|
حقيقه .. جمهورنا غير واعي .. 50% لايفقهون الكره .. 30% مع الخيل ياشقرا !! السلام عليكم ورحمه الله صباح الزعامه ومساء الهلال هاردلك التعادل مع الاتفاق والعوض بالاياب حقيقه كنت حاب انزل الموضوع من فتره لان الموضوع زاد عن حده وللاسف الاداره تتفرج وكأن الوضع عاجبها سبب تدهور الهلال هم الجمهور اصبح جميع لاعبين الهلال عاله علينا لدرجه طالبوا بتنسيق ياسر :d كنا نشاهد شبكة الزعيم من ارقى الشبكات في الاعوام السابقه تسجيلي بالزعيم من سنه 2001 لكن فقدت المعرف واضطريت اسجل من جديد وكان فيه نقد هادف نقد بناء احترام رجالات الهلال وماكنا نشوف مثل الي الحين حتى وصلت فيهم الاستهزاء الى تشبيه لاعبين بالهلال باسماء قبيحه ميخالف اللاعب الفلاني مايعجبك لكن لاتجرحه مهما يكون لاعب هلال خدمك اعوام واذا مو لاعب هلالي ياخي قدر انه هالشخص من جماهير الهلال وللاسف كل من كتب موضوع بالفصحى وتكلم عن اللاعب الفلاني وانه نكبه شفنا خمس صفحات كلهم تأيد كلامه ولو بحلف بعضهم مو مقتنع بتأييده ولكن مع الخيل ياشقرا !! اذا اللاعبين يبغالهم توعيه فالجماهير يبغالهم الف توعيه نتمنى نتعلم من الفرق الاوربيه والفرق الكبيره كيف تصبر على اللاعبين وعلى فريقهم فرق تمتلك لاعبيين عالميين ومع ذلك نكبات وصبروا عليهم بويل لاعب برشلونه من افضل اللاعبين بالنكبه :d ومع ذلك نشوفه اساسي وكابتن اعظم فريق بالعالم هقوين مهاجم ريال مدريد لو بحلف ردريقو مهاجمنا السابق افضل منه ومع ذلك يلعب بفريق كبير وعالمي الامثله كثيره ولو فتشنا بالفرق الاوربيه بنلقى بلاوي خالد عزيز كان عله الفريق لدرجه انه مايعرف يناول واذكر كتبت موضوع قبل سنتين او ثلاث بان خالد عزيز لاعب عالمي وانتظروه وكان فيه ردود استهزاء ومع ذللك الحين شوفوا خالد عزيز وين وصل !! بالنسبه لي اشوف مكانه اوروبا بجانب قتوز الصبر ثم الصبر الهلال يمرض ولا يموت التخبط الاداري وسبب تدهور اللاعبين هو الضغط النفسي ترى اللاعبين بشر يخطئون ويصيبون عندهم احساس لاجلست تجرح بفلان صدقني يوصله الكلام منا ولا منا ولاتستغربون اذا بعض لاعبين الهلال اعضاء بمنتدى الزعيم ويشاركون معنا باسماء مستعاره المفرج كثر الكلام عليه بالايام الماضيه تتوقعون الاداره ماتبي بطولات يعني عشان تلعبه ؟؟ الاداره هي احرص من جميع الجماهير حتى من اللاعبين لو وجد البديل اكيد ابشروا ولو المرشدي كفو المكان اكيد بياخذه الظهير الايمن بالموسم هذا شفنا اكثر من ظهير العنقري عبدالسلام الياس وهذي فرصه حلوه ان المدرب يعرف كل لاعب بالتجارب وان شاء الله الايام الجايه نشوف عبدالسلام اساسي الدعيع قل مستواه ومع ذلك بمباراه الاتفاق الماضيه ذكرنا بالدعيع الي نعرفه الدعيع الي يخاف منه اعظم مهاجمين العالم هيبه الهلال والمنتخب ماعجبك فلان انقده ولكن نقد هادف تكلم عن سلبياته المفرج لاعب مبدع ماقصر لكن سلبياته مايعرف يخش على اللاعب يحمل تفاريس اكثر من طاقته بطئ هذا يسمى نقد هادف اما افتح موضوع واكتب ابعدوا المفرج نكبه الفريق الله ياخذك يامفرج يامتفرج يامخرج 17 بالله هذا كلام ينقال للاعب يخدم اللهلال بغض النظر مبدع ولالا نتمنى نشوف جماهير واعيه وان تضرب الاداره يد من حديد وتكثر الايقافات بالايام القادمه لان الوضع مايحتمل ياهلال وبالتوفيق لزعيمنا .. |
هاذا الو مشكور اخوي على الموضوع |
كاتب الموضوع ... موضوعك رائع و صدقني ان هناك لاعبين تبان الكرة معهم منذ بدايتهم ولكن جمهور الهلال عاطفي... صدقني ان معظم النقد الجارح جاء بعد نقد بناء... بسبب ارتفاع الضغط والسكري لهم..... يعني المفرج ياما تكلمنا و قلنا ماعد نبغاه .... بس على الفاضي فطاح الجمهور فيه بكلام زي مخرج 17 ومهرج و متفرج و غيره... خذ مني جمهور الهلال الواعي كثير و لكن نحن بشر و نريد فريق مرعب كما كان بالسابق و ليس فريق يضم اشباه لاعبين... |
كلامك سليم ولكن 50% لايفقهون الكرة هذي قوووية و30% مع الخيل ياشقراء ..؟؟؟؟ من بقا 20% ؟؟؟ ذولي عاد مطبلين لاشباه اللعبين شكلهم |
إقتباس:
جميل ان نرتقي في مناقشتنا وحوارنا حول نادينا ونيست انا اقول موضوع رائع تقبل مروري ً |
والله كـلآم عين العقل وأأيدك ..!! :) |
الموضوع راااااااائع وارجو تثبيته |
موضوع اكثر من رائع كنت افكر اكتب موضوع مشابه وسبحن الله انزل والقا شي يفي بالغرض صدقت اخوي جمهورنا معاهم معاهم عليهم عليهم من جد كنت احس بقهرر غير طبيعي لما اشوف بعض المقابلات الي مع بعض الجمهور الهلالي ببعض البرامج الي تعرضها اي ار تي بعض العقول وبعض الافكار ودك تعطي راعيها كف لين يصحصح اعط وجهت نظرك بس بشكل معقول وتكلم بشي ترا انت انه يوافق ويتوازا مع قدراتك العقليه البعض يطالب بخطه ولاعب معين ويصر انه هو الصح غصب عن جميع المدربين والادارين والمحللين اشوف الحين ناس تطالب بالمدرب مدربنا رااااائع جدا بس يبيله فرصه وشوفو الاكتساح الي بيكتسحه الزعيم انشالله بالايام الجايه لجميع البطولات باذن الله |
إقتباس:
ولكن مو تجرح اللاعب هذا بشر انسان عنده احساس لو الاخطاء كان ماشفنا لاعبين عالميين انا معك ان المفرج اعطي الفرصه ولكن مافيه بديل المرشدي لو هو بمستوى الطموح الهلاليه اكيد راح نشوفه لكن فيه سبب عدم اشراكه والاداره ابخص ان شاء الله يتم حل مشكله الدفاع والظهير باقرب فرصه إقتباس:
ولكنها قريبه من الصحه للاسف الكثير من الجماهير الهلاليه تحسب الي يسحب سحبتين ويدخل كوبري هذا لاعب عالمي اما الي يجيب هدف على الطاير هذا لاعب عادي والدليل ردريقو صحيح ماعنده سالفه وهالاعب ماهضمته لكن جابلنا اهداف !! لاعب يبدع 90 دقيقه وبغلطه بسيطه يجي هدف يكون هو الضحيه وهو سبب الهدف وسبب تدني مستوى الهلال وسبب تفجير عماير امريكا مافيه انصاف للاعبين ياخي مشكور وماقصرت لكن الهدف كان واضح بانه غلطتك صدقني هاللاعب راح يستحي وراح يقول ابشروا المباراه الي بعدها انا بكون غير والدليل المفرج بعد ماستراح بمباراه نجران وامدحوا الجماهير وطالبوا بعودته شفناه ابدع بمباراه الاتفاق وحتى بغى يجيب هدف لولا الله ثم حارس الاتفاق بغى يسبب بلنتي وبالمقابل تفاريس عيني عينك تضرب الكوره بيده لو المفرج الي سواها كان بخبر كان هذا السبب الي خلاني اقول لايفقهوون الكره معهم معهم عليهم عليهم انقدوا اللاعبين لكن نقد بناء يساعد بتطوير اللاعب نفسيا وجسديا كل انسان يعرف يلعب كوره ولكن من شخص لشخص يكون فيه مهارات مع اللعب المستمر وتطوير النفس تلقى نفسك لاعب مبدع |
مشكوور |
صراحة كلامك في الصحه على بعض الجمهور ,, لدرجه صار يضمن الفوز في كل مباراة بيلعبها وفي الآخير حسارة ومرارة .. من ناحية وضع الهلال فهو لم يتغير من مده طويلة الدفاع تايهه ,,, ولاعبين مستهلكين , غير اللي نزل مستواه بشكل واضح ,,, حتى الباص ما يباصي صح !!!!!! كل هذا بسبب الادارة ثم الادارة ثم الادارة ,,لدرجة أن لاعبين الهلال صارت لهم نفسية ..... اجل لاعبين امثال : الياس , العنقري , البرقــان , العتيبي , يمثلون الهلال ,,, عجبي في الادارة,,, اثبتت انها لا تفقه في الكوره شي ,, هؤلاء لاعبين ( وش رايك في احد الجماهير يمدح في الياس ؟ ) ماذا فعل الياس للهلال ,, او العنقري ماذا فعل ,, او البرقان التايئه وش سوى الضيـــــــاع للهلال بــوجود هؤلاء لاعبين , وإدارة لا تفقــه ؟ الله يذكر ايامك يا الثنيان ..... |
اي 30% مع الخيل ياشقرا الى 50% مع الخيل ياشقرا ..!! و40% لعبو ولد حارتنا ..!! والـ10% الله لايغير عليهم ..!! |
للأسف هذي طنزتنا بالفريق الجار |
ياااااااااااسلام عليك ياهلالي للأبد ,,والله مادري وش اقولك غير ,,كلام كبير ووالله من زمان ماقريت موضوع جميل مثل موضوعك ,,,لا تحرمنا من قلمك ,, |
اخي كتبت فأبدعت فالكثير من جمهور الهلال تأخذه العاطفة وهذه مشكلة قد تؤثر على العاملين في النادي ككل تقبل اعجابي بموضوعك وننتظر منك ماهو جديد ............. |
| الوقت المعتمد في المنتدى بتوقيت جرينتش +3.
الوقت الان » 10:00 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd