ليتنـــــــا من سمــــا ســـــالميــــن ... - نادي الهلال السعودي - شبكة الزعيم

الرّحال الأزرق · #1 09/11/2007, 05:11 PM

السلام عليكم

لايخفى عليكم الخطوط الجديده في مملكتنا وبحكم ان مملكتنا مترامية الاطراف ف للطائرات و الخطوط أهميه كبيره

عموما راح أتكلم عن سما والتي اشتغلت في بعض المناطق .

الـــعـــيـــــوب

1- لايمكنك استرجاع نقود التذكره نهائيا , واذا أردت استبدال الرحله برحله أخرى لازم تكون قبلها ب 48 ساعه
والا ستذهب عليك التذكره بـــــــح

2- بالنسبه للعفش لك 20 كيلو مجانا و كل كيلو زياده 10 ريال ( 10 كيلو = 100 ريال )

شدعوا ذابحكم الفقر

3- أهم نقطه تذاكر المرضى الغـــيـــت اللي كانت على حساب الدوله على الخطوط السعوديه

4- الأكل والشرب بفلوس

(والادهى ان صحت هالمعلومه ان دورة المياه بفلوس

)
طيب اذا صار الوضع حرج و أكثر من مره ابروووووح له

5- بالنسبه للحجز الانتظار مزايده واللي يدفع أكثر يطلع

يعني مثلا انا و سهل أكيد سهل يطلع عشانه مشرف وفلوسه أكثر >>>>> يبي يضبط المشرف

6- ألغيت بعض الرحلات الصباحيه لبعض المدن

7- الــســــــعـــــــر أغلـــــــــــى من الخطـــــــوط الســـــعـــــوديـــــه ( الا اذا حجزت قبل بفتره طويله تصل الى ست شهور )

المـــمـــــيزاتـــــ

لا شيــــــــــء

الحلــــــــــــــــــ

ان يكون هناك أكثر من خطوط في كل مطار وتكون هناك منافسه ويكون لنا الاختيار , أما كل مدينه تحتكرها خطوط

كنــــك يابـــو زيــــــد مـــــا غــــزيــــــت

يعينك الله يا سعودي

أبوشلاخ الهلالي · #2 09/11/2007, 06:03 PM

تعلمني عن سما ,,..
أخيس طيران في العالم .,,.

&زعيم الجنوب& · #3 09/11/2007, 06:03 PM

الله يخليلنا الخطوط السعوديه

علي الحرام انه ازين على الاقل

تقدر تلغي الرحله والاكل بلاش

ام ذي فلا تعليق ..................

تحياتي لك

صمت الرمــاد · #4 09/11/2007, 06:08 PM

بالله عليكم هل مستوى الخطوط السعودية بعد عمل 60 سنة مقنع ؟؟

الخطوط السعودية سيئة للغاية ..

أما سما فتجربتها مازالت في مهدِها ..

عالم الهلال · #5 09/11/2007, 06:22 PM

سمعت بكل اللي قلته لكن بزيادة شيءواحد وهو ان الخطوط السعودية
راح تلغى ويتم الابقاء على سما وناس..ما ادري عن صحته!!

إقتباس


	يعينك الله يا سعودي

نقول الله يعين والله الوضع تغيّر للوراء مع الأسف..
مشكور على طرح الموضوع بوقته ,
دمت بطاعة الله,
أختك

فرصه ضايعه · #6 09/11/2007, 08:26 PM

وعليكم السلام ورحمة الله وبركاته

هلا فيك أخوي

,,

وش عندك شابن عليهم

شكلهم مسوين فيك بلاوي

...

عندي كذا نقطه بناقشك فيها

...

إقتباس


	4- الأكل والشرب بفلوس (والادهى ان صحت هالمعلومه ان دورة المياه بفلوس ) طيب اذا صار الوضع حرج و أكثر من مره ابروووووح له

الله وأكبر مانبي اكلهم وشربهم اهم شي نوصل بالسلامه

بعدين بعض الرحلات على الخطوط ماتشملها وجبات بعض الأوقات

ومع ذلك مايختلف سعرها بوجبه ولا بدون نفس السعر

مااعتبرها من العيوب أنا

هم يوفرون لك كان بطنك قارصك

اشتر عادي

إقتباس


	- الــســــــعـــــــر أغلـــــــــــى من الخطـــــــوط الســـــعـــــوديـــــه ( الا اذا حجزت قبل بفتره طويله تصل الى ست شهور )

ظلمتهم صراحه

...
قبل كم يوم كان عندهم عرض على
اسعار رحلاتهم الدمام الرياض بـ 35 ريال بس

ولا سعر القطار

يعني رايح راجع بـ 70 ريال وين تلقاها فيه ذي

والحجز كان متوفر وبكثرة مدري للحين موجود ولا خلص

حتى من قوة تخفيضهم بغينا نروح نسلم ونسير ونجي بنفس اليوم

من العيوب اللي اشوفها أنا

أن رحلاتهم قليله مرة

مع أنهم زادوها الحين

بالنسبه لأول مااشتغلوا
وتواقيتهم مب دايم مضبوطه

أنا ماعمري ركبتها

... أبوي لا قلت له احجز لك عندهم يقول لا

<<< مدري وش سامع عنهم

اهم مميزاتهم

فتحوا المجال للمنافسه

... واسعارهم اقل بمقارنتهم
بالخطوط اللي يوم عن يوم ترفع اسعارها

الله يعين مالنا غناة عن الخطوط

سلااااااااااااااااام ,,

miassem · #7 09/11/2007, 08:34 PM

هذي كلها عيوب سما

وحنا استانسنا ان صار عندنا شركة طيران ثانية عشان يصير تنافس

اجل نقعد على الخطوط السعودية اصرف

مشكووووووووور على موضوعك

ابونوف الهلالى · #8 09/11/2007, 09:58 PM

طيب وطيران ناس

بني حارث · #9 09/11/2007, 11:24 PM

الأكل مو لازم تاكلون^^نذلة
عوافي
وعاد شنسوي ما باليد حيلة

الرّحال الأزرق · #10 09/11/2007, 11:50 PM

أبوشلاخ الهلالي

الله يعين عليهم ومثلي وانا اخوك مكره لا بطل

&زعيم الجنوب&

يسلموا على المرور

صمت الرمــاد

هلا هذي داخله على طمع ماهي سالفة جديده وتوها
عالم الهلال

الله يستر بستره حنا فعلا نتقدم الى الوراء

فرصه ضايعه

1- الاكل

<<<< أحس انك احرجتني لكن على قولك خليهم يقدموا خدمات زي الناس وحنا نتغاضى عن كل شيء

أما الاسعار فمثلا من الرياض ل حايل كانت الخطوط السعوديه 200 ريال

الاعلان عند سما 69 او ما يقاربها لاحظ 69 الدقه

واحد من الشباب عايز يروح لاهله بحايل وفرحان يقول كل اسبوع بطلع لحايل مادامها كذا

المهم يوم طلع للمطار الا 250 ريال قيمة التذكره وين كلامكم وين اعلاناتكم قال لازم تحجز قبلها بمده

وكل ما طالت المده قل السعر الى ان تصل الى السعر الادنى اللي بالاعلان

يعني اعلانهم سعر ادني وليس موحد

تحيه طيبه ومشكور على المرور

miassem

ويا مالك من العيوب
تحيــاتي

ابونوف الهلالى

ماعندي فكره عن ناس

بني حارث

وش نسوي الشكوى لله

ابو طـــــلال · #11 10/11/2007, 02:10 AM

الخطوط في بدايتها ... واي شي في بدايته لازم ياخذ فرصته ... ومانحكم عليه بالفشل سريعا ..

نتذكر بداية موبايلي ............ كيف كانت والحين كيف صارت ...

اكل العنب حبه ...... حبه

لاتستعجلون عليها ..

شكرا لك اخوي وتقبل مروري

الكلاسيكي · #12 11/11/2007, 03:03 PM

وعليكم السلام ورحمة الله وبركاته

هلا فيك اخوي الرحال الازرق ..
الصراحه كل المعلومات اول مره اقراها منك ..

انا ماقدر استغني عن الخطوط السعوديه .. مع ان لك عليهم بالسعر ..
لكن اهم شي راحتنا بالسفر ..

والله يكون بالعون .. الف شكر لك اخوي الرحال ..
وتقبل فائق احترامي ..

دمت بخير

الليل الأزرق · #13 11/11/2007, 04:08 PM

عشان اذا جيت تقارنها بالخطوط السعوديه تقول الخطوط السعوديه 10 نجوم !!

المنافسه بين الشركات على من يكون الافضل الا عندنا من يكون الاسوء !!

راكان _20_ · #14 11/11/2007, 04:33 PM

الله يخلف علينا

النرجسية · #15 12/11/2007, 09:01 PM

اصلا معروف عن هذا الشركات انها ما توصل لمرحلة انها تنافس الخطوط السعوديه

ومن جد الله يعين السعوودييين مسااااااااااااااكين