السلام عليكم ورحمه الله وبركاته

أهلا بكل الأعضاااء والعضوااات عاد تصدقوون منذ مبطي مانزلت موضوع


وبعد مأنتهىى أسبووع كأنه سنه (فيزياء..أختباار.كيمياء..أختبار..رياضيات..أختبار..)

ومع كل نفس أختبار قررنا حنى والشباب الأجتمااع بحدييقه صاده وش زيينه وحليله

تواعدو الشباب وكلن جابله شي وجلسه وش زينه على هالثيل بعد صلاه العشاء وخذه

سوااليف مع شوي حش وتقطييع مروورا بالتنكيت وسعه الصدر عاد غير الأفلام

الي صارت أثنااء الجلسه المهم حنا جالسين بآخر الحدييقه وبمكاان صغير مايأخذ

الا بالكثيير 12 شخص وحنى 9 شوي وبدو العوايل يجون من هنا عايله ومن هنا

عايله ومن هناك عايله وكثرت العوايل مكاننا مابينه وبين الشارع الى متر يعني نشوف

الرايح والجاتي وهم يشوفونا الى وشوي تسمع ذاك الصوت الي يكرهوونه كل الشباب

قاااق قاق صوت الدوريه والتفتنا وهو يناظرنا ويأشر ويقوول تعالو المهم قلت للشباب


أقعدو بأروح لمه رحت لين وصلت لمه

أنا:السلام عليكم

الشرطي:هلا هلا>>بشين نفس
ماتقولي لي وش قاعدين تسوون هنا>>يعني شايفنا جالسين نسوولف ونضحك ويسألني يعني يبيني أقووله نرقص

أنا: والله مجتمعيين

الشرطي:طيب أنت أعمى ماتشوف العواايل وبعدين وين أثبااتك

أنا:الى والله أشوف العوايل بس حنى الله يعافييك جااين بدري والعوايل هم الي جو عقب

وهذا أثباتي

الشرطي: أثباتات أخوياك

ورحت وجبت له أثباتاتهم

الشرطي: يالله ظف عفشك وبآخذ لفه وأجي ولا أشوفكم هنا والله والله لأوديكم القسم

أنا: أبشر سلام عليكم


رحت لم الشباب قلت يالله شباب ظفو العفش قالو ليش قلت السالفه كذا وكذا وكذا

ظفو العفش ومشيننا وقعدنا دورااان لين الساعه 12 بعدين عشاء وكل واحد لبيته



السؤال\كل شي عواايل وين نرووح يعني اذا درت مسكت دووريه ليش تدوور يعني وش تبونا نسوي وكل مكاان عواايل من أول الشباب يقوولون حنى نعاني كل شي عواايل وأنا وقثته كنت صغيير والكلام هذا عندي صار شي طبيعي الن فهمت معنى كلامهم بالله وين نرووح سؤال أبغاله جوواب


تحياتي

!!هلالي الرس!!


ورجاء خااص كلن يجااوب على سؤاالي الي ماله جوااب بس جااوبو وش أسوي