أولا العذر منك على تأخري بالرد ولكن والله مشاغل مو مثل بعض الناس يجي فرحان إنه تأخر بالرد .
والله إنه الموضوع الوحيد من شبكةالزعيم الي حطيته بالمفضله أمانه شيء جميل ومبهر ورائع والأحلى منها إذا إنتي الي مصوره فعندك حس تصويري عجيب مو مثل بعض الناس الي يصورون من جنب ومن فوق صور مدري كيف تجي(ما أقصد أبو مقبل)
معلومات قيمه صور رائعه دوله والله تحمست بقوه أروح لها أحسن ما فيها تروح وإنت مطمئن إن الشيطان ما بيدق بابك أبد.
مشكوره فرصه والله ردي هذا يعلم الله ما يعبر عن مدى إعجابي بالموضوع من غير مجامله بس منك العذر أختي بلنتي ضايع.
أولاً أهنيكم ماشاء الله تبارك الله على جرأتكم واختياركم لزيارة مثل هالدولة خصوصاً وأنكم عائلة، لأن كثير من الناس يتخوف من السفر للدول الفقيرة مادياً رغم أنها غنية بجمال طبيعتها وأجوائها..
الصور جميله ووممتعه وبعضها طريف ويوسع الصدر
صراحة ما قريت الردود وأعتذر مقدماً إن كانت الأسئلة التالية مكررة:
إقتباس
خلصنا من دمبولا ومشينا لكاندي
وشي دمبولا وكاندي؟؟ منتجعات ولاّ مدن ولاّ قرى صغيره؟؟
ما قلتي لنا عن الاجواء عندهم؟
إقتباس
من بكرة رحنا لصخرة سيقيريا مادخلنا فيها
لأنها تعب على الفاضي
أجل 1200 درجه تقريباً عشان ترقاها
صورناها من بعيد بس
تعب!!
حرام المفروض مثل هالمعالم ما تفوتكم، على الأقل كان كزيتوا أخوك يلقط لنا كم صوره
هل يتحدث أهل البلد اللغة الانجليزية؟
آخر سؤال وأبي الجواب بصراحه وبدون لف ودوران
هل هذا البلد ريحته فقس أو أبو فاس أو ماشابهها ؟ وهل بإمكان السائح استنشاق روائح العبير والياسمين في الطرقات؟؟
تشكرااتي لك على هالتقرير الجميل
سامحك الله، فقد بدأت تسبدي تفرك على السفر لأي ديرةٍ جديده!
ما غير سويتي زحمة لضيوف موضوع ـي طيب كان قلتي شي خليتينا نأجله .. انا عندي أهم شي راحة الضيوف بعدين انا ما ارشيهم بمزارع الفانيليا
ههههههههههههـ غثيتينا أجل أصلاً مثلي مثلهمـ ما فهمت التوقيع :p يبيلك درس بفن الإع ـلان . بس الصراحة اذكر انك سافرتي بالصيف سفرة طويلة . .
[ وعليكم السلام ورحمة الله وبركاتـــه ]
.
إقتباس
الرسالة الأصلية كتبت بواسطة فرصه ضايعه
حياكم الله في مويضيعي المتواضع ...
ان شاء الله يكون رجعه قويه لي عقب الأنقطاع الطويل
عن كتابة المواضيع
الله يحييك يالغالية .. ما شاء الله ماشاء الله رجعتك قوية مرة غطيتي على رجعتنا وصدقيني لو نزلتي موضوع فاضي رح ننبسط اهم شي شوفة اليوزر ونعرف انه مو ضايع
إقتباس
الرسالة الأصلية كتبت بواسطة فرصه ضايعه
طبعاً لازم نقول لكم التنبيهات كالعادة ... لأن فيه ناس من تقراهن بتقضب الباب
إقتباس
الرسالة الأصلية كتبت بواسطة فرصه ضايعه
1- بالاول كنت متحمسه وأنواع التصاميم وشفت أني ماش
يبيلي وقت ومانيب قد المهمه
قلت بلاها اهم شي الموضوع ينزل >>> صح ولا لا
ليه وش كنتِ ناوية عليه !!! ما شاءالله الإطارات على الصور والإعلانات خطيرة شكله عندك موهبة فوتو بس عجازة .
إقتباس
الرسالة الأصلية كتبت بواسطة فرصه ضايعه
2- الغرض من التنبيه الأول عشان لاتدققون واجد بالتنسيق وبالصور
تراني الحين اكتبه لكم وحرارتي مرتفعه وراسي أنواع الصداع
وحلقي ملتهب <<<داخله مستشفى على كل هالوصف
الله يقومك بالسلامة <<= = = مسوي ما عرف انك تماثلتِ للشفاء بس لزوم نخش جو مع الموضوع .
إقتباس
الرسالة الأصلية كتبت بواسطة فرصه ضايعه
7- الموضوع بيكون 3 أجزاء لأنه طويييييييييييييييييييييييييييييييييل
ومليان صور تقريبا بكل جزء حول خمسين صورة
الله يعينكم على التحميل
. . لا والله عادي اصلا لما وصلت للصور لقيتها كلها نازلة والله من طول المقدمة
. خذي راحتكـ و أحسنلك تتغلين ناس ما يجون الا بالعين الحمرا زبدتيها فـ وجههم عشان لا يقلبون موضوعك وينه وينه وينه ووينه تعجبني الصراحـة بس وش دخل التحميل .
إقتباس
الرسالة الأصلية كتبت بواسطة فرصه ضايعه
انتهينا من التنبهات >>> كني أشوف الأغلبيه هجت من الحين
آه والله تعبت المشكلة محد عرف وش السالفة من المقدمه مالها دخل نهائيا بالموضوع
إقتباس
تصدقون أني رحمتكم ماتدرون للحين أي دولة
ارحمينا من سمايل عادل ذا
.
إقتباس
سيريلانكا الحبيبه
وع وع والله شوفي اغلب لناس نظرتهم سطحية للبلد يقولك بايخة ووع وآخرتها تطلع حلوة بس انا ما احب لطبيعة أحب البلدان التقنية و المتطورة <<== out
إقتباس
طبعاً حنا اتفقنا مع شركه سيرلانكيه
كل اتفاقاتنا كانت بالإيميل <<<< أحد توصيات النت
. يعجبني التطور الحين اي شي صار بالنت . . . آسين وينق * هههههههـ حاطة رابط الموقع .
إقتباس
حنا راكبين اول الناس مرت من عندنا شغاله وهي مطيرة عيونها
تقول بتروحون سيريلانكا
قلت ايه ياذكيك ... أجل وشوله راكبين
ممكن ترانزيت لماليزيا ولا شي ثاني
حلوو ..
كذا المناظر ولا بلاش احلى شي تجلسين ع الشرفة وتقرين رواية
إقتباس
نزل أبوي ووقع العقد مع الشركه ...
وماعطيناهم كل المبلغ
الصور رووووعة <<=== سحب عالصور للي فوق
تبون تدخلون من فمه ولابسين جزم احسبيها يعني كيف
ما طحتوا .! <<==
موجودة بدول كثيرة اسمها ركشة
فانيليا .
.
إقتباس
الرسالة الأصلية كتبت بواسطة فرصه ضايعه
وعقب عاد يودونك بعد مايقلبون راسك للمتجر حقهم عشان تشتري
بس والله كلش نار ومع ذلك قشقشوا أهلي
للي يشوفك انتِ للي دافعة
إقتباس
الرسالة الأصلية كتبت بواسطة فرصه ضايعه
تعبت مرة
أن شاء الله اكمل لكم بالجزء الثاني
أخيييييراً . . . .
.
.
إقتباس
الرسالة الأصلية كتبت بواسطة فرصه ضايعه
مدري وش جاني من فتحت موضوع جديد وأنا مغير ارجف
الظاهر الصخونه بدت عمايلها
حبيت اقدم اعتذاري ورده لقلة مداخلاتي بالمجلس الأيام القليله الماضيه
وذلك لولادة هالموضوع اللي أن شاء الله يكون أد المئام ولا وش كثر المواضيع اللي تجوز لي وودي أني أشارك فيها بس الشكوى لله وأعرف نفسي أنا ... ماأعرف اكتب رد صغير الله يهديني
الله يعينكم على التحميل ... وانتظرونا الحلقه القادمة
يالله بخلي لكم المايك الحين ورده....
[
يالييييييييل ما خلصتي امزح معك فرصووه الله يقومك بالسلامة و ماشاءالله الموضوع روعة روعة تغطية ولا قناة سياحية عاذرينك على قلة المداخلات مثلك منزل موضوع وعارف البير وغطاه <<=== هوَّا حـ يذلّك بالشويين دول كل مرة . . فرصة والله مبدعة فـ التصوير ما شاء الله وانتبهي ع الكاميرا من العين . .
:: فتِّكـ بـــ ع ـــافيــة ::
فرصة برايفت : شايفك وصلتي قبل ردي حق الحجز لو ممكن اذا رديتي على الناس ردي علي هناك احسن والله معليش بس كيبوردي كان خربان ! وقبل شي رجعت لقيت الحجز خلص
لفرصة لمسات يستحيل أن ينفرد بها غيرها !
أو بعبارة أخرى .. كل ما تتحدث عنه فرصة .. يجذب !
في هذا الموضوع أسجل إعجابي بأمور عدة :
1- هذا الجهد الخرافي المبذول في التنسيق والتصميم ..
2- موهبة فرصة بالتصوير .. " جعلت أحد الصور خلفية لجهازي "
3- بعائلتكم وتقبلها لمكان ظاهره لا يبث في النفس حماساً .. حتى توصلتم بأنفسكم أن واقعه أجمل بكثير من ظاهر الحديث !
3- اختيارك لطريقة رائعة في إبراز جمال المكان
الموضوع يستحق مني وقفة طويلة ! وطويلة جداً !
فوالله أنا جداً معجبة بما رأيت ..
ماشاء اله منزله موضوع .. ماني مصدق .. منذ مبطي مانزلتي ..
بس حسيت ان المقدمه والتنبيهات والتحذيرات اكثر من الموضوع ..
ورايحه سريلنكا ماعلمتينا .. لو داري خليتك تطلعين فيزة كم عامل وخدامه نشغلهم..
ولا كان خليناك تجيبين معك سناجب نوزعها في الثمامه << ماتجي
وردي كان جاهز من الاربعاء برد بس انقطع الاتصال واجلته وخليته بوورد
ماشاء الله صور كانت روووووووووووووووووووووووعه .. وانا سمعت فيها كثير لكن
ماعمري بحثت عنها او عن صور عنها .. ولا سبق التقيت باحد زارها لكن انتي اختصرتي
علينا الكثير .. تصلحين مرشده سياحيه .. الله من الطفاقه مع الزباين ..
الصراحه كثير صور اعجبتني والتقاط رائع منك .. تنافسين يزيد وماجد مقبل
على هالمقدمه الطويلة بغيت اقفل الصفحه احسب الموضووع خلص قبل اوصل للصور >>نصابه
الحين أنا كاتبه مقدمه <<< جحدت
أجل هذي اللي تسمى مقدمه
وأنا أشوف الأعضاء يقولون مانعرف نكتب مقدمات ومدري وش يقصدون
وأنا اسهل شي عندي الظاهر
يالله للي يبي مقدمات تراني حاضرة وتحت الطلب
إقتباس
الله الله
تذكرت المناطق المطله في مدننا الحبيبه
ياعلى عزبة هنووود والا تراب والا محطه بنزين والا شارع
واذا فيه تطووور بمكه بس تطلين على الحرم
بخستي مناظر أبها الله يهديك
بس والله ماتصف جمب هالإطلاله
إقتباس
وراهم مرتاعين
وش مسوين لهم
يحسبونا البلديه
إقتباس
هذا خالك الحين والا سايح ماتعرفونه من هالي مصور عند هالصنم
ياشين اللي عارف ويتهيبل
أنا كاتبه أني نازله أنا وخالو يعني من يصير
إقتباس
وشو ابو كشه؟؟؟
الله يصلحك لاتحطين هالصوور وتعذبين قلوب البعارين
ماتحسين ان قصه شعرها تدريج مدري فراولة
أبو كشه هذي تسميتنا له ولا هو اسمه خربوطي
مالقيت له صورة بلحاله ولا كان حطيته لك
بس بالتقرير فيه له صورة وبقولك عنه
وبعدين حرام عليك كان ذي بتفتنهم الله يعينهم على أنفسهم
تراني قعدت أشاور نفسي اطمسها أو لا
وفي الأخير قررت احطها بدون تعديلات
أجل قصتها فراوله وش عرفك أنتي
كلها قصه غرة وشعر طويل وشلون تقولين فراوله
إقتباس
فرصوووه هذولا والعلم عند الله ابوهم سعودي او خليجي
ترى مب أنتي لحالك قلتي
فيه ناس قالوا زيك
إقتباس
عجبني تصميمه
بس كلهم كبار ماعندهم عيال ذولي
بالحقيقه يروع بعد من كبرة
إقتباس
علشان الفيل محد يركبه
لازم يغلون السعر يكسبووون مادياا
والله يبون يشووفوون من الي مضحي بعمره منتي صاحيه راكبه فيل
جمل يخوف كيف فيل
من قالك محد يركبه
تدرين أنهم نطعونا نص ساعه عشان ماعندهم واحد جاهز
كلهن راكبين عليهن السياح
بالعكس حمااااس تبيني أروح هناك ولا اركبه مستحيل
إقتباس
ياحليلهم صغنونااات
ركبتوا اي لون >>>قمه الرواقه
الأحمر
ترى ماكفانا واحد ركبنا اثنين
إقتباس
ماعنده ولد يزوجك اياه
وأنتي ليه تبين الفكه مني
قاعده على راسك أنا
إقتباس
التصاميم حلووووه عجبتني اعترفي من سواها لك
وقسم أنا سويتها
فيه تطور صح
إقتباس
بس بيني وبينك احس عندي مشكله احس صعب اتاقلم مع اي ناس حتى لو الدولة او المدينه تجنن
يعني بالسعوديه والله بعض المناطق ماعرف اتاقلم معهاا بالرغم من جوها وطبعيه على قولتهم
يعني ماظنيت اني بصلح مع السيرلانكين
هههههههههههههههههههههههههه
أنتي الخسرانه
أنتي حدك الرياض ماتحبين اصلا تطلعين منها
إقتباس
الا كيف تخاطبكم معاهم انجلش او سيرنلاكي او وش تحتسون فيه
انقلش أكيد
تراهم أحسن مننا أكثرهم يتكلمون الأنقليزيه
يعني ناس تحسينهم مايأهلون ويتكلمون انقلش
صحيح مكسر بس يمشون حالهم
وبعضهم يقدمون لنا ناس يتكلمون عربي يصيرون مشتغلين عندنا كذا سنه
يعني زي السوق مثلا
لازم يصير بالمحل واحد منهم أو وحده تتكلم عربي
الله يعافيك يالغلا على هالمرور الرائع
وتراني علقت على اقتباساتك أنتي خاصه
عشان ماتزعلين علينا يوم أخرناك بالرد
خليك متابعه ورده
~بنت الزعيم~
يالله حيها واسعدها ورده
إقتباس
تصدقين على كثر ما اشوف توقيعك ما عمري تسألت وش قصته
يمكن عشاني ما دققت بالتوقيع والا كان سألتك بالمسن
الله يخلف على امن جابتك ...
وأنا اللي انتظرك تسأليني بالماسن
اجل مالفت أنتباهك
إقتباس
تصدقين وش مشكلتنا حنا يالسعوديين نحكم على الديره
اللي نبي نروح لها قبل لا انشوفها ما ابي اقول انواع التخلف لان انا منهم
اول ما شفت الصور وانها سيرلنكا قلت خير ما لقت الا هالدوله وع من غير
ما اشوفها بس لما شفت الصور اللي صورتيها قلت براجع حساباتي
الخضره وجمال الطبيعه خلتني اقتنع بجمال سريلكنا ..
يعني قلتي وع ولا وثقتي بذوقي يالشينه
اهم شي تغيرت نظريتك
إقتباس
وبعديين وش الحكمه من انهم يمشون بدون جزم عند المعبد حقهم
احترام لبوذا اتوقع
المشكله مب بس بالمعبد لا
حتى خارج ساحاته تشوفينهم من دون جزم
إقتباس
الفندوق كله صور البوذي مدري منهوو وشلون صليتوو فيه
عادي فيه جدار ماعليه صورة وصارت القبله عليه سبحان الله
وش كبسته
تراني أنا وياها مب أصحاب
كلنا عندهم برياني يهبل يكفينا
يخليك ربي على الترفيع بتصويري
خليك قريبه ترى الجزء الثاني بالطريق ورده
Je t'aime Hilal
ياهلا والله وغلا ورده
فنادقها حلوة يمكن أخيس شي سكناه هو حق دنبولا لانه منتجع يعتبر
كله براصي والبوفيه حقهم مب مرة وبالهواء الطلق أنواع الذبابين
بس كتغيير يعتبر شي جديد علينا خصوصاً أن غرفه متناثرة بالغابه
يآمرحبآ ألف بـ فرصه السريلانكيه <~ ترآ هالقب ثآبت ثآبت مآفيش مفر منه
الله يحييك
على بالك بتحجرين لي
عادي عادي
إقتباس
سريلانكآ في الطبيعه خيآل وهالشي معروف ,, أما من نآحية المنتزهآت والأسوآق
وأشيآء الفله هذي مافيها ,, يعني اتوقع لو مامي وبآبي بيروحون هونيك بيستآنسون
أمآ حنآ أتوقع لا ,, أنا بـ صرآحه مآتجذبني الطبيعه برا أكثر من الأمآكن الترفيهيه
يعني بصرآحه هذي الأشيآء اللي أشوف ونآستي فيهآ
دامك كذا ماتصلح لك أبد
أنا حطيني عند طبيعه وجو حلو وانسيني
حتى لو مااطلع من الفندق يكفي الإطلاله
تركيا وماليزيا خضارها ذاك الغامق
أنا يستهويني الفسفوري
أحسه توه طري وتوه نابت
وهـ بس يازينها
إقتباس
ولاّ مدرسآتهم يذكرونآ باللي عندنآ اذا جينآ من إجآزه أو عيد انوآع
الكشخه والصبغآت واليوم الثآني [ رجعت حليمه لـ عآدتهآ القديمه ]
ههههههههههههههههههههههههههههههههه
الله يرجك
لا تنسين اجتماع الأمهات بعد
أولا العذر منك على تأخري بالرد ولكن والله مشاغل مو مثل بعض الناس يجي فرحان إنه تأخر بالرد
معذور ياخوي وعادي خذ راحتك ...
أهم شي تشريفك ومرورك ,,
بس منهم بعض الناس لا يكون أنا المقصودة
إقتباس
والله إنه الموضوع الوحيد من شبكةالزعيم الي حطيته بالمفضله أمانه شيء جميل ومبهر ورائع والأحلى منها إذا إنتي الي مصوره فعندك حس تصويري عجيب مو مثل بعض الناس الي يصورون من جنب ومن فوق صور مدري كيف تجي(ما أقصد أبو مقبل
الله يسلمك ويجزاك خير شرف لي والله ورده...
بس عاد لا تسفل في استاذي بالتصوير تراي متعلمه منه
وش يعرفكم أنتم بالأساسيات>>> قلبت على خالي
إقتباس
دوله والله تحمست بقوه أروح لها أحسن ما فيها تروح وإنت مطمئن إن الشيطان ما بيدق بابك أبد.
والله بأسواق كولومبو تغير علينا الوضع << الله وأكبر من كثرهن
شفنا ناس كشخات وبناطيل جنز وبلايز ضيقه وحركاااااات
ماشفناهن أبد بالمناطق الثانيه الأغلب لبسهم كان ساري
يعطيك العافيه على هالمرور اللي أسعدني كثير رغم مشاغلك
لا تحرمني تواصلك وخلك متابع ورده
هبال يامعاند الهلال
ياهلا ومسهلا فيك أخوي ورده
إقتباس
شلون الاكل والاماكن الترفيهية هناك متوفرة ولالا
الأكل ذكرته برد سابق لي
اما الأماكن الترفيهيه ماعندهم شي
توهم فاتحين مدينه ملاهي في منطقه وحده تبعد عن كولومبو تقريبا 30 كيلو
بس أغلبها تصلح للصغار بس
فيها سينما بس لأفلامهم الظاهر
طبعا بالمدن الكبيرة زي كولومبو وكاندي هذا اللي اعرفه
مرة موقفين السير بشارع يصورون فيلم وحنا نحسبهم يتطاقون صدق
سألنا سواقنا قال يمثلون فيلم
البلد مغامرات وطبيعه
عندك رحلات سفاري والقوارب المطاطيه زي ماذكرت برد سابق
وصخره سيجيريا وغيرها من المغامرات
يعطيك العافيه على المرور
وأن شاء الله أكون أفدتك ورده
alhawey
ياهلا والله بهاوينا
يالله حيه واسعده ورده
إقتباس
أولاً أهنيكم ماشاء الله تبارك الله على جرأتكم واختياركم لزيارة مثل هالدولة خصوصاً وأنكم عائلة، لأن كثير من الناس يتخوف من السفر للدول الفقيرة مادياً رغم أنها غنية بجمال طبيعتها وأجوائها..
الله يسلمك ويجزاك خير
بس ماتجرأنا إلا يوم شفنا الإقبال عليها يزيد سنه عن سنه
ويوم شفنا تقارير عنها بالنت جزمنا نروح لها
لأن ألزم ماعلينا السكن والحمد لله سكنهم متوفر وحلو
إقتباس
وشي دمبولا وكاندي؟؟ منتجعات ولاّ مدن ولاّ قرى صغيره؟؟
هههههههههههههه
كولومبو _ دمبولا _ كاندي _ نوراليا _ انهاقالا( او هاقالا والله مدري نسيت اسمها ) _ بنتوته
كلهن مدن وقرى زرناهن وسكنا فيهن
وهن الأشهر عندهم
دمبولا تعتبر منطقه السفاري حقتهم وهي اللي ركبنا فيها الفيل
فيها رحلات للسفاري بس كعائلة ماتحمسوا لها أهلي
إقتباس
ما قلتي لنا عن الاجواء عندهم؟
ذكرت برد سابق لي عن الأجواء
بالنسبه لي أقول أن جوهم خياااااااااال
لا حر ولا برد جو معتدل
ولا رطوبه بالمناطق الساحليه
نوراليا هي اللي بارده
لدرجة أنهم حاطين لنا مدفأة بالفندق وجاي التقرير عنها
إقتباس
تعب!!
حرام المفروض مثل هالمعالم ما تفوتكم، على الأقل كان كزيتوا أخوك يلقط لنا كم صوره
المشكله أننا رايحين لها وحنا بننتقل من ديرة للثانيه
ولا كان سوينا زي ماتقول
مشكلتنا معنا أطفال صغار مايقدرون يصعدون كل هالدرج وبتبلش فيهم أنت
يالله الواحد يرقي نفسه
وشلون يشيل معه بزر بعد
ولا هي تستحق الزيارة وبقوة
خصوصا لما ترقى لها بتحس بشي خطير لأنك بتطل على مناطق خضراء
وفوق فيها معلم زي القصر قديم وفيه مسبح الظاهر يكون مليان مويه من المطر
حنا شفنا لها كذا صورة بالنت وخلاص حسينا أننا زرناها
يوم مرينا من عندها
عشان كذا أنا أقول أنها تصلح للشباب
كانك تبي صور لها فلا تستحي اطلب
إقتباس
هل يتحدث أهل البلد اللغة الانجليزية؟
أكيد
وكثير منهم بعد
إقتباس
هل هذا البلد ريحته فقس أو أبو فاس أو ماشابهها ؟ وهل بإمكان السائح استنشاق روائح العبير والياسمين في الطرقات؟؟
في الفنادق اللي سكناها ماشمينا شي أبد ...
بالعكس تشم ريحه المطر والخضرة
بس رحت مرة محل ملابس بشارع بكاندي عليه ريحه بغيت انصرع
بس اتوقع ريحته من صاحب المحل اللي فيه
إقتباس
سامحك الله، فقد بدأت تسبدي تفرك على السفر لأي ديرةٍ جديده!
هههههههههههههههههههههه
التغيير مطلوب وأنا أخيتك ,,
عقبال مانزور جنوب افريقيا وأنزل لكم تقرير عنها <<< هذا أن رجعتي سالمه مامتي
ياسفابك مافرحنا بك
يعطيك العافيه على هالمرور اللي اسعدني كثير
خلك متابع معي للآخر ورده
ما غير سويتي زحمة لضيوف موضوع ـي
طيب كان قلتي شي خليتينا نأجله .. انا عندي أهم شي راحة الضيوف
ماشاء الله عليك أنت سحبت الغطاء عني
مرة ثانيه نبهني لاجيت تنزل موضوع
إقتباس
ههههههههههههـ غثيتينا أجل أصلاً مثلي مثلهمـ ما فهمت التوقيع :p
يبيلك درس بفن الإع ـلان
بالعكس أنا نجحت فيه بقوة
والدليل خليتكم تحمسون تعرفون وش اقصد فيه <<< تمدح بنفسها
إقتباس
بس الصراحة اذكر انك سافرتي بالصيف سفرة طويلة
ايه بس مب كلها سيريلانكا ترى
خذنا لنا جوله عقبها
إقتباس
وصدقيني لو نزلتي موضوع فاضي رح ننبسط اهم شي شوفة اليوزر ونعرف انه مو ضايع
يؤ يؤ يؤ
كلام كبير ذا
أخجلت تواضعي الله يجزاك خير
إقتباس
ليه وش كنتِ ناوية عليه !!! ما شاءالله الإطارات على الصور والإعلانات خطيرة
شكله عندك موهبة فوتو بس عجازة
تونا نتعلم مابعد اتقناه
كنت ناويه أسوي فواصل ودلع بس ماش الوقت ضيق
وأنا عشاني اتعلم يبيلي ساعه اضبط الشي
إقتباس
لا والله عادي اصلا لما وصلت للصور لقيتها كلها نازلة والله من طول المقدمة
أها بس
أنت اتصالك سريع يمكن ( ماشاء الله )
أنا تنبيهي للجميع
وحط في بالك أصحاب الدايل اب
إقتباس
خذي راحتكـ و أحسنلك تتغلين ناس ما يجون الا بالعين الحمرا زبدتيها فـ وجههم
عشان لا يقلبون موضوعك وينه وينه وينه ووينه تعجبني الصراحـة بس وش دخل التحميل
هههههههههههههههههههههههههه
اجل اتغلى أحسن
والتحميل لو نزلته جميع كان الصور بتكون
حول الميه وخمسين صورة عاد احترهن الين يتحملن
إقتباس
ارحمينا من سمايل عادل ذا
ههههههههههههههههههه
لاتنسى الهنوف بعد
إقتباس
وع وع والله شوفي اغلب لناس نظرتهم سطحية للبلد يقولك بايخة ووع وآخرتها تطلع حلوة بس انا ما احب لطبيعة أحب البلدان التقنية و المتطورة <<== out
أنا زيك أحب التقنيه زودن على الطبيعه
وتراي حاطه اليابان من القائمه لهالسنه أن الله الحقنا خير
أحس بستانس فيها كثير
إقتباس
* هههههههـ حاطة رابط الموقع
زين فيه أحد انتبه له
ومن من ؟؟
من شايبنا الله يطول لنا بعمره على طاعته
إقتباس
ممكن ترانزيت لماليزيا ولا شي ثاني
قاعد تدور لها حلول عشان تخليها ذكيه
إقتباس
كذا المناظر ولا بلاش احلى شي تجلسين ع الشرفة وتقرين رواية
ياحبك للروايات
الهيلتون مسبحه بعيد عنه يفصل بينهم شارع عام
و لاجيت تروح له تعبر جسر يوصلك له
إقتباس
تبون تدخلون من فمه ولابسين جزم احسبيها يعني كيف
كفوه << مادري وشلون بتنطقونها بس مايمديني احط لها حركات
أي بوذا لهم مب شرط هنا
وشفهم هم فاصخينهن قبل لايدخلون له
يعني بساحاته بعد
إقتباس
موجودة بدول كثيرة اسمها ركشة
أول مرة اسمع بالأسم ذا
عندهم تسمى تيك تاك أو توك تاك اللي هي
إقتباس
للي يشوفك انتِ للي دافعة
بلاي عارفتهم ماراح يستخدمونهن
الله من التجميع بس
وشوله الخساير أجل
إقتباس
فرصة والله مبدعة فـ التصوير ما شاء الله وانتبهي ع الكاميرا من العين
الله يسلمك ويجزاك خير
وشو عينه
اللي يسمعك يقول كاميرتي احترافيه
اذكروا الله ياجماعه << خافت عليها
الله يجزاك خير على هالمرور الأكثر من رائع
والله أني استمتعت معك بتعليقاتك
واعذرني أني مارديت عليك أمس
بس زي هالرد يبيله واحد مصحصح مب زي حالتي امبارح << اوخس يالشاميه
يسعدني تواصلك معي وخلك متابع ورده
مهويه لاني هلاليه
ياهلا والله ومسهلا ورده
إقتباس
انا اهلي نبي نروح لـــــــــــ اوكستر
هذي وينها فيه
في بريطانيا
إقتباس
ان شاء الله اذا رحنا لـــــــــــ اوكستر انزل لكم مقاطع و صور بــــــــ اذن الله تعالى
إيه نزلي يابعدي
خلينا نتعرف عليها أكثر
شاكرة لك مرورك الحلو ,,
لا تحرميني تواصلك ورده
أسيرة الزعيم
ياهلا والله بالغاليه
يالله حيها واسعدها ورده
بجد أسورة خجلتيني بكرمك المعتاد
وكلامك الجميل الله يحفظك ويخليك
وأن شاء الله أكون عند حسن ظنكم دايم
مااعرف اعبر لك عن شعوري يوم قريت كلامك
بس كل اللي اقدر أقوله أني أحبك في الله
والله يخليك لعين ترجيك
إقتباس
2- موهبة فرصة بالتصوير .. " جعلت أحد الصور خلفية لجهازي
الله يسعدك ورده
يابعدهم كانك تبين الصور بحجمها الطبيعي وبدون اطارات
فأشري بس
إقتباس
- بعائلتكم وتقبلها لمكان ظاهره لا يبث في النفس حماساً .. حتى توصلتم بأنفسكم أن واقعه أجمل بكثير من ظاهر الحديث !
هذا أحسن شي بأهلي
ودايم اختياراتنا تكون الأنظار عليها السنة الجايه من نفس الأشخاص
اللي وعوعوا علينا يوم قلنا أننا بنروح لها
إقتباس
الموضوع يستحق مني وقفة طويلة ! وطويلة جداً !
فوالله أنا جداً معجبة بما رأيت ..
ولكن هو الوقت .. يأمرنا فنطيعه !
الله يجزاك خير
أهم شي تتابعينا ولا تقطعينا من تواصلك الداعم وبقوة
شكراً أسورتنا
لاقتطاعك من وقتك الثمين ومرورك بموضوعي المتواضع
مرورك دائماً وتشجيعك لي يسعدني كثير ويثير فيني الحماس
لاتحرميني منه ,,
الله يخليك لنا ورده
خليك متابعه ,,
الكــلاسيكي
ياهلا والله بمشرفنا الرائع
يالله حيه واسعده ورده
إقتباس
ماشاء اله منزله موضوع .. ماني مصدق .. منذ مبطي مانزلتي ..
بس حسيت ان المقدمه والتنبيهات والتحذيرات اكثر من الموضوع ..
صادق أحس أني مغبرة
بس يمكن الإجازة لها دور وعقبها رمضان جا على طول
يالله أهم شي كتبنا شي يحوز على رضاكم
أجل مقدمتي وش طولها
إقتباس
ورايحه سريلنكا ماعلمتينا .. لو داري خليتك تطلعين فيزة كم عامل وخدامه نشغلهم..
اعترف عندك مكتب استقدام من ورانا
إقتباس
وردي كان جاهز من الاربعاء برد بس انقطع الاتصال واجلته وخليته بوورد
اهم شي شرفتنا
الله يسلمك ماتقصر ورده
إقتباس
تصلحين مرشده سياحيه .. الله من الطفاقه مع الزباين ..
اسعدني حماسكم ومتابعتكم وانتظاركم
الله لا يحرمني إياكم
واعتذر لو أني طولت عليكم
ولا نزلت الجزء إلا بعد مارديت عليكم
المهم وين وصلنا ...
آخر شي مزرعة التوابل كانكم للحين تذكرون
ايه عقب ماطلعنا منها بعد مانصبوا على أهلي
مرينا بعد بالطريق محل للألماس والاحجار الكريمة
عليهم غلا غير طبيعي
ياحليل اسعارنا عندهم ...
تفرجنا وطلعنا
مصورتهن بس مايستاهلن من ينزلهن
وأخيراً وصلنا كاندي
نصينا فندقنا ايرلس ريجنسي
... وهو من أفضل الفنادق اللي نزلناها
مكانه مميز مرة فوق جبل وماتشوف غير الخضار
والجو كان من أبدع مايمكن
فيه حركه غريبة أن الغرف بعيدات عن اللوبي
واللي يوصلهن ببعض ممر طويل
يمكن يبين شوي بهالصورة
وهنا وأنا اعبره <<< مايمديكم على اعبره
خذت لقطه علويه للوبي
شرح ووسيع
احسن شي انبسطنا منه في الفندق
في دورة المياة لقينا رشاش الماء اللي فقدناه في دنبولا وكولومبو <<< أكثر شي يهمهم
اطلالة الفندق زي ماقلت تاخذ العقل <<< كل يوم تسنتر بالبلكونه عقب الفجر ومعها كوب كوفي
وهنا من بلكونتنا ...
من رحنا هناك كل يوم نصبح بأناناسهم
<<< وهـ يازينا وحنا نحافظ على صحتنا
اول يوم رحنا لحديقتهم The Royal Potanical وهي من أكبر الحدايق عندهم
وحنا في الطريق لها مرينا على شي مب طبيعي <<< هالبلد ياكثر الأشياء اللي مب طبيعية
هذي الله يسلمكم مغسلة ملابس بالهواء الطلق
ولا أفضل من هيك
بس لاجاهم المطر مدري وين يودونهن
المهم ماعلينا
وصلنا الحديقه وياهي
تفتح النفس من تنسيق فيها وتنظيم
بس مخربها أنك ماتلف عيونك إلا وتشوف ذا العشّاق عايشين حياتهم
أول مادخلنا لقينا مدرسة اسلاميه مسوين رحلة لطلابهم
أول ماشافونا سلموا علينا وقالوا حنا مسلمين ومن هالكلام
قعدنا نلفلف فيها وكلن مشى من جهه
خذت لي كم لقطه قبل لا تمطر علينا وتربصنا
فيه لقطات واجد بس فيه شي مايصلح للنشر
يوم وصلت هنا بدا المطر يصب علينا
اللهم صيبا نافعا ... اللهم على الرياض <<< مقولة خالو
هالشجرة كبيرة بشكل غير طبيعي ...
من كبرها مرفدين سيقانها بأعمدة ...
يوم قربت منها شفت شي فرحني
فيه عائلة سيريلانكيه أمهم لابسه قفازات ونقاب وماتشوف الا السواد
والله أني استانست مرة لها
وحزنت على أوضاعنا هنا وحنا في بلاد الإسلام
الله يصلح الحال بس
المهم مازلنا نمشي ونمشي ولقينا شي خطير بعد
تعرفون الذكريات اللي عندنا
ذكريات أبو فلان والحبيب الولهان ومن هالكلام
شفناها عندهم بس مب على الجدران
على الشجر <<< بلى من كثرهن
شوفوا
طبعا كتبنا عليها السعوديه
وش زودنا عنهم عشان إذا أحد راح منكم
يشوفها ترى أنا اللي كاتبتها <<< كاتبين أشياء ثانيه بعد
المهم ومازلنا نمشي وعجزنا تخلص
ونمر من ممر رايق شكله كله شجر على الجنبين
وعقبه نطلع على مساحه وش كبرها
يازين من خلاها ملعب كورة
تعبنا تعب الله لا يوريكم
المفروض يحطون سيارات صغار تستأجر عشان الدوران
طلعنا منها وخذنا لنا من برى عسكريم << ابوك يالقراوى
رجعنا للفندق لأنه مابقى شي على المغرب وكلش بيصير خرمس
طلبنا لنا عشاء
عاد هالمرة خذنا لنا بيتزا هت <<< حللناها من كثر مانطلبها من عندهم
والله أنهم ارخص من عندنا
المطاعم العالميه مانلقاهن الا بكاندي وكولومبو
عشان كذا نحلل ابوهن هنا
لأننا ماراح نلقاهن بعدين <<<معاناة يالله نلقى شي حلال
على ذكر الحلال
ذكرت سالفه
أخواني بالفطور هبلوا فيهم مغير يسألون حلال يقولون لهم ايه أو لا
ويوجهونهم للشي الحلال
مرة من المرات أختي الصغيرة ماخذه لها هوت دوق << ابو الذوق على هالصبح
المهم وأشوف ذا السيرلانكي مغير يلاحق فيها
مدري وش يبي
يوم دريت ولاه بيعلمها أن اللي خذت مب حلال <<< ياحليله مجتهد
من بكرة رحنا لأسواقهم <<< حريم
طبعاً كله شارع وفيه محلات
خذنا لنا أشياء خفيفة وهدايا وشي للذكرى
اليوم الجديد طلعنا خلاص من الفندق
واتجهنا لفندق ثاني بنفس المنطقه بس أنه فوق جبل عالي مرة
وطريقه وعر شوي وصغير وكله منعطفات
في الطريق مرينا على فندق مهاولي <<< بغينا نستاجره بس ربي ستر
يقولون أنه كله بعوض لأنه يطل على النهر
عارفه أنه مب باين بس مشوها
قاعده اصور بالسيارة وهي تمشي بعد
وقفنا سواقنا عند بيت كنه عشه يقول أنه مصنع ملابس
يبينا نشتري منه
يوم طقينا عليهم الباب تروعوا
احسهم مااستعدوا لأحد يجي لهم بس شكل سواقنا
يعرفهم وبينفعهم من ورانا
وحنا ماقصرنا شرينا منهم بالكوم
تشوفون ذا اللي رازينها هنا
هم يلونونها وكلش
يوم حاسبناهم قعدوا ساعه مدري ليه ماعطونا الأغراض
أثرهم ياعميري يدورون لنا على كيس يحطونهن فيه <<< ياليت من يعطيهم شويه أكياس من دولابي
وهالولد اللي بالصورة قعد يصيح عليهم وماسك الكيس مايبينا ناخذه
مرينا بالطريق شلالات واجد بس وقفنا عند أكبرهن
واللي يسمى شلال هوناس
وهنا عن قرب
ويوم خلصنا تصوير ونشوف اللوحه اللي مكتوبه على الشارع
قال ايش قال التصوير ممنوع
والله ياحنا بعد بنسمع كلامهم ايه هين
المشكله فيه واحد قعد يدلنا على الطريق السهل للشلال عشان تصويرنا
وماقال لنا شي
بالعكس خذ الكام وخذ لنا لقطه
وبعد كم منعطف وصلنا جنة الله في ارضه
يقولون اللي يزور سيريلانكا ولا يزور فندق هوناس
ماكنه زارها على أنه بس ثلاث نجوم
بس هم صادقين صراحه شي غير طبيعي
أول ماوصلنا استقبلونا بالعصير
والمناشف الحارة <<< عشان الجو بارد
عكس كولومبو اللي عطونا مناشف باردة
ريحنا بالغرفه شوي
ياعليها اطلاله خطيرة مرة <<< جحدت اطلاله كاندي
عقب نزلنا نستكشف المكان
بما أن هوناس مافيها غير تكيه بالفندق
فترة استجمام من الروحات والجيات
كان الجو خطير
والسماء ملبدة بالغيوم <<< حسيت أني اكتب تعبير صف سادس أجل ملبدة
أختي هبلت بأهلي إلا تسبح بالمسبح
نقولها برد يابنت الحلال تقول ماعلي
واصرت على رايها وغصبت أبوي يسبح معها
واضح في الصورة ملعب تنس جمب المسبح
وهوبا على طول رحت له
بما أن حلمي ألعب تنس أرضي
والحمد لله تحقق ابشركم بس والله يااني من جمبها
أخوي فيه رجا يصير لاعب كبير زي فدرير << كيفني وأنا اعرف احسن لاعب
ترى وحنا هناك كنا نتابع مباريات التنس اللي فاز فيها
كل هالوقت تصب مطرة قويه وعقب توقف وعلى هالحال
ياداخلين تحت المظلات يانلعب
غير كذا عندهم ملعب قولف وش كبرة
بس ماجربنا حظنا <<< احس انها رياضه سخيفه
نسيت اقولكم
ان فيه سيريلانكي كشخه قط مع ابوي وقعد يسولف معه
معه زوجته ومربيه وولده الصغنن
سبح مع البابا ولعب معنا تنس <<< النا تتبع أخواني مب أنا
ياني قبصت ولده عليه خدود ماشاء الله
ميزة الفندق أنه كله ورود تهبل
صورنا لنا ثنتين منهن وخذناهن معنا حطيناهن بالغرفه
وهـ يازينها
في الليل نمنا وقمنا على صوت المطر من قوته
تسمع شي كنه يضرب بسينكو
مدري اسقفهم سينكو أو وش السالفه ماادري
المهم أنه يروع
بس يوم قمت بالفجر ولا ذاك الجو اللي يرد الروح
وكعادتي لازم الكوفي حقي اجهزة واقعد بالبلكونه شوي
من امتع الطرق اللي سلكناها
كله شلالات وخضرة على مد البصر
سبحان من أبدع هالمناظر
معليش الصور مب مرة بس لأن التقاطي كان بالسيارة وهي تمشي
وصلنا عند كشك يبيع فاكهة
قلنا للسواق وقف وقف
لازم ناخذ لنا مؤنة
تشوفون موز أحمر صح
شرينا منه يقولون أن طعمه حلو شوي
سعره أغلى من العادي
يوم ذقناه كنه بنكة الفانيلا
مافيه زود
شرينا معه مانقستون وموز عادي وأشياء ثانيه
مرينا من عند شلال وشفنا ناس تغسل ملابسها فيه
وحنا واقفين فيه بزرين قاعدين يناظرون فينا
مستغربين شكلهم
والله يالولد يقطر نظافة
اللهم لاتبلانا بس
كملنا مشينا وشفنا من بعيد شلال مرة كبير
يصب من ثلاث جهات بس مرة بعيد عننا
صورته وحنا بالسيارة بعد
أن شاء الله يكون واضح
سواقنا جاع
قعد يقول لنا أنتم ماتجوعون ماأشوفكم تغدون أبد
قلنا الله يستر علينا
المهم أنه وقفنا عند شلال ومشى وخلانا
قال بروح اتغدى وأجي لكم بعد ثلث ساعه
تذكرت سالفه صارت لنا في أول الآيام
جاع وقال لنا نفس الكلام
حطنا بمكان وقال تونسوا فيه وراح وخلانا
أول شي حنا عادي مستانسين مغير نصور ونتفرج وأنواع الفله
بس يوم قعدت افكر شوي قلت عفشنا كله معه
حتى جوازاتنا أمي الله يهديها حاطتهن بالشنطه الكبيرة
قلت أبد خلاص مصيرنا هنا ماعاد حنا راجعين لأهلنا
بما أن مافيه سفارة لنا عندهم
المشكله أننا في شارع بين قرى ولا ندري وين حنا فيه
قعدنا على أعصابنا الين جا
أبوي يقول مايقدر يسوي شي لأنه تبع شركه
بس عقبها تنبهنا واهم ماعلينا جوازاتنا
المهم وين وصلنا
ايه الشلال
والله يافيه أشكال تروع
وناس تسبح وناس تصور أشكال عجيبة غريبة
والله يافيه ناس لصقت بالشاشه
فيه وحده تروع مرة كنا واقفين نناظر ومادرينا إلا هي جمبنا لاصقه فينا
اللي معي ماذرقت العافيه أبد
وش رايكم يحق لنا نخاف
كملنا المسير الين وصلنا مصنع الشاي
سواقنا البوذي نقوله وقف بأول واحد عشانه حق مسلم قاريته بالنت
ماعطاني وجه يقول بوديكم للأقدم عشانه تبع البوذيين
عليه من الله مايستحق
من يوم وقفنا مسكتنا حرمه قعدت تشرح لنا وش السالفه
من طقطق إلى السلام عليكم
من أول مايقطفونه الين مايوصل لنا جاهز
إذا قطفوه حطوه هنا ييبسونه بالمراوح وعقب يحطونه بمكينه تحرقه
وتفتته
وعقب يطلع لنا أنواع منه
اكتشفنا أنهم مايصدرون لنا أفضل نوع
مدري وراهم علينا
مع أننا أكثر شعب يشربه الظاهر
ركزوا على اللي بالنص بيجيه كلام بعد شوي
يوم خلصت شرح ودتنا للمكان اللي نقدر نشتري منه
يقدمون لك شاي مجاني عشان تجربه
والله ياعليه طعم بالمخ
المهم أننا شرينا منهم نفس اللي قلتلكم ركزوا عليه
وهو اللي ذوقونا إياه
بس يوم سويناه هنا ماش مب زي حقهم
يوم طلعنا من محلهم أشروا لنا على نقط بيضاء بالجبل اللي قبالهم
يقولون أنهم قاطفات الشاي
ودايم يصيرن حريم هذي مهنتهن
عساكم شفتوهن
طلعنا منهم عقب ماشرينا كرتون كامل كله هدايا
واصلنا مسيرنا الى فندقنا في نوراليا اللي كان قريب من المصنع
مايبعد عنه كثير
نوراليا ترتفع الظاهر 2500 م عن سطح البحر
كان جوها بارد
نصينا فندقنا اللي هو قراند أحسن شي عندهم
وهو ماهنا ذاك الزود بالنسبه للي سكناهن
تصميمه بريطاني
نوراليا كلها كنك في بريطانيا
يسمونها بريطانيا الصغرى لأنهم مستعمرينها قبل
وباين تأثيرهم عليها من بنيانهم
انتم لاحظوا بس الزوليه مدري وشوله محطوطه
والله ياهو قديم من قلب ...
الغريب فيه حاطين لكل غرفه مدفأه
حنا أول مستغربين ليه بس يوم ذقنا البرد قلنا بعذرهم
لا تدققون بالسرير أخوي نايم فيه
ريحنا شوي وقلنا لسواقنا نبي ناخذ لفه في نوراليا
قال مافيها شي كلها بس شارع
قلنا مايخالف نبي نشوفه
ركبنا ولف فينا بشارع يمكن طوله نص كيلو
فيه سوقهم وزحمتهم وشفنا التيك تك حقهم
مطور حركات
مسكر عشان البرد الظاهر
رجّعنا لفندقنا ماكملنا خمس دقايق
قلنا تستهبل
قال هذي نوراليا كلها وين تبوني اخترع لكم شارع
رضخنا لأوامره علينا وقعدنا بالفندق
طلبنا لنا عشاء
من مطعم هندي في ساحة الفندق يتبعه
حلو أكله ماعليه
نمنا ويوم قمنا من بكرة
مجهزين نفسنا لمكان يسمى نهايه العالم
بس ماالله كتب لنا روحه له
تهاوشنا حنا وسواقنا يبي ينصب علينا بالقوة
يقول مايروح لها إلا سيارات دفع رباعي
ولازم تستاجرونها قلنا مايخالف كم يعني
قال ميه دولار لساعتين بس
قلنا تستهبل ...
أنا قاريه عنها أن السيارات العاديه توصل لها عادي
المهم تهاوشنا واتفقنا نروح ثلاثه بس ونبي منه يودينا نستاجر
بحسابنا الخاص ولا عليه شغل فينا
نزلنا عند السوق وقعدنا نكلم لنا واحد مافهم علينا مايعرف انقلش
نادى لنا واحد مسلم ويعرف عربي
واتفقنا معه على 20 دولار بس للسيارة
الله يديم الرخص
وركبنا معه وحنا بالطريق نشوف السحاب مغير ينزل
قال لنا ماانصحكم تروحون لها اليوم خلوها بكرة افضل ولازم بدري
قلنا بكرة خلاص بنمشي
قال أجل ترى ماراح تستفيدون شي لأنها بالسحاب ماتشوفون شي
قلنا خلاص ودنا لحديقتهم Hakgala Botanical Gardens الشكوى لله
وحنا بالطريق مغير يسولف لنا
انه مشتغل عند آل الشيخ قلنا له كم اسم ولا عرفهم
يوم قلنا له أن المفتي حقنا الحين آل الشيخ قال وابن باز
قلنا الله يرحمه من زمان ميت
وشوي ويصيح
وعقب اتصل على واحد يطلع بنته من المدرسه عشان يقعد معنا
تصدقون حبيته << انهبلت
وتمنيت أنه سواقنا مب ذا البوذي اللي ذبحنا بشوفة نفسه
المهم بطريق الحديقه مرينا على مناظر تهبل سألناه عنها
قلنا أمس سواقنا مادار بنا هنا يقول مافيها شي
قال ماعنده سالفه
المهم دقينا على أهلنا بالفندق وقلنا لهم جهزوا شاهيكم فيه مكان تحفه
بنروح للحديقه وعقب نلحقكم
من زمان نفسي أشوف نهر عرضه صغير شاق
المكان نصفين بمكان أخضر
يوم وصلنا للحديقه قصينا التذاكر
والله ياهم دابلين السعر بشكل غير طبيعي
قصينا لنا بما يعادل 25 ريال للشخص
وسواقنا عشانه سيرلانكي بـريال واحد بس <<< أبوك يالتفرقه أجل 25 دبل
العام كان دخولها بـ12 ريال بس وكل سنه يرفعون الأسعار
خالو من باب الممازحه قال لهم حنا تبع التلفزيون MBC
عشان معنا اربع كاميرات ثنتين فوتوغرافي وثنتين فيديو
بس مامشت عليهم
ياليتها عاد تستاهل ...
أحسن مافيها ذا الورد المصفوف
الغريب عندهم قرود زي اللي عندنا << احلفي
طلعنا منها عقب مافرينا فيها بخمس دقايق يمكن
عكس حقت كاندي
ورجعنا على المكان اللي اتفقنا نقعد فيه عقب
وكان الطريق كله بقر باينه عليها آثار النعمه
ولا لقينا أهلي هناك وكملنا للفندق ولاهم توهم يطلعون
وحنا نوقف ...
سواقنا البوذي يوم جينا نحاسب التاكسي حقنا تكلم معه بالسيرلانكي
قلنا له وش قال لك
قال يقول زد عليهم بالسعر ... قال راعي التاكسي ماعليكم منه مريض <<< بعذري حبيته
المهم ركبنا مع سواقنا الغثيث
ورحنا للمكان اللي عند النهر
فرشنا فرشتنا وتقهوينا شاهينا
السواق اللي ركبنا معه قبل يقول ذا المكان لا تقربونه بالليل مايصلح
قلنا وراه قال كله يمتلي سكارى
جاء قارب وركبوا البزران وأبوي وخالو
حنا ماحرصنا عليه
يوم راحوا ويجي ذاك الفان ويلصقون عندنا ويوقفون
وينزلون جيش كانهم 25 واحد فهم شويه
ومغير طايرة عيونهم فينا هههههههه
وقسم حسبنا نفسنا تلفزيون من التصنيمه اللي جتهم
جو أهلي ماطولوا
وكملوها يوم بدوا يصلون العصر
كلن يشوفهم
وجا باص كبير كله اوربيين ووقفوا عندنا
وحده منهم رافعه الكام حقتها تبي تصورنا وماتبينا ندري عنها
شكلها تخاف نهوشها
وحنا كافشينها
خذت لنا لقطه على السريع يوم ماشافت مننا أي ردة فعل
كل اللي بالباص بدو يصورون <<< والله ياصرنا مشهورين
انبسطنا مرة الحمد لله ومارجعنا إلا عشان
البرد بدا يعمل عمايله فينا
رجعنا للفندق نجهز عفشنا عشان بكرة بنمشي عنها
ايه صح رحنا لسوقهم قبل الحديقه
وشرينا جاكيتات على 15 و20 ريال
الله يديم الرخص
توقعت الجزء الثاني بموضوع ثاني.. مجهود خرافي حسيت إني بسيريلانكا استمتعت بتصويرك وشرحك بجد تصوير روعه وخقيت مع اطارات الصور عطتها شكل ثاني
شكلهم مدرسة خاصة وصراحة فرحت بكلامك عن لبس المسلمات هناك
روعة الطريق مع الصف بالمليمتر
هونـــاس يازين القهوة مع كتاب واجلس قدام الشلال << ماتحب الشاي احلى صوووورة ليت السعودية كذا.. بس كيف محلات الملابس موجودة الماركات عندهم واسعارهم كيف؟ خلاص مانبي الماس منهم
.
<<< ابوك يالثقه 
ما غير سويتي زحمة لضيوف موضوع ـي 
...
وراسي أنواع الصداع 
والله معليش بس كيبوردي كان خربان ! 
وش عرفك أنتي
ترقبوا الجزء الثاني 
<< ابو الذوق على هالصبح
الوضع العادي
