سلام
هلا عبد الوهاب وجميع الشباب والشابات
ولا أنسى الشيّاب >> ما يقصد أحد
المهم بالنسبة لموضوعك أخوي عبد الوهاب .
أعتقد ن الزحمة إذا ماكانت في الرياض وين تبغاها تكون .
ألا تعرف ان هذه هي العاصمة ؟؟؟
قبل ما أغوص بالنقاش
ودي أسأل يا عبد الوهاب وش دخّل فتح أماكن ترفيهية بالرياض بأوقات الزحمة بالصبح .
لا يكون حنا نروح للدوامات وأنت تتطلع تتزلج عل الجليد
المهم الحلول للزحمة الموجودة ف الرياض سهلة بل وبسيطة جداً جداً
يعني هل في مرة من المرات شفت طريق الشرقية بعد مخرج 8 إلى كوبري الفحص فيه زحمه الصباح ؟؟
ليش لأن ما فيه شيء تجبر الناس تروح لهذاك الشارع إلا اللي بيروح للشرقية والا بيروح لمقاهي الفحص .
ليش ما تكون الجوازات هناك ؟؟
منها نخفف الزحمة عن طريق الملك فهد شوي من المعقبين
ومنها أسرع للي بيروح للبحرين صاكة نفسه من الزحمة يقص جواز ويمسك الطريق
لا من جد أتكلم .
إدارة الجوازات وامامها مكتب العمل .
وكلاهما زحمة والأدهى أنه لا يوجد مواقف لهذين الدائرتين . وبجانبهما وزارة الداخلية .
بالله ألا تريد أن تكون هناك زحمة في طريق الملك فهد ؟؟؟
والأدهى انهم الوحيدات في الرياض ؟؟
طيب ضع الجوازات في شرق الرياض .
وضع مكتب العمل في جنوب الرياض .
وضع مكتب الإستقدام في شمال الرياض .
ووزع الإدارات .
منها تنعش النشاط الإقتصادي في جميع الأحياء .
ومنها تفك الزحمة .
وإلا أقولك يا عبد الوهاب العنقري
خلها مثل ما هي
خلنا نغني زحمة يا دنيا زحمة .
إجازات وأعذار .
يعني تتأخر عن الدوام وأنت صاكها نومة ويقولك مديرك ليش تأخرت تقول زحمه
أهلك يقولون ودنا للمول الفلاني تقول زحمه
واحد من أخوياك يعزمك وأنت ما ودك تروح تقوله أنا بنص الطريق وزحمه وما أظن يمديني
وخذ من الأعذار الحلوة .
باي يا عبد الوهاب زحمه
احنا ضيوف عليكم 
.
الوضع العادي
