|
لقاء القمة ...... محمد بركات وكما عودتنا سابقا في الاساءة للدوري الايطالي الجزيرة تعين المعلق الرائع وبلبل التعليق العربي محمد بركات للتعليق على اقوى لقاءات الموسم بين الانتر واليوفي (مع ان الاول بطل الدوري والثاني فريق صاعد من الدرجة الثانية بس بنظغط على نفسنا ونقول اقوى لقاء ). يجي واحد يقول لي (علل) ليش اختاروه ووين الباقيين ؟؟؟ بقوله لانهم اختارو علي محمد علي للتعليق على مباراة برشلونة وريال بتيس في الدوري الاسباني لغياب يوسف سيف عن التعليق هذا الاسبوع . يعني كالعادة الجزيرة تشوف ان مبارايات الدوري الاسباني اهم من الايطالي . واللي يبغاني ازيده من الشعر بيت فمباراة الانتر واليوفي ماهي المباراة الوحيدة اللي بيعلق عليها بركات يوم الاحد لانه بيعلق بعد على مباراة كالياري سمبدوريا قبلها . يعني بصراحة ماصار ينفع غير اننا نفجر مبنى الجزيرة عشان ننفك منهم واللي عنده حل غير كذا ياليت يتكرم ويقولنا عليه . |
تفجير مرة وحدة .. يلله انا معك يابو سعود :D وش نسوس حسبنا لله .. للاسف الجزيرة ماصارت القناة المحببة لنا وازيدك من الشعر بيت القناة الثالثة للجزيرة بتصير قناة تنقل للقنوات الاندية |
إقتباس:
فعلا انا معك بهالنقطة , استغرب انهم يسمونه اقوى لقاء مع ان الانتر بطل الدوري الايطالي العام الماضي ويوفنتوس توه صاعد للاضواء ويحاول يثبت نفسه بين الكبار كضيف جديد للكالتشيو المفروض لقاءات القمة تطلق على مباريات : الانتر × روما الميلان × الانتر روما × الميلان لكن يوفنتوس فريق يحاول مقارعة الكبار وضيف جديد على الساحة الايطاليه اعتقد يوفنتوس بحكم انه غريب على الكالتشيو انه راح يرجع مرة ثانية لمكانه المعتاد وهو السيريا B لانه كان قابع فيه سنوات كثيره وزياراته للسيريا A كانت خجولة جدا شكرا لك على الموضوع |
أنا ما أدري ليش يقولون ان روما من الفرق اللي راح تنافس الانتر مع ان الانتر أعطاهم رباعية مع الرأفة في مباراتهم الاخيرة وبعدين اليوفي حتى لو يجي من الدرجة العاشرة يبقى هو اليوفي بقوته وهيبته وراح تشوفون يوم الأحد واتمنى ان يكون فيه كلام واقعي لان الكلام اللي ذكرتوه عن اليوفي كلام غير صحيح بالمرة وفيه تكبر وعدم اعتراف باليوفي وجماهيريته |
إقتباس:
اليوفي مهم كان حالاته .. فهو يستطيع ان يهزم الانتر :) انا مدري ليه الجزيرة متعاقدت مع الطيب .. |
إقتباس:
|
المفروض يعلق معلق كبير لو يعلق هشام الخلصي صح انه فاشل لكنه خبير بالتعليق |
:d إقتباس:
وبطل السيريا B تعادل مع زعيم الكالتشيو على ارضه بهدفين غير صحيحين :d ياحبي للسفن آب اذا قاموا يهايطون لاتدقق حبيبي بوبدر فأصحاب العقول في راحة :wink: |
عذرا انتر القمه بين الميلان واليوفي لانهما العمالقه وتبقى كبير يااليوفي فانت صاحب الرقم القياسي في الدوري ولايس الثالث 14 + وحده من المحاكم |
إقتباس:
:upset::upset::upset::upset::upset:ارجوا من الجميع احترام المعلق الكبير القدير الفنان صاحب الحنجرة الذهبية : هشام الخلصي |
من المعروف أن قمة لقاءات العالم و أقوى الديربيات في تاريخ الكرة هو لقاء الميلان و الأنتر أما عن أقوى اللقاءات في الكالتشيو من غير الديربيات فهو كلاسيكو ميلان يوفي أما عن الخلصي فهو معلق معقول لأبعد الحدود |
إقتباس:
قسم بالله اني أحب هالفريق وجماهيره بالفطره ولو ماكنت مشجع لليوفي أكيد كان شجعت بطل اوروبا الميلان |
يا شباب هدّوا اللعب شوي .! دام ادريانو قلّل من حجم اليوفي .. هذا مو معناه ان اليوفي فعلاً صغير .. القصد من جملته الذب بس . انتوا لا تاخذون الأمور بحساسية زيادة عن اللزوم .! بامكانكم تردون بنفس اسلوبه بدون ما تظهرون عصبيتكم من الموضوع .! ---------- بالعودة لصلب الموضوع .. بصراحة انا استسيغ محمد بركات أكثر من المصري علي محمد علي .. المصري كلامه واجد وعلى غير سنع .! كل الود |
علي محمد علي هو من سيعلق لقاء القمة بين السيدة العجوز والنيراتزوري |
والله يافي بعض الاعضاء قديميييييين لسة يحسبون موجي وغالياني قاعدين يرشون الحكام عشان تصير مباراة اليوفي وميلان الاقوى مافيه مباراة قوية غير مباراة الاول والثاني وبس وبعدين للي قالب راسنا على بطولة المحاكم بقوله ان 15 بطولة منها وحدة محاكم افضل من 27 منها 5 مشكوك بصحتها واصلا للي بيعابط يقول مشكوك بلى شي اكيد عدم صحتها لانها كانت في عهد موجي . وبعدين الحين انتم تركتم الخبر وقمتم تعلقون على السطر اللي كاتبه . واما اخوي الكرة الهلالية فبقوله ان الخبر جبته من الاخ الحربي وليد وصعب الحربي وليد يطلع خبره خاطئ بس نورتني بردك على الموضوع وكلكم مشكورين على الردود سواء كنتم معي او ضدي . |
| الوقت المعتمد في المنتدى بتوقيت جرينتش +3.
الوقت الان » 01:46 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd