|
أمر أحزنني في مباراة الديربي .. .. السلام عليكم .. والف مبروك الفوز .. هلالنا ليلة الاربعاء كان في الموعد وحقق الفوز بجدراة واثبت انه لا يعتمد على لاعب واحد وان اختفى نجم فهناك نجوم .. ولكن نغص علي الفرحه بالفوز حال الشلهوب الذي بدا تائها في المباراة وعند التبديل حينما التقطته الكاميرا والحزن كان واضحا على وجهه .. وعندما التقى به مذيع الرياضيه واوضح الشلهوب انه حزين على مستوياته التي يقدمها .. و ما قدمه الشلهوب في مباراة المنتخب مع ناميبيا وحصوله على افضل لاعب في المباراة بشهادة المحللين.. جعلني اجزم بان ما يعاني منه الشلهوب امر نفسي بحــت !!.. فالشلهوب يعاني يا جماهير الهلال .. يعاني كثيرا فجميعنا نعلم ان الشلهوب يحاول اسعاد جماهير ولم يتردد في يوم من الايام من خدمة الهلال واسعاد جماهيره و لا ننسى وقفة ابن بندر بعد وفاة والده عندما شعر ان فريقه في حاجته و الجماهير تعول عليه كثيرا فانتظم في التدريبات ووالده لم يمضي على وفاته سوى اربعة ايام !!!.. وتوقيعه المرن للعقد وجمعينا نعلم ان هناك فرق تتنافس للظفر بالشلهوب ولكن الشلهوب فضل الهلال واسعد الجماهير.. بعقده الذي لا يوازي امكاناته دون اي مطالبات او احتجاج لانه فقط يعلم الازمة المادية التي يعاني منها النادي ووقف مع الهلال حينما احتاجه والجم كل الافواه .. موضوعي هنا ليس لأسرد وقفات ابن بندر مع الهلال فجميع الهلاليين لا يخفيهم تضحياته ووقفاته.. ولكن حان الوقت لنرد الوفاء لرجل الوفاء وحان الوقت لندخل السرور على قلب من اسعدنا مرات ومرات.. الشلهوب بحاجة وقفتكم يا جماااااهير الهلال ... اعتراف الشلهوب بتدني مستواه اولى الخطوات لعودته ولكن يحتاج منا الصبر ودعمه قدر الامكان فشدة الضغط والمطالبة بعودته سريعا وتأديبه على دكة الاحتياط ( كما ذكر احدهم :rolleyes:) قد يفقدنا الشلهوب كما افقدتنا التمياط !!.. لا اقصد عدم ابقاء الشلهوب في دكة البدلاء فبقاء اللاعب فيها لايعني ان هذا اللاعب سيئ ولكن بعض الجماهير بأسلوبها تصور للاعبين ذلك .. ولا اقصد ايضا ان المخطئ لا يحاسب على خطأه ولكن هناك مبررات لبعض الاخطاء فأي لاعب في العالم يمر بما مر به الشلهوب ولكن هناك جماهير تساعد اللاعب على تخطي هذه الازمه وجماهير تنهي اللاعب بعد هذه الازمه .. والجماهير بيدها ايضا من ان تجعل من اللاعب العادي نجم والعكس .. جماهير الهلال بيدالله ثم بأيديكم في اعادة الشلهوب كما كان فالشلهوب يهمه كثيرا رضاؤكم عنه .. ما اوده منكم هو مراعاة الشلهوب قدر الامكان ومساعدته تدريجيا للعوده لمستواه والتغاضي عن بعض اخطاءه كفيله باذن الله لعودته لمستواه المعروف .. لان ما شاهدته من بعض الجماهير بعد مباراة النصر وما كتبته في بعض المنتديات الهلالية عندما اخذت تلوم الشلهوب بشده( وكأنها تقتص منه حقا :rolleyes:) على مستواه المتواضع اتمنى انا لن نراه مجددا وان ندعمه قدر الامكان الامكان ليعود كما كان .. وانا اراهن على عودته وسيرفع يديه للجماهير مجددا ويرد ردا قاسيا على كل من شكك به فالمشوار لا يزال طويلا امامه .. واراهن ايضا بان انتشال الشلهوب من هذه الازمة سيكون على ايدي جماهير الهلال بوقفاتها المعهودة .. دمتم زعماء .. .. |
والله الشلهوب كبير ويستحق منا بكل مباراة وقفة تصفيق اخلاق ومهارة وتضحيات والله لوكنت مكانه وتحصل لي هالظروف ممكن ابطل كورة |
الشلهووب من ابناء النادي البارين والجماهير الهلاليه تقدر ذلك .. ولابد من وقفتنا جميعاً معه .. واتووقع ان الذي يعاني منه الشلهوب هو الارهاق لأنه حضر مباريات الهلال والمنتخب كلها هذا الموسم الله يعطيه العافيه وإن شاء الله يرجع لنا كما كان ... وكذلك نواف التمياط .. فالهلال مهما احضر من لاعبين فلن يستغني عن ابنائه ابداً تحياتي لك وللموضوع الرائع اخوك هلالي الغرووب |
يانا فداك يابو بندر |
لا أحد ينكر ماقدمه الشلهوب للهلال والمنتخب... وسنقف معه قلبا وقالبا.... |
أختي الساميه كفيتي وفيتي الشلهوب كبير ولا يختلف عليه أثنان وأن شاء الله راح تشوفون الشلهوب بلمساته الساحره والممتعه ويمتعنأ مع بقية زملائه الأعبين ويكفي تاريخ الشلهوب المرصعب بالذهب من جميع البطولات المحليه والخارجيه والشلهوب لا يحتاج الى شهادتي تاريخه هو من يشهد له ليس أنا ومثل ماقالت أختي السامية نصبر ونوقف مع أسر القلوب والشهوب بالأكيد مر بظروف لو مر بها أي لأعب محترف من هؤلاء الذين يحصلون على أضعاف مايحصل عليه أبن بندر لا بالتأكيد أعتزلوا في عز عطائهم لا أريد أن أعيد الماضي ولكن سوف أئتي بشيء هو الحدث الأول لقد شاهدنا محمد بندر الشلهوب في أيام كأس العالم الأخيره المقامه في ألمانيا 2006 ماذا حل به؟؟؟ لقد فقد من رباه منذ الطفوله وجعل منه لأعب محبوب وصاحب أخلاق رفيعه لا تقارن بأي لأعب آخر وكان يريد البقاء مع المنتخب!!! الحدث الثاني أصابته في كأس آسيا عندما كان من الممكن أن يرد على من شككو في هذا الأعب وكان يريد أن لا يذهب ولكن المدرب أصر على ذهابه حتى لا تزداد الأصابه حتى أن المدرب قال بالحرف الواحد (الأصابه تأخذ جميع الأعبين الا الشلهوب) الحدث الثالث وفاة من ربة هذا المحبوب لدى الجميع حتى من غير الهلاليين وأصر على اللعب مع الهلال ماذا أقول ياموهوب أنتـ بحقـ موهوبـ وتقبلوا مروري البسيط والمتواضع ودمتمـ مخلصينـ للزعيمـ أخوكمـ قــاهـ (9) ـرهــم |
الشلهوب يحتاج الدعم المعنوي من الجميع جمهور ولاعبين |
أتمنى التوفيق له |
كلنا معاك يا ابو بندر ولا احنا الجمهور الي يدمر لاعبينه وشهادة سامي اكبر دليل يوم قال بفضل الله ثم جمهور الهلال يقدر اي لاعب يسترجع مستواهـ واحنا معاك قلباً وقالب .. |
معاك حق اخوي واضح عليه ان مشكلته نفسيه ويجب وقفتنا معه وتشجيعه |
يعجز اللسان عن وصف هذا اللاعب وما يقدمه ،،، ووفاة والديه في اقل من سنه يجعل الجميع يقف معه بدون ادنى شك شكرا لك على الموضوع |
يعطيك العافيه |
كلامك ينقط عسل اختي وابو بندر يستاهل كل خير وان شاء الله يعود الشلهوب اسر القلوب لسابق عهده |
فديته الشلهووب اكيد محد راح يقصر معاه عوووافي حبيبتي تسلم يمينك |
كلام جميييييييييييييييييييييييييييل جدا .. كلام واقعي ومفيد .. كلام ناس تحب وتغار على الفريق .. السامية .. على اسمك .. شكرا لك .. |
مايبيـلها كلام الشلهــوب والله يستاهــل .. وقفات مو وقفة .. والظاهـر أنه يعـاني من مشكلة بينـة وبين أحـد أعضاء البيت ألأزرق سواء كان أدراي أو لاعب .. لأنه في مبارآة المنتخب ماشاء الله علية قــدم مستوى ولا أروع .. نتمنى عـودتــك يالشلهـوب قريباً |
الشلهوب بطل |
.. الزير ابو عزيز وهذا عشمي في جماهير الهلال .. مشكور اخوي على مرورك .. هلالي الغروب يمكن يكون الارهاق سبب بس انا اعتقد ان اللي في الشلهوب امر نفسي اكثر من انه فني ,,. نورت اخوي .. مهاجم من كوكب آخر مشكور على مرورك .. اتعب انا هذا عشمي فيكم يا جماهير الهلال .. يعطيك العافية عالمرور .. قاهـ(9)ـــــــرهم .. وهذا اللي حبيت اوصله كل الامور اللي ذكرتها كفيله انها تنهي اي لاعب .. عشان كذا اتمنى من الجماهير انها توقف معه وتقدر ظروفه الين يتخطى هذي الازمة .. نورت اخوي .. الساهر 99.. هذا اللي بيرجع لنا الشلهوب باذن الله .. يا،،،ر20 مشكور اخوي على مرورك .. الجليد الازرق .. اخوي انا اقصد ان الجماهير من حرصها على الشلهوب واستعجالها لرجعته يسبب له ضغط و تفقده ثقته .. وانا عارفه ان الجماهير ما طلبت هالشي الا من حرصها على الشلهوب ومحبتها له .. مشكور اخوي على مرورك .. لحظة(9) وداعك شرفت اخوي .. عادل- جدة الشكر لك اخوي على مرورك .. قوة هلالية مشكور على مرورك اخوي .. فن ولعب وهندسة .. وان شاء الله نبارك لبعض برجعة الشلهوب لمستواه .. يعيطك العافية اخوي على مرورك .. الجوري .. نورتي الموضوع حبيبتي .. الجوهرة .. احرجتيني بكلامك .. واللي طالبت فيه اقل شي نسويه في حق نجمنا الموهوب .. شاكرة لك تشريفك عزيزتي .. الزعامة للزعيم .. ما اتوقع ان هذا السبب .. اتوقع مشكلته من بعض الجماهير اللي ما ترحم :cry:.. مشكور على تشريفك اخوي .. المحيط الهلالي .. مشكور على مرورك .. .. |
انا اقترح على الجماهير في اي مباراه للهلال ان يقوم بالتصفيق والتشجيع للاعب وهذا كفيل باذن الله بعودته لمستواه.. |
والله وضع الشلهوب محيّر .. لكن مباراة نامبيا ماهي مقياس .. لأننا قابلنا منتخب ماادري من اي قاره ..الشلهوب وضعه محيّر لكن نتمنى عودة الموهوب . |
والله عورني قلبي يوم شفته زعلان يوم بدله المدرب ان شاء الله بيرجع الشلهوب زي اول واحسن |
كلااااااااااااااااااااااااااااامك روعه وماعليه غباااااااار كل شي ولا الشلهوب والله اني احبه هالانسان حب غير طبيعي وان شاء الله يرجع لمستواه واكثر بعد وانا معه دااااااائما موضوعك رااااااائع وهذا الموضوع اللي يستحق التثبيت |
معاك حق اخوي واضح عليه ان مشكلته نفسيه ويجب وقفتنا معه وتشجيعه |
كبير يا شلهوب |
.. مالكي هلالي يعطيك العافية عالمرور وان شاء الله جماهير الهلال ما تقصر .. زين الدين الغنام اخوي منتخب ناميبيا صح اسمه مو معروف بس اداءه في المباراة كان يجاري المنتخب السعودي وادى مباراة حلوة او على الاقل انه افضل من النصر وشفنا الشلهوب وشلون قدم في مباراة ناميبيا واختفى في مباراة النصر :rolleyes: .. نورت اخوي .. |
miassem ان شاء الله كلنا ثقة ان عودة الشلهوب بتكون قويه وسريعه ان شاء الله .. حياك اخوي .. هلااالي ومحبوب مشكور على اطرائك .. وصدقني هذا قليل في حق الشلهوب .. وباذن الله بيرجع لنا الشلهوب مثل ماكان واحسن بعد .. نورت اخوي .. asim9 مشكور اخوي على مرورك .. هادي بال نورت اخوي .. .. |
راح يظل الشلهوب طول عمره لاعب كبير الله يوقفه ويعود لمستواه |
سنقف معه قلبا وقالبا.... |
تنيتهي حروف الهجاء 28 حرفا لوصف الشلهوب ...لن ننسي قوة ارادته وصبره عندما ذهب مع المنتخب الي المانيا ...وشارك في مباريات كاس العالم وهو يعلم بحال والدته الصحي...الله يرحمها ... وعندما انتظم بالتدريبات بعد وفاة والده ... هذه الاحداث لو سقطت علي جبل لهدته...نعم اللاعب الصبور... لعب ووجد نفسه بين الكبار... صحيح قد ينزل مستواه وهذا شي طبيعي لاي لاعب...لكل جواد كبوه.. واضم صوتي لصوتك اخي العزيز يدا بيد ندعم الشلهووب... |
هلالية انا مشكوره على تشريفك .. احمد القمقوم9 هذا العشم والله .. نورت اخوي .. |
ما ننسى ابداً ما قدمة الشلهوب وكم افرحنا وأسعدنا ونحن لعودته لمستوياته ننتظر بفارغ الصبر بس هو بعد لا يستسلم ويشد حيله ومن تعب للدنيا زانت له |
كلام سليم100%100ويستاهل الشلهوب |
بطـــــــــــــل موضوعـــــــك وكـــلامك جميــــــــــــــــــل والشلهوب يحتاج منا الصبر وتشكرين اختي بالتوفيق للشلهوب ولكِ وللزعـــــيم |
الله يوفق ابو بندر وربي ماينلام الضروف الي مر فيها صعبه صعبه وراح نصبر على ابو بندر وندعيله يعطيك العافيه اختي وتقبلي مروري |
ايه والله مسكين شكله مشكلته نفسيه لازم الجمهور يوقف معه ويشجعه اكثر :thumbup: وماينلام ظروفه صعبه الي مر فيها :cry: |
.. اسيرة روبن هود الله يعطيك العافية على مرورك وان شاء الله جماهير الهلال ما تقصر مع الشلهوب وتساعده انه يتخطى هالازمه .. وكلنا شفنا مستوى الشلهوب اليوم يوم حصل على افضل لاعب في المباراة دليل على كلامي وعقبال ما نشوفه افضل لاعب في مباراة الاتحاد .. مشكورة اسيره على تفاعلك .. غاوي الهلال ان شاء الله بوقفتكم بيرجع الشلهوب .. والشلهوب موب راضي عن مستواه وهذا اول التصحيح ان شاء الله .. شرفت اخوي .. وليد444 نورت اخوي .. roo7 al z3eem الاجمل مرورك اخوي .. وان شاء الله نسعد سوياً بعودة الموهوب .. .. |
قاعدهـ : الشلهوب يعرف متى يعود ..!! شكرا أختي الساميه |
الشلهوب .. الشلهوب .. :no: .. |
الله يرحم والدين ربوه قمه في كل شي بسم الله عليه |
الله يوفقك يالشلهووووب :( |
ياحبي له أبو بندر :$ |
الشلهوب كبير والجميع يعلم بل يجزم ان الشلهو سوف يعو بأقرب فرصخه انشاء الله ولنعو له جميعنا اللهم وفق الشلهوب ورجعه ال مستواه وزياده اللهم امين |
الكبير كبير ياجماعة الخير .. والشلهوب قدم مباراة كبيره مع استونيا يعني مو شرط انه يلعب كل المباريات بنفس المستوى ولازم حنا كجمهور نقف مع اللعب ونساعده في مشواره .. مشكووووووره اختي الساميه ويعطيك العافيه على الموضوع الرائع .. |
الشلهوب يحتاج وقفتنا جميعا فهو يعاني من فراق أبيه وأمه اللهم هون عليه وفرج همه . شكرا لكي يالسامية ! |
كلام سليم |
كـــلام جميل .. ولابد من الوقفه مع اللاعب الخلوق محمد الشلهوب |
بأذن .. الله .. راجع .. لمستواهــ ,, وجماهيرنا .. تبني .. اللاعبين .. ولا .. تهدمهم .. وبأذن .. الله .. نشوفه .. أفضل . من .. قبل .. وبالتوفيق .. للزعيم .. |
يالله يالشلهوووووووووووووب وربي اني احبه في الله |
افضل لاعب في مباراة نامبيا ومباراة استونيا امس الجمعه ومع الهلال يقدم مستويات ضعيفه لازم ندعم ولدنا ياجماهير الهلال لايضيع شلهوبنا مثل ماضاع التيماوي |
مشكوووووور |
شباب من جد لازم نقف بجانب الشلهوب وأهمها التصفيق له كثيراً |
شكرا ً اخوي على الموضوع الرائع وبالنسبة لي نجمنا الموهوب الشلهوب أنا قلتها وبقولها الحين أنا أتوقع أنه بيرجع لمستواه المعروف أبتدا ً من مبارات الهلال والأتحاد تذكرو كلامي لاتنسونه بس لازم نوقف مثل مقال أخوي مع الشلهوب بالفعل الشلهوب نفسيا تعبان وترى فراق الوالدين شي موب هين انت بس تخيل مجرد تخيل أنك ترجع من الدوام ولاتلقى أمك أو أبوك ثم يجيك الخبر أنهم توفو ماتوا والله ياشيخ ان تكره نفسك والكورة واي شي بس الشلهوب من محبته لوطنه أولا ثم للهلال ضحى من أجلنا فلندعم لاعبنا واللي زاد على الشلهوب بعد أنه كان بعيد عنهم ورجع من كأس العالم بعد ماسمع الخبر يعني مصيبة ورى مصيبة الله يصبره ويرحم جميع موتى المسلمين يارب العالمين فشدة الضغط والمطالبة بعودته سريعا وتأديبه على دكة الاحتياط (كما ذكر احدهم :rolleyes:) قد يفقدنا الشلهوب كما افقدتنا التمياط !!.. انا أعارض وشكرا للجميع. |
كل الجماهير السعودية تقدر الشلهوب وانشا الله انه فترة وتنتهي زيرجع لمستواه |
مشكور على موضوعك .. والشلهوب والله ما قصر يكفي انه لاعب كتوم ما يحب يشكي لاحد ربي يحفظك انشاء الله من اعين الحاسدين ......... |
.. لدار وحشه يا سامي حياك اخوي وهذا العشم فيكم .. هلاليه مرجوجه مشكورة عزيزتي على مرورك .. 20ياسر الجابر9 اكيد كلنا واثقين بعودة الشلهوب ان شاء الله .. وانه بيحاول يتجاوز هالمرحلة بسرعه .. شرفت اخوي .. د. زاحف نورت اخوي .. هلال 1425 الله يعطيك العافية على مرورك .. ريانة الهلال .. مشكورة على مرورك .. عبدالعزيز.. مشكور على مرورك .. 9SAMI forEVER9 باذن الله بيرجع الشلهوب اللي نعرفه وبنوقف معه خطوة بخطوة الين يرجع لمستواه .. الجـ الناري ــدار هذا اللي حبيت اوصله الشلهوب سبب تدهوره في الهلال الضغط النفسي من الجماهير .. والدليل انه يبدع مع المنتخب وفي الهلال يتراجع مستواه .. مثل الطالب اذا اهله ضغطوا عليه وقسوا عليه انه ينجح في الامتحان يخفق من شدة الضغط وانا ما نبغى الشلهوب يوصل لهالمرحلة مثل ما وصلها غير من اللاعبين .. شرفت اخوي .. عزوز جدة الشكر لك اخوي على مرورك .. عبسي الزعيم .. نورت اخوي .. .. |
والله الشلهوب ماهو على حاله في المبارات |
.. الخيال 2006 مشكور اخوي على مرورك .. algnass-20 باذن الله يرجع الشلهوب اللي نعرفه .. عندي احساس ان عودة الشلهوب بتكون بمباراة الاتحاد .. شاكرة لك اخوي على مرورك .. الرمش الحنون 9 شرفت .. ياقاهرهم يالهلال هذا اللي اطالب فيه وان شاء الله جماهير ما تقصر معه وتوقف معه خطوة بخطوة الين يستعيد مستواه .. نورت اخوي .. yas.20.ser الشكر لك على مرورك .. مشكور اخوي على مرورك وان شاء الله ما اكون فهمت قصدك خطأ..راكان _20_ مشكور على مرورك .. الزعــــيم هذا اللي حبيت اوصله .. بس ما فهمت على ايش تعارض اذا قصدك نواف التمياط ليش نلعب على انفسنا ونقول مستوى نواف كويس نواف اللحين يلعب باسمه فقط والشلهوب دام الامر في بدايته باستطاعتنا انا نخليه يتغلب على هالازمه وما يستسلم للظروف .. .. |
.. بو سجاد الهلالي مشكور على مرورك !!القلب الازرق!! الشكر لك على مرورك .. احلى هلالي الشلهوب موب في مستواه بس ان شاء بيرجع الشلهوب اللي نعرفه بوقفتكم .. شرفت .. .. |
| الوقت المعتمد في المنتدى بتوقيت جرينتش +3.
الوقت الان » 10:13 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd