|
اتمنى ان فهد المفرج ينتقل لنادي آخر ،، اتوقع بيصل للمنتخب و بقوه !!! لكن في الهلال و في ظل وجود جمهور معاهم معاهم عليهم عليهم >>> ما ابغى اقول المبزره المهم في وجودهم لن يستطيع فهد ان يتطور ،، نعم له أخطائه ولكن كأي مدافع يعني شيء طبيعي و لو وجد الدعم لتطور بشكل سريع مثل ما تطور غيره ... ليرحل فهد و انا متاكد بانه سيبرز في أي فريق مع التحيه |
اولا:اشكر اخوي الي كتب الموضوع ثانيا:هل نسي جمهور الزعيم مذا قدم {الاعب الكبير فهد المفرج} للهلال ثالثا:اطالب الادارة ببقاء الاعب في الفريق اساسيا وان لا يذهب لفريق اخر حتى لو خارجيا. وبالتوفيق للزعيم |
قسم بالله ان الي يقول ان المفرج ما يعرف يلعب انه ما يعرف بالكورة شي او انه من بزارين المنتدى ,,,, |
اخوي الله يعطيك العافية والصراحه نحن ظلمنا للاعب بالكلام عنه هذا كلام صحيح لكن مشكلة اللاعب أنه فقييييير فنيا ولا يغرك اللاعب بحماسه وروحه القتالية |
أخي الفاضل كاتب الموضوع أنا محبين الأخ والكابتن أبو عبدالله فهد المفرج رجاءً أرجو عدم كتابة مواضيع تخص فهد المفرج سواءً بالمدح أو بالذم ، طرحك للموضوع جداً ممتاز وتثاب من الله عليه لكن سوف تخرج عليك ردود تسب وتشتم فهد المفرج وصار هذا الموضوع أعانه على مسبت أخيه المسلم وموضوع المفرج للأسف كثر الكلام فيه خاصة في شهر رمضان شهر المغفره والرحمات فكسب المسيء السيئه وكسب المفرج الحسنة . أتمنى من أخوان الأعضاء التفكير في وضع الفريق والمنافسات المقبله . وشكراً وتقبل مروري |
المفرج ماجلسه الا الوااااسطه بالعربي مانبيه ولانبي نكبات جديده وبالنسبه لاخلاقه ماقلنا شي |
كلامك متناقض جدا جدا جدا يا اخي كاتب الموضوع .. مرة تقول من سمح لكم تتكلمون باسم الجمهور الهلالي .. و مرة تقول جمهور الهلال الواعي يطالب بالمفرج .. ليه حطيت نفسك و المطالبين بالمفرج واعين و الباقين ما عندهم وعي .. ياخي عيب هالكلام .. ثاني شي اللاعب خلوق على عيني و راسي .. دين .. على عيني و راسي .. محترم على عيني و راسي .. بس احب اذكرك .. جمهور الهلال ما راح يناسب المفرج .. جمهور الهلال يبي لاعب يشيل الدفاع .. ياخي احنا اذا تكلمنا عن لاعب ما نتكلم عن اخلاقه ولا عن دينه و لا عن اي شي غير مستواه الفني !!!!!!!!!! ياخي المفرج مستواه ابد ابد ابد مو مستوى الهلال .. لا تقول لي واحد اعرفه يمدحه و واحد مدري من هو يمدحه .. ياخي احنا نشوف مستواه .. ما ننتظر تعليق فلان و فلتان علاشان نعطي راي مطابق لآراءهم .. اتمنى انك تحترم وجهة نظر الطرف الآخر و ما تقول انك انت و من يؤيدك واعين و الباقي ما عندهم سالفة .. بعدين تراكم ازعجتونا بصورة المفرج و راسه مفلوق .. ترى فيه صورة لمصطفى ادريس و راسه منفلق .. لو احطها حبيتوه ؟ |
احب اضيف شيء واحد .. ليه تاخذون الكلام عن المفرج انه سب و شتم و الخ ..... ياخي انتقاد اللاعب مو معناته اننا نسبه ولا نشتمه ولا اي شي من هالكلام .. انتقاد مستواه لأن الكورة ما تعترف بالمجاملات .. لاعب يفوزك حطه في التشكيلة .. لاعب يهزمك حطه عالدكة .. و اذا ما كان نافع لا هنا و لا هنا نسقه ولا بعه ولا تصرف فيه .. لن نرتقي بكرة القدم السعودية ما دمنا نتحسس من الانتقاد الصريح .. و سنبقى من الدول السيئة كرويا اذا لم نترك المجاملات و نعمل باحترافية !!!!!!!!! |
إقتباس:
اخوي انت صادق بكلامك ((تقول))(((احب اضيف شيء واحد .. ليه تاخذون الكلام عن المفرج انه سب و شتم و الخ ..... ))) الحين الي يتكلم عن المفرج بأسلوب الطرح الراقي ام كلام سب ولعن جدف ودخل والخ وتقول هذا النقد مانبي النقد اذا كان بهذي الطريقه وانا اشوف ثلاث ارباع الي ردو على الموضوع كلهم من مؤيدين ابقاء الصخره اللاعب الخلوق ::فهد المفرج وبأذن الله الإداره الهلاليه ماراح تنقله وتخليه اساسي لنهاية الموسم بأذن الله |
إقتباس:
عشان كذا يمكن توقعت ان كلامي متناقضs13s |
الأداره تدري ليش محافظه على فهد كلاعب اساسي علشان اي خساره تكون سببها فهد المفرج واللوم كله على فهد والأداره بس لها المدح والشكر صدق ان فهد غلط كم مره بس مافيه مدافع بالعالم مايغلط اتمنى انه مايلعب اساسي علشان يعطي غيره فرصه ويصير فيه حرص من الاعبين لأظهار قدراتهم وحرصهم على العب الاساسي تقبل مروري |
إقتباس:
والارقام بيننا وبينكم نشوف مين القلة ومين الكثرة احد الجبناء من جماهير المفرج عندما تحديته في هذه النقطة هرب وولى الادبار مع اني واثق ان ادارة المنتدى لن توافق على هذا التصويت لكن فقط لاختبار مدى قناعته بالكلام الذي يكتبه ام انه يلقي الكلام جزافا المفرج لاعب غير مرغوب فيه واكثر لاعب من بين جميع لعيبة الهلال الي وافقوا فتح المنتديات من موسم 2000 الي الجمهور طالب بابعادهم اتحداك تجيب اي لاعب طالب الجمهور بابعاده كما طالبوا بابعاد فهد المفرج الى اللقاء في نكبة جديدة من نكباته |
إقتباس:
|
مع عودة إفتتاح المخرج 17 أسرع هدف يسجل في مرمى الزعيم أمام القادسية !!!!!!!!! |
الحمدلله وبنعمة من الله رد عليكم المفرج بالملعب أمام القادسيه والان لا أستغرب أنكم تريدون تحطون اللوم على المفرج وتفاريس لم يفعل شيئاَ كثر الله خيرك واطعمك الله الصبر يافهد من جد احرجتنا بروحك العاليه بالمباره وقدمت الذي لم يقدمه تفاريس أو غيره الكثير |
| الوقت المعتمد في المنتدى بتوقيت جرينتش +3.
الوقت الان » 02:41 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd