|
ماتلاحظون ان المدرب يدور الإقاله...!!! اول شي صراحه مستوى اول ماتشوفه ما تقدر تقول الا الله يستر والله شي يخوف انا بالاول كنت اوقل اصبرو بتتعدل الامور للحين المدرب جديد بس الشي اللي للحين انا ماني قادر افهمه وش هالاصرار الغريب على خطة 5-4-1 والله العظيم حاله المدرب من يوم ما جا اول ما يلعب بإثنين مهاجمين يتغير كل شي للأفضل وش سر الاصرار على عدم البدء بمهاجمين مع انه والعلم عند الله لو بدأ بمهاجمين راح تختلف كل الموازين الفريق المقابل راح يزيد عنده مدافع وراح يخف الحمل على الوسط والدفاع صراحه هالرجال من يوم راح لديرته بعد مباراة الوحده حسيت انه خلاص يبي الفكه بس طبعا بينتظر القرار لأنه مب مستعد يفرط بريال واحد ن عقده نقاط من المباراة : * مقاهي الرياض كانت فل قبل بداية المباراه *الدعيع كان بطل اليوم وشال الفريق *الياس جاب لي اليأس //بس طبعا ً تلاقي البنات اول من يدافع عنه *البرقان اتمنى انه يرحل من فريقنا بسرعة البرق لأنه نكبه وماله داعي *جمهور الهلال كل مباراة يثبت بأنه الرقم الصعب ولو خسر الهلال او تعثر راح يكون اكبر ساند له والسلام ختام |
لا والله ما لاحظنا |
المدرب من جاه عرض فريقه الاول وهو مخبط الله يستر بس |
الله يستر تبديلاته تذكرني ببيسيرو |
إقتباس:
مع كل اللي يصير وما لا حظت ؟؟؟؟؟؟؟؟؟؟؟؟؟؟؟؟؟؟؟؟؟ |
راح بيسيرو وراحت معه فرحة الهلاليين |
اصبروا ولكم في ذلك نيبوشا كان الجميع ينتقده لانه لعب مالك هجوم وهو كانوا يلعبونه وسط والان صنع 90% من فريق الاهلي واصبروا ترا الصبر زين |
كلامك في بعض أجزاءه صحيح |
والله انا ملاحظ انه ما قدم شي لحد الان |
فعلا كوزمين اليوم تخبط بالتغيير الكل توقع ان يكون التغيير الاول ادخال نواف التمياط على حساب الشلهوب لكن كوزمين فاجاءنا بتغيير غرررريب جدااا بادخال البرقان اللي بصراحه ماعنده ماعند جدتي واستغرب ادخاله وعندنا عزيز والغامدي المفروض ادخال التمياط بدون اي تردد بوقتها وليس ادخال التمياط باخر دقيقه الحمدلله النتيجه تعتبر مقنعه وعدت على خير |
والله الصراحه مثل ها المباريات تكشف المدرب واللاعبين المدرب ضعيف وبعض اللاعبين لايستحقون اللعب |
التمياط + الشلهوب <-- مستوى منخفض جداً ولياقة معدومه المدرب يواجه فريق يعاني من ضعف واضح في اللياقه اضافة الى ضعف في الظهيرين وعدم مساندة من لاعبي اطراف الوسط ،،، ارى المشكلة في مدرب اللياقة وفي أداء اللاعبين خصوصاً لاعبي الوسط |
الصراحة المدرب ماتعلم من اللي صار بمباراة الوحدة الاماراتي اما ان المقاهي مليانة تراي تابعت المباراة وااااااااااقــــف لعيون الزعيم |
إقتباس:
ياسيدي العزيز المسؤل عن الفريق بأكلمه المدرب من لاعبين الى جهاز فني واداري الى مدرب اللياقه لو مب عاجبه قال جيبو لي مدرب بس العله ان هالمدرب ماعنده خبره |
الياس والله مااحطه ولا مع فريق درجه ثالثه يعني المرشدي احتياط والياس اساسي |
| الوقت المعتمد في المنتدى بتوقيت جرينتش +3.
الوقت الان » 03:23 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd