نادي الهلال السعودي - شبكة الزعيم - الموقع الرسمي

نادي الهلال السعودي - شبكة الزعيم - الموقع الرسمي (http://vb.alhilal.com/index.php)
-   منتدى الجمهور الهلالي (http://vb.alhilal.com/forumdisplay.php?f=28)
-   -   معك ياهلال على كل حال الحمله الجماهيريه لحظور مباراه الهلال والاتحاد (http://vb.alhilal.com/showthread.php?t=495688)

عز الرياض هلالها 28/11/2007 07:35 AM

معك ياهلال على كل حال الحمله الجماهيريه لحظور مباراه الهلال والاتحاد
 
اخواني جماهير الزعيييم اولا هاردلك الهزيمه غير المستحقه وان شاء الله الجايات اكثر تعلمون انه تنتظرنا مباراه هامه يوم السبت ونريد ان نتكاتف من اجل مسانده زعيمنا فنرجو منكم ياجمهور الهلال الحظور وخطف النقاط الثلاثه تحيااااتي لكم

نجم المرزم 28/11/2007 08:18 AM

مشكوووووووووووور أخوي
وانشاء الله بنحضر مبارة الزعيم
وبالتووووووووووفيق للزعيم

S K Y 28/11/2007 08:22 AM

بيض الله وجهك ياعز الرياض وسامحني لاني وصفتك بـ المندس لاني كنت متنرفز من المباراه
والله يعطيك العافيه وبأذن الله راح نكون في الموعد وماراح نجعل مباراه الاتفاق محبط للمباراه الجايه
تقبل مروري

تركوازي 28/11/2007 08:22 AM

نعم لابد من تواجد الرقم الصعب وبكثافة رهيبة !! كل الشكر لموضوعك المحفز 0 ودمت 0

مصيول الهلالي 28/11/2007 08:23 AM

ان شاء الله انا اول الحاضرين للمباراه

E S S A 28/11/2007 08:25 AM

مايحتاج حمله

الجمهور بيحضر بدون حملات ودعوات

عز الرياض هلالها 28/11/2007 08:27 AM

s k y وش دعوه وانا اخوك ترا بالاخير احنا اخوااان واقسم بالله ان كل شي في حياتي ازرق

أمير الحزن الهلالي 28/11/2007 08:31 AM

ما يحتاج تسوي حمله يالحبيب

هذا انتوا ياجمهور الرياض شاطرين بالسوالف في المنتدى وأنواع حملات الحضور وفي الأخير ما يروح منكم احد

جمهور الرياض ما بيحضر
جمهور المجان ما بيحضر

فضحتونا قدام الإتفاق :(

والله العظيم اكبر فضيحة في تاريخ الهلال

يلعب مباراة مهمة وفي بطولة خارجية والجمهور كذا

اذكر بعد مباراة الذهاب قلتلكم إن جمهور الهلال في الشرقية أفضل

جمهور الزعيم في الشرقية ملأ القسم المخصص له تماما
وفيه ناس كثير اقسم بالله مادخلوا
وبعض الجماهير رامي الشالات والشعارات وراح دخل مع اللإتفاقيين عشان يشوف المباراة

وأنتوا يا جمهور المجان نزلتوا رؤوسنا للأرض

حراااااااااااااااااااااام وربي حرااااااااااااااااااااااااااااام

عز الرياض هلالها 28/11/2007 08:33 AM

امير الحزن والله انك صاادق صراحه اليوم الجمهور مابيض الوجه بس ماننسى وقفات جمهور الهلال الي بالرياااض واتمنى انك ماتفرق لاننا كلنا هلاليين من الرياض والشمال والشرقيه والجنوب والغربيه تحيااتي لك

أمير الحزن الهلالي 28/11/2007 08:40 AM

إقتباس:

الرسالة الأصلية كتبت بواسطة عز الرياض هلالها (مشاركة 6962112)
امير الحزن والله انك صاادق صراحه اليوم الجمهور مابيض الوجه بس ماننسى وقفات جمهور الهلال الي بالرياااض واتمنى انك ماتفرق لاننا كلنا هلاليين من الرياض والشمال والشرقيه والجنوب والغربيه تحيااتي لك

أنا ما فرقت وكلنا جمهور واحد
يجمعنا حب الهلال

بس ياخوي أقسم بالله ارتفع ضغطي امس
احنا دايم نتشدق بأننا أكثر جماهيرية ومدري أيش
وفي مباراة مهمة ما قدرنا نعبي نصف الملعب

الرياض 50% من سكانه هلاليين وينهم

معقوله مافيه 25000ألف يحضرون المباراة

لهالدرجة اصبح الهلال رخيص
ومو لازم نحضر مباراته

آآآآآآآآآآآآآآآآآه لو إني عملي بس يسمحلي بالحضور
بس خسارة :(


ياجمهور الزعيم في المملكة عامة وفي الرياض خاصة

أبي اقول

تكفى ترى تكفى تهز الرجاجيل

تكفون أيها الزعماء

الهلال دوما في حاجتنا

نحن الرقم الصعب

نحن سر البطولات

نحن الوقود الحقيقي للفريق

إذا ما وقفنا احنا مع الفريق من اللي بيوقف؟؟؟

شباب خلونا ننسى مباراة الإتفاق واللي صار فيها وننسى كل شيء قبلها

مباراة الإتحاد نبي الملعب فل

سواء في الملز وفي الاستاد

نبي نضحك عليهم في الملعب بعد الفوز

نبي نضحك لنا طردنا رئيسهم وفزنا عليهم

وربي يوفقكم

والشكر لكاتب الموضوع

عز الرياض هلالها 28/11/2007 08:47 AM

امير الحزن الرياض 60 بالميه هلاليه وفي ازديااد بس مشكلتهم مايحظرون الا المباريات الكبيره

الاســـطوره ساميــو9 28/11/2007 09:05 AM

الوعد الملعب يازعـــــــــــــــــــــــــــــــــــــــــماء


الله يوفق هــــــــــــــــلالنا

تحسي بيا 28/11/2007 09:49 AM

لاتتطالبون بالجمهور ,, ومستوى الهلال في الحضيض لا من لعب في الملعب , ولامن ادارة في تصريف النادي ؟؟؟

الفهد 30/11/2007 05:30 PM

والله كان بودي احضر بس عندي اختبار قياس :d

ادعوا لي بالتوفيق


وان شاء الله جمهور الزعيم مايقصر


الوقت المعتمد في المنتدى بتوقيت جرينتش +3.
الوقت الان » 06:29 PM.

Powered by: vBulletin Version 3.8.7
Copyright ©2000 - 2025, Jelsoft Enterprises Ltd