|
حملة الجماهير ضد المفرج شخصيـه وليست بـ سبب لعبـه وآدائه السلام عليكم ورحمة الله وبركاته مساء الخيـرر -- صباح الخيـررر كل واحد حسب وقت دخووولــه لاحظت في هذه الايام كثرت المواضيـــع عن المفــرج وادركت تمـــاماً بـ أن من يحاربون المفــرج يحاربــونه شخصيــاً لا بـ سبب لعبــه ولا بـ سبب غيـــره بل أنهم يحاربـــونـه شخصيـــاً ,, لا أعــرف لمــاذا!! هل بـ سبب اللحيـه والإلتـزام!! الله أعلم مع اني لا اتوقع هذا الشيء من مسلم وجماهيــر الهلال كلهم مسلمون ولله الحمـــد بعد مباراة الاتفاق والتي كان نجمهــا (فهد المفـرج) صاحب الرقـم 17 ظهرت مواضيع كثـر عن الكابتن فهــد فـ يظهر واحد من عشـرين موضوع يمدح في مستوى المفـرج بهذه المبــاراه كـل المواضيــع المفرج سبب الهدف المفرج ماغطى زين المفرج والا فرحة المفرج بعدم احتساب البلنتي والحقيقه ان في مباراة الاتفاق المفــرج هو من حمــل تفاريـس واخطائه الكثيــره ولكـن بعض الجماهيـر ترفــض الحقيقه وتقول العكـــس إلى متـــى الحملـــه ضــد الكابتــن فهــد قائد الدفاع الهلالــي؟؟؟ الى متــى الســب والتجريـــح في لاعــب يخــدم الزعيـــم؟؟؟ الى متــــى الجماهيـــر تجررح في اللاعبيـــن؟؟؟ ----------------------------------- الله ما أجملكم ياجماهيــر الشــــرررقيــه ففي تلك الليله في مباراة الاتفاق كل الجماهيــر تهتف بـ فهد مع كل كره يقطعها وتصفق لــه ولكــل لآعــب أبــدع بالمباراة وليس المفرج فقط ياليـــت كل جماهيـــر المملكــه الهلاليـــه مثلك ياجمهوور الشرقيـه الذوواق للمتعـــه والاثاررره والمحتـــرم لجميـــع اللاعبيـــن المبدعين بلآ استثناء أعطررر تحيـّــه AhM Wa7D |
محجوز |
يااخي فهد المفرج لاعب خلوق جدا وهو افضل لاعب هلالي بالاخلاق فلماذا نحاربه لشخصه؟ ونعلم انه يقدم مالديه لكن احنا طموحنا كبير <== للاسف طبعا لاننا ماشفنا |
اتمنى تغيير اسم الموضوع.!! |
مُـزعج أن تـرى عنوان يُـناقض مُحتوى الموضوع .. فقط من أجل الجـذب ..! شكرًا |
ما اقول الله يعينا بس على المفرج |
يا أخي اكتب العنوان نفس المضمون ثانيا : غضب الجماهير أتى بعد تراكمه وليس من خطأ واحد عموما راح نصبر على المفرج حتى يتواجد مدافع آخر وإن شاء الله يكون ماجد العمري وبعدها ............... لكل حادث حديث |
لا حول ولا قوة الا بالله الحين صار الانتقاد بسبب اللحية؟ بالله هذا منطق؟ يعني انت شايف المفرج مبدع في كل المباريات وانتقدناه عشان غلطة وبسبب لحيته والتزامه؟؟؟؟؟ احسن النية في اخوانك المسلمين والمفرج كمستوى فااااااااااشل ولا يملك ما يقدمه للفريق الرجاء عدم الدخول في ذمم البشر |
المفرج والله بطل وبعدين يا ناس يكفي انه لاعب مجتهد متحمس يحب النادي احنا ليش ما نشجعه بدل ما نشتمه ونسيئله على العموم الله يوفقه |
يعني تبي تقنعني ان المفرج لاعب بطل اوكي اخلاقه حلوه وش ابي فيها انا ابي لاعب يلعب صح واخلاقه حلوه مو المفرج اللي يجيب العيد وبعدين لوكان لاعب اوكي كان راح للمنتخب مره وحده على الاقل وهو اساسي ثلاث سنوات في الهلال والدليل باكيتا يوم كان مدرب الهلال كان المفرج اساسي ويوم راح باكيتا للمنتخب ماخذ المفرج ولامره تدري ليش؟ لان واسطة فهد في الهلال اما المنتخب مع الباب |
لا حول ولا قوة الا بالله |
ماتوصل فينا للدرجه هذي ونروح نسبة علشان لحيتة ولاانه ملتزم !بس كفاية مجاملات على لاعب فاشل مثل صاحبك ! |
والله المفرج خلوق وملتزم على عيني وراسي بس ببعض المباريات وخااصه المهمه يرتبك وينكبنا |
انت خل المفرج يبتعد عن الناي ويعتزل وشف هل حنا نكره المفرج والا نكره لعبه !!! حنا نختلف عنكم ياجمهور اللاعب الواحد حنا اكبر همنا نشوف فريقنا فوق مهوب لاعبنا المفضل فوق !! عرفت والا لا ياجمهور اللاعب الواحد :) |
الله يهديك يا اخي ليه وش شايفنا ننتقد المفرج عشانه مطوع ؟؟!!! الظاهر انتم اللي تدافعون عنه عشان اخلاقه والتزامه فتظنون اننا ننتقده لنفس السبب عموما المفرج ليس طموح الهلاليين ومباراة او مباراتين او عشر لن تزيل الذكريات الحزينه التي عشناها معه ومستواه لن يتغير اطلاقا فعمره 30 سنه وقد انتهى ولا يوجد لديه المزيد لتقديمه للهلال واتمنى ان ينتقل المفرج لأي نادي اخر لكي تعرفون اين مكانه الحقيقي،، واتحدى ان ينتقل لأي نادي كبير،، اتحدى لا تقارنه بتفاريس فتفاريس ان رحل سيرحل للدوري البرازيلي وانت تقول المفرج يغطي على اخطاء تفاريس كلام عاطفي بحت مع احترامي الشديد لك واكبر دليل على العاطفه انك تبرر انتقادنا للمفرج بالاتزام والحقيقه ان جل من يدافع عنه هم متعاطفون معه ومع اخلاقه والتزامه وهو شي يحسب له ونتمنى ان نراه في كل لاعبينا ولكنه غير كافي لكي يلعب في الهلال ،،، ولن يكون كافي لكي يجد له مكان اساسي في نادي كبير هو يجد مكانه في الهلال بكل بساطه بينما اجزم انه لو ذهب الى اي نادي ومعه احتياطي الفريق الدفاعي لدينا فمن سابع المستحيلات ان يلعب هو اساسي وهذا الكلام واقعي ولكنكم تكابرون على لاعب منتهي بمعنى الكلمه مستوى وعمر ايضا ياخي اللاعبين الكبار اللي مستوياتهم عاليه اذا كبروا بالسن ادائهم يقل حتى لو لم يقل كثيرا لكنه يقل فما بالك بمدافع مستواه اصلا مو ذاك الحد وشكرا لك |
| الوقت المعتمد في المنتدى بتوقيت جرينتش +3.
الوقت الان » 05:22 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd