رمز النثر وولده وخالد بن طلال - نادي الهلال السعودي - شبكة الزعيم

اوضاخ · #1 07/02/2002, 02:15 AM

سلام عليكم
انا والله ابي اسال سؤال واحد عبدالرحمن بن سعود رئيس نادي النصر في كل لقاء وفي كل تصريح يبدا يتكلم على الهلال تلقا المذيع او الصحفي يساله عن النصر يرد عن نادي الهلال وتذكرون اللي ساله عن خالد قهوجي وتسحيباته في دفاع النصر رد عليه ومحمد العبدلي وتسحيباته في دفاع الهلال وش دخل الهلال ولاالقطري اللي قاله ان عقليته من القرن الخامس الميلادي ولازم يعدل نفسه وش رد عليه قال انا اعرف اللي يديرونك من الهلاليين وش دخلا الهلال في السالفه كلها لكن الاشكال هذي لازم توقف عند حدها والمشكله في ادارتنا ماترد عليه ابد ليش مسوين مثاليين وش فادتنا به المثاليه وحنا نطلع من بطوله بعد الثانيه والسبب نطيحه ومترديه من تحكيم الى اتحاد الى ماشابه ذلك من الامور

شباب هذا الانسان لازم يوقف عند حده الاشكال هذي مايردها الا الذل ولا تذكرون خالد بن طلال لما كلم جحا في mbcfm يوم يقوله انت سبيتني والوعد عند الامير سلمان وش قال جحا قام يخرخر وجته ام الركب
طيب ليش مانسوي مثل خالد بن طلال ونرد عليه والله مايقدر يتكلم علينا هو وولده اللي جاية ترفدبه ليش ماشكينا ولده للشرع بعد مااتهمنا بالرشوه في البطوله العربيه وبطوله النخبه ليش مافيه شرع عندنا شرط لو شكوه لناخذ حقنا ومايقدر يتكلم ابد ولا ادارة الهلال صوره بس بس اسم اداره اللاعبين في المنتخب 10 طيب ليش نسدد مرتبات ومقدمات عقود ولا مالها لسان ترد ومالها فعل تدافع به عن نفسها وقوم جحا كل يوم مهاجمينا لين نفرو منا الحكام والاتحاد واخرهم عثمان السعد والمشكله انهم هم ماسلمو من الاشكال هذي (يعني بقعا وفيها منه)يحاربون الهلال عشان يرضونهم ومافيه فايده
ارجو من ادارة زعيم اسيا الهلال انها تعمل اشياء عمليه لصالح الهلال ولا تستقيل الله لايهينها وتجي ادارة ثانيه تعمل للهلال

واخير اسف على الاطاله والسلام

اخوكم اوضاخ

درعاوي · #2 07/02/2002, 02:48 AM

في البدايه احييك اخوي اوضاخ صدقني حتى لو شكوه هو مدعوم من فوق وهم يبون كذا علشان العالم تلهى به ،،،،، واحب اذكرك اخوي مشكلته مع القهوجي في عمارة في الشرقية وارسلت للداخلية وحفظت المعاملة
سلام

اوضاخ · #3 07/02/2002, 02:53 AM

مشكور اخوي درعاوي بس اقولك انا ماني رايح اشكيهم الله يكفينا شرهم بس يشكيهم واحد من امارانا او يهددهم او يقولهم انا ماحنا بالجدار القصير حنا الازرق والازرق غني برجاله اللي فوقهم وفوق اللي معهم فاهمني

m_shlhoob · #4 07/02/2002, 10:47 AM

ما لكم الا
الامير خالدبن طلال
والا صالح النعيمه
هم اللي يعرفون يسكتون بابا فرحان

عـــاشق المــوج · #5 07/02/2002, 11:32 AM

إتقوا شر ما قرب من الأرض
وشكراً.....

مجنون بالأزرق · #6 07/02/2002, 11:27 PM

يا m_shlhoob
حلوه بابا فرحان