|
موبايلي الهلال او MobilyHilal الحقيقة اللي خلاني اكتب ها الموضوع هو ما قريته في موضوع الاخ 20 رامي الهلالي 20 واللي ذكرفيه مميزات جوال الهلال وعيوب جوال موبايلي .. كلنا ودنا ندعم شريك الهلال الاستراتيجي اللي مافي شك ان الفايدة بترجع في الاول والاخير على هلالنا .. الحق يقال ان مستوى خدمة موبايلي الهلال ضعيف الى حد الان ولا يقارن بخدمات جوال الهلال من جميع النواحي .. فكرة الموضوع هي ان نطرح هنا في هذا الموضوع جميع عيوب موبايلي الهلال لكي يتم تلافيها في المستقبل ولضمان استمرار عدد المشتركين الكبير فيها حيث ان المستوى بهذا الوضع لا يشجع بصراحه على الاستمرار (للاسف).. سابدأ بنفسي بطرح بعض العيوب اللي لاحضتها في الخدمة مقارنتا بجوال الهلال .. 1- القناة الاقتصادية : لا يوجد متابعة للسوق (جوال الهلال كان يرسل اول باول جميع الاخبار المتعلقة بسوق الاسهم من احصائيات للسوق والمؤشر وكمية الاسهم المتداولة والسيولة ... الخ) 2- الرياضة العالمية : يوجد ضعف في التغطية من ناحية مواعيد المباريا ت ونتااجها و القنوات الناقلة ... الخ بالنسبة لي هذا ما لاحضته واتمنى المشاركة بالمزيد من الاقتراحات لنشاهد رقم المليون مشترك كحقيقة واقعية (قوية مليون) ملاحضة اخيره : اعرف اكثر من واحد من الزملاء من مشجعي الاندية الاخرى كانو مشتركين في جوال الزعيم في قناتي الرياضة العالمية والقناة الاقتصادية وذلك لجودة المعلومات المقدمة ... اتمنى ان يثبت هذا الموضوع ولو ليوم او يومين ليطلع علية جميع الاخوان وخصوصا الاخوان في جوال موبايلي ليتم التطوير فيه بالشكل المطلوب وبشكل يليق بجماهير الهلال التي لا ترضى الا بالافضل دائما .. وشكرا |
الاقتصاديه معاك اما الرياضة العالمية لا ماني معاك بالعكس تجي اول بأول |
عزيزي يالغالي اول شي لازم نصبر على موبايلي لانها توها جديده يعني اول مره تسوي التجربه وبعدين نحكم عليها ولاتنسى بدايات جوال الهلال كيف كانت |
مبايلي الهلال رائع بكل معنى الكلمة الجوال يدندن بالرسايل اخبار الصحف الساعة السابعة صباحا ومتابعة اخبار الزعيم اول باول ونتائج المباريات الاوربية مباشرة بعد المباراة فقط اخبار الا قتصاد ضعيفة |
السلام عليـكم ورحمة الله وبركاته الحقيقة يا اخوي ما اقدر اقيم خدمة موبايلي لاني الى الان ما اشتركت فيها جوال الزعيم الاول للاخبار العالمية مازال شغال معي , لكن للاسف من بعد توقيع العقد مع موبايلي قلت الجودة ولاعاد هي زي أول واكيد ان الانتقال لموبايلي له تأثير ولي ملاحظه على جوال الزعيم وما ادري هل هي موجودة بجوال موبايلي والا لا , وهي كلمة ( عاجل : ذكرت صحيفة ... الخ ) يعني ما ادري وش الهدف من كلمة عاجل !! المفروض الخبر المهم يرسلونه ولا يشغلونا بكلمة عاجل عاجل !! اي رسالة عاجل تجيني اتوقع ان فيه خبر مهم مثل وفاة او موت او انقلاب بحكم دولة !! وبالاخير تجديد عقد والا ذكرت صحيفة !! وبرضة مواعيد المباريات صارت تتأخر واحيانا الى بعد المباريات !! وانا معك ان فيه كثير غير هلاليين مشتركين بجوال الزعيم للاخبار العالمية , اما قناة اخبار الهلال فانا ملغي الاشتراك فيها من مبطي والسبب ( نواف التمياط : اعزائي جماهير الهلال , عندما ادخل واجدكم سترتفع معنوياتي واحاول ان ابذل ما في وسعي فلا تخذلونا , خالد عزيز : احبتي لا تتصورون الشعور الذي يراودني عندما ادخل وارى الملعب مليان فلا تحرمونا من تواجدكم ... الخ ) الحقيقة مثل هالرسائل تفشل واحسها موجهه لاطفال !!!! جت فترة كثرت مثل هالرسائل بجوالي لين حامت تسبدي وحذفت الاشتراك !! هذا ما عندي وما ادري عن جوال موبايلي وما اخفيك اني متخوف منه بسبب الانتقادات الكثيره له واخشى ما اخشاه ان تكون هالخدمة مثل قناة الزعيم ناشبة بحلوقنا ولا تغير منها شي , لكن نتفائل بالخير وكلنا نأمل خير بحبايبنا موبايلي انهم يرضون جميع الاذواق شكرا لك على الموضوع الجميل وتمنيت يالغالي انك تعدل العنوان لعنوان افضل مثل موبايلي الهلال ][ السلبيات والايجابيات][ او اي عنوان تشوفه وياليت تراسل المشرفين لو ما قدرت , والراي الاول والاخير لك شكرا لك مرة ثانية واسف على الاطالة |
مشكورين اخواني على الردود والتفاعل ... وانا ما طرحت الموضوع الا لغرض التطوير وليس لمجرد الانتقاد .. - l.jkl .....:) - هلالي من فالنسيا ...... ما نبعد اخوي , اليوم جا مسج مباريات الدوري الاسباني متأخر ومن غير اوقات المباريات ومن دون حتى ذكر لمن سجل الاهداف زي جوال الزعيم ما كان يسوي (على العموم ما الومك فالنسيا فايز 4 وشكلك مستانس :) مبرووك) - ولد الزعيم البار ...... انامعك اخوي لكن جمهور الهلال ما يرضا الا بالكمال ,, الصبر مطلوب والنقد البناء ايضا مطلوب:) - الساهر 99 ..... اسم على مسمى ذبحك السهر اخوي :laugh: انا مع اخبار الصحف في الصباح الباكر , احلى شي تقرا اخبار الجرايد وانت تقهوى الصبح على المكتب او في الجامعه او او .. - skroo ...... الله يسامحك اخوي , حجز الساعه 1:30 من وين ندبر واسطة ولا احد يطلعنا الحين..:d |
إقتباس:
مشكور اخوي على الرد وانا معك خصوصا في موضوعات التصاريح (المبتذلة واللي متأكد ان اللاعبين لا قالوها ولا درو عنها) وياليت يتلافون هذه الاشياء في موبايلي الهلال ... انت كنت كاتب حجز في مشاركتك وانا رديت على ها الكلمة وانا ما فهمتها ( اخوك عليمي فها الاشيا واتوقع انك تعذرني اذا قلتلك ما اعرف اغير العوان :) ) وشكرا .. .. |
لاتعليق بزود مشاركاتي..!!! |
موبايلي = مو ببالي |
إقتباس:
بصراحه أنا لعيون الهلال طلعت شريحة موبايلي وشجنتها بسبعين ريال على رأي أحد أعضاء الشبكه وتأتيني أخبار الزعيم عليها بكل روعه أما جوال الاتصالات فلا زال معي ولا أستطيع التخلي عنه لأنه أرخص بكثير من موبايلي ؟؟؟ ولعيون الزعيم كل شي يهون جوالين في الجيب ؟ أتمنى أن تكون هلالي ولست من المندسين في شبكتنا الغاليه ؟؟ |
وللة اني متفأل في موبايلي |
بس اتمني من موبايلي انها ما تطوووول في التطوير نحن الان في عهد السرررعه والشكره موب جديده جايه من الامارات المفروووض انها عامله حسابه |
ياشباب الخدمه لازالت جديده على موبايلي .. شوي صبر يااخونا وسترون مايسركم انشاءالله تحــياتي |
| الوقت المعتمد في المنتدى بتوقيت جرينتش +3.
الوقت الان » 08:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd