 PM

ههههههههههههههههـ

اللهـ يـ ع ـين ابوكـ !

والشــرطهـ ماعندكـ احد .

لو تنصررع قدامهم قالــوا اللهـ يرحمكـ وانت مامـت < خانها اتعـبير ^_^

مشكلهـ والله بس اكيد سيارتكـم ذي فيها شي . ! ^_^

هلاليهـ

BOY NJD · #13 29/11/2007, 06:31 PM

إقتباس


	اجل عمركم شفتوا سيارة تعطيها ركبه مع الباب تشتغل

من جد يا ابو طلال هالحركه حلوه وحصرية <<< انتبه لاتسرق الفكره من مرسدس

لاكن بأخذ اجرك وبدعيلك

يالله يارب ما تلقونهااااااااااااااااااااااا

قل

أبوشلاخ الهلالي · #14 29/11/2007, 06:41 PM

هلا والله بخوي الصغير أبو طلال و فارس
وش أخباركـ عساكـ طيب وشلون العيال ان شاء الله بخير لانك تعرف
هاليومين يمرضون البزران واجد بس أهم شيء الأخلاق << شطحه
نرجع للموضوع :
اول شي قل للوالد الله يحفظه موب كل مره يسلم الجره
ثاني شي اتمنا لك دوران ناجح في شوارع الرياض

ثالث شيء أنا مع فكرت أخوي مواصل
أبو طلال ان شاء الله تلقون السيارة في أسرع وقت ,,..
أبو شلاخ يتمنا لكم قضاء وقت ممته مع شبكتنا الحبيبة
باي ..؟,,

هلالي مدريدي 10 · #15 29/11/2007, 06:45 PM

خخخخخخخخخخخ

وش المواصفات

خخخخخخخخخخخخخ