يا زعماء تكفون ... الكابريس او اللومينا 2006 تستحمل تمشي 300الف كيلو؟؟؟
 

مرحبا شباب

يا شباب انا ناويلي على كابريس ltz او لومينا ss كلها من موديلات 2006
ولقيت اغلبها مستعمله وماشيه في حدود من 30 الى 50 الف
لكن انا ابغاها تدوم معي 6 سنوات
وانا الحقيقه مالي ذيك الخبرة بالسيارات وبما اني في جامعة الملك سعود وراعي سفريات
حسبتها حسبه بسيطه انه بعد 6 سنوات اكمل 250الف كيلو ومع الاستعمال الاول ممكن توصل 300 الف

السؤال هل الكابريس او اللومينا ممكن تستحمل معي هالفترة وهالمسافه بدون ما تموت

على حسب

انت واستخدامك

من خلال تجربة اخوي ..

مستحيل تكمل 4 سنوات سليمة ..

تخيل أخر الشهور كان يقط عليها شهريا 3000 ريال ..

ماأعتقد السياره الأمريكيه تتحمل بعكس الياباني .

مرحبا

انا عندي لومينا ال اس 2001 اشتريتها وكاله

وماشيه 300 الف وشوي

السياره الى الان مثل العسل معاي

اهم شي علشان تحافظ عليها

سو مثل اللي سويته وادعلي بعدها

اسرع وابسط وسو اللي تبي ......
النصائح :
1- لازم تهتم انك تسخن السياره حاول انك تهتم بالنقطه هاذي جيدا لاااااااااااااازم تهتم بالتحميه
لازم يوصل المؤشر الين يوقف المؤشر

2- تغير الزيت في وقته او قبل وقته افضل لك ولعمر الماكينه
اذا تغير عند 3000 حاول تغير عند 2700 او 2800 واذا وصلت 3000 لامانع

3- البنزين لاينزل عن الربع = معلومه معروفه للجميع = للحفاظ على البخاخات وطرمبه البنزين من الوسخ
الوسخ

4- تغير زيت وفلتر القير ((مهم جدا جدا جدا )) كل 30 الف كيلو بالكثير
الفلتر=من 90 الى 110 ريال ,,, الزيت = 5 علب العلبه = 7 ريال تقريبا,,,شغل يد = لايقل عن 40 ريال
40 ريال
لاتذهب عند اي شخص يغيرلك الفلتر روح الصناعيه وغيرها هناك لان الفلتر حساس

5- لاتفحط بالسياره لانك لو فكرت انك تبداء بالتفحيط ودع السياره والا اقولك لاتشتري
لان السياره للسباق والرفاهيه فقط

تحياتي لك اخوي

مسحيل حدها 100الف مع الخرابات

خذ لك هوندا او كامري سيارات ماتعرف شي اسمه ورشة

خذلك كككككككككككككككككككككامرررررررررررررررييييييييي

اتمنى وبدون زعل معادين الكابريس والشفروليه بشكل عام ما يردون

عاشق مدفعجي

لا تزعل مني وانا اخوك
بس شكل اخوك كان كل شهر يلحم في عمود
وين 3000 ريال الله يصلحك .... حدث العاقل بما يعقل


الرد جاكم من الاخ saud7337
لانه راعي تجربه
saud7337
مشكور الف شكر اخوي ويعيك الف مليون عافيه على النصايح

شوف اهم شي انك تداوم على فحص الزيت و..و....بستمرار.....
وانا اقولك تدوم معك 10 سنوات......
اسال مجرب ولا تسال طبيب.....انا عند اخوي لومينا ال تي زد الحين خمس سنوات وزي العسل.....

سفير اسيا يعطيك العافيه وان شاء الله نشوفك من جد سفير

ايه هذا هو الكلام اللي يشرح الصدر

و الله ياخوي السيارة حسب الاستخدام اذا انت من النوع اللي تلعن جد السيارة خذلك ددسن و عساه يسلم :laugh: , و اذا كنت تحافظ على السيارة و الله لو يجي معك كابرس موديل 70 مشى معك زي العسل :thumbup: ,,,

خذلك جمس 2007 يوكون تراه يتحمل انا معي جمس ورايح من الرياض الى جده ومن جده الى البحرين اسال المجرب ولا تسال الطبيب او كراون فكتوريا 2006

نصيحتي غير أبوعزوز لاتشتري

نصيحتي لك

خذ لك كامري

او اكورد

وادع لي