ما أدري وش فايدة الموضوع

لكن

يله

قبل 10 سنين

بسبب إني اتتن

<< قال اتتن قال

اتتن = أجييب اوراق وألفها وأشبها ويله

هالكلام كان عمري 11 سنـة

انا اخر مره كان قبل سنه

كف من ابوي

قعد علاماته اسبوع بخدي

السبب اني كنت سهرانه على فلم وسط الاسبوع ايام المدرسه

وجت 4 وللحين مارقدت وقواية عين يوم شافني قلت يبه ماني رايحه المدرسه

الا وجايني كف طاااير

الله يرجك تذكرته

عوافي ابو فارس وطلال

خخخخخخخخخخخخ ياحبك لتّـنبيش بالماضي

أنا أبقولك وبكل صراحه ومصداقيه

الحقيقه هذي السالفه طويله اسردها لك باختصار

طبعا الحادثه صارت قبل اربع سنين اي بمعنى يومي بثالث او ثاني متوسط مااذكر والله المهم

كنت خارج من المدرسه وجاي لم البيت عاد وانا جاي تحرش بي ولد الجيران طبعا توه بزر مدري يمكن وقتها ماكان الا صف ثاني ابتدائي

عاد انا خليته عقبها الا اشوفه يقول كلام غير لائق وكبير بالمره بالمره وعقبها مدري وش حذفني اظنه خشبه

المهم ماتشوف الا اللي يطرد وراه خخخخخخخخخخخخ ويمسكه مع راسه ودووف على الرصيف هههههههههه وقعد يبكي وحالته حاله

الزبده رحت البيت ونمت وصحيت العصر الا ابو ولد الجيران وعياله جايين كلهم خخخخخخخخخخ

الا ابوي يناديني تعال عاد جيت وفهمت ابوي السالفه وقاله ان ولدك مخطي عاد جاك الجار اللطيف وقال حتى لو اخطى تجي وتقولي

قال انا لازم اخذ حق ولدي قاله ابوي يابن الحلال منا ومنا قال لا ياتاخذ حق ولدي ولا انا بكره الصبح اوريك وقعد يسب ويلعن

المهم جا الوالد الله لايهينه ويصفقني كف يمين وكف يسار حول اربع او خمس مرات خخخخخخخخخخخخخ تهوور بالمره

عاد عقبها راح الجار بس انا قلت والله لا اوريه ان شفته بكره لا انجفه <<<<<<<< شايل معه سكين المجرم وهو رايحن للمدرسه ههههههههههههه

المهم جاني الوالد وقالي تراي ماضربتك لاني حاقد عليك ولا مااحبك والله خوفي عليك من هالحشاش ذا يسوي بك شي لانه ماهوب صاحي ومجنون

وبس هذا اخر مره اذكرها ضربني بها بس ماهوب قاصد خوفن علي من جارنا الحشاش يفقّع وجهي خخخخخخخخخخخخخ



يعطيك العافيه حبيبي ابو طلال

ذكرتني بالذي مضى
هلا بولد عمي
________________
وش أحكي لك بس
أنا كنت أتكيف وأنطق ليلا ونهارا
من أولى إبتدائي لحدأولى ثانوي


اليوم اللي ما أنطق فيه أحسه يوم غريب علي
الله يهديه أبوي عصبي شوي

بس أكون صادق معك أبوطلال
ما يضربني إلا لجريه مسويها

إختر أيه يوم تبي ما بين 1405 إلى 1415 أو 1416هـ
وأنا أقولك وش سالفه الفرش اللي جاني

إقتباس الرسالة الأصلية كتبت بواسطة مواصل من عام 1413هـ ذكرتني بالذي مضى هلا بولد عمي ________________ وش أحكي لك بس أنا كنت أتكيف وأنطق ليلا ونهارا من أولى إبتدائي لحدأولى ثانوي اليوم اللي ما أنطق فيه أحسه يوم غريب علي الله يهديه أبوي عصبي شوي بس أكون صادق معك أبوطلال ما يضربني إلا لجريه مسويها إختر أيه يوم تبي ما بين 1405 إلى 1415 أو 1416هـ وأنا أقولك وش سالفه الفرش اللي جاني

هلا بولد عمي
لاتقولي ولاتعلمني .. اعرف شيبانا راعين تصفيق وتصطير .. وتكميخ تقول عليهم حلف

بس خل عنك ترانا ( نوذي ) ايام الطفوله وفينا بثاره فلابد من تدخل اليد في سبيل انهاء الشطانه والجريات اللى غالبا ماتضرنا .. والطق يكون لمصلحتنا

مواصل ....... عطنا سالفة اخر طقه متى .. وليش ؟؟ وحاولت مثلهم تطلع من البيت وتحط ملابسك بالشنطه وتصبخ بالباب وانت ماطلعت .. تسمعهم يعني انك طالع

تحياتي لك ابو عابد وعساك تعرس وتطق عيالك وامهم .. طق ابوي حنون

إقتباس الرسالة الأصلية كتبت بواسطة كل الفن هلالي هلا ابو طلال انا ابوي ضربني مره بس والله زمان يعني قبل 6 سنوات تقريباً بس اللي ابي اقوله لك اني زعلت يوم ضربني وما كلمته وما طلعت من غرفتي وسويت اضراب كامل عاد جاني في غرفتي وعطاني 50 ريال عداً ونقداً ورضيت اما وش السبب فـ معصي اعلمك

كلنا نزعل بالضرب .. وش قصدك انا ماعندي احساس يعني .. يعي ابوي يضرب وانا اضحك

بس مو كلنا يراضينا ابونا بخمسين ريال .. تعودنا نرضى توماتيك .. تحديث الي

شكرا لك فارس ... والله اسمك شي ..

إقتباس الرسالة الأصلية كتبت بواسطة عبث طفلة بااااااااااااااااكات هذاني رجعت.... قلت خاني أفكر كودني ألقى سالفه كذا فيها أكشنات شوي بس يالله ماطاع يطلع من مخيخي الا ذي... تذكرت مره كنت في متوسط وكنت في استراحتنا وكانت قدامنا عماير تبنى وحركات وعمال يدهرون ومادريت الا والجرس يرن ولا ذيك الحريمه داخله الموهم ماعطيتها خشه دخلوها وقضينا يوم دريت ولا أختي طااااااايره تمشي مليون قالت شفتي مدرستنا ذيك تحت قلت ذيك مغيرها قالت ايه ذيك ماغيرها قلت تيب لازم أقزها صارت هي جايه تسلم على جدتي يعني صارت تقربلي بس من بعيد يعني مشاوير>>يقلع أم الصدف اللي كذا فقلت في نفسي راح أقزها اذا طلعت مافيه الا كذا مار أرقى للسطح لأن مافيه دور ثاني في استاراحتنامار أطمر وأرقى فوق قبل لاتنحاش الموهم رقيت ولافيه شئ أرقى عليه عشان أشوفها قلت لم أختي وبنات عمتي خن نروح ونسحب ذاك الدولاب هذا كبره مدي وش اللي خلانا نسوي تسذا بس قراده والله ونحطه في السطح ونرقى عليه>>أنواع الشطانه طلينا عليها وشفت خشتها ونزلنا الموهم يوم نزلنا ماشلنا آثار الجريمه طبعا رقى أبوي كالعاده بياخذ لفه على السطح مادرى الا ذا الدولاب مرتزن في وجهه مار ينزل معصب قال من اللي حاطه وبعدين مافيه درايش تطلون منها يعني ضاقت الا في السطح طبعا عطانا كل وحده صفقه على خفيف ومر اليوم بسلام الله لايعيده وبس هذي سالفتي أما جدايل لا قويه يعني قصدك تمسيع بالشعر هذي يمكن تصير بس بين الأخوات>>أمزح والله خبرك عتيد من زمان ماتهاوشنا بالشعور والتمعيط شوووووووووووووووووووكرن لك أبو طلال.. دمت تسذا دائما بمواضيعك اللي تخقخق

^^^^^^^

والله ياشكلك شيطانيتن مريده

وهلا بعودتك ومرورك ........... وترى ماعندنا مانع نسمع قصه اخرى .. بالحوش مثلا

إقتباس الرسالة الأصلية كتبت بواسطة بني حارث موضوع حلو أنا بالنسبة لأبويصراحة ما أذكر إنه ضربني لأني أصغر بناته وبعدين ما يحتاج لأن أبوي الله يحفظه عصبي وما أتجرأ أحط عيني في عينه ولو سألني عن شي أستحي منه يعني علاقتي فيه سطحية أما أمي حليلها بس تهدد ولا ما تمد يدها علينا

حلوه علاقتك مع ابوك سطحيه لالا .. عمقيها .. اطمري على ظهره .. صارخي بوجه وهبلي فيه ..
ياحليلكم شكلكم عائله مؤدبه مسالمه جدا ... مافيه اكشن
شاكر لك اختي



للحديـــــــــــــــــــث بقيـــه :

بااااااااااااااااكات هذاني رجعت....
قلت خاني أفكر كودني ألقى سالفه كذا فيها أكشنات شوي بس يالله ماطاع يطلع من مخيخي الا ذي...
تذكرت مره كنت في متوسط وكنت في استراحتنا وكانت قدامنا عماير تبنى وحركات وعمال يدهرون ومادريت الا والجرس يرن ولا ذيك الحريمه داخله الموهم ماعطيتها خشه دخلوها وقضينا يوم دريت ولا أختي طااااااايره تمشي مليون قالت شفتي مدرستنا ذيك تحت قلت ذيك مغيرها قالت ايه ذيك ماغيرها قلت تيب لازم أقزها صارت هي جايه تسلم على جدتي يعني صارت تقربلي بس من بعيد يعني مشاوير>>يقلع أم الصدف اللي كذا
فقلت في نفسي راح أقزها اذا طلعت مافيه الا كذا مار أرقى للسطح لأن مافيه دور ثاني في استاراحتنامار أطمر وأرقى فوق قبل لاتنحاش الموهم رقيت ولافيه شئ أرقى عليه عشان أشوفها قلت لم أختي وبنات عمتي خن نروح ونسحب ذاك الدولاب هذا كبره مدي وش اللي خلانا نسوي تسذا بس قراده والله ونحطه في السطح ونرقى عليه>>أنواع الشطانه
طلينا عليها وشفت خشتها ونزلنا الموهم يوم نزلنا ماشلنا آثار الجريمه طبعا رقى أبوي كالعاده بياخذ لفه على السطح مادرى الا ذا الدولاب مرتزن في وجهه مار ينزل معصب قال من اللي حاطه وبعدين مافيه درايش تطلون منها يعني ضاقت الا في السطح طبعا عطانا كل وحده صفقه على خفيف ومر اليوم بسلام الله لايعيده
وبس هذي سالفتي أما جدايل لا قويه يعني قصدك تمسيع بالشعر هذي يمكن تصير بس بين الأخوات>>أمزح والله خبرك عتيد من زمان ماتهاوشنا بالشعور والتمعيط
شوووووووووووووووووووكرن لك أبو طلال..
دمت تسذا دائما بمواضيعك اللي تخقخق

موضوع حلو
أنا بالنسبة لأبويصراحة ما أذكر إنه ضربني لأني أصغر بناته
وبعدين ما يحتاج لأن أبوي الله يحفظه عصبي وما أتجرأ أحط عيني في عينه
ولو سألني عن شي أستحي منه يعني علاقتي فيه سطحية
أما أمي حليلها
بس تهدد ولا ما تمد يدها علينا

هلا وغلا بابو الطل

والله لا والوالد - رحمه الله -

ولا الوالده يطقون

بس يوجد بعض المحاضرات


اللتي تنهل على رأسي يومياً

ولكن اتقبلها بكل يسر والحمد لله

لا يوجد طق ولا طقيق

.: برايفت لابو طلال :.

انا قلت ابو طلال

ابو الطل العشى موجود اغبيلك ولا لا

إقتباس الرسالة الأصلية كتبت بواسطة AL BRENS-14 هلا وغلا بابو الطل والله لا والوالد - رحمه الله - ولا الوالده يطقون بس يوجد بعض المحاضرات اللتي تنهل على رأسي يومياً ولكن اتقبلها بكل يسر والحمد لله لا يوجد طق ولا طقيق .: برايفت لابو طلال :. انا قلت ابو طلال ابو الطل العشى موجود اغبيلك ولا لا

هلابك كيموووو والله يرحم الوالد ويخليلك اميمتك وجدتك .... واخوانك .... ولد خالتك المموح ( اجمل العالم )
والله مدري عن هالمحاضرات تتقبلها بيسر .. والا يزحلطن زحلطه على الراس ويطلعن
وبالنسبه للعشى .. خله غداء .. يقولون طابخين ( مطيزيزات )
شكرا كيمووو وسلملي على يزيد وقله يقولك ابو طلال .. تسلم الايادي على هالتوقيع الحلو .. بس لو هو اصغر شوي ( افهمها )

إقتباس الرسالة الأصلية كتبت بواسطة Bnt alzaeem ما أتذكر طق طق بمعنى الكلمه ماتبي تطلع فضايح اتذكر يوم كنت في سادس ابتدائي كان حلمي العب {{بالسيكل}} برا في الشارع وذاك اليوم ماكان فيه احد في البيت اخوي نايم وامي طالعه وابوي مسافر واخذ سيكلي واطلع وانادي الشغاله تجلس عند الباب وانا الف وادور في الحاره {{بس مارحت بعيد}} شفت سياره من بعيد كأنها سيارتنا وفعلا امي جت وشافتني في الشارع انا شفت السياره ولا لا جاني هبال واسرع وادخل البيت واروح غرفتي وكأني ماسويت شي وانا ادعي يارب تكون ماشافتني وتجي امي وتقول فلانه تو وين كنتي فيه قلت وانا {{طاقتني ام الركب }} في غرفتي قالت لا والله ما ادري إلا طلعت معلاق الملابس وطاحت فيني ضرب ضرب عمري ماذقت مثله إلا جسمي ازرق احمر اخضر جميع الوان الطيف {{امحق من طيف}} وتقول هين خلي ابوك يجي والله لأعلمه لو يدري ابوي علي السلام طبعا جلست اتأسف واحلف اني ما اعيدها بس ما تعلم ابوي بعدها ما اتذكر اني انضربت يعني تقدر تقول هاذي الاولى والاخيره حتى الان {{طبعا الله لايخلينا من التقبيص}}

]{{طبعا الله لايخلينا من التقبيص}}:

الجلد مورم .. بلى والله من الشطانه .... على طاري التقبيص .. مره قبصت طلول .. وحسيت انها عورته ... جربت القصبه على جلدي .. قبصت نفسي يعني .. لقيتها والله تعور .. بغيت اصيح من الوجع ..!! جتني ضيقة صدر ( وغلقه ) وتكه غير طبيعيه ...
مانمت بالليل ورحمت ابو الطل .. عاد نومته ذيك الليله عندي وجبت فكس ودهنته على المكان اللى قبصته فيه .. ومن بكرا وديته للملاهي لين مانسى السالفه

يعطيك العافيه ياام السياكل على هالقصه الحلوه ... ويخليلك امك وابوك .. وطقهم

إقتباس الرسالة الأصلية كتبت بواسطة SALEHYA انا ياليت مثلكم انطق خلوها على الله

ولاتزعل نفسك ياقلبي ... اكتب ورقه تنازل عن جلدك وعطني اياها وابشر

لاتحسد الناس على ضربهم ....

عموما,,,,,, اشعر بشيء من الحزن من خلال ردك .. وسع صدرك ( وس ع ص د ر ك )

وشكرا لك قلبي على المشاركه ونشوفك في حالة افضل ان شالله

إقتباس الرسالة الأصلية كتبت بواسطة كيف نعيش بلا ياسر مووضووع حلووو ورائع اجل بترد الكف هههههههههه << والله انك كنت زاحف انا ما اذكر اني انطقيت اذكر انه المحاظرات والسب كل يووم مشكور على الموضوع وعساك على القوه

هلابك اخوي ... حياك

ايه كنت ناوي ارده من الحره اللى فيني .. اجل يضربني قدام العمال ؟؟ ومصريين بعد .. طاحت هيبتي وانا اول انفخ عليهم واتأمر صرت ملطشة
عاد يوم اقولها نسيت ان ابوي اللى صافقني الكف .. تخبر متعود على الكفوف بالمدرسه والحاره والاقارب وكلهن ابردهن .. ولارديت شي للحين
لا ان شالله يجيك طق خفيف علشان ماتحرمنا من مشاركتك بالموضوع .. رح سو شطانه عند اهلك .. رح دخن عن ابوك وتعال رد علينا نشوف كيف كان الطق تكفى ..!!
شاكر لك وننتظر العوده



[QUOTE]

إقتباس الرسالة الأصلية كتبت بواسطة الهنوووف " " وعليكم السلام ورحمه الله وبركاته اممممممممممممم بصراحه ماحس اني انضربت كثير يمكن لما كنت صغيره ماتذكر وقليلا المواقف الي تستحق الضرب لي وش حليلي هاديتن عاقلتن كافيتن خيري شري >>>>>>>>>>تمدح بعمرها واابووي الله يحفظه ماتوقع كان يتعامل بالضرب يمكن يعصب بس ماحس اننا كنا نسوي شي يستحق الضرب او الصراخ ولو غلطنا الافضل نبتعد عن مصدر الخطر الضرب غالبا للاولاد احس قليل بنت تنضرب تذكرت مره اتوقع هي الاولى والاخيره الي انضربت فيها كنا انا واختي وبنات عمتي ثنتين ووولد خالتي طبعا عددنا خمسه يعني واحد مايلعب معنا نلعب (كيرم ) المهم اني خسرت الظاهر عاد تعرفون الدلع مدري وش قلت وعصبت والظاهر بكيت علشانهم طلعوني او بمعنى اصح خسروني اتذكر تنرفز ابوي من رده فعلي وضربني الله لايعيد الكيرم الي بيعرضني للضرب عوافي اخوي ابوطلال والله الله بطلال وفارس لاتمد يديك عليهم اثاريكم مثلي اتذكر اول لو صرخووا علي او ماشروا لي شي ابيه فكرت اهاجر الدياااار واحس الدنيا تسود بعيني احسن بظلم عنيف لو مالبو لي طلب الله يذكر ذيك الاياام والحمد لله قدرنا نتمالك اعصابنا ومانحشنا

الهنوف هلابك .......

اصعب حالات الطق لما تكون تنكت او تتميلح او فرحان وتكون اول ردة فعل صطره .. يقلب وجهك ووتفشل عند اللى حولك ... تقريبا حالتك مثلها مسويه زحمه وقلق يوم انهزمتي .. جتك طقه خلت هالدلال يقلب صياح

مرحبمبم هنوف .... البنات قليل ينطقن بس هن دائم السبب وراء طقة العيال المساكين ..

وراء كل صطره موجعه ... امراءه

شاكر لك حضورك ومرورك

لا الحمدلله ماقد انطقييت من امي وابوي امي حنونه على نياتها وحتى ابوي

بس جاني كف في التمهيدي عاد تعرفون يعني اولاد وبنات كان لهم مراجيح واحنا يا

البنات لنا والاولاد يروحون حق البنات والبنات يروحون حق الاولاد عاد انا انتظر

دوري في (الزحليقه) جا دوري وانا اغني ويقالك سندريلا وانا توني باجلس عشان

(اتزحلق)جتني الفضوليه التفت وراي الا والكف جاني<<تراني متحمسه المهم هذا

ولد حسبي الله

علييهم ذا الاولاد شايفين البنات لعبه عشان يطقونا<<كأني لمحت عين طالعهالمهم هو

طقني والا ما طقني قمت وطقيته وبعدين تزحلقت وانا متنكده يوم جت الطلعه ويناظرني

بحقد بس ماسوالي شي

مشكوووووووووور ابو طلال على الموضوع الرووووووووعه

ما أتذكر طق طق بمعنى الكلمه

ماتبي تطلع فضايح

اتذكر يوم كنت في سادس ابتدائي كان حلمي العب {{بالسيكل}} برا في الشارع

وذاك اليوم ماكان فيه احد في البيت اخوي نايم وامي طالعه وابوي مسافر

واخذ سيكلي واطلع وانادي الشغاله تجلس عند الباب

وانا الف وادور في الحاره {{بس مارحت بعيد}}

شفت سياره من بعيد كأنها سيارتنا

وفعلا امي جت وشافتني في الشارع

انا شفت السياره ولا لا جاني هبال

واسرع وادخل البيت واروح غرفتي وكأني ماسويت شي

وانا ادعي يارب تكون ماشافتني

وتجي امي وتقول فلانه تو وين كنتي فيه

قلت وانا {{طاقتني ام الركب }}

في غرفتي

قالت لا والله

ما ادري إلا طلعت معلاق الملابس وطاحت فيني ضرب ضرب عمري ماذقت مثله

إلا جسمي ازرق احمر اخضر جميع الوان الطيف {{امحق من طيف}}

وتقول هين خلي ابوك يجي والله لأعلمه

لو يدري ابوي علي السلام

طبعا جلست اتأسف واحلف اني ما اعيدها بس ما تعلم ابوي

بعدها ما اتذكر اني انضربت

يعني تقدر تقول هاذي الاولى والاخيره حتى الان

{{طبعا الله لايخلينا من التقبيص}}