الرسالة الأصلية كتبت بواسطة هلاليه من الرياض (مشاركة 6659645)

:stoned:

الرسالة الأصلية كتبت بواسطة هلاليه من الرياض (مشاركة 6659645)

:stoned:

الرسالة الأصلية كتبت بواسطة && هلااااااليه && (مشاركة 6654662)

بصراحة انا مع احترامي الشديد لكل الاعضاااء احس اللي يقوول البنت مفروض مااتتابع كووورة احسه من

عصر الجاهلية بغض النظر عن لعبها للكورة لان هذا موضوع ثاني يعني مرة انا قريت موضوع سخيف من واحد

اسخف يقول وش موقفك وانت جاي للبيت ولقيت اختك تتابع كوورة وحاط هو ووجه 3 خيارات ياانك بالعقال

تجلدها ياانك بتصكها بخشبه كلها مسامير ياانك بتمسكها من كشتها وتدخلها غرفتها مع بعض الصراخ عليها لا

ويقول انكم تتابعون كورة علشان العيال <<شف التفكير لانه يطالع المسلسلات علشان الممثلات يحسبنا مثله ويقول

عيب لابسين شورتات العيال قايلتلكم كلن يناظر الناس بعين طبعه وتدرون وش جايب مثال ان اغلبية البنات

مشجعين ايطاليا في نهائي كأس العالم طيب انا كنت اشجع فرنسا مو علشان شي علشان فيه ثنين مسلمين وعلشان

اخوي ولا هم ماعلي منهم

وحاط كل الخيارات على انها غلط ((الحمدلله بس ان اخوي هو اخوي )) قسم بالله انه يناقشني في المبارايات

ويتطنز علي بعض الاحيان ويخوفني من بعض المبارايات ويرسلي نكت عن الفرق الثانيه ودايم اقوله مااحب

التطنزولاعمره قالي عيب ولا بنت ومباراة ولا لاتعلمين احد انك تشجعين ويشجع نفس فريقي ويدري اني اكتب

بالمنتديات هنا وتراه موب صغير متوظف

((بس اقولكم شي فيه مثل انا احبه مرة احسه ينطبق على اغلب الناس "كلن يناظر الناس بعين طبعه "))

اولا لو انتو تلعنون وتسبون اذا تحمستو مو كلنا كذا والبنات غير

انا مااقول انه اذا جاء هدف ومباراة مهمه او نهائي مااصفق او امدح في فريقي لكن موب اسب والعن وارجم باللي

معي مثل بعضكم

صح يضيق صدري اذا خسرنا نهائي وقلبي يدق قبل المباراة دق موب طبيعي وساعات من ضيقة الصدر انوووم

واتوقع هالشي لايقلل من انوثتي شي ابد واللي يقوول غير كذا هذا شي راجع له وتفكيره

واللي يقول تخيلني انا وام عيالي وعيالي نشجع عاادي وش فيها بالعكس هذا جزاها بتشد من ازرك وبتخفف عليك

الا والله وناسه <<ولا عيب ولا يخدش انوثتها

قل الخوف منه والله اذا صار متعصب :d

بس استغربت الردووود فيه كثير ناس من صديقاتي وازواج بنات من عائلتنا وهم من برا العائلة عادي عندهم والله

ان واحد هلالي ماخذ وحده من جماعتنا ماتشجع بس شافت رجلها هلالي وقالتله

انها نصراوية وهي متملكه قبل العام وربي انه اذا فاز الهلال يرسلها رسايل يتطنز فيها وهي سالكه معه الين

تزوجت وعلمته انها ماتعرف الكورة ولاتعرف دربها بس كان عاادي هذي وهي مختاره الفريق المنافس

بصراحه تفكيركم مرررررررررة غرررررررريب

على العمووووم كلن له وجهة نظر خاصة فيه

واللي مو مؤيدين ان شاء الله مافي عوائلكم بنات يشجعون لانهم راحو فيها

باقي شوي وتقولون اذا عصبتي على بزر ولا احد لاتصارخين علشان انتي بنت وتخربين انوثتك تكلمي بهمس وخليك رقيقه دائما ولاتضحكين بقوة بشوي شوي واحبسي عصبيتك في داخلك الين تنفجرين واذا انفجرتي ولاجاك قولون ولا شي بالطقاق اللي يطقك الانوثه باشياء ومو اي شي يخربها والبنت مو لازم توسع صدرها ولا سعة الصدر للاولاد بس ترى الكورة سعت صدر وتسليه مو اشياء ثانيه


واذا كل شي بتحللونه لكم وتحرمونه على البنات وش بقى لنا ياحسره كل شي ماخذينه انتو

((اهم شي بالنسبة لي انه الشي اللي اسويه مووووب حراااااااام والباقي بالطقاااق ))