|
وربي الادارة فيها بلى ؟؟ من يوم جتهم الدراهم ماخلوا احد الا ونطلوا الدراهم عليه يحسبونها جايه من فراغ الصراحة الصراحة المفروض موبايلي تتكفل بإدارة نادي الهلال قسما كان هوساوي جايبينه بـ 20 مليون انهم رايحين فيها معقولة ادارة نادي الهلال المعروف عنها بالقوة والادارة الاستراتيجيه يحطون هالمبلغ على هوساوي؟؟ ياعمي اكبر حد ياصله هوساوي 8 مليون وكثيره عليه بعد والله ان شباب الهلال فيهم ناس اطلق من هوساوي عشرين الف مره لكن وش نقول ؟؟ تخبط اداري الله يكفينا شره |
يا جماعة من صدقكم تقارنوووون المرشدي بهوساااوي ... هذا لاعب منتخب واللعب رقم 1 بخط الدفاع بالمملكة حاليا .. والثاني الحسن اليامي منفرد من نص الملعب وأبو مرشدي كاسر التسلل من الدااائرة !!!!! هوساوي .. بنية قوووية لعب رجولي والتحامات وضربات رأس ... والثاني ما يعرف يضبط مصيدة التسلل إلى الحين ويوم يتمرن وعشرة لا .. يا جماعة كبروا عقولكم وخلو الكلام الفاضي ... هوساوي أتوقع راح يجي ب15 مليووون .. حلوة ليش لا .. خصوصا إن المبلغ لنادي الوحدة راح يكووون ثلاثة أرباعه .. أسامة راح ينتهي عقده مع ناديه السنة القادمة وإن انتظرنا راح ناخذه بـ5أو6 مليون .. لأنه يحق له الإنتقال وبدووون أي ريال للوحدة ولكن مين يصبرنا للسنة الجاية كلام سليم |
مقلب كبير في نادي كبير !! ان صحت اخبار مفاوضات الامير محمد بن فيصل للوحداويين من اجل انتقال هوساوي للهلال بملغ 22 مليون ريال ..فوالله العظيم ان هذه الصفقه راح تكون مقلب كبير ......... يازعماء .. ياعقلاء ... صح ان هوساوي لا عب في المنتخب ... بس ترى ماهو لاعب ممكن يشيل الدفاع او يكون له ثقل كبير في الدفاع .. والله ان مافيه اسهل من سحبته .. وقولوا قالها نواف ....... ياليت الاداره تستثمر مبلغ بسيط في كشافين في المنطقه الغربيه بالذات .. والله في اقل من 6 شهور يطلعون عشرات اللاعبين مثل مستوى هوساوي وافضل بعد ....... والله حواري الطائف ومكه وجده مليانه مثله... والله 22 مليون حرااااااااااام فيه ............على الاقل ما دام عند الاداره فلوس زايده تشتري عقد تفاريس ونستفيد منه لين يعتزل ....... افضل 22 مليون مره من شراء هوساوي !!! |
والله قهر مايستاهل ولاربع المبلغ لو يشترون عقد تفاريس في هالمبلغ أفضل |
والله انا راي من رايك والله حرااااااااااااااااااااااااااااااام تفاريز يرحل من الهلال |
ياعمي والله اني من اول ماقريتها قلت اذا الادارة الهلاليه راح تتعاقد مع هوساوي في هالمبلغ اشهد بالله ان الادارة فيها بلى معقولة الادارة الهلاليه المشهورة بالقوة والاستراتيجيه والتفكير الرائع يجي منها هالتصرف الا ياعمي قول شافوا الدراهم من موبايلي وقاموا يبعثرونها يمين ويسار يحسبونها جايه من فراغ والله انه صدق الفوزان يوم قال : ( اخاف الادارة الهلاليه تطلب الحصة المالية لعام 2008 قبل انتهاء 2007 ) ياعمي والله هوساوي اكبر حد ياصل له 8 مليون وكثيره عليه والله ان المفرج ارحم منه اذا صار هذا سعره وغير كذا اللي يقهرني ان شباب الهلال فيهم ناس وربي مبدعين الف مره من هوساوي لكن وش تقول تخبط اداري وفشل اداري من الدرجة الاولى المفروض موبايلي يضعون مدير استراتيجي في الادارة الهلاليه يكون مؤهل بالموافقه او الرفض على العقود والتفكير بعقود تؤهل الى الارتقاء بالنادي مهب 20 مليون هههههههههههههههههههههههههههههههههههه ياعمي خلاص الادارة شكلها تبي تجيب فينا العيد الظاهر انها شماتتنا بإدارة النصر اللهم لاشماته الله لايبلانا ولا يبتلينا |
الصراحة بنيته الجسمانية ضعيفه وتفاريس بالاولوية |
إقتباس:
والله ما الومك على هذا الانفعال من جد شي يقهر . |
هذا الموضوع الألف اللي يتكلم عن هذه الجزئية طيب لنفرض جدلا أن تفاريس لم يجدد عقده بسبب رفض ناديه ... وإدارة نادي الوحدة تريد 20 مليون ... أنت كهلالي ماذا تفضل ؟ نترك خانة تفاريس فارغة ؟ ونبلل الـ 20 مليون ونشرب مويتها ؟ وبعدها بنطلع مرة ثانية نقول .......... وين راحت فلوس موبايلي !!! بكل صراحة وضع الجمهور الهلالي غريب وصرنا نخطئ أكثر من إدارتنا ... نعاتب الإدارة الهلاليه على أنها ما تعاقدت مع لاعبين في منطقة الدفاع ... ولما اقترب النادي من التعاقد مع مدافعين قلنا السعر في مغالاة ... احنا كجمهور وش علينا في مصروفات النادي ؟؟؟ ما دام اللاعب المفيد بيجي .... خلاص وش نبي أكثر ؟ وضعنا الآن مشابه تماما لتعامل الجمهور النصراوي مع ناديه ... وأقسم باللذي لا إله إلا هو أن من أهم أسباب تدهور النصر هو تدخلات جمهوره في كل شارده ووارده بالنادي أنا كمشجع هلالي ألوم الإدارة الهلاليه لأنها حتى الآن لم تجلب لاعب في منقطة الدفاع وأثني على توجهها في التعاقد مع الهوساوي أو غيره |
وربي مايستاهل هالمبلغ |
ان كان عند الادارة فلوس زايدة ولاتدري وين تحطها وتبي تجيب اي لاعب دولي وبس تفاريس والله يستاهل وافضل من هوساوي بكثير هوساوي حده 8 مليون وتخب بعد والله قهر يجي بهالمبلغ عمره ماجا |
المبلــــغ مبالغ فيه جدا جدا ومايستحقـــــــــــــــــــــــه بــــس الهـــــــــلال يحتـــــاجـــــــــه وعليــــــه أن يدفـــــــع..!!! |
والله ميستاهل نص هالمبلغ ونعطي تفاريز احسن ونشري بطنقته الدوليه وعلى مايقول احد الأخوان انه مع المنتخب هذا الحارثي مع المنتخب بعد |
اتمنى ماتكون صفقه فاشله اذا ابدع يستاهل واذ كان غير ذالك فالاعب تفاريس احق في هذا المبلغ لانه لاعب معروف وصعب التفريط في لاعب مثل تفاريس لاني احس انه يلعب وانه ولد نشيط على كل حال الله يوفق الزعيم اختكم محبة الزعيم حبر العيون |
إقتباس:
لا ما نباه ... الدنيا مليانه مدافين بأقل من هذاالمبلغ بكثير وافضل مستوى . |
| الوقت المعتمد في المنتدى بتوقيت جرينتش +3.
الوقت الان » 04:29 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd