بسم الله الرحمن الرحيم


طبعا الموضوع صحي بحت وبأتكلم فيه عن نوع من الحساسيه غير معروف بكثره بس اللي الاحظه انتشاره في الاونه

الاخيره وهو ((حساسية الاطعمه)) واتمنى من كل عضو عنده معلومه عن المرض لايبخل علينا .

كتبت هالموضوع بسبب ما شفته من اهمال او عدم وعي من بعض آباء المصابين به.. وخصوصا اني عانيت من هذا المرض

وماأحب اني أشوف غيري يعاني ماعانيته فحبيت اوضح بعض المعلومات اللي عندي واستفيد من معلومات الغير..



في البدايه بأعطيكم قصتي مع المرض...

كنت وعمري أربع سنين كل يوم جمعه اتعب على أهلي شكوا اهلي وخلوا شيخ يقرأ علي بس مافيه فايده وفي يوم

شكت أمي إنه يكون عندي مرض الحساسيه من الاطعمه مثل خالي فجربت واعطتني عدس " بحكم انها تطبخه كل جمعه"

وفعلا تعبت عليهم ووقتها ماكان منتشر وكان نادر وطبعا كان علاجي الوقايه كانوا اهلي اذا بياكلون عدس او فول

"" اكتشفت امي مع مرور الايام اني كمان اتعب من الفول والحمص والبازلاء ""اجلس اسفل المجلس وهم اعلاه

بس بعد ما بديت ادرس مادخل بيتنا لافول ولاعدس ولابازلاء والحمص نادرآ طبعا ولله الحمد ماتعبت هالفتره كلها ..


وانا في 2 ثانوي رحت لدكتور واعطاني إبر اذا جتني الازمه طبعا قبل ما اروح له ماعمري مريت بازمه الاوانا صغيره و

وكانت تعدي على خير وبعد مارحت له وفي يوم كانت فيه مباراه للزعيم وكنت حريصه اشوفها جتني ازمه عمري

مامريت فيها عشاني مريت قدام بيت طابخين فول ورحت للمستشفى واخذت الابره ولله الحمد سلمت ,,,

,,,طبعا فاتتني مباراة الزعيم,,,

**********************************************

انا اتعب من اكل وريحة العدس والفول اما البازلاء والحمص من الاكل فقط


#اعراضه ......


طبعا تختلف من شخص لاخر بس عندي::

1) انتفاخ الجفنين بشكل مخيف ,,, كأني صينيه,,,

2)انتفاخ الشفايف ,, ولا منفختها بسليكون,, مع ازرقاقها

3) التهاب باللسان وثقله

4) انتشار بقع غريبه على الجلد مع احمراره ,, البقع كأن فيها مويه ,,,

5) ضيق شديد بالتنفس

6) انسداد الاذاني بسبب انخفاض شديد بالضغط


************************************************


#العلاج المستخدم .......

إبرة وريديه اسمها ...SOLU-CORTEF (( والاهم منه الوقايه))


*******************************************************


**معلومه **

&هذا المرض لم يكتشف له علاج الى الان يعني المصاب به الى ان يموت وهو مصاب به الا بقدرة الله

*********************************

&يختلف هذا المرض عن ((انيميا الفول)) او ((انيميا البحر المتوسط ))








ما ابي اطول عليكم ,, اجل وش اسمي ذا,,,,,

(( اللهم عافني وجميع مرضى المسلمين))))


...... لاتنسوني من دعائكم.........

سبحان الله مرض اول مرة اسمع فيه
سمعت بمرض انيميا الفول
اختي الغـالية
أسأل الله العظيم رب العرش العظيم ان يشفيك
والف لا بأس عليك طهور ان شاء الله
داومي على الذكر والدعاء واحتسبي الاجر من الله..
لايُبتلى الا المؤمن

دمتِ بطاعةالله

::

اخــتك

الله يشفيك يارب

وجزاك الله خير على تقديم المعلومه

حبيت اوضح الفرق بين (( انيميا الفول )) وبين (( حساسية الاطعمه العاديه)) الاختلاف بينهم ان انيميا الفول تسبب الوفاه بشكل كبير لانها

تكسر كريات الدم الحمراء والمصاب بها يحتاج الى نقل دم اما الحساسيه العاديه ماتتكسر كريات الدم الحمراء وهذا يقلل من خطورتها


بالبدايه خوف الدكتور اهلي الى ان طلعت النتيجه انه اللي عندي مو انيميا الفول وهذا من فضل ربي (( الحمدلله شيء اهون من شيء))

(( من شاف مصايب الناس هانت عليه مصيبته))

وشكرا اخ عالم الهلال واختي هلاليه على المرور

اتمنى اكون قدرت اوضح لو الشيء البسيط

الله يرفع عنك ويشفيك

اختي الكريمه هناك علاج لكل الأمراض
وهي الـرقـيـه الشرعيه

وافضل الرقيه قرائتك أنتي على نفسك

اسال الله الكريم الشفاء لك ولي ولجميع المسلمين

الله يعطيك العافيه على موضوع مهم ومفيد ووقائي للجميع

وربي يكتب لك الشفاء ... ان شالله


مافيه عمر محدد او علاج ينهي من خلاله بعد الله معاناة المرض .. او العلاج وقتي فقط ... ؟؟

وتقبلي مروري اختي

شكرا حضور طاغي وابو طلال على المرور

إقتباس سبحان الله مرض اول مرة اسمع فيه

يعطيك العافيه موضوع مفيد

والله يكتب لك الشفاء والعافيه من هذا المرض

الله يعطيك العافيه اختي الكريمه


وحمد لله على سلامتك وما تشوفين شر ان شاء الله


والله يجزاك خير ان شاء الله على مبادرتك الطيبه



تحياتي .....

أسأل الله العظيم رب العرش العظيم ان يشفيك
اسأل الله ان يجعل ما اصابك تكفيرا لذنوبك
طهور إن شاء الله ولا تنسي الأكثار من ذكر الله وطلبه الشفاء فهو الشافي وحده

الله يشفيك اختي

تدرين عاد انا عندي حساسيه من السمك بس اذا اكلته مايصيرلي زيك بس مجرد تطلع حبه في

شفايفي وتشوفين عاد حرمت اكل مع انها كانت وجبتي المفضله بس فجاء صار لي منها حساسيه


عوااافي اختي والله يشفيك ان شاء الله

هلا فيك أختي الغاليه ..

انا أول اسمع عن هذه الحساسيه ,,

دعواتي لكِ ربي يشفيك ويعافيك والحمد لله شي أهون من شي ..

ان شاء الله يكتشفون العلاج المناسب ...

ماتشوفين شر يالغلا ..