السلام عليكم ورحمة الله وبركاته

كيف حالكم أعضاء المجلس العام خلاص الحين صرت منكم وفيكم وقريبا بنهي عقدي مع مجلس الجمهور واتكي هنا ليل ونهار واقرا مواضيعكم واتفاعل معاكم

مع وعدي لكم بمفآجأة تستحقونها قريبا

نبي نناقش غلاء المهور

وأحب أبداكم مع خبر أفرحني قرأت ذات مره وحدث كثيرا
" رجل سعودي يوافق على تزويج إبنته بريال واحد "

هذا الخبر يذكرني بشائب قبل عامين تقريبا طلعت معاه وانا نازل من مدينة أبها ايام دراستي الجامعية حكالي ذالك الشايب قصة لإبنته ويقول زوجها من ولد صديق عزيز علية بالرياض مقابل ريال .

يقول الشائب سنتين كاملة بنتي ماشكتلي من ذلك الشايب يقول كنت اظنها سعيده معاه يقول في يوم دقت علي الساعه وحده الفجر وقالتلي يبه تعال شيلني

يقول سألتها وش فية قالت تعال وبس !!

المهم والكلام للشايب راح وجلس مع بنته وقالتله يبه طلقني من هالرجال

يابنت الحلال اتق الله وش صار

قالت كل يوم يقولولي انت باعك ابوكي بريال وانا شريتك بريال ودائم يستفزني قدام اهلة

وكلام طويل عريض لامجال للحديث هنا عنه

المهم الرجال شال بنته معاه لأبها وزوجها بالدوام واتصل على أبوه وقالها تعال ابيك تجي
أبها ذحين

جا ابو الزوج ولما جا نادى الشايب بنته وقلها احكي لعمك وش قاعد يسوي ولده

بعد ماعطاه السالفه قال اسمع ياولدك يدفع 60 الف قيمة المهر زي بنات الجيران يارجال يطلق ( المهر عندنا ب40 الف بس عند ديرة الشايب ب60الف وكل ديره لها مهر )

يقول طلع من عندي ومارجع الا معاه ولده وفي يدة 60 الف ريال ويقول هذي الحادثة لها
ثلاث شهور كل اسأل بنتي كيف رجالك تقول تمام والحين يحترمني

إنتهت سالفة البنت والشاهد انني ضد تزويج البنت بريال وفي نفس الوقت ضد غلاء المهور الزائد


للنقاش معكم وهذا تشريف لي ان تردوا على مواضيعي

مارأيك في غلاء المهور وهل تؤيد تحديدها بشكل ميسر للشباب ؟

هل تقبل تزويج الشاب العاطل اذا كان ملتزم دينيا وعلى اخلاق عالية ؟

هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟

هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟

مساحة حرة أترك التعليق فيها لك او اذا اردت اضافة نقطة تضيف للموضوع فالخيار امامك

دمتم بود اخوكم

ابو عبدالله

إقتباس هل تقبل تزويج الشاب العاطل اذا كان ملتزم دينيا وعلى اخلاق عالية ؟

اقوله رح لسوريا واتزوج بـ 5000 ريال بنت محترمه وذات دين وجمال ازين لك من هنا.... الدعوه فحص وهجوله في هالمسشفيات انت ومرتك ومهر وقصر عرس وشهر عسل وقروض وديون وكوفيرا وصباحيه وكل خميس ودني لاهلي بشوف امي وعزايم ورسميات

إقتباس الرسالة الأصلية كتبت بواسطة ღهلابوليღ اقوله رح لسوريا واتزوج بـ 5000 ريال بنت محترمه وذات دين وجمال ازين لك من هنا.... الدعوه فحص وهجوله في هالمسشفيات انت ومرتك ومهر وقصر عرس وشهر عسل وقروض وديون وكوفيرا وصباحيه وكل خميس ودني لاهلي بشوف امي وعزايم ورسميات

هلا يالغالي لو تزوجت من سوريا دخلت بمشاكل التجنيس اللي مالها اول وتالي خليني بمشكلتي لاتجبلي مشاكل دولية

بالنسبة للفحص والكلام الفاضي ذا يارجال ماعقبوا شيء الا ومنعوه

وبالنسبة للسعوديات وطلباتهن خلني ساكت لاتطب علينا بنت من بنات المنتدى تبهذلنا

الا والله شغلاتهن شغلات مايقدر عليها آدمي شوي للسوق وشوي لأهلها تقل سواق

من غير الطلبات التعجيزيه اللي لو تنفذها تفتح محل اكسسورات وأزياء بالبيت

بسبب الزواج يالغالي صدقني هناك اشخاص اعرفهم مدينون بأموال قد تنتهي بهم للسجن ووقتها مرتك بتربي الولد وبيكبر وبيسألها ماما وين بابا وش بتجاوبه في السجن ماسدد أقساط مهري لجدك

والله ونعم بجدي سجن ابوي عشان الفلوس

إقتباس الرسالة الأصلية كتبت بواسطة ][the best][ وعليكم السلام ورحمة الله وبركـاته , . . . البنـات عرضة للزواج في كل وقت ! لكن التقدير يتضح بـ المهر ! وهذا ماخالفه ذاكـ ! لكـن بعد هروب من الظل ! وتاليف الشائعات ! . . لكن يبقى للمهر تقديره في رجاء ونطاق الزواج ! . . يعطيك العافية

يعافيك ونورت الموضوع يالغالي وجهة نظر محل تقدير واحترام مني

إقتباس الرسالة الأصلية كتبت بواسطة وليد القحطاني هلا اخوي انا بره في البر وع موبايلي والشباب ازعجوني لو رجعت البيت ابشر بالرد بررررب

نورت يالغالي والله يعين ومشكور على هالتواجد عسى البرد كان هين عليك

ماقدر اقول ولا ارد اكثر من قول الحبيب صلى الله عليه وسلم (( اكثر النساء بركه ايسرهن مؤونه))

إقتباس الرسالة الأصلية كتبت بواسطة ابونوف الهلالى ماقدر اقول ولا ارد اكثر من قول الحبيب صلى الله عليه وسلم (( اكثر النساء بركه ايسرهن مؤونه))

صلى الله علية وسلم

هلابك يالغالي ونورت الموضوع

مارأيك في غلاء المهور وهل تؤيد تحديدها بشكل ميسر للشباب ؟
المهور مب غاليه 50 ولا 60 وعساها تكفي ونادراً ماتصير المهور غاليه وبعدين كل شي غالي

هل تقبل تزويج الشاب العاطل اذا كان ملتزم دينيا وعلى اخلاق عالية ؟
لا ما أقبل وإذا تزوجته من وين نعيش

هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟
الناس يختلفوون فيه ناس مهورهم 20 وناس 70 وكل وحده ونصيبهاا

هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟
لااا ، وش قالوا لكم الحريم بضااعه كل واحد على حسب وظيفته

إقتباس الرسالة الأصلية كتبت بواسطة هلالية حرة مارأيك في غلاء المهور وهل تؤيد تحديدها بشكل ميسر للشباب ؟ المهور مب غاليه 50 ولا 60 وعساها تكفي ونادراً ماتصير المهور غاليه وبعدين كل شي غالي هل تقبل تزويج الشاب العاطل اذا كان ملتزم دينيا وعلى اخلاق عالية ؟ لا ما أقبل وإذا تزوجته من وين نعيش هل ترى أن في إنخفاض المهر انتقاص للمرأة اذا كان كل صديقتها مثلا مهورهن ب40 وهي ب20 الف ؟ الناس يختلفوون فيه ناس مهورهم 20 وناس 70 وكل وحده ونصيبهاا هل تؤيد تحديد المهر على حسب وظيفة الشاب فالدكتور مثلا تحدد له مهر والمعلم مهر يختلف عن الاخر ؟ لااا ، وش قالوا لكم الحريم بضااعه كل واحد على حسب وظيفته

بالعكس اختي الغالية وبعدين تكفي لأيش انا ابغا افهم تعالي انت مهرك مثلا 20 الف ريال بتحتاجين شيء ولا شيء زوجك بيوفرها لك اختي الغالية في حاجه عندنا لو هي عندكم بتموتين قهر

تدرين وشهي " حق السمية " يعني مع المهر 10 الالاف حق سمية البنت طيب وش دخلني في سميتها
انا بتزوج سميتها ولا بتزوجها هي

بقية العناصر وجهات نظر احترمها واقدرها وشكرا على المرور

إقتباس الرسالة الأصلية كتبت بواسطة algohmani بالعكس اختي الغالية وبعدين تكفي لأيش انا ابغا افهم تعالي انت مهرك مثلا 20 الف ريال بتحتاجين شيء ولا شيء زوجك بيوفرها لك اختي الغالية في حاجه عندنا لو هي عندكم بتموتين قهر تدرين وشهي " حق السمية " يعني مع المهر 10 الالاف حق سمية البنت طيب وش دخلني في سميتها انا بتزوج سميتها ولا بتزوجها هي بقية العناصر وجهات نظر احترمها واقدرها وشكرا على المرور

حنا ماعندنا "إذا أحتجت شي قلت له" هو بس يحط المهر وخلاااص وإذا بغيت شي من أبوي أقصد بالملكه ووقت الخطبه
وشي بعد السميه والله فكره بس من ياخذ الفلوس أنا ولا هي
وبعدين ترا رجال القصمان مدلعيين ياليت من حكهم بكم شووي وعندنا الزواج كامل الحريم والرجال على أهل البنت

إقتباس الرسالة الأصلية كتبت بواسطة هلالية حرة حنا ماعندنا "إذا أحتجت شي قلت له" هو بس يحط المهر وخلاااص وإذا بغيت شي من أبوي أقصد بالملكه ووقت الخطبه وشي بعد السميه والله فكره بس من ياخذ الفلوس أنا ولا هي وبعدين ترا رجال القصمان مدلعيين ياليت من حكهم بكم شووي وعندنا الزواج كامل الحريم والرجال على أهل البنت

بوقت الملكه والخطبه من حقك انك تطالبين باللي تبين من خطيبك بس مو بالشيء المبالغ فية

هذا عندكم تكاليف الزواج على أهل البنت وياليت يصير بعد عندنا

بالنسبة للسمية سميتكي مثلا انت سموكي على خالتكي مثلا خالتكي تاخذ العشره مو انتي

انت سميتك وحده كانت جاره لأهلك العشره تروح لها طيب وش رايك فيها انتظر ردك

عسا وضحت معاكي شغلة السمية

إقتباس الرسالة الأصلية كتبت بواسطة algohmani بوقت الملكه والخطبه من حقك انك تطالبين باللي تبين من خطيبك بس مو بالشيء المبالغ فية هذا عندكم تكاليف الزواج على أهل البنت وياليت يصير بعد عندنا بالنسبة للسمية سميتكي مثلا انت سموكي على خالتكي مثلا خالتكي تاخذ العشره مو انتي انت سميتك وحده كانت جاره لأهلك العشره تروح لها طيب وش رايك فيها انتظر ردك عسا وضحت معاكي شغلة السمية

وييييييييييييييييييييييييييييييييين والله لو أنه بيتزوجها هي تبطييي بس غريبه عندكم هالعاده أول مره اسمع فيهااا