الشرطة ترفض القبض على ساحر قبل ديربي الهلال والنصر
 

السلام عليكم ورحمة الله وبركاته

اذا كان رونالدينو ساحر كرة القدم في اوروبا فطارق التائب هو ساحر كرة القدم في

الشرق الاوسط ( كلمة ساحر مستخدمة هنا لغرض الكناية )

طارق التائب او الامير الليبي كما يحب الاخوه العرب في افريقيا ان يطلقو عليه

يعد احد النجوم التي نعول عليها يوم الغد لقيادة خط المنتصف

طارق التائب او ساحر كرة القدم كما يتمنى النصروايين انه لايحضر لمباراه الغد

احد النصراويين اضحكني عندما قال ( اتمنى ان يقطع التائب احدى اشارات المرور

في الرياض وينحجز 24 ساعه )

لا بأس ياصديقي العزيز حتى لو فعل ذلك سيخرج من اجل اللعب ضدكم ويرجع يكمل

الوقت المتبقي من الحجز يعني في كلا الحالتين انتم امام ليلة اشبة بالكابوس

البرنس الليبي يوم الغد لن يكون هو الوحيد الذي نضع آمالنا عليه ولكن هو الأبرز

في وسط ملعب الهلال

طارق التائب امبراطور زمن العجائب

انا احب دائما ان اطلق على طارق هذه الجمله واتمنى ان ارى هذه الجمله يوم الغد شعار

بين جماهيرنا الوفية وطارق التائب يستحق منا اكثر من ذلك

نعم ياسادتي طارق التائب يستحق ان نكتب له الاشعار والجمل والعبارات وان نتغنى به

ليلا ونهارا

أبيات شعر لايستحقها الا البرنس

(1) جمعت الشوق واهديته عيونك ...... وكل الحب في دربك نثرته

(2) حظ عيني لو تشوفك كل يوم ....... حظها وانت لناظرها الضياء

طارق نبي شباك النصر تقول بكرة كما يقول ابو بكر

اشكي لمن منك

ومن اللي تفعله 00 اشكي لمن ؟

اخواني الزعماء البارح من كثر التفكير في المباراه حاولت اخرج نفسي من جو المباراه

النفسي وانا دائما ألجا الى الكتابة الشعرية والخواطر الأدبية فإليكم ماكتبت



المرداسي : ألو ياسر ممكن اجيك البيت
ياسر : هلا وش بغيت الغالي
المرداسي : الكلام بالجوال ماينفع بجيك ونتفاهم
ياسر : على ماتود وماتشتهي

المرداسي يدق الباب ياسر يفتح الباب بتواضع بنفسه هلا مرداسي
وش فيك عينك تقل واحدها ضاربها بقس يكون متهاوش مع احمد الخير
المرداسي : لا وانا اخوك هذا من كثر التفكير في شخصك الكريم 0 ( مسوي فيها مؤدب ومحترم )
ياسر : لا مو معقول اكيد متهوشين انت الخير كل واحد يبي هو اللي يسجل الهدف بمرماه
المرداسي : اصلا اذا بنسجل بنسجل عشان الضغط يخف علينا ويتحول اللعب كله على دفاعكم 0 ( لا والله الا ذكي )
ياسر : المهم خلصني وش بغيت ترا ماني فاضيلك الحين بروح انام ( تصريفه عاد من ياسر )
المرداسي : بجيك من الاخير ياخوك اسمع امر الله من سعه وانا رجال اجنبي هنا وضيف عندكم يعني اذا ماعليك امر
اذا تبي تسحب بلاعب روح لاي واحد من لعيبة النصر واسحب زي ماتبي بس انا لا ( من ذكي لخائن قويه )
ياسر : صدق ماعندك سالفة على العموم واجبنا تجاه الضيوف اكرامهم وابشر بأكرمك بكم تسحيبه عشان تذكرني بالخير
المرداسي : هذا آخر كلام عندك ايه هذا اخر كلام
المرداسي يروح البيت عقبه بنص ساعه الخير يدق على ياسر وياسر ذكي فاهم وش يبي اكيد يبي يتفق مع ياسر
على السلام في تلك الليلة

ياسر يقفل الجوال وبعد ساعه يفتح الجوال رسالة نصية من الجهوي مكتوب فيها
" الاخ الكريم ياسر القحطاني أأمل ان تصلك رسالتي وانت بأتم الصحة والعافية تكفى يالذيبان لا تسحبي
ماني ناقص جرجرة وبريكات بس هالمره عطني والمره الجاية انا باخذ كرت احمر قبل مباراتكم "
ياسر يوه وش هالغثا ماكمل هالكلمه الا وفيه رساله بس هالمره من شريفي
" تدري وش احسن حاجه سويتها انك سجلت بالخوجلي الهدفين حقتك انا عارف اني عزيز عليك وماراح تسجل فيني
تكفى ياياسر انا ماني ناقص كعوب مانبي ودبل ومقصيات مانبي اذا مره ملزم تسجل سجل هدف ماينصد مو تسجل هدف
يسير على سيره كل من هب ودب "
ياسر : صدق انك قوي وجه بس ماعليه ليلة المباراه راح اخليك تبطل كوره كيف وانا ياسر

ياسر يدق على الشلهوب
ياسر : الو
الشلهوب : هلا حبيب قلبي
ياسر : اخبارك يابو بندر
الشلهوب : بخير ياوجة الخير
ياسر : دريت من دق علي
الشلهوب : يكون الواكد والزهراني ترا دقوا علي يقولون كلم التائب وقله بالهون بالهون وبعد وصوني انا
ياسر : لا مو ذول انا دقو علي المرداسي والجهوي والشريفي
الشلهوب : هههه من بقى من لعيبتهم مادق حتى الليبتون حقهم دق على الغامدي يقول
الو بابا عمر ممكن انا وانت سوي قرقر سوا سوا ( هذا بنغالي وانا اخوك ماصار اوروبي )
ياسر : ياخي والله ان اهل العقول براحه ورا مايريحون انفسهم لازم ندق خشيمهم ونكسر روسهم
الشلهوب : ماعليك منهم خلي ولي

انتهت المكالمة وتنتهي بكم الاستراحه الأدبية


تنويه مهم جدا

هذا الموضوع مجرد استراحه ادبية لكم من اجل اضفاء القليل من الاسترخاء النفسي خصوصا ان كل وقتكم
منصب باخذ المواضيع الخاصة بالديربي تذكروا ان لا انفسكم حق فأقروها للتسليه والترفيه لاأكثر ولا اقل
من اراد ان يقرأ فأهلا وسهلا به ومن لم يرد فحياه الله
قد تكونو تعودتم مني على المواضيع الجاده والمثيره ولكن ومن ثقافة في علم النفس اطرح لكم هذا الموضوع
راجيا ان اكون قد قدمتم لكم شيئا مسليا وحسب
مع الاعتذار لكل الشخصيات المطروحه هنا

ان شاء الله يوفق الهلال والتايب نجم من النجوم الى في الهلال والهلال كله نجوم وجمهوره نجوووم وان شاء الله ربي يوفق الهلال بكره



لووووووووووووووووووووووووووووووووووووووووووووووووووووووووووووووول والله كلام حلووووووووووو

انشا الله بكره يطرب ولد ليبيا

مشكور على هذا الموضوع

مشرف منتدى النصر : يدق علي .. هلا هلالي غيور وش الاخبار ؟
][هلالي..غيور][ : بخير عساك بخير آمرٍ .. ؟

مشرف منتدى النصر : يآخوي قل لـ القنآًص الي كاتب ٍ الموضوع يسوي له حذف ويبطل يكب عشانا

][هلالي..غيور][ : خلاص ابشر من عيوني بس وراك انت خايف ؟

مشرف منتدى النصر : يآخوي نخاف من القناص بالملعب ونخاف من القناص بالمنتدى .. بس ابيك توسط لي عنده مايحرقنا بكتاباته :)

][هلالي..غيور][ : ان شاء الله ومايصير خاطرك الا طيّب ..

تقبـّل تحيآتي ,,

][هلالي..غيور][

ههههههههههههههههههههههههههههههههههههههههههههههههههههههههههههههه
الله يرجك تقل شغال بمجله اطفال
قال ياسر وقال الشلهوب
هههههههههههههههههههههههههههههههههههههههه
بس اهنيك والله
واخاف يفوزون ويمسك تفاير الطرابلسي ولا المفرج ويعجنهم تكفيخ
هههههههههههههههههههههههههههههههههههه
تحياتي ،،،،

كبير طارق التايب

احترم النصر كنادي كما احترم نجران والوطني والحزم وان فازوا فهم يحققون المستحيل

النصر اذا فاز حقق المستحيل والمستحيل في هذا الزمن اصبح تحقيقه امرا سهلا

يجب ان تثق بلاعبي الهلال وا ن خسرنا نقول قدر الله وماشاء فعل

ارجو منك التعديل لكي لا يأخذ الموضوع جانبا آخر ومنحنى غير ماكتب من اجله

احذف اسم المنتدى اللي ذكرته لو سمحت يالغالي ولك مني الحب والتقدير

الله يوفقنا بكره

الله يوفقنا في مبارات بكره يارب

ان شاء الله نفوز والكبير اكبير ياطارق انت والقناص والموهوب

ههههههههه ومشكوووووور علي الموضوع

وانا قاعد امس عند الدعيع دق جواله تدري منهو؟؟ ضياء هارون
يقول : سامحني يابو عبدالعزيز ادري ان الهدف اللي جبته فيك كان صدفه والله ان الكوره ( زحلطت )
قال الدعيع : بكره لو عديت خط نص الملعب ابرسل عليك تفاريس يشوف شغله معك .

((((( هذا حوار بسيط سمعته وانا قاعد ؛ لا وانا ماشي سمعت الدعيع يسب ويسخط فيه واسمع كمان بكاء شديد من الجوال ))))) خخخخخخخخخخ