|
أعطني ( النقشبندي ) وأرمني في البحر ..؟؟ ما صدقنا وارتحنا من ( البخاري ) نبيل نقشبندي ... يوم راح للأوربيت ؟؟؟؟ وقلنا يالله قناة وحدة ( ما يخالف ) الشكوى لله ؟؟؟؟؟ لكن يطلعنا البارح على قناتين ( LBC و السعودية الأولى والثانية ) ؟؟؟؟؟؟؟؟؟؟؟؟؟؟؟؟ والمشكلة إن اللي شافوا المباراة على السعودية ( الفضائية ) كان النقشبندي يسوي دعايات للقناة اللبنانية ؟؟؟؟؟؟؟ يلعن أبو الواسطات ياشيخ ؟؟؟؟؟؟؟؟؟؟؟؟؟؟؟؟؟ الـ LBC قلنا ما يخالف يمكن متواعدين معه من زمان أو يمكن الأوربت زاتته عليهم لأنها اشترت حقوق النقل من الأوربت .. لكن برضه يجي ويعلق على السعودية ليييييييييييييشششششششش ؟؟؟؟؟؟؟؟؟ وين البكر و الرمضان والعدوان وتركي الجابر أو الفايز أو صدقه على الأقل ؟؟؟؟؟؟ ياناس عطوني النقشبندي وبعدها أضمن لكم كل اللي تبون ( أنواع الواسطات ) ؟؟؟؟ |
أخي الفارس الأبيض آمل منك عدم المبالغة في النقد ووالله إن نبيل نقشبندي من أروع المعلقين المحليين والا معجبك تركي الجابر أو العجلان وغيرهم من اللي يوجعون الراس ويسببون صداع |
اصلا التلفزيون السعودي ينقل المباراة من LBC والدليل عدم توافق الصوت مع الصورة |
اخوي الفارس معليش انا اخالفك الرأي الصراحة نقشبندي يعتبر من اروع المعلقين الحاليين وهو امتداد لجيل العمالقة ابتداء بمحمد رمضان ومحمد البكر ومرورا بناصرالاحمد وابراهيم الجابر ............معليش اخوي الضاهران اسمه ما هو معجبك لكن تعليقه روعة .......وخسارة تركه للتلفزيون السعودي ما بقى الا حقين الخيول الله يعينا عليهم .............................. ولك تحياتي ............................................. |
ايه والله نقشبندي ارحم من العجلان وطقته |
صح افضل منهم ولكن ليس بالمستوى المطلوب ... وشكرا |
يا ناس النقشبندي هو نسيب العم زاهد وهذا هو السر في احتكاره للتعليق .. بالله عليكم وين البكر ؟؟ ليش ما خلوه يعلق على السعودية ؟؟؟ |
خوش نسيب ؟؟ الفارس الابيض هلا وسهلا .. بالفعل هذا (( النقش بندي )) ليس لديه غير العويل والصراخ وكأنه يبي يخترع نوع جديد من التعليق بعدين تراه موهم نفسه انه مطلوب عند الجماهير وادرى انه علتس ماينفع ولا بزوليه من (( بخارستان )) ياليت بعد اخو فارس تتدلني على عنوانه عندي (( عجراء )) طيبه تريحنا منه ومن عويله بعدين اللي اعرفه مثل ماقلت اخوي الفارس راح لأوربيت وش رجعه رجعت حنوتسه بلى ... ياناس حتى الان المعلقين الرائعين محرومين منهم والسبه وجه (( اللي )) زاهد قدسي قاعد يسوي تجارب عليهم لزوم تحسين الصوت لا والتجارب اللي قاعد يسويها انه لازم اي معلق ياخذ(( شفطتين )) في شيشته عشان يعطيك صوت مميز واسألو نقش عنها لاتنسون اللي جاب لنا هذا النقش هو مدير القناة الثانيه اللي يصير عم نقش بندي ماخذ بنته الاخ وهذا سبب العله اللي حنا فيها .. |
مع تقديرس واحترامي لكل المشاركين في هذا المنتدى اسمحوا لي أن أقول دون أن أنتقص رأيا لأحد : لا لا لا لا لا لا لا النقشنبندي لايستحق هذا الهجوم أبدا فهو مدرسة مستقلّة في التعليق الرياضي مثقف منصف معتدل فصيح حاضر البديهة غير متكلف فهو من المعلقين السعوديين القلائل الذين يستحقون الجلوس خلف المايكرفون الرياضي تحسرنا كثيرا لخبر انتقاله ولكن هذا تقدير له يستحقه يعيبه فقط عدم ضبط إعراب المثنى أتمنى أن يراجع هذه المسألة حتى تكتمل كل العناصر مع أصدق التمنيات له بالتوفيق؛يصنف في فئة البكر / الرمضان/ الأحمد مع الفوارق بينهم 0 ظلم له ان يقارن بالعدوان أو الجابرين إبراهيم وتركي أو الفايز أو صدقة أو اليامي أو أو أو 00 فهولاء يفتقدون الكثير من أبجديات التعليق الرياضي وفرضوا على المشاهد فرضا أو أنه لايوجد غيرهم بالأحرى 00 لكن لا نظلم النقشبندي وسامحونا |
السلام عليكم جميعا اول شيء حبيت اشارك في الموضوع وأدلي بدلوي التعليق يا ناس ثقافة قبل ان يكون صوت و موهبة المعلق يجب ان يكون مثقف رياضيا المعلق يجب ان يكون مثقف لغويــا يجب ان يكون لبق المنطق والكلام المعلق يجب ان يكون مهذب أخلاقيا ( يعني لسانه مهذب ) وبعد كذا يكون صوته حلو وجذاب وحماسي بصراحة شديدة لا يوجد في السعودية لدينا من يملك جميع تلك المواصفات سوى ناصر الأحمد فقط مع احترامي للبقية طبعا لدينا ابراهيم الجابر ومحمد البكر لكن أقل مستوى من ناصر الأحمد بعد كذا يجون البقية مثل محمد رمضان ونبيل نقشبندي ومحمد الفايز وغيرهم لكن اللي ما ادري كيف صاروا معلقين اللي هم تركي الجابر والعجلان . فلا لباقة في الحديث ولا حسن صوت ولا تفاعل وحماس فهم بعيدين كل البعد عن مواصفات المعلق الناجح مع احترامي الشديد لشخصيهما . وفي النهاية أقول ان نبيل نقشبندي خسارة ذهابه للأوربيت ليس بسبب أنه ذاك المبدع لكن عشان يفكنا من هالاثنين في الختام اتمنى اني اكون اصبت في رأيي وشكرا |
والله انه علللللللللللة |
والله انه حليل ماهو بشين |
والله ان النقشبندي من افضل المعلقين الرياضيين رضيت ام ابيت ... واكبر دليل على تميزه اختيار الاوبت له .. وتعليقه على المباريات العالمية .. واختياره لتعليق المباراة النهائية في كوبا اميركا من قبل لجنة المعلقين العرب ... ام أن العجلان صاحب الكلمات المتقاطعة عاجبك :confused: :confused: ... يا اخي قل السبب الحقيقي وراء كرهك لهذا المعلق وهو لانه حضري ... واترك الافتراءات والتعصب العرقي .. فهذا المنتدى يدخله الكثير ممن تندقدهم ... |
مووووووضووووووووووع عنصررررررررررررررررري بحت نقشبندي أفضل معلق في الساحه بدون اي جدال |
كلا مك صحيح المعلق واسطته قوية والدليل انه حتى اسماء الاعبين موعارفهم مره يقول ناصر التمياط يقصد الجوهر ومره يقول ابراهيم الجوهر بقصد ماطر ومرة يقول عبد الله الدعيع وش هالمعلقين |
| الوقت المعتمد في المنتدى بتوقيت جرينتش +3.
الوقت الان » 02:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd