|
وينكم ياجمهور الهلال؟نكذب الكذبة ونصدقها!! بسم الله الرحمن الرحيم السلام عليكم ورحمة الله وبركاته شخباركم ان شاء الله بخير:) ياجمهور الهلال نكذب الكذبة ونصدقها؟؟ الحين المفرج الي كنا نقول عنه انه اشين لاعب ومادري ايش وتواقيع سب وتجريح وكل شئ وآخر شئ نقول انه تالق وبعدين قدام مين قدام القادسية والحزم :sick: واذا جت المباريات الحساسة مثل مباراة النصر ولا مباراة الاتحاد تتذكرون كلامي زين والله مادري وش يعيب المرشدي على شان مايلعبونه اساسي يسكتونا بمباراة نجران :upset: والله حرام هذا دليل على ان الهلال مو مستقر وحتى بالتشكيلة الكل يتغير الا صاحب الواسطة مايتغير ابدا رسالة لكم الي عملتوه بعد الخروج مع آسيا يجب ان نعمله في كل مباراة نحتج على المفرج ونطالبة بالخروج من الهلالs13s والا قولو للبطولات باي باي:cry: |
موقت ها الكلام والمفرج سواء اللى عليه |
كلامك صحيح |
أخوي ما فيه شي اسمه واسطة وإن شاء الله المفرج تألق ومهما كان لا داعي للتجريح |
*************** كل هذا عشان المرشدي وش يقرب لك ؟؟؟؟ إقتباس:
مو كذا تتناقش الامور بنشر الفوضى والاحتجاجات الفريق بحاجة لوقفة مو نكسة سلاااااااام |
ياااخي انا والله ما أدري وش اقووول لكم عن المفرج ... لكن الله يعينااا عليه ... شكله ما صار مع الهلااال صار خصم ضد الهلاااال .... انتم ما صدقتوا خبر في مباراة وحده مليتوا الصفحة كلهااا مواضيع المفرج والمفرج خلااااص ياناااااااس ... والله لو انكم تمدحون في ياسر والا سااامي ..!! |
مشكورين على المرور واعطائنا آرائكم |
المفرج وبكل صراحه تألق في المباريات السابقه . وان شاء الله انه راح يبدع من مباراة للاخرى . وبالتوفيق |
سؤال ممكن !!!!! وش تشجع ؟؟ |
كيف حالك |
كلامك ليس في محله أبداّ يأخي أبقولك كلمه أي لاعب في العالم تمر عليه ظروف و انتقادات و ظغوطات ووو , لكن ما تاصل ان الجمهور يطرده من الفريق أجبيلك مثال قريب جداّ .. ( ياسر .. مرت عليه فترات صام عن التهديف فترة شهرين تقريباّ و أداءه صارضعيف , و كان الجمهور يقول هذا حرام في الهلال و هذا حرام عليه مبلغ الـ 22 مليون و هذا لاعب فاشل و هذا و هذا وهذا ووو الخ , و الحين ناظر مكان ياسر في قلوب الهلالين , ليش ؟ لوقوف الجماهير بجانبه و مساندته و خلوه يخرج من اللي كان فيه ) .. و أجيبلك مثال ثاني .. ( رونالدينهو " طبعاّ عارف منهو رونالدينهو " .. العام اللي راح مر بظروف و انتقادات و ظغوطات صعبه جداّ مع برشلونه , حتى انه كان تمر مباريات لا يريده جمهور برشلونه انه يلعب لضعف أداءه , و الحين ناظر جماهير برشلونه وش يكون حالها اذا كان رونالدينهو غايب عن المباراة .. ) يعني بمعنى الكلام " ان اللاعب مهما يكون تمر عليه ظروف تخليه يكره حتى نفسه " .. بتقول هذا يتفلسف و يقول كلام كله خرابيط و على غير فايده .. أبقولك . لا . لو انك متابع جيد لمباراة القادسيه و الأتفاق و مباراة الحزم أمس .. كان مو هذا كلامك الحين عن فهد المفرج لأنه كان أداء فهد أكثر من رائع في المباريات و كان له الفضل الكبير بعد الله في تعادلنا مع الأتفاق و فوزنا على القادسيه و الحزم .. " أنا ما أنسى جهود باقي اللاعبين , ما قصروا و الله يعطيهم الف عافيه " بس الحق ينقال .. على العموم هذا هي الرساله اللي حبيت أوصلها لك أخوي و لجميع أخواني في المنتدى اللي مو عاجبهم اللاعب فهد المفرج .. و أنا اّسف على الأطاله لكن زي ما قلت .. الحق لازم ينقال .. .. و شــكــراّ .. |
روووح نام احسن يامندس روح لمنتداكم الفقر.. ادري انه يفقع العيون بس لازم تروح هناك |
إقتباس:
اقول ترا كلن يطالع الناس بعين طبعه شكلك مندس في منتدياتهم ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ ـــــــــــــ عموما اخوي كاتب الموضوع فهد المفرج اللي من بعد جيل يوسف وابو اثنين والتيماوي اللي يلعب بروح هو وياسر القحطاني والخثران اما البقيه فحدث ولا حرج ياخي الحزم اللي ماهو مالي عينك احرج فريقك بالرياض الى الدقيقه الاخيره الحزم اللي ماهو عاجبك لو الله ثم المفرج وحماسه كانرحنا فيها اكث رمن كوره تصدا لها غير اللي كانت على خط المرمى ياخي المرشدي لاعب ماعليه خلاف لكنه ماهو منضبط وهو اللي يخرب على نفسه ليش العب لاعب ماهو منضبط في التمارين على حساب لاعب نظامي ومحترم النادي ويلعب بحماس وبذمه الله يوفقك يامفرج والله العظيم اني اتابع مباراة الهلال والحزم قبل شوي اقسم بالله وده يطارد الكوره في كل مكان على فكره ترا خالد عزيز في عام 2004 حصل له نفس اللي حصل للمفرج الان واكثر وفي المنتديات انتشرت تواقيع بصور عزيز تطالب النادي بعرضه على قائمه الانتقال شف الحين عزيز وين وصل الهلال مايقدر يستغني عنه ياخي مرحبا بالف مثل المفرج بدل الغنام والزوري والهليل والبرقان وغيرهم من اللاعبين الباردين مع احترامي لهم |
ايه مباره الديربي جايه والمثل يقول المويه تكدب الغطاس |
إقتباس:
|
| الوقت المعتمد في المنتدى بتوقيت جرينتش +3.
الوقت الان » 08:50 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd