|
جواب لكل اللي يسأل عن موبايلي الزعيم وكيفية الاشتراك,,,, صبحكم الله بالخير جميعا كثرت الاستفسارات عن موبايلي الزعيم وعن كيفية الاشتراك وبموضوعي هذا حبيت اوضح كم عن كيفية الاشتراك وطبعا كلامي هذا للي شرايحهم تابعه لشركة الاتصالات اللي يبي خدمة موبايلي الهلال لازم تكون شريحته موبايلي اما اللي رقمه تبع شركة الاتصالات ولا يبي يغيره بحكم انه صار له فتره طويله معاه عنده حل بسيط وهو انه يزور اقرب فرع لموبايلي ويقول لهم انا جوالي اتصالات وابغى احوله لموبايلي يعني بغير المشغل يعني بيكون نفس رقمك بالضبط...لكن المشغل موبايلي وش يعني مشغل؟؟ يعني نفس رقمك بالضبط اللي تستخدمه الحين واللي كل اخوياك يعرفونه بس الفرق ان فواتيرك من موبايلي يعني اللي عليك تغيير المشغل (اللي هو من من موبايلي والى اتصالات او اتصالات الى موبايلي) وطبعا خدمة تغيير المشغل مجانا الان اما مايخص موبايلي بعطيكم نبذه بسيطه عنها وعن خدماتها: موبايلي عندها خدمة اسمها خطي بلس قيمة الاشتراك الشهري في هذه الخدمه 30 او 35 ريال ماني متأكد بالضبط كم بس ماتتعدى هالسعرين قيمة الدقيقه من موبايلي لموبايلي او من موبايلي الى الجوال 30 هلله وعندهم خدمة تقدر تضيف فيها 5 ارقام بس بشرط تكون موبايلي قيمة الدقيقه لهذه الارقام 20 هلله واللي يغير رقمه الى موبايلي بالفتره الحاليه بتكون رسوم الاشتراك الشهريه مجانا لمدة عام يعني اللي عليك بس تسدد فواتيرك وطبعا غيرها وغيرها من المميزات بصراحه عروضهم مغريه جداً..وانا اعرف كثير حولوا جوالاتهم لموبايلي طبعا تحول شريحتك لموبايلي مع احتفاظك برقمك الاصلي يعني رقمك مايتغير بس اللي يتغير ان فواتيرك تصير عن طريق موبايلي (ذكرتها مره ثانيه عشان توضح للي ماعندهم خلفيه عن الطريقه) طبعا اللي يبي الفايده اكثر بأمكانه الاتصال على خدمة العملاء في موبايلي على الرقم 0560101100 للي ارقامهم شركة الاتصالات واللي ارقامهم موبايلي على الرقم 1100 او على الموقع الرسمي للشركة واللي فيه جواب لكل استفساراتكم http://www.mobily.com.sa./wps/portal أتمنى اكون افدتكم....وآسف على الاطاله طبعا موضوعي هذا كله كان رد على موضوغ واحد من الاخوان الاعضاء يستفسر ومن ردود بعض الاعضاء عليه اكتشفت ان فيه مجموعه ماعندها خلفيه عن هالسالفه عشان كذا حبيت اوضح |
يعطيك العافية ما قصرت على التوضيح |
الله يعافيك اخوي هاوي مشكور على المرور الجميل |
شكرا لك |
العفو اخوي الليل الازرق مشكور على المرور |
اخوي انا جوالي رقمه موبايلي واشتركت بالخدمه لكن للاسف الرسايل دايم تجي لي متاخره حتى مباراة الاتفاق الاخيره بعد ما انتهت المباراة بعشر دقايق جتني رساله عن تشكيلة الهلال ههههههههههههههههههههههههههه سؤالي هل الخلل من جوالي ام من ضغط الشبكه ام ماذا للافاده |
الله يعطيك العافيه يالغالي والله ينور عليك مثل ما نورتي بالنسبة للموضوع اللي شاغلني من فترة .. كل الشكر لك .. ولا عدمناك.. |
إقتباس:
والله مادري ياخوي لكن ممكن لو تلغي اشتراكك وتفعله مره ثانيه ممكن تضبط معك |
إقتباس:
تسلم ياغالي..,شاكر لك مرورك |
إقتباس:
|
إقتباس:
أتوقع غ رقم القناة اللي انت مشترك فيها |
مشكور |
| الوقت المعتمد في المنتدى بتوقيت جرينتش +3.
الوقت الان » 12:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd