وش لنا في 4-5-1؟؟؟؟؟؟؟؟
 

السلام عليكم ورحمة الله وبركاته
بدون مقدمات من متى والهلال يلعب مدافع ومانصدق الحكم يصفر (بالسلامه) لنهاية المباراة؟؟؟

من متى والهلال يلعب مدافع ويعتمد على المرتدات (اللي ماشفناها)؟؟؟

من متى والهلال وجمهوره يبقون اسيرين لأقدام المهاجمين وتضييعهم للفرص؟؟؟

من متى والهلال يلعب بأسلوب (باكيتا) بالرغم من وجود الكم الهائل بالهجوم لدرجة فيه ناس حاطينهم بالأولمبي؟؟؟

كل الفرق كانت تلعب بأسلوب واذا جت مباراة الهلال لعبوا بأسلوب دفاعي وماينفعهم بعد لأن الهلال يلعب بالهجوم الضاغط!!!

الهلال مايعرف يلعب يأسلوب باكيتا الخطط هذي مهيب طريقة لعب للهلال هذي معروفه من يلعبها ومانفعتهم بعد!!!

لازم مهاجمين ومحورين وصناع لعب أثنين وكلهم موجودين هم وإحتياط لهم...


هذا مهوب الهلال!!!!!!!!!!!!!!!!!!!!!!!!!!!!!!!:sick:

والله على ايام باكيتا كنا نلعب بهالطريقة بس كان في مستوى يرفع الراس
اما الحين على ايام كوزمين ضروري تشوف الادارة حللللللللللللللللللللل والا ما اضمن نفوز في الاياب ونتأهل

انا المدرب هذا ما هضمته من بعد الوحدة الامراتي بالرياض غسلت يدي منه........ صرنا اوخف من الرفق الصغار من الاهداف الي مانسلم منها

مساكين فريقنا ضعيف بلا نجول لذلك نعتمد هذا المنهج
والله نجران كان افضل مننا

لا مهوب هذا الهلال ولاحتى هلال باكيتا هو الهلال...
طول عمر الهلال وهو اللي يتسيد اللعب ويفرض أسلوبه مهوب يشوف كيف يلعب الفريق الثاني ويجاريه مع إحترامي لاّرائكم الهلال ماتنفع له هالطريقه

المشكله في 4-5-1

ياليت اليوم الصويلح لعب من اول شيىء لكن قضاء الله وقدره ,,,,,, لازم نرضى ,,

معم برأيي المشكله بهالطريقه لأنها تفرض عليك طريقة لعب ولاعبين على حساب الهجوم وإزدواجيه باللعب للاعبي المحور واللي هم ثلاثه ولا الغامدي متى غطى خانته اليوم الأساسيه وهي المحور
ولا الوسط المتقدم فيه التايب والشلهوب ويوم جاء يكحلها عماها بالبرقان!!!!

زمان وطاف ياهلال الهجوم

القضاء والقدر نؤمن فيه وراضين فيه (لكن) فيه مباراة إياب وإذا الحال وأسلوب اللعب بنفس الطريقه البطوله طايره حتى لو تجاوزنا الإتفاق والمصيبه جينا الجزيره
(الله يرحم)
والله وصار الجزيره يخوفنا يرحم زمان (يوسف+سامي)

وش يبي يوم يدخل التمياط؟ آآآآآآآآآآآآخر الدقايق!!
وليه مالعب الصويلح من البداية!!
صراحة واضح انه راااااااااسم على التعادل من البداية..

والله أنك صادق الهلال ماينفع يلعب دفاع ..الهلال فريق هجوم وماتعود على الطريقه الدفاعيه وخير دليل مباراة الأتحاد النهائيه في العام الماضي..
وأنا حذرت من هالشي في أكثر من موضوع يجب على الأداره أن تتحرك وتنبه المدرب لهذا الشي وتخبره أن الهلال فريق بطولات ومايرضي جمهوره بغير الفوز وتعود على الهجوم فقط وهذا ماجعله زعيم البطولات

المشكله مهيب بالمدرب المشكله باللي اختار المدرب لأن الطريقه اللي يلعب فيها المدرب عاجبته والمدربين معروف اسلوب لعبهم من قبل لا تجيبهم!!!!!!!!

أقسم لك بالله بعد ماشفت الهلال مسجل الهدف ورجع للدفاع قلت راحت المبارة ونفس الكلام قلته في مباراة الأتحاد في النهائي بعد ماسجل الغامدي الهدف وتراجع الهلال,,وهالتراجع اللي يصير بعد مانسجل يعتبر تسليم المبارة للفريق الأخر ومثل ماقلت في كلامك مهو الهلال اللي يدافع وهذا اللي ضيعنا في البطولات الأخيره فريقنا ماتعود يدافع..أنا متابع للمباريات الزعيم من حوالي 20 سنه لم أشاهد الهلال يلعب بهذه الطريق الا في المباريات الأخيره..

صادق نفس الاحساس لان الاسلوب الدفاعي عمره مانفع الا اللي امكانياتهم على قدهم ويخفف حجم الخساره لكن مايجيب بطولات ولا (متعة اللعب)