ماله داعي يرسل كبش والعدو اصلا ماعنده سور !

بعدين ترى العدو عنده مقلاع ناري , يعني هل صاحبك عارف شقااعد يسوي ؟

اسئل طال عمرك

إقتباس ماله داعي يرسل كبش والعدو اصلا ماعنده سور ! بعدين ترى العدو عنده مقلاع ناري , يعني هل صاحبك عارف شقااعد يسوي ؟

اول شي على طاري غرفة الكنز ابي اعرف وش الزبده يعني وش الفايده اللي تبي تجيني ان بنيتها

انا قريت في الموقع الانجليزي عنها وانك لازم تهدمها بعدين ترسل جيشك هجوم عادي وانها تخزن فيها الكنوز اللي بقريتك

ابي اعرف هل لها فايده فعليه ولا انك تعبي مكان فاضي

وعلى طاري خويي ههههههههه

ذا اللي هجم عليه خويي مهبل فيه يعني كل شوي يهجم عليه

وخويي منقهر منه ويبي ينتقم تقدر تقول

وذي مهيب اول مره اصلا يذبح جنود كذا لانه ما شاء الله يطلع غيرهم علطول

هو يستمتع بالهجوم وعدد السكان ما يهمه

وعلى طاري ليه ارسل محطمة الابواب وانت قلت ان ما عنده سور ...

شلون ما عنده ؟؟؟

اكيد عنده سور بس هذاك مطور السور حقه كذا ما تأثر من هجمه وحده ..

وذاك عنده مقلاع تبي تقولي انه يبي يردها له ما يقدر اصلا لان خويي ناوي يصبح ويمسي عليه بهجوم ولو ذاك مثل ما تتوقع يبي يردها ما كان اخذ تعزيز من الحلف حقه

وابي اقولك شي ترا اللي معي بالحلف مسوي كل ذا بلحاله يعني لو دخلنا معه حنا يبي يروح فيها ذاك

طبعا شروطها ياطويل العمر ان يكون المبنى الرئيسي عندك على المستوى العاشر وطبعا ماتكون عندك معجزة العالم ولا تقدر تبنيه في العاصمة

طبعا هذا المبنى فيه ذهب القرية كله , واذا وصلت غرفة الكنز الى المستوى العاشر راح يكون فيه غرفة مخصصة للكنز , اذا تبي تحصل على الكنز لازم تاخذه من واحد حاصل عليه , عن طريق تدمير غرفة الكنز عن طريق المقلاع بعدين ترسل جيش في هجوم كامل ولازم يكون ناجح ( يعني جندي واحد على الاقل يبقى عايش في النهاية )

الجيش الي بترسله علشان الكنز لازم يكون طالع من القرية حقتك الي فيه غرفة الكنز على المستوى العاشر

الكنوز هذي راح تطلع في اوقات معينة وراح تعطي الي يملكها ميزة خاصة

في كنوز تقوي المباني وفي كنوز تخلي التجار يشيلون ضعف الكمية و في كنوز تخلي جنودك بسرعة مضاعفة و كنوز تخلي جنودك يصرفون نصف القمح الي كانوا يصرفونه قبل الكنز , يعني الي يستهلك 4 قمح في السالعة يصير يستهلك 2 قمح

الاهم من كل هذا هو الكنز الي اسمه تعليمات البناء وهو 9 كنوز بس وهي الي تحتاجه علشان تبني معجزة العالم

عادي تجي , حتى لو سكانه 2000 يمكن يحس انه ماله فايدة

صدقني لو هو موجود حتى لو فشل المهاجم انه يهدم شي من السور بتشوف مكتوب له سور المدينة خفض من المستوى 15 الى المستوى 15 ( ماتغير شي يعني )

بعدين الكبش و المقلاع لو ترسلها هجوم نهب مايسوون شي , لا المقلاع يرمي ولا الكبش يكسر

تعال يمكن صاحبك مرسل هجوم نهب وعلشان كذا ما سوى شي الكبش

ماعنده سور , لو عنده سور كان شفت مكتوب له في المعركة حاجز المدينة خفض الى المستوى الفلاني بحكم ان صاحبك مرسل 6 كبش

بعدين صاحب المقلاع يقدر يرجع صاحبك عشر سنين ورى لو ارسل المقلاع مع كم جندي , بس الظاهر ماعنده الا مقلاع واحد وخايف يرسله ويخسره , راح يخسره في كل الحالتين سواء ارسله او خلاه لان صاحبك بيهجم عليه اكيد

اعتقد ان نقطة التجمع عنده مستواها نازل مرة وهذا الي يخلي التصويب سيئ وعليه ما حب يرسله وحب يطور النقطة اول شي