نادي الهلال السعودي - شبكة الزعيم - الموقع الرسمي

يووسف الثنيان في سطوور............................!!!
السلام عليكم ورحمة الله وبركاته

مساكم الله بالخير ... كيفكم اليوم ان شاء الله بخير وعافيه...

انا جايب لكم اليوم كم موووقف كذا على كيفكم للنجم الكبير يووسف الثنيان ..

اولا احب اقدم لكم نبذه عنه..

أنضم اللاعب يوسف الثنيان إلى نادي الهلال عام 1401

و له من الأهداف 109 هدف

ويعتبر اللاعب يوسف الثنيان من أهم اللاعبين الذي أنجبتهم الملاعب السعودي

ويعتبر هو الجناح الآسيوي الأول عام 1988 م ، انضم للمنتخب السعودي عام 1988 م ، وحمل شارة الكابتنيه في المنتخب عام 1996 م في كأس أسيا

، وله هدف واحد في كأس العالم في فرنسا 1998م ، وله من الألقاب العديد منها النمر والفيلسوف ، وحقق لنادي الهلال والمنتخب السعودي العديد من الإنجازات

والان نئتي للمواقف ...

ذكر عن يوسف أنه مره المنتخب كان مهزوم في مباراة مهمة جداااااا وكان جميع اللاعبين متضايقين وحالتهم حاله أما أبويعقوب تعرفونه ينسى الكورة لما يطلع من الملعب فجأة يوسف شاف قدامه خالد مسعد المسكين جالس يصيح من القهر مسك راسه يوسف وقاله: يأخي قم حنا السعوديين ما صحنا تصيح أنت ..........هاهاهاهاهاها

احد الحكام المتقاعدين قال لي عن سالفة ليوسف في مباراة كان هو حكمها....... يقول في مباراة الهلال وفريق احد من المدينة المنورة قبل تقريبا 15 سنة وكانت المباراة في المدينة المنورة يقول لما نزلوا لاعبي الفريقين لتحية الجماهير امام المنصة والدرجة الاولى ( طبعا معروف عن ملعب المدينة انة يوجد فية بس مدرجات درجة اوللى فقط ولا فية مدرجات ثانية مثل بقية الملاعب) وعندما قام اللاعبين بتحية الجماهير وخلصوا راح يوسف الثنيان لجهة المدرجات الثانية وطبعا مافية جمهور ولا مدرجات ولكن فية جبل كبير مرة وقام يوسف راح الين وصل عندة ورفع ايدينة للجبل وحياة؟؟ههههههههههههههههه يقول الحكم فعلا كان موقف يضحك للجميع؟

وفي نفس المباراة يقولي نفس الحكم موقف اخر مضحك ليوسف الثنيان.........
يقول كان فية اوت للهلال وكان يوسف يبي يرمي الاوت لكنة تقدم عن مكان الاوت عشر خطوات تقريبا ولما جيت عند يوسف وقابلتة وجه لوجه وقلت لة يوسف ارجع لمحل الاوت الاصلي فرد علي وقال لي بالحرف الواحد( يابن الحلال احد خبلان مايدرون عن شي مشيها بس) فكان موقف مضحك ومحرج للحكم في نفس الوقت

خذوا هالموقف..... يقولون مره في احد تمارين الهلال كان المدرب عمر بوراس كان تذكرونه.....وكانوا معولين على الثنيان كثير لمباراتهم بكره مع النصر المهم الكل متحمس والمدرب متوتر مره والكل محترق في التمرين......المهم في عز التمرين استاذن يوسف الثنيان دقيقه من المدرب اللي يحسبه رايح لدورة المياه......وطلع يوسف من التمرين.....المهم ينظرون الرجال يرجع ربع ساعة ساعة ساعتين الى ان خلص التمرين وماجا وقامت قائمة النادي يدورونه على شان مباراة بكره......المهم الكل مختبص يدور هالثنيان.....وحرق اعصاب الليل راح وابو الشباب ماجا.....يوم جت الساعة 11 ليلا جاك الهندي حق الملابس يركض ويقول ثنيان نوم نوم.....وطلع ابو الشباب صاكها نومه في غرفة الكور..........ووقفوه ذيك المباره......يبقى ملح الكره السعودية

في احدى مباريات المنتخب الودية في الدمام لعب المنتخب مع الاتفاق مباراة ودية وبعد ان انتهى الشوط الاول وقف الثنيان يسولف مع حارس مرمى الاتفاق فؤاد المقهودي عند مرمى الاتفاق لا وجلس مربع على رجلية يسولف مع فؤاد وترك المنتخب ولا راح معهم غرفة الاستراحة ولا سمع خطة الشوط الثاني ولاهم يحزنون ؟

(( الموضوع منقوول من مجموعه فؤاد في الياهوو قرووب ))

ان شاء الله تعجبكم المواقف هذي..

وانا بقولكم موقف له بعد بس اللي يسولف عن الموقف هذا اللاعب سعيد العويران ....... يقول سعيد مره في احد معسكرات المنتخب كان عندنا يوم راحه وتسوق وانا استغليت العصر بالنوم لاني كنت ناوي اطلع بعد المغرب المهم جاء يوسف الثنيااان واخذ سيارتي وراح فيها
يقول لما صحيت مالقيت سيارتي سالت قالوا اخذها يوسف ومن القهر لان مشواري مهم رحت بنشرة سيارته ..... يقووووول لما رجع يوسف قلت له ليش تأخذ سيارتي ........ قال يوسف بدون تردد انا لقيت سيارتي مبنشره وقلت مالي الا سيارة سعيد .........
طبعاااااا سعيد يقووووووول نسيت الزعل كله ومت عليه من الضحك .........

ملالالالالالالالالالاحظه جداً مهمه هذه المعلومات تم مسخها من منتدى وناسه في الفرفشه والضحك