|
شربت مويا و اللي عنده تعليق يخش السلام عليكم و رحمه الله و بركته . . يا اخوان وش فيكم انتم ما اتوقع انكم عاقلين . . وش فيكم ماخذين مبارة الثلاثاء انها سهله . . يا اخوان ترى مباريات الديربي ما تخضع . . لمقايس و انا ما اكتب ذا الكلام على اني . . خايف ولا شئ بس الثقة الزايدة مو في . . محلها و انا منيب قاعد اشكك بقوة الهلال . . بس ترى انتم ماخذين المبارة على انها شربت . . مويا لا والله الهلال صح يملك القدرة على الفوز . . بالراحه بس حطوا في بالكم الخسارة و كلنا . . نعرف النصر مبارة الهلال مثل كاس العالم عندهم . . و اتمنى من اللي عنده اضافة يضيفها اتمنى تقبلتوا كلامي . . و بالتوفيق لزعيم ضد النصر يا رب يا كريم . . اخوكم لولا الله ثم الهلال ما عشت |
اوافقك اخوي في ما ذكرت واشكرك على طرحك الا انني ارى ان الجمهور اساسا لم يلق بالا لمباراة النصر فجزء منهم مشغول بعزيز والاخر بمهاترات البلوي وجزء بعقد التايب والان موضوع الطرابلسي لدرجة اننا لانجد في المنتدى مواضيع تتكلم عن ديربي الثلاثاء |
النصر مستواه نازل |
يعني تبي نقول اننا بنخسر لا أن شاء الله فايزين ونتفائل بالخير |
انتم حاطين المباراة في اجيوبكم كئنكم ضامنين الفوز كل مواضيعكم عن البرميل ( البلوي ) وعن الطرابلسي وعن التايب وعزيز ومافكرتو في المباراه الله يجيب مطررر تحيااااتي اخوي ع الموضوع المهم للغايهs13s |
النصر قدام الهلال يصير مانشستر وانشاء الله بنفوز |
اجل "مويا" :d:d:d:d:d:d:d:d:d:d:d:d:d:d:d:d:d:d:d:d:d:d:d اسمها "مويه":thumbup::thumbup: يا بوي ماحد قال شي ولا استنقص من فريق النصر بس الظاهر انك تتصفح منتدى الرياضة العالمية |
كلامك صحيح النصر في مباريات الهلال يصير شي ثاني |
اخوي الكريم المباراة مجرد ثلاث نقاط لاأكثر ومعروف ان الفرق أجمع قدام الهلال فريق ثاني صدقني راح ننقص من قدر الهلال لو اهتمينا بالمباراة وحتى لو أنهزم الهلال خير ياطير..!! لكن لاينهزم الهلال قدام الاتحاد لانه هو ديربي الدوري السعودي.. ذاك اولاً ثانيا اخي النك نيم لولا الله ثم الهلال ماعشت الاسم فيه اشكاليه وخلل دينيه.. الهلال مجرد فريق نحبه..لكن مايآصل لحد انه هو اللي يحيني ويميتيني اعوذ بالله من ذلك:) نصيحة اخوية من محب تغير النك نيم حقك.. وتذكر حديث النبي صلى الله عليه وسلم ( رب كلمة لايلقي لها بال تقذفه سبعين خريفا بالنار) او كما قال عليه الصلاة والسلام.. اسأل الله ان يوفقك يارب |
ترى الركاده زيييييينه هالأيام ,, أنا أخالفك الرأي ,, بالعكس أحسن شي في جماهير الزعيم أنهم ما عطوا المباراة أكبر من حجمها لأن كثر الكلام في هالمباراة يشحن الاجواء وانت عارف كيف يكون وضع الفريق إذا الأجواء مشحونه ,, ولو تلاحظ من اليوم أن النصراويين يمارسون عادتهم أمام الهلال وهي كثر البربره في الصحافة والفضائيات ,. أنا من خلال شبكة الزعيم أناشد الجمهور الهلالي بعدم إعطاء المباراة اكبر من حجمها ,, وقفه ,, * أكثر لاعبي الهلال يتصفحون المنتدى * جماهير الزعيم مايحتاجون دعوة لحضور المباراة s13ss13ss13s * بالتوفيق للهلال في كل المباريات القادمة :thumbup: |
نحن كجمهور لانملك سوى التفائل للزعيم |
ياخووووي وشهو النصر اصلا كتف الكديش سعد والتون وبس والباقين مهايطين على الفاضي |
100% |
النصر له 10 سنين مستتواه نازل وبالطقاق نفوز عليه بفارق هدف النصر بالنسبه لهم مباراه الهلال هي الدوري بكبره |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 11:21 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd