|
صدارة الاتحاد بالتحكيم ولكن لأنه الاتحاد لم يعترض احد،، الى متى نسكت عن حقوقنا والله ما ادري فعلا الى متى نسكت عن حقوقنا كل متابع للدوري السعودي يعلم ان صدارة الاتحاد هي بأخطاء التحكيم والمفروض ان يكون الآن الاتحاد خاسر خمس نقاط وليس نقطتين فقط لان الحكم كان منالمفترض ان يعيد ركلتي الجزاء التي تصدى لها تيسير النتيف بشكل غير قانوني في مباراة الحزم ولو اعيدت وسجلت لخسر الاتحاد او على الاقل تعادل ايضا الهلال ظلم امام نجران واحتسب هدف غير شرعي حيث انه تسلل وبهذا فقد الهلال نقطه مهمه جدا وهي حق من حقوقه رغم انه ليس طموح اي هلالي ان يحصل على نقطه من امام نجران وفي الرياض لكنها تبقى حق من حقوقنا وقد تكون فارق مهم في نهاية الدوري لو لم تحدث هذه الاخطاء التحكيميه لأصبحت الصداره الفعليه حاليا للهلال لانه خسر نقطتين فقط وبقي له اربع مباريات مؤجله يليه الاتفاق لانه خسر ثلاث نقاط وباقي له مباراه مؤجله يليهم الاتحاد لنه خسر خمس نقاط باعتبار انه تعادل مع الوطني صفر صفر وكان من المفترض ان يخسر من الحزم او على الاقل يتعادل لو سجلت اي ضربة جزاء من الضربتين التي لم يعيدها الحكم فهو سيخسر اربع نقاط على اقل تقدير وليس اثنتين فقط كما هو حاصل حاليا سؤالي اين الاعلام الهلال واين الجمهور الهلالي عن هذا الحق المسلوووووووووووووب صحيح ان اوضاعنا الآن مترديه وليس وقت شن حرب اعلاميه على الاتحاد ولكن هذا هو الواجب فالآن انظروا الى المنتديات والاعلام الاصفر الكل يتحدث عن ركلتي جزاء غير محتسبه للاتفاق ونسوا ان الهلال حرم من صدارة الدوري واعطيت للاتحاد بأخطاء تحكيميه وش شغلت استديو شبكة الزعيم والإعلام الهلالي وهذا المنتدى غير الدفاع عن الهلال وعن حقوقه البعض قد يقول ان نقل الخطأ الذي حدث في مباراة نجران ضد الهلال وتحليل الحكم فوده له كافي ولا داعي لان نتابع الفرق الاخرى والاخطاء التحكيميه التي تستفيد منها واقول هذا الكلام مردود عليه يجب ان نتابع حقوقنا لانه بكل تأكيد اذا التحكيم استمر في مجاملة للاتحاد وفاز الاتحاد بالدوري ساعتها من بينفعنا خاصه ان الدوري بالنقاط يعني ممكن نهزم الاتحاد ذهاب واياب ومع ذلك يروح له الدوري اذا كل مباراه بيصير فيها مثل مباراة الحزم وبنسكت لازم نفضحهم ونبين انهم متصدرين بأخطاء تحكيميه ظلمت الهلال والاتفاق وحرمتهم من الصداره ولا يهون الحزم حرمته من فوز او تعادل على الاقل والموضوع هذا كنت بكتبه بمنتدى الجمهور الهلالي لأنه يمس الهلال قبل الاتحاد ولكن لانني صرت اتشائم من ذاك المنتدى ،، منتدى المفاجأت واللاعب الاجنبي العالمي واخرتها برونو ونامي اللي قهرني مفاجأت يوم الاربعاء ما اقول الا الحمد لله على النعمه صحيح مفاجأه مميزه من موبايلي لكن وين مفاجأة ابو سلطان وغير كذه اخر خمسه مواضيع كتبتها هناك حذفت رغم انها عاديه فمره صرت متشائم صرت متشائم بقوه والله يستر لا يحذف او ينقل هذا الموضوع والله اني قارئ القوانين مرتين ومتأكد اني ما خالفتها :) تحياتي للجميع ولا يزعلون المشرفين ترى امزح معهم هع هع >>>> يمون الأخ :laugh: |
اه يالاتي يا حوش ال.............. السلام عليكم :انا لاحضت هذا الموسم والموسم الماضي ان الاتي الاتحاد العميد سمة مثل ما تسمية لاحضت علية ان الحكام يساعدونة مساعدة غير طبيعية يعني بالعربي يفوزونة بالبلنتيات مرورا بالفاولات والكثير والكثير يعني ليش كل هذا خذ الصدارة والموسم الماضي في النهائي يوم ركنية الهلال الي لمسها رضا تكر باليد انا ادري الي راح راح بس الي راح ما مات يعني يعقل الي صار في مبارات الحزم ضربات جزاء ومبارات الطائي ومبارات ومبارات ومبارات ومبارات صراحة خلاص مليت خلاص ملل وصل حدة الى متى يفوز الاتحاد بـ نقاط الحكام لا والي يحرق الدم لجنة الحكام الي مدري وين اللة حاطها فية اتمنى من كل قلبي باسمي وبسم جماهير الزعيم ان الامير سلطان بن فهد ونائبة الامير نواف اللة يطول في عمرهم ان ينضرون الى المهزلة الحاصلة من الحكام للاتحاد........................... ملاحضة:يبقى الكلام اولا واخيرا وجهة نظري. علشان كذا ابي وجهت نظركم تطرحها هنا. ................................. وشكرا |
البركه في منصور البلوي |
يا هلا والله بالزعيم انا عارف بالمهزله اللي صارت في مبارة الحزم ممكن تقولي اش المهازل الاخرى ويا ليت اذا تعرف الخبراء اللي تكلموا عنها ،، فوده المهوس او من بالظبط الله لا يهينك عشان انشرها في المنتديات وافضح الاتحاديه ما انسى الموسم الماضي متقعدين لنا على كل خطأ تحكميي رغم ان اخطائهم اكبر واكثر وتحياتي لك يا زعيم |
لاتعليق |
والله مافيه غش صريح خلونا واقعيين فيه احد الأعضاء قال الحظ خدم الاتحاد ام خذل الحزم كلهم احتسب لهم بلنتيات لكن اللي للحزم صدها النتيف واللي للاتحاد دخلت |
إقتباس:
انا متابع والحكم الدولي فوده قال ان ركلتي الجزاء اللي للحزم صحيحه لكن التنفيذ ما كان صحيح الحارس تيسير النتيف تقدم من مرماه قبل تنشات الكوره وصدها وهذا غلط والمفروض تعاد الركلتين ولو اعيدت احتمال تسجل لانه ما راح يقدر يتقدم لان التقدم هو اللي يساعده في صد ركلات الجزاء هذا كلام فوده مو كلامي هو قال الركلتين المفروض تعاد والكلام هذا كل الاتحاديين اللي اعرفعهم يعرفونه يعني الآن ثلاث نقاط اخذها الاتي ما يستاهلها واخذها بالغش اقل شي لو سجل الحزم ركله وحده راح تكون تعادل وراح يكون ناقصهم اربع نقاط والهلال كمان حرم من نقطه في مباراته مع نجران المفروض يصير ناقص نقطتين وبس ولو الاخطاء التحكيميه هذي ما صارت المفروض الآن الهلال في الصداره بخسارة نقطتين فقط بعده الاتفاق بخسارة ثلاث نقاط فقط بعدهم الاتحاد بخسارة نقطتين امام الوطني بالتعادل وثلاث نقاط بالهزيمه او اثنتين بالتعادل مع الحزم على اقل تقدير يعني اقل تقدير الاتحاد المفروض يكون ناقص اربع نقاط مو نقطتين بس زي ماهو صاير الان الاتحاد عنده 19 نقطه والمفروض 16 او 17 على اقل تقدير المفروض زعيمنا هو اللي يكون اقل فريق خسارة للنقاط وبعده الاتفاق مو الاتحاد هذا مو غش يا زعيم والله غش وغش عيني عينك كمان |
لا تنسون يا زعماء ان اي مبارة في الدوري تعتبر مبارة نهائي واللي صار خلا الفرق بين النقاط بين الاتحاد والهلال اربع نقاط هم كسبوا ثلاث واحنا خسرنا نقطه على اقل تقدير رغم انه لو ما احتسب هدف نجران يمكن ما تجري المباراه بهذا المجرى ممكن نفوز وممكن كمان نتعادل يعني ظلم وظلم كبير يا زعماء بس محد منتبه الناس كلها مركزه على حالة الفريق المزريه وماهي منتبه للبلاوي اللي قاعده تصير والاتحاد يسرق الدوري عيني عينك |
يا اخوان فيه ناس يمكن ما تعرف ايش اللي صار بالظبط في مبارة الحزم والاتحاد فأحب اوضح لهم والكلام هذا ترى مو رأيي انا هذا رأي خبير اي ار تي فوده قاله ببرنامج الرايه اظن احتسب الحكم ركلتي جزاء صحيحه للحزم لكن الحارس تيسير النتيف تصدى بطريقه خاطئه حيث تقدم الى الامام وقال الفوده ان المفروض ان يعاد التنفيذ ولا يسمح لتيسير بالتقدم ولو اعيدت احتمال ما تنتهي المباراه 2-1 زي ما نتهت بالفعل للاتحاد لو سجل الحزم ركله واحده ممكن تنتهي 2-2 ولو سجل الحزم ركلتين راح تنتهي 3-2 وهذا خدم الاتحاد بكل تأكيد حيث حصل على ثلاث نقاط بدون وجه حق والهلال زي ما انتم عارفين سحبت منه نقطه بدون وجه حق كان المفروض تعادل مع نجران واحتمال لو لم يحتسب الهدف التسلل نفوز يعني دعم للاتحاد وتعطيل للهلال غش واضح وصريح جدا والمشكله الكل ساكت وكأنها مباريات وديه بينما الحقيقه انها مباريات نهاااااااااااائيه كل مباراه في الدوري مباراه نهائيه يا زعماء |
يا ناس والله الاتحاد بطل وفريق قووووووووي ويستحق الصدارة الحاليه ... وخلو عنكم كلام الفقراويه ((( التحكيم وما التحكيم .......))) .... |
إقتباس:
الصداره ماخذينها بالتحكيم المفروض الهلال والاتفاق هم الاقل في نزيف النقاط طبعا على اعتبار المباريات المؤجله فمن ادبيات ذكر ترتيب اي نادي في الدوري ان تذكر المباريات المؤجله له |
مافيه غش بس يمكن حظ ،، |
الخيل الاصلية تلحق تالي .. بلا اتحاد بلا هم :) |
ان بعض الظن اثم يا اخوان لا نصير مثلهم او مثل غيرهم كل ماصار شئ قالوا غش خلونا حنا الاكبر يا شباب ونقول اخطاء تحكيميه حتى ولو كان مجرد نقاش هذا اللي عندي يا شباب |
اسكت لاتقهرني:upset::cry: |
| الوقت المعتمد في المنتدى بتوقيت جرينتش +3.
الوقت الان » 02:32 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd