لا لأرثر جورج ... نبي فيلهو او سافيت - نادي الهلال السعودي - شبكة الزعيم

ابو دم أزرق · #1 12/02/2002, 12:56 PM

بسم الله الرحمن الرحيم .

احبتي الهلالين جميعا .. من كثر المواضيع الي اقراها والعناوين الي في الجرايد وغيرهم احسن ان الهلال بيهبط للدرجه الثانيه على طول ...

استغرب كثير لما اقرا موضوع يقول .. لا نريد ارثر او ارحل يا ارثر او ماذا فعلت بنا يا ارثر ؟؟؟ القرائي للمواضيع وهو لا يعلم عن الهلال شئ يعتقد بانه احد انديه الدرجه الثانيه المصارعه على الهبوط للدرجه الثالثه

ليش يا جماعه هذا الضغط على المدرب واللاعبين ؟؟ هل هو حب في النقد ؟؟؟ اقرا كثير من الي يطالبون باقاله ارثر ؟؟؟ يا حماعه ماني قايل اننا مع ارثر ما خسرنا الا مبارتين بس وواحد بضربات الجزاء ، او اننا متصدرين الدوري بدون ولا خساره واظن اننا بنستمر ان شاء الله لعى كذا .. ولا انا قايل انه متصدر الدوري بدون فريق كامل من لاعبين المنتخب .. اضف الى ذلك المصابين ...

يا جماعه .. ارثر مسوي مجهود كبير .. مدرب كبير مع فريق كبير يعني الشئ الكثير ... وياليت ننسى خسارتنا من الطائي .. لان الحقيقه هو انه على نطاق العالم اجمع وبالتحديد الدوري الاوربي .. ما تلقى فريق يفوز في كا مبارياته وكل البطولات ... لابد من مواجهة بعض المشاكل .. ونلاحظ بعد انه في الدوري الاوربي عموما الفرق الكبيره تريح لاعبينها من مباريات الكاس لانها تواجه بطوله الدوري الي هي اهم بكثير ... ولذلك لا عيب من خسارة الهلال في بطوله كاس ولي العهد .. بل ربما تكون خيره ..

انا ودي لو اننا يا هلالييين نوقف مع بعض ومع المدرب ارثر .. واعرفوا انه مدرب كبير ((اكبر دليل هو انه وصل النصر الفاشل المتهالك من فريق كله صغار الي اربع نهائيات)) ... وهو ماشئ الحين مع الهلال على احسن وجه .. واعرفوا ان الفريق الحييين بالمره يخوف مع انه ناقص فريق اساسي كامل مع المنتخب .. وكيف اذا رجعوا ..

اتمنى من اخواني المطالبين بعزل ارثر معرفه انه المدرب القادر بعون لله على النجاح مع الزعيم .. وحصد كل البطولات ... واتمنى اننا ناخذ العبره من اخطاءنا السابقه يوم طالبنا برحيل يوزك وتحسرنا عليه كثير ، وبرضه على الكبير بلاتشي ... حاصد البطولات ((نطلق عليه لقب ونطالب بعزله)) .. ومن كان الخليفه ؟؟؟ سافيت

..

ولله عمري اشوف مدرب استمر مع الهلال لو موسمين بس .. من اخر مدرب صار له كذا ؟؟ عام 1399 او متى ؟؟ ...

خلونا نوقف مع فريقنا في زينه وشينه .. ونوثق في مدربه ولا عبينه ..

وبالله التوفيق
ابو دم أزرق

assir · #2 12/02/2002, 01:27 PM

البعض مع الخيل ياشقراء
ياخي يكفي هذا المدرب الرائع انه يقود الهلال للصدارة وهو ناقص فريق كامل . بصراحة اعجبني الامير سعود بن تركي في رده على اللي يطالبون بطرد المدرب .

الروح الزرقاء · #3 12/02/2002, 02:16 PM

اخوي (ابودم ازرق) تصدق ان عقلي طار وبغيت انجن يوم قالوا نبي
نلغي عقد ارثر ,انا ابسال وش يبغون اكثر من مدرب اوصلهم للصداره
وبدون خساره زي ماقلت , انا اشك ان فيه ناس تحارب نادي الهلال
لااعتقد انه يوجد ممن يحبون نادي الهلال يطلع علينا ويقول الغوا
عقد ارثر هذا اصلا ماهو من نادي الهلال ولاينتمي اليه اطلاقا طيب اذا كان ممن يحبون نادي الهلال لماذا قال الغوا عقد ارثر وهو متصدر بالفريق هل يريد المركز الاخير , هل يريد الهلال يصبح من اندية الدرجه الاولى، لو كان ارثر مدرب فاشل لما قال الغوا عقده, لاصبح يمجده
ويمدحه ,,,,,,,,, (اه لوني رئيس نادي الهلال واعرف هذا الشخص كان
مسكته مع عليباته وشته بوز اخليه مايوقع الا باريس)
وتقبل تحاتي,,,,,,,,,,,,,,
MMMMMMMMMMMMMMMMMM واسف على الاطاله MMMMMMMMMMMMMMMMMMM

عا الزعيم شق · #4 12/02/2002, 02:41 PM

أكيد اللي يقول كذا ماهو هلالي
وما يطيق شي اسمه هلال
بس خاوه عنكم
اللي مايطول العنب يقول حامض

ابو دم أزرق · #5 12/02/2002, 11:38 PM

اخواني ..

يعطيكم العافيه على ردودكم ...

وصيحي كلامكم .. في الهلال ناس يتسمون بالهلال ويبحثون عن مشاكله ..

ولكم التحيه والشكر