|
إقتباس:
أوافقك اخوي على رايك 100% واتمنى من الادارة تسمع كلامنا وتجيب المنتشري لو يكلف 25 مليون بلا هوساوي وصراحة ما يستاااااااااااااااااااهل 12 مليون بوجهة نظري الخاصة . لكن فيه حاجه نسيتها اخوي احمد الصويلح لاااااااااااااااااازم يهتمون فيه ويعطونه فرصه كامله والله اللاعب قتاااااااااااااالي من الطراز الأول احسن من الي ينتظر الكوره . وسلااااااااااااااااااامتكم . . . . . |
قهر قهر والله قهر ماشفت كل المباراة انقطع الكهرب وانا بنص الشوط الثاني او ربعه تقريبا بس الحمدلله اهم شي الـ 3 نقاط وان شاالله المدرب عرف ان تشكيلتنا المضمونه هي 442 ..,, |
خلونا نتكلم بحيادية يا جماعة الخير المفرج اليوم نجم والنكبة هم تـفاريس والياس ولا يهون الموري النجم الحقيقي >>>>>>>>> احمد الصويلح وياليت يلعب اساسي جنب ياسر لان ياسر ما يتحرك ويلعب الا بجنب لاعب نشيط مثل الصويلح ويكون الرقابة خافة عليه من توفيق الى توفيق يازعيم اسيـــــــــــــــــــــــا |
مبروك فوز الزعيم نجوم اللقاء طارق التائب ياسر القحطاني احمد الصويلح الغامدي الغثران نكبة اللقاء الياس البرقان التمياط:upset::upset::upset: |
الـــف مبرووووووووووووووك الفوز مستوى الشوط الاول كان عادي بسبب هدف القادسيه المبكر سبب ربكه في الفريق وهذا عادي المستوى تحسن كثير بعد نزول احمد الصويلح لكن يبدولي ان الهلال لابد ان يلعب بخطه 4-4-2 لان عندنا خط وسط رائع بقيادة ملك الكره العربيه الحالي طارق التايب لانه يصنع كور اهداف من لاشي ويجعل الهجمه العاديه الى هجمة قوووول الدفاع لايزال يحتاج الكثيرررر اذا ارد الزعيم تحقيق البطولات كله ضهير ايمن وقلب دفاع. وكذلك فب انتظار الاعب كالون او باسكال فيندو عمومآ الف مبروك ومباراة القادسيه ليست مقياس في قوة الزعيم القادسيه ليست مثل الاتحاد او الاهلي او الشباب وايضآ الاتفاق انشاء الله من نصر الى نصر والف شكر للاعبين والاداره والجمهور الراقي. هدف ياسر الثالث يحتاج منا وقفه وتمتع اكثر..... |
إقتباس:
فعلاااا التمياط - الموري - المفرج - الياس وداعاا بدون رجعه للزعيم ارجوكم :eek: |
الف مبروك الفوز ولكن نقطة الضعف في الدفاع والاظهره وتفاريس ما ادري وش فيه صراحه لازم الاداره تنتبه للامر هذا يمكن يمر بظروف ولا زم توقف معه الاداره والوسط والهجوم عيني عليكم بارده |
الهلال اليوم في الشوط الثاني قدم مباارة حلوة لكن دخول هدفين في مرمى الهلال من فريق ضعيف مؤشر مخيف العبد السلام لازم يمسك الظهير الايمن في الهلال لانه افضل من يلعب في الهلال في هذا المركز نواف التمياط حررام يلعب اساسي والف مبررررووووك |
الهلال اليوم عال العال وإن كانت هناك هفوات في الدفاع ولكن إن شاء الله يتحسن مستقبلا وكذلك إلياس ليته يحسن مستواه ويعود كما كان أو يفارق باحترام أما الصويلح فهو بحق ملك الكره هذا اليوم نزل وانهلت الأهداف أما الهدف الخامس الله يعين الحكم اللي ألغاه على دعوة جمهور الهلال :upset: لكن ما نقول إلا الله يسامحه ويهديه وإلى الأمام ياهلال s13ss13s |
اولا مبروك الفوز للهلال ونتمنى المستوى يتصاعد من مباراة لاخرى الدعيع اليوم كان جيدا واستعاد الثقة التي يتميز بها من خلال اداءه اليوم الياس لعب بحماس كبير لكن يعيبه نقص الخبرة وكذلك التركيز المفرج :thumbup::thumbup:اليوم غير ابدع طوال المبارة وانقذ الهلال من اهداف محققة ونتمنى ان يستمر على هذا المستوى يا رب ويجب علينا ان نشكره تفاريس اليوم كان اسوء لاعب بالمباراة للاسف :sick: افتقد التركيز لعدد كبير من التمريرات ويجب عليه ان يراجع نفسه ويستعيد مستواه البرقان قدم مستوى مميز خلاف ما كان عليه بالسابق ولعب بقتالية كبيرة ولو ان بعضها كان بخشونة ملحوظة الغامدي قام على الواجب بالوجه الامثل يسلم ويستلم بالشكل الصحيح وكان له الدور في التسليم من الدفاع الى الوسط المتقدم الخثران ابدع هذه الليلة و قدم لمسات ممتازة امتعنا بها ويعجبني هذا اللاعب برشاقته حتى وهو في 35 من عمره نواف التمياط اجتهد وقدم ما عليه لكن التكتل الدفاعي من الفريق القدساوي منع اللاعب من التحرك بشكل ممتاز وننتظر منه الكثير في المباريات القادمة ابداع + فن + مايسترو + فيلسوف الكرة + رشاقة + مهاراة + تقليب + كباري + تسديح = البرنس طارق التايب :wink: ياسر نجم هذه المباراة ما اروعك وانت تسجل الاهداف ما اروعك وانت تعزف الكرة برجلك الساحرة هاتريك ولا اروع ولا احلى ولا اجمل الصويلح منقذ الفريق وصاحب التحول الكبير في هذه المباراة نجم فوق العادة نجم بكل ما تحمله الكلمة ننتظرك هداف للفريق وانت مستقبل الهجوم الازرق الشلهوب رغم كل الظروف المحيطة بك تثبت انك رجل بمعنى الكلمة صنعت هدف وحققت هدف صحيح الغاه الحكم الغشيم سر يا شلهوب يا موهوب يا آسر القلوب ونحن معك لانك اثبت للعالم معنى الاخلاص ( الله يسعد دنيا وآخره ) الزوري المدرب يمنحك الثقة فكن قد الثقة واثبت لنا انك لاعب متمكن اولاريو يجب عليك ان تدرس الخصم جيدا فليس من المعقول ان تلعب امام فريق متواضع بمهاجم واحد من البداية ولاحظنا عند ادخال الصويلح تحرر ياسر من الرقابة الخانقة اذ ان خمس لاعبين كانوا يحاصرون ياسر فارتبك الدفاع القدساوي من الصويلح وكان لايعرف من يراقب الجمهور كان قد الوعد وملأ الاستاد بأكمله كالعادة:thumbup: سر يا هلال والقادم احلى بإذن اللهs13s |
إقتباس:
ياخي انت تعجبني كذا جمهور الهلال الذكي والفاهم مويجيني واحد غبي اذا سبينا بعض اللاعبين عشان انه داج ولا يفهم في الكورة تدري وش يرد الغبي يقووووووول اللاعب مخلص للهلال ........:upset::upset::upset: |
اليوم ماشاء الله الهلال ابدع .. خلوني اتكلم عن الوسط ماشاء الله على التايب مافيه حيله مبدع كعادته وكذالك نواف تحركاته جداً جميله واستغرب على بعض الاعضاء في كلامهم على نواف في مباراة اليوم صحيح التايب ماكل الجو بالمهارات واعجاب الجمهور في حركاته بس من ناحية التكتيك ماشاءا لله عليه نواف لا تحرك اليوم بشكل ايجابي وعن البرقان ادى اللي عليه وزياده وكذلك الغامدي اما الهجوم اتمنى من كوزمين يعني يستقر على تشكيله مناسبه وخاصةً التشكيل من بعد اشراك الصويلح لان الدوري قدامنا طوييييييييييييييل.. يعني لاحظنا الخطوط جميعها فعّاله وعن الويلح وادائه ماشاء الله عليه حرام يترك بالاحتياط لاعب يملك السرعه والقتاليه والتسديد فاتمنى اشراكه كأساسي زي ماشفنا اول مادخل فك الزحمه اللي مسوينها دفاع القادسيه على ياسر .. نرجع للدفاع ياسر الياس ادى اللي عليه وزياده وماقصر لإن زي ماشفتو كل الهجمات كانت من جهة ياسر الياس وإذا اخطأ خطأ واحد اتمنى اننا نشجعه ولانلومه لانه صراحه بذل اللي عليه وزياده .. والشلهوب مجرد وقت ويرجع ريكلمي ..والخثران اكتشف لنا كوزمين انه مبدع بالمحور .. وبالايجاز الزعيم ابدع اليوم مهارياً وتكتيكياً s13s وان شاء الله الافراح للزعيم دوم ان شاء الله .. |
السلام عليكم ورحمة الله وبركاته اولا الف مبرووووووووووووك للهلال ولجمهوره العضيم ثانيا احي واشيد بجرأة المدرب كوزمين اللي صلح خطأه بدري في اول نصف ساعه حينما زج باللاعب المبدع الصويلح بديلا للاعب الموري . مباراه جيده قدمها الهلال ومدربه . شكرا للاعبين على اللعب والامتاع لكن وااااااااااه من لكن انا بصراحه ما يعجبني لعب الياس واحس ان مستوااااااااه اقل بكثير من العنقري و من العبدالسلام اللذان لا يرقون لطموحنا كجمهور هلالي . والياس هو المتسبب في الهدفين نتيجة تمركزه الخاطئ وكذلك رعونته في محاولاته لقطع الكور . أبصراحه انا مراقب اللاعب من بداية المباراه ولاحضت انه اكثر لاعب لعب كوره طولية خطأ . كل ما يعرفه هذا اللاعب هو نقل الكره للخلف لكن للامام لا . بصراحه اتمنى ان الفوز لا ينسينى ضعف مستوى هذا اللاعب . لا اجد فيه سوى حماسه ونحن لا نحتاج فقط الى لاعبين متحمسين نعرف الافرقه اللي تحتاج للاعبين المتحمسين .وهيه الفرق الصاعده اما نادي الهلال يحتاج للاعب متمكن ومهاري ويجيد الادوار الدفاعيه والهجميه وصاحب لياقه عاليه ويجيد لعب الكرات العرضيه هذي ابرز سمات اي ضهير . لكن الياس لا يجيد الادوار الهجوميه وكذلك ولا عرضيه طول المباراه بالرغم ان المباراه مع رديف متذيل الترتيب . لا واللي يزيد الطين بله عدم اجادته للأدوار الدفاعيه بالرغم من تواجده الدائم في الربع الاخير لملعب الهلال . وانا جالس اقرأ الردود بصراحه استغربت النقد للكابتن فهد المفرج وكذلك الخثران بصراحه ولا غلط من اللاعب فهد المفرج في هذي المباراه واللي يبي ينقد يذكر اخطاء هذا اللاعب في هذي المباراه ؟؟ والخثران ايضا يجب ان لا ننسى انه لاعب وسط في الاساس ولم يلعب ضهير الا في الهلال وبالذات مع المدرب باكيتا ولا يلام كثرا ولو اردنا ان نقيمه في المباراه نجده مجتهد وأدى قليلا مما هو مطلوب من ظهير . اقصد نجده متواجد في بعض الهجمات الهلاليه وكذلك نجد انه الباص عنده ممتاز وكذلك لم الاحظ اي عيب دفاعي عليه طول المباراه بالنسبه للاعب مشعل الموري لا يمكن تقيمه لان المدرب اخرجه بدري في وقت لم يبدع فيه اي لاعب هلالي . اما اللاعب البرقان فأكاد اجزم لولا ان اخيه المسؤول عن الاحتراف لماكان هذا اللاعب في الهلال بصراحه لايوجد فيه مقومات المحور فالبنيه لديه جدا ضعيفه ولا يعتبر من اللاعبين الشديدين على الكره . كل ما كان ملاحظ عليه هو خشونته الزائده الصويلح لاعب ممتاز وكان نقطة تحول في المباراه بتسجيله الهدف الأول وتصليحه للهدف الثاني وصدق من اسماه تيفز . فوالله ان هذا اللاعب يذكرني بتيفز التايب يعجز اللسان عن وصفه فكان مبدعا لدرجة الجنون زمان لم نشهد لاعب يمتع ويبدع من بعد الثنيان . وجدنا لاعبين يمتعون ولكن لا يبدعون وكذلك وجدنا العكس لكن التايب يمتع ويبدع . القحطاني اسكت جميع النقاد واخرس كل الالسنه واثبت انه كبير والرد كان ثقيل وصعب وصعب وصعب ان يأتي لاعب بعد كل هذي الانتقادات الهادفه والهادمه ويسجل هاترك لله درك ياكبير هؤلاء ابرز اللاعبين اللي بغيت اتحدث عنهم وأبصراحه مستوى الهلال يخوف ومباراة الأتفاق راح تضهر كل شيء وان شاء الله الفوز هلالي |
مبروك الفوز الذى تحقق علي فريق غير المدرب وقدم القادسية افضل مستوة والهلال قدم ربع مستواة واهم الايجابيات ياسر الكاسر عندما لعب المدرب هجوم واحد ثم عاد ولعب هجوم ثانى فظهر افضل لاعب عربي فى مستواة وعودة الانتصارات للزعيم رغم الحظ الذى لعب ضد الهلال فى المباريات السابقة وايضا التايب تالق بعد ياسر القحطانى والصويلح 0000 السلبيات التى تعالج هى غياب خالد عزيز ورغم الاداء الجيد للبرقان والغامدى الذى يتاخر فى سرعة اللعب والاظهرة لم تقدم اداء هجومى نتمناة والخطى الكبير المدرب من 4-4-1 ومن بعدها فى 25 دقيقة غير اللعب الى 4-4-2 مثل مباراة الوحدة عندما يسجل فى مرماة يغير والواجب من الادارة ان تصحح للمدرب والزعيم قدم اداء فنى جيد والقادم احلي للزعيم بقيادة ياسر الذى لم يهبط مستواة ولكن الحظ والتوفيق والف مبروك الفوز والاتفاق لازم المرب يلعب 4-4-2 وبوجود عزيز واللعب مهاجمين لكى يرد ياسر علي منتقدية بهاتريك جديد لانة الفرق كلها دفاعية ضد زعيم اسيا |
إقتباس:
المفرج ممتاز وتفاريس جيد بس الاظهره يبيلها حل مستعجل اوافقك بكثير مما قلت |
| الوقت المعتمد في المنتدى بتوقيت جرينتش +3.
الوقت الان » 03:55 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd