بــــــــــــــــــــاك :

عدنا من جديد مع احلى مواقف لاحلى عضوات المنتدى والمجلس العام وبقية الاقسام ( الزملاء )

اكرر شكري لكل عضو شرفني بهالموضوع .. ولكل زائر سير علينا وطلع .. ويابخت من زار وخفف

كل موقف احلى من الثاني ........ كل طقه لها اسباب منطقيه ... وكل واحد اخذ حقه من الطق .. تلقاه مسوي قلق يستاهل العقاب عليه .. وبااعتراف الكل ...


طبعا لي تفصيل على كل موقف .. وكل موقف بااخذ منه اجمل المقاطع في موقفه .. بصراحه اعجبتني .. وودي اختصرها لكم .. بس عساني القى الوقت .. وسعة الصدر .. واذا احد بيتبرع لي ويلقط اجمل الجمل والكلمات اللى قيلت في كل موقف يتقدم مع ملف علاقي وصور شمسيه ... وانا له شاكر

نبداء من المكان اللى غرزنا فيه .. .. ثولثنا عند العضو الرائع ( مشاكس )


ونبداء مع العضو نــــواف وناخذ اول موقف وبسم الله ونقـــول :: الــــــــــــــــــــو :؟

إقتباس الرسالة الأصلية كتبت بواسطة nawaf.ksa اخر مره انضربت من ابوي بالابتدائي عشان الصلاه بس في ضربه انضربتها من امي مافي امل انساها هي اننا اول انا واخواني ننام مع بعض كنا ثلاثه وانا اللي بالوسط يعني فيه واحد اكبر مني وفي واحد اصغر مني المهم كنا نلعب مصارعه ومتحمسين نلعب دوري الفايز مستمر المهم انا باريت اخوي الصغير وكمخته الين مااستسلم حسيت اني قوي وجاء دور اخوي الكبير وانا اللي امسكه واصفقه <<< نصاب المهم اخوي مسكني وصفقني ولعن جدي بس انا مقاتل ماستسلمت هع هع الى شوي ونحن نتصارع ونتبادل اللكمات مسك راسك واعطاني راس الله لا يوريك يعني راس ملعون والدين شوي ويطلع مخي من قوه الراس وانا اللي اقعد اصارخ واصيح <<< هذي اخرتها بعد ماكنت مسوي نفسك المحارب والله اني قعدت اصارخ واصيح لدرجه احس ان الجيران سمعوني وكانت الساعه 1 وحده وبكره مدرسه وحنا داخلين للغرفه من الساعه 9 يقالنا نايمين وانا اللي ابي اروح اعلم امي عشان تجي وتصفق اخوي وهنا صار الموقف الذي لن انساه مهم حييت هع هع انا جاي ابفتح الباب وامسك عكره الباب وامي تمسكها من برا يعني كلنا ماسكينها بنفس الوقت طبعا امي جايه ماشيه مليون من الصراخ اللي سمعته وانا اللي افتح وهي تفتح معي واسحب الباب وتسحبه معي وانا مادري على نياتي ابي اروح اعلمها تخيل امي داخله ومعها جزمه كعب ووانا طالع مع الباب بروح اعلمها وهي داخله وانا ماخذلي هد من اخوي مغير ملامح وجهي وانا طالع الى يجيني هالكعب اللي ماشي سبعه الاف وبنفس مكان الهد اللي ماخذه من اخوي وصارت الضربه ضربتين واطيح وبعدها مادريت عن نفسي الى وانا بالمستشفى

كل هالسالفه صايرة لك ولابعد طلعت كتاب بإسم ( مأساتي )؟؟

نواف .. خذها مني اهلك مايحبونك ... وين الشنطه اللى فيها الفنايل والسراويل .. وعلى اقرب فندق ..

هاجر ... اطلع من البيت ... إلى متى هالظلم .. يعني (هد
) من هنا .. و(كعب) من هنااك ؟؟ ( دي مابئتش عيشه )
بس تدري عاد نواف .. هذي حوبة اخوك الصغير الى فرحان ماغير تصطره وتكفخه .. كل قوي فوق الله اقوى منه
والله مايطق بعصى .. اخيك الصغير مايقدر ياخذ حقه بيده . بس ربي عطاه حقه مضاعف .. كعب وهد ( والااروع )

يعطيك العافيه نواف ....... وتشرفنا بحضورك ومرورك

إقتباس هلاليتي هي فخري اما الموضوع شي ثاااااااااااااني أنا آخر مره أنضربت من الوالد الله يحفظه هي كانت أول مره وأكيد آخر مره < هجد من بعدها انا اخواني الكبار سابقيني ويقولون لي ياحضك ابوي الحين ركد ماصار مثل أول .. أول اذا دخل عليهم كأنه هتلر داخل المهم انا قلت لأبوي بطلع تصريح أبي اسوق ومزعجه لين وافق .. قال خلاص رح وادرس عندهم 4 ايام قلت مابي ادرس 4 ايام وش ذا انت عندك واسطه ابيها تطلع في نفس اليوم انا عارف انه يمدي يطلعها بس نظام أبوي ( وشوله؟ ) ( وش وراك ) ( أدرس تعلم ) المهم كلمت المصري اللي هو الكل بالكل عند الوالد قلت هاه بشر أقنعت أبوي يدبر واسطه؟ < هالمصري اذا ابوي قال شي نقوله عشان يقنعه ههههههههههههـ قال والله أبوك مش راضي يقيب الواسطه قلت باللهي أنا اعرف وشلون اجيب الواسطه واطلعها يحسب ان مالي معارف < وش عنده ههههههـ انا قلتها من الزعل ولا ماحولي ولا حوالي المهم أثر أبو مصير حاط السبيكر وابوي كان بالمكتب ابوي سمع الكلام ولا ماسمعه راح الأستراحه ودق على أخوي الساعه 10 الليل قال تعال أنت وأخوك .. قال ليش قال تعال وانت ساكت ! المهم رحنا انا خايف حاس ان فيه شي مو عادة نروح هناك .. دخل اخوي قبلي بحكم انه اكبر مني وسلم على ابوي توني بطمن عليه اسلم قال اقعد لاتسلم واجلس ويبدأ يتكلم كلام انا مافهمته لأني عرفت اني بروح فيها !! انا ساكت شوي ماحسيت الا وجهي داخل في بعضه من قوه الكف انا احسب لين هنا وخلصت طبعا ً كنت جاي مكشخ بالشماغ والعقال ويطيح عقالي وياخذه وخذ ياجلد عاد انا أنسدحت وعطيته ظهري قلت في نفسي اجلد في الظهر لين تقول بس هو يبي يسوي شي جديد مل وهو يضرب بالظهر شوي ماحسيت الا بقس نازلح على خشمي من جنب وهو اللي يخر دماااااان من جد ابوي شكله كان معصب هذاك اليوم .. وجلدني على شي مايستاهل كل هالطق عاد بعد يومين حس أنه زودها حبتين وراضاني ترضيه وش زينها بغيت اقول طقني مره ثانيه هههههههه بس والله أبوك مايطقك الا للمصلحه وبس يابو طلال يازين مواضيعك

ابو مصيــــــــــــر جاب العيد

اجل الوالد الله يحفظه موظف هالمصري ( يجرجر عياله بالكلام وينكبهم ) استدراج مدفوع الثمن

قلعتك ... تحش في ابوك عند احد ... لا ومصري بعد ..

بس ابوك رجل حضاري .. لابغى يطق .. يروح لاستراحه في مكان معزول .. ويناديكم .. ويكفخك ويروح للبيت .. مايحب يطق وعنده احد ... شكله مايبي يطق وامك فيه الله يخليها لك ... يدري ان الواسطه بتشتغل

بس حلوه يوم تعطيه الظهر وتقوله اجلد لين ماتقول بس اخس يالمتمرس

شاكر لك حضورك وموقف الجميل .. وجعلها اخر الاحزان وتعيش وتاكل غيرها

إقتباس بنت فهد أبو طلال أخر مره ضربني اخوي أمسس لانه موصيني اسوي له شاهي ونسيته وضربني ضربه خفيفه وعااد تاسفت له رجعت الامور مثل ما كانت حبايب شكرا يا اخوي الصغيير

هلابك ولله بنت فهد .. يقولون عليك قل صح .. ماتشوفين شر اختي والله يقومك بالسلامه وترجعين تقولين لنا اخر التكفيخات اللى صارت لك ..

الف حمدلله على سلامتك وخطاك السوء

لايوجد تعليق على موقفك .. الا بعد مانتطمن على سلامتك ونشوفك من جديد بااتم صحه وعافيه

إقتباس راكان _20_ أمي آخر مره طقني قبل 5 سنوات يوم عمري 16 سنه لكن كف قبل سنه علشان ما تركة الدخان

الله يعصمك عنه اخوي راكان قل امين .. ويبعدك عن الدخان ....

تصدق راكان اني كنت ادخن تقريبا 15 سنه .. وتركته ابشرك الحين ... وللحين امي ماتدري اني ادخن يعني كل هالعمر .. وتزوجت وانا ادخن .. وتركته .. وامي ماعندها خبر اني ادخن .. وعمرها ماشمت فيني ريحه .. ولادخنت عندها واحرص انها ماتدري ... مسكينه الأم والله ..... اتركه لو علشان امك مو علشان صحتك
شاكر لك اخوي راكان .. ونصيحة اخو .. اتركه .. اتركه .. اتركه ...... والله مافيه الا المرض والعلم الرديء
واذا ودك تتركه ارسلي خاصه ... بس يكون عندك الرغبه




للحديــــــــــــــــــــــــــث بقيه