|
اخاف من اللي حولي من العين والحسد .. وبديت الاحظ نتايجها.. انقذوني !!! السلام عليكم انا احد طلاب الثانوية الحمدلله انا من الطلبة المجتهدين واللي يقعد على الساعات على الكتب واللي يجيب احسن الدرجات واللي مصحصح علطول في الدروس لكن كل هذا كان العام الماضي في العام الماضي جبت افضل الدرجات وكنت افتخر فيها قدام الناس كلهم ( ولا حسبت حساب العين لاني غفلت عنها ) كان الاكثرية من زملائي في المدرسه يشوف درجاتي اسمع هالكلمات منهم ( اهب عليه .. اهيييب .. اووف .. صحح يا الدافور ) ما كنت احسب حساب لها ابدا لاني مثل ما قلت لكم كنت غافل عن شي اسمه عين او حسد في نفس السنه احد زملائي كانت تقاريره سيئه وكنت اسمعه من اللي حولي انه كان يتكلم عني بقهر ( لانه كان افضل مني في السنين الماضيه فأنقلب الوضع عليه في هالسنه بسبب اهماله) الان وفي هاذي السنه انقلب علي كل شي ما صرت اهتم ولا حتى 10% من اهتمام السنه الماضيه وصرت دائما اسرح في الدرس وانام وقت المذاكرة واجيب اسوأ الدرجات الين ما بديت اصحصح وبديت اشك انها عين او حسد قمت اكذب على زملائي بالدرجات وانزل درجاتي اكثر من نزولها من احد مواقفي اخذت في ماده درجة كامله ولله الحمد .... لكن احد الطلاب ( ومن اكثر الطلاب اللي شايل حقد عليهم ) واللي كانو يكررون الكلمات المأثورة في الأعلى باللون الاحمر لقيته يقرا كشوف احد المدرسين في الفصل اثناء غيابه وكنت انا الوحيد اللي ماخذ درجة كاملة وسمعت منه هالكلمة ( اهببب عليييك انت ماخذ درجة كامله ) فريدت عليه وقلت له : قل ماشاء الله . رد علي بنفس الكلمة : اهببب . وكررت عليه كل ما شاء الله اكثر من مره لكنه اصر على كلمته (وتذكرت وضعي وقلت يمكنه احد الاشخاص اللي سببلي هالمشكلة فجن جنوني وانا من الناس اللي ما يمسك اعصابه ) قمت وضربته ضربته ضربته لدرجة اني ضربته بالكرسي اكثر من مره وحصل معاه نزيف في الانف وانقطعت شفاته ورضات في يده ولدرجة اني لقيت اثر من دمه في ثوبي صرت الان في حاله نفسيه صعبه وقمت اشك في كل اللي حولي واتهاوش معاهم حتى اقرب الناس لي انا عارف اني طولت عليكم لكن كان ودي انكم تعرفون معاناتي شوي انا ابغا اعرف الادعيه اللي احصن فيها نفسي من العين والحسد والله يجزاكم الف خير |
الامر سهل جدا اولا تذكر ان الله احق ان تخشاه منهم ثانيا حافظ على الصلوات في جماعه ثالثا اذكار الصباح والمساء رابعا اقرأ في النوم نصف حزب وبالاخير قبل ماتنام توتر وتقنت في الوتر وتدعي الله ان يحفظك ويحميك وان شاء الله الله يوفقك فالله خيرا حافظا حدثنا أحمد بن محمد بن موسى أخبرنا عبد الله بن المبارك أخبرنا ليث بن سعد وابن لهيعة عن قيس بن الحجاج قال ح وحدثنا عبد الله بن عبد الرحمن أخبرنا أبو الوليد حدثنا ليث بن سعد حدثني قيس بن الحجاج المعنى واحد عن حنش الصنعاني عن بن عباس قال كنت خلف رسول الله صلى الله عليه وسلم : (يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك ولو اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف قال هذا حديث حسن صحيح). قال الترمذي : حسن صحيح هذا والله اعلم |
أحسن كتاب لك وللزمن هو (( حصن المسلم )) |
إقتباس:
السلام عليكم ورحمة الله وبركاته بعد رد أخوي الأستاذ فلاح ماأتوقع أحد رايح يضيف شي جديد فقد أتى بكل شي فجزاه الله خيراً ونفع به الإسلام والمسلمين أما أنت فما أملك إلا أن أدعو الله لك ولنا بالحفظ والصون وأن يشرح صدرك وييسر أمرك ويقيك من كل حاسد وحاقد اللهم من أراد بأخينا هلهول بسوء فأشغله في نفسه واجعل كيده في نحره من كل من يحسده وتقبل مروري ولك خالص الحب |
قبل ماتطلع من البيت وأنت رآيح للمدرسه أقرأ الأذكآر وان شاءالله مايصيبك شي ولا اذا تبغى طريقه ثانيه .. روح كلم أحد الطلاب اللي تثق فيهم وتثق ان الكلام اللي بتقوله ماراح يطلع منه ,, اشرح له وضعك وأعطه علبة مويه وخليه يمررها ع الطلاب وكل وآحد يقرأ المعوذات وآية الكرسي وينفث فيها .. بعدين خذها البيت واغسل نفسك بهالمويه وان شاءالله ترجع مثل أول اذا كآن الشخص اللي عطآك العين من فصلك هذي السنه ,, بالتوفيق أخوي والله لايضرك بدرآسك ماشاءالله تبارك الله.. مع التـ ح ــيه |
ارجوا التواصل عن طريق الرسائل الخاصة ممكن أفيدك |
| الوقت المعتمد في المنتدى بتوقيت جرينتش +3.
الوقت الان » 09:03 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd