نادي الهلال السعودي - شبكة الزعيم - الموقع الرسمي - ياللي تقول انك نمر قايد نمور@@جوك الرجال وصرت مثل النعامه ( قصيده )

- منتدى الجمهور الهلالي (http://vb.alhilal.com/forumdisplay.php?f=28)

ياللي تقول انك نمر قايد نمور@@جوك الرجال وصرت مثل النعامه ( قصيده )

بعد القضاء على البلوي بالضربه القاضيه تذكرت الملاكم المسلم نسيم حميد عندما يستمتع وهو يرى خصمه يستعرض مهاراته وعندما يتأكد انه بذل كل مافي وسعه ( صكه ببقس ) وجعله يترنح ارضا

وهذا ينطبق على بن حمدان عندما حاول وحاول وحاول القضاء على الهلال ولم يعلم انه سيقضي على نفسه

ياللي تقول انك نمر قايد نمور @@ جوك الرجال وصرت مثل النعامه
انا اشهد انك ماكل اليوم خابور @@ العبد وش له في مناغش عمامه

مقدمه لقصيده اتمنى ان تحوز على الرضى

بليا سلامه وامسك الباب مطرود@@رجالنا يالهيس جزوا رجولك
ويش انت يوم انك تجابه بن سعود@@والا مشيت بهرج من طبلوا لك
ذولا الى جت صكت العود بالعود@@ماعاد صارت في يدينك حلولك
لاتحسب انك يا اسود الريش مسنود@@ولاتحسب اللي ساكت مايطولك
كالون بابك كانه بيوم موصود@@جوا كسروه ألك بنتايج فعولك
قبر حفرته داخله صرت ملحود@@والحين وين اللي يبي يفزعوالك
الزمره اللي بنشرتك مالهم فود@@صاروا بهم وانت تحسبهم خيولك
وسعيد , رمزي ماتركوا اي مجهود@@تحزموا بك وبلشوا في حمولك
اذرف دموعك حلت ايامك السود@@وألبس عباة قياس عرضك وطولك
مسكين من خلا الامل فيك معقود@@ومسكين كل اللي تبعك بميولك
ضاعت امانيهم بصفقات وعقود@@خيبت امل من بالجهل صفقوالك
رجال الزعيم الى احتمى الموقف فهود@@يوم ان طولت الخطا وقفوالك
وقالوا بلارجعه مع الباب مطرود@@ولا عاد تاطى بالرياضه رجولك

صح لسانك يا البندر الأزرق

صح لسانك يا فهد الفهود
اظافة بسيطة تناسب الزمان والمكان والفيل الجربان
بيتين لسعد علوش مع تعديل طفيف:

يا الدب ذي دار الملوك السلاطين
شف نجد وتعرف اهلها من طويقه
وين انت رايح طرت وقع على وين
ما لك مفر من السباع المويقه

الزمره اللي بنشرتك مالهم فود@@صاروا بهم وانت تحسبهم خيولك

اذرف دموعك حلت ايامك السود@@وألبس عباة قياس عرضك وطولك

لا فض فوك

صح لسانك يا البندر الأزرق

يعطيك العافيه وبصراحه ابيات خياليه

فالك المليون ومافيك حيله وصح لسانك

ويش انت يوم انك تجابه بن سعود@@والا مشيت بهرج من طبلوا لك

تسلم يمينك يالغلا وفالك المليوووون

اجيز القصيده

صح لسانك .....

صح لسانك ياذيب

صح لسانك وكأني به يذرف الدمعة بعد تسديدة الظاهرة القاضية .......... على فكرة البلوي أرسل ناس منهم حسن جمجوم وأسعد عبدالكريم عشان يشفعون له عند نواف بن محمد ليتدخل ويطلب العفو من الأميرين المرعبين بندر بن محمد ومحمد بن فيصل

صــح لســـانك انا اشهد انك جبتها

وصفاً وتشبيهاً

قسم بالله شاااعر !!

يا قوّ المعاني اذا جت من قلب !!

سلمت يمينك يالمبدع !!

صح لسانك صح لسانك