|
الي متى يا شلهوب + نقاط في بعض اللاعبين للأسف ليس هو الشلهوب الموهوب من ثلاث سنوات وهو ما يطلع الا لحظات كل عشر مباريات حتى اصبح لاعب لا نعول عليه الكثير في التأثير بالنتائج ودعم الفريق في اسوء مراحلة رأيي الشخصي والصريح وانا مشجع للهلال من ايام خالد الغانم وفهودي ان الشلهوب ليش شلهوب 2000 حتى روحه القتالية غابت اتمنى يرجع لنا مثل اول النقطة الثانية بصراحة ياسر الياس ليس لاعب نادي مثل نادي الهلال اللاعب جيد ويصلح لفريق القادسية وانت نازل بس الهلال معليش الدعيع مازال افضل حارس في السعودية حتى لو يلعب بعكاز نواف التمياط شيبت والظاهر بيخيب الامل في رجعتك مثل اول ولا تقولون السنه هذي او اللي بعدها اللاعب انتهى انتهى انتهى وكفى تفاريس والمفرج انا اعتقد انهم في المباريات الاخيرة صارو يتشابهون في اللعب !!!! عمر الغامدي والله اي كرة طايشة ومسطحه فوق قبل ما اشوفها اقول اللي شاتها عمر الغامدي وهذا الكلام من سنين ياخي من يوم طلعت في الهلال وانت شوتك مايل ولا يغرك الصواديف انت ما تعرف تشوت بس ممتاز في التخطية والدعم وخل الشوت لأهل الشوت عزيز يعجبني كثير لانه لاعب ماهر جداُ في منطقة المحور ويطبق المثل رحم الله امريء عرف قدر نفسة وهذا سبب نجاحة التايب ياقلبي عليك آخر جيل الكبار ياكبيرررررررررررررررر الصويلح انا اسميه لاعب المفاجأت وياحلو مفاجأته ياسر والله مارجعت للكورة ورجعت اتابعها الا لما شفتك وبصراحة على وضعك هذا اذا استمريت طول تاريخ الكروي اقدر اقول وبعالي الصوت: بلا ماجد بلا سامي بلا غراب بلا صاروخ بلاحتى نعيمة انت اعظم لاعب انجبتة السعودية واعذروني على الاطاله |
الضروف القاسيه التي مر بها الشلهوب اتحدى احد ان يتحملها ويجبر نفسه على خدمة ناديه ووطنه بعد كل ماحصل له وسوف يعود كما عهدنااه وسامي اسطوره لان تتكرر والقحطاني الاسطوره القادمه |
غاوي هلال.. وش رايك نشوت الفريق كامل ونستنسخ 10 ياسر ؟ بعدين غريبة مانتقدت المفرج .. نسيت صح؟ ياخي بشويش على اللاعبين.. الشلهوب ابوه وامه ماتوا في خلال السنتين الماضية .. يعني مانحس؟ اللاعب آلة غصب يلعب رغم مشاكله النفسية؟ بعدين الموسم قبل الماضي مع الاتحاد في كأس ولي العهد.. ذكرني بالله من الي فوزنا بهدفين؟ من الي سحب بمبروك زايد في أفضل أوقات مبروك زايد؟ من الي سدد البلنتي وأكد تفوقنا؟ مو الشلهوب ؟ والحين تقول شلهوب 2000 .. وش قاعد تقول انت؟ الشلهوب من أول يوم مع الهلال وهو رائع الى السنة الماضية بعد وفاة أمه الله يرحمها بعدها مستواه بدا ينقص. لو صحيح تعرف الشلهوب القديم.. بتذكرني الشلهوب وش كان يقول في المقابلات يوم نفوز بكأس. كان يقول ((( أهدي الفوز للوالدة ))) .. تعرف هاذي وش معناها ؟ ما أظن لانك لو تعرف مانزلت هالموضوع. الله يسامحك بس. |
هلالي امريكي كفيت ووفيت قلت كل اللي ابي اقوله |
إقتباس:
|
والخثران وينه ؟ |
إقتباس:
كان دايم فاشل |
الحين اللاعب امه وابوه متوفين اعز ناس عنده في الدنيا وانت تقول شلهوب 2000 معليش يعني عليك تفكير مدري وش يبي وش شلهوب 2000 الموسم اللي فات ابدع بالرغم من كل الضغوطات النفسيه اللي كانت عليه لاتنسى مباراه النصر والشباب وو ابدع فيها الشلهوب ونواف التمياط انتهى وش اللي انتهى اللاعب لاعب خبره ولاعب مميز والف نادي يتمنونه بس وش اقول الله لايبلانا واذا عمر الغامدي مايعرف يشوت اجل من اللي يعرف انت لعنبوا بليسك انت شايف هدفه على النادي الاوزربكي ولاهدفه على الاتحاد اانا مااقول الا الله يخلف على الهلال كان عنده جمهور مثل عقليتك مع احترامي لكـ |
مع احترامي لك !!!!!! |
المقصد يأخوان أن اللاعب ماهو في مستواه الشلهوب موهبته أكبر من اللي يقدمة انا عارف ضروفة ولكن يأخوان الضروف ما تغيب المستوى شهور الشلهوب ما ظهر من فترة طويلة بمستواه الحقيقي لازم تكون النظرة أكبر من هجمة او قول في مبارة من عشر مباريات احنا نتكلم عن مستوى ثابت او شبه ثابت وعطاء مميز ما نبي نطلع من خمس مباريات نسب في لاعب وبعد ما يطفشنا يقدم نص مباراة وياخذ راتب وزير الله يرحم ايام الهوة والله انهم يعطون بمستوى قوي وحتى لو نزل عطائهم تشوف على الاقل الحماس ماهو البرود انا ما اهاجم الشلهوب ولكن انا ودي يبرد كبدي مثل ما المصيبيح وعبادي والثنيان بردو كبودنا اذا كان النجوم بيلتمس لهم الاعذار اجل وش نقول عن المفرج وطقته في الهلال وبعدين ما تكلمت على الخثران والمفرج وغيرهم لان الرأي فيهم معروف احنا عندنا لاعبين نبي منهم عطاء على قد اللي ياخذون وعلى قد حماسنا وحضورنا وحرقتنا في المدرجات وبعدين ان استغرب من ردود بعض الاخوان كني سارق لهم قرش انا اتكلم بدون تحيز واعطي رأي باللي اشوفة وخلو عنكم سالفه نهائي العام ونهائي قبل العام نبي عطاء موسم كامل ولا اذا كانت على قول في نهائي ولا ربع نهائي اجل المسعري والحيائي والمغيربي احسن لاعبين في الهلال |
ياجماعه ترا الرجال تأثر من وفاة امه وبعدين وفاة ابوه والله واضح ان نفسيته لازالت تعبانه ياليت نفهم الشيء هذا ونعذره |
إقتباس:
سجل قول من الف تسديدة اضاعت مجهود زملائة ولكن انا لا اختلف معك على ان عمر الغامدي لاعب مبدع في المحور نواف التمياط انا مقهور عليه وراح نواف الحلم بسبب الاصابه واللاعب بربع مستواه اللي نحلم به احنا نبغى هلال النجوم ما نبي اثنين ثابتين ونص الفريق من ابو ربع لو تعرف كم اعطيت واهتميت بالهلال لعذرتني من عام 1399 لاعب ومشجع وعضو ومطامر في الملاعب وتبيني بعد جيل الثمانينات واول التسعينات يملى عيني هالجيل والله معصي ما ملا عيني الا التايب وياسر وكان قبلهم سامي مسبب لي الهبال من حبه |
إقتباس:
ياليت نستنسخ ياسر على الاقل نشوف حماس ومهاره وعشق للهلال لا تلوموني ياخون فيني حرة |
الله يكملكـ عقلكـ وش سوى يــاسر امس غير الهدف ؟؟ لا تقولي الهدف يكفي لانهـ استسلم لسياف !!! الشي الثــاني الشلهــوب ابوهـ وامه متوفين قـــدروا ياااخي انت تقول تبي عطـــاء موسم وانت تسب الشلهوب عشان مباراهـ ؟؟ رتب افكاركـ اول الشي الاخيــر اتمنى تكبرو شوي صار همنا بعد كل مباراهـ ندخــل لاعب لقائمة الفاشلين الين يبقــى الياسرين و الذكــي يفهم ليه خصيتهم الله يخلف على الهــلال دام فيه جماهيــر زي ........... :wink: |
موضووووووووووووووووووووووع اق من المستوى مع احترامى الشديد لك لكن انت مابقيت احد ماسبيته .................. |
الفريق كله وضعه متدهور |
إقتباس:
ما تكلمت على الشلهوب وياسر بسبب مبارة امس الشلهوب من ثلاث سنين وانا اصيح منه وياسر مافي داعي احكي عنه لاعب يعطي بحماس صحيح ان مستواه السنه الماضي نزل شوي بس رجع لكن المشكله في اللي من ثلاث واربع سنين على حاله وكل واحد يرقع له امه وابوه الله يرحمهم ويغفر لهم احنا نبي كورة مانبي ضروف ضيعنا الاسيوية والعالمية كذا مرة بسبب ضروف اللاعبين والله لو هو دوام في مدرسة اللاعب يحضر النادي في سيارة قيمتها ملايين وفلوسة ماليه البنوك وعايش احسن عيشة ويسكن احسن الفنادق في المشاركات والمعسكرات وكل من شافه شجعه ومدحة وصور معه وكل جمهيرة تهتف له في المدرجات واخرتها والله الي الحين منكسر خاطري اصبرو علي الي السنه الجاية |
إقتباس:
|
أخوي غاوي هلال ،، شف أنا ما عجبتني نقاط كثيرة من موضوعك ،، بس عجبتني بأسلوب الرد .. صدقني أغلب الكلام الي قلته من قهر .. و كلنا مقهورين ، بس المستوى ككل غائب ! والشلهوب مثل ما قالولك الشباب ، و هذا الشلهوب ياما و ياما ضحى لعيونا .. ! الأتحدا السنة الماضية جته فتره حالته مثل حالتنا ، ولكن صحى و لحق على روحه ! و أحرز البطولة من أمامنا ..! هذا السنة الي مضت ، المربع الذهبي موجود والبطولة أسهل ! الهلال لازم يعمل حساب هالشيء ، أنا ما أتكلم عن البطولة الخليجية أنا أتكلم عن القادم بالدوري ، لازم يلحق على نفسه أول بألو والا اذا راح عنه الأتحاد والأتفاق صعب يلحقونهم .. ! الله يوفق الزعيم و يعطيم العافية .. ! |
إقتباس:
|
أخوي اعتقد انك جيت في المحضور وإنتقدت الشلهوب والشلهوب ترى فوق النقد !!!!!!!! بينما هناك لاعبين تحت النقد والتجريح فيهم مباح فعلا شر البلية ما يضحك !!! مؤسف ما نشاهده من ردود من بعض الاعضاء !! |
إقتباس:
لن انكر تضحيات الشلهوب ابداً وما قدمه للهلال لكن من حقي كا مشجع اعتب على نجم الفريق ورقم 10 وهذا ما فيه اهانه له ابداً اتمنى يرجع الشلهوب لمستواه لان الهلال في احوج اوقاته له شكراً اخي الكريم على الرد المتعقل |
إقتباس:
يعطيك العافية |
إقتباس:
|
رجال فقد امه وابوه ويلعب علشان الهلال ومحبينه وتطالبه بالكثير ياللاسف بس |
ياليت ياسر يرجع لياسر 2000 و ويرجع عزيز 2000 والغامدي 2000 ... 2000 . . ياليتك انت بعد ترجع غاوي الهلال 2000 |
((((غااااااااااااااااااااااااااااوي )))) هلال الشلهوووووووووووووب معذووووور ولا لك حق انك تنقد مستووووواه ظلم من أسيا وقبلها وفاة امه عليها رحمة الله وقبل شهر تقريبا توفى ابوه الله يرحمه بالله وش النفسيه اللي يبي يلعبها واحد زي الشلهوب وعلى فكرة مبارات الوحدة الامراتي لعب اخر عشر دقايق وسوى اللي ماسواه الاعبين طوال المباراة بس ما توفق يعني مع احترامي لك حكمك على الشلهوب أحمـــــــــــــــــــــــــــــــــــق!!!! اما بالنسبة لنواف شيب فهذا شأنك وضميرك كلنا نعرف الاعبين ونعرف مستواهم وبالعكس متألق بالنسبة للموسم الماضي تدري وش مشكلك باخصاااااااااااااااااااار... تحسب الاعبين مثل الريموت تحركهم زي ماتبي ماتدري ان عندهم مشاعر وانهم يتأثرون زي ماتتأثر انت والثاني والثالث بظنك انك تبي تحمسهم اشوى انك منتب مدرب ولا كاااااااااااااااااااااان علوووم اذا بغيت تنقد يا عزيزي انقد بأسلوب محترم ويكون نقدك هادف وبناء وليس ((( مغرضا)) ارجوا انك عرفت كلامي زين ..!!!!؟؟ تحياتي لجماهير الزعيم الواعية ,,,,,,, |
إقتباس:
يا أخي حدث العاقل ما يعقل مو معقول انا اطلب منك تكتب في المنتدى وتثرية وتشارك وبعطيك دبل راتب وكيل وزارة وبعدين تترك الكتابة او تكتب يوم ولا تكتب شهر واذا سألتك قلت اعذرني عندي ضروف مرت علي في شهر ربيع اول اللي راح ما يصير كذا احنا في عصر الاحتراف راحت ايام العواطف هذي دورها في دوري الحواري بعدين لو الشلهوب ما فيه رجاء كان ما انتقدته انا اعرف ان الشلهوب موهبه واعرف ان بأستطاعته تقديم اروع المستويات بس لازم يتحامل ويقدم وللاسف مافي بديل ولا كان الشلهوب ما يلعب حتى يتحسن مستواه بعدين انا عارف ان نواف والشلهوب يشوفون المنتدى ولازم يعرفون قد ايش عتبانين عليهم ياخي اذا شفتني انتقد واحد مستوه تعبان قل لي ما عندك سالفه بس انا ماحكيت في موضوعي الا على اللاعبين اللي فيهم امل كبير |
| الوقت المعتمد في المنتدى بتوقيت جرينتش +3.
الوقت الان » 11:26 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd