أكرهـ الشتاء،، - صفحة رقم 3 - نادي الهلال السعودي - شبكة الزعيم

LBa your heart · #31 11/11/2007, 09:03 AM

واللي يرحم والديك حبي الشتاء .

يبي لك من ينطلك بالبر بهالبرد بدون خيمة وبدون حطب عشان تكرهينه من قلب.
يالبيه بس يالشتاء شبة النار والقهوه والشاهي.
مو حر وقلق وقرف منبطح عند هالمكيفات وكل شوي ماخذ لي دش

بريماكس · #32 11/11/2007, 09:40 AM

هلا فيك اختي ( حتى ظلالي هلالي )

يااااالله .. عكسي بالتمام انتي !

انا بحب الشتاء كتييير كتييير
واكره الصيف كرره كتييير

الشتاء والله حلو ، طبعا اتكلم عنا نحن يامعشر الشباب ، لحد
الظهر دراسه وبعد الدراسه تطلع للبر طعوس ووناسه

وبالليل شب النار ، وسعة البال ، مو زي الصيف يادافع البلاء
طول النهار حر ، والليل قصير ، يطير بسرعه !

اما انتن مافيه فرق عندكن بين الشتاء والصيف

تدرين ليش؟
لان عمركن بالبيت

،

إقتباس

الرسالة الأصلية كتبت بواسطة حتى ظلالي هلالي


	أنت اكيد مب طافي عندك الكهرب بما انك ساكن بالرياض يالبى قلبة بس ,, مب عندي بالقصيم الله من الدجه

افا وش فيه القصيم ؟

بالعكس حلوه بالاخير والله ..
بس الظاهر انتس ساكنه بقريه تبعد عن المدينه 100 كم

وعلى كذا يطفي عندكم وكل القرى كذا معروف !

ثانكس عالموضوع وتقبلي مروري ،

روح 10الشلهوب · #33 11/11/2007, 10:36 AM

تابعت الردود بعد قراءت الموضوع واستنتجت مايلي :

صاحبت الموضوع تكره البرد بسب خوفها من الظلام !! ولا ادري وش الرابط بين البرد والظلام !!

اذا كان المطر يتسبب في فصل الكهرب فهذا مشكله شركه الكهرب ماهي مشكله المطر والبرد !!

اما الاخوات الذين ردوا على الموضوع فهم يحبون البرد بسب الخروج الى البر والسوالف والجلسه عند النار وشرب الشاهي !!

يعني كأنهم مايثرثرون في الصيف تحت المكيف وهم يشربون عصير !!

كلن على همه سرى !!

بالنسبه لي انا احب كل فصول السنه ولا افرق بينهم واعتبرهم مثل زوجاتي <<<<<<< عليك تشبيه !!

بس الشتاء له طعم ثاني ...ى من المر !!

الكلاسيكي · #34 11/11/2007, 11:08 AM

هلا فيك اختي حتى ظلالي هلالي ..

خاطره جميله .. وبوح رائع ..

اما عن فصل الشتاء .. فصلي المفضل ..
لامور كثيره .. اهمها اننا نفتك من حر الرياض في عز الزحمه ..

والشي الثاني كثر الامطار ..وان الربيع قريب منه ..

تقبلي كل التقدير .. دمتي بخير

G o L d E s T · #35 11/11/2007, 12:15 PM

أشوف الغالبية من عشاق الشتاء

انا والله أحب الصيف بس مشكلة الصيف اذا كان فيه دوام

أزين ما بالصيف ما فيه شي تنحرم منه واذا كانت اجازة لا تطلع بالنهار أبد

الشتاء ممتاز للطلعات والدوام تروح له ونفسيتك ممتازة

لكن اذا كنت ذالع لمشوار بالليل ودخلت البيت وش اللي بيدفيك

تقعد نص ساعة متغطي ببطانية ومقابل الدفاية عشان تدفى

عموما أشوف ان نهار الشتاء أفضل شي بعده ليل الصيف

أما ليل الشتاء و نهار الصيف كل واحد أشين من الثاني

Bojan Krkic · #36 11/11/2007, 02:47 PM

لا والله انا احب الشتاء امطار وكشتات وفله والمشب والزنجبيل والحركات

اما الصيف حر وخيااااس لا وزحمه بعد

تقبلي مرووري

حتى ظلالي هلالي · #37 11/11/2007, 03:03 PM

ابو طـــــلال<<تصدق ان الدخان اللي يطلع من الفم (أفلل) شي

abo sager<<عادي سجل اعجابك ما أقول شي

أنت لاتاخذ على الردود خذ على أول الموضوع

كلي هلالي<<على ايدك اذا بتنطل بي عشان يطلع هالخوف اللي بي عاد أنا ماأحب المطاعس والاشياء ذي ابدا

بريماكس!!<< صادق تفرق معكم لان انتم ماشاء الله 24 ساعه بالبر أما حنا بالمناسبات نطلع

وبعدين أي قرية أنا هالحين اقالي بــ (محافظه) تبعد عن بريدة العاصمه تقريبا 40 كيلو بس

G o L d E s T<<اخيرا فيه احد ايدني برأيي

بنت عبد الله &
بني حارث
هلال الفن زعيم القرن
dal3_uae
هلالية حرة
روح 10الشلهوب
شهــــاب11
Bojan Krkic

^^^
مشكووووووووووووووورين على المرور ،،
لا عدمناكم

هلاليه سعودية:
ليش الحق يزعل أنا ماغلطت أنا اقول الحق والحق ان انا المحافظة اللي أنا ساكنه فيها كذا الكهرب

وش اسوي يعني اكذب

ومشكورة على المرور أختي اتقبل وجه نظرك

..
..
..

الكــلاسيكي:

هلا فيك مشرفنا الغالي الكلاسيكي ،،
كلامك وسام اضعه على صدري ،، فيكفيني فخر أنك شهدت لي بجمال خاطرتي

الله يهنيكم بالشتاء ملاحظه اغلبكم يحب الشتاء ،،
أنا شكلي بسوي لي سبات شتوي

شرفني مرورك الرائع

عالم الهلال · #38 11/11/2007, 04:39 PM

احساسك جميل
لكني عكسك تماماً احب فصل الشتاء
برد ومطر ومشب وحطب ..
يعني الأجواء اللي نحبها اغلبنا بحكم طبيعة جونا
ننتظر الشتاء ونتلهف للمطر ولاحقين على الصيف
شاكرة لك المشاركة الجميلة
تقبلي تحياتي
دمتِ بطاعة الله
أختك

الليل الأزرق · #39 11/11/2007, 05:05 PM

بالنسبه لي الشتاء والصيف كلهم عينين في رأس ولا اقدر افرق بينهم !!

والله الشتاء افضل بكثير من الحر والشمس .... خصوصا اللي عندهم مشاوير ف

ي الظهر !!