بمناسبة ليالي العيد .. شاركنا المساجلة الشعرية . - صفحة رقم 16 - نادي الهلال السعودي - شبكة الزعيم

abo_nasser · #1 17/10/2007, 02:14 PM

إقتباس

الرسالة الأصلية كتبت بواسطة خالي من الهم


	ابو ناصر شرهتي وربي انك قحطاني بس وش اقول يخواني وجع يوجع عدوينكم بغششكم بس ابيات زي الناس مو كذ1

خخخخخخخخخخخخخخخخخخخخخ

يعني اني قحطاني لازم اكون شاعر

والا ويش رايك يالمشاكس

خالي من الهم · #2 17/10/2007, 02:17 PM

إقتباس

الرسالة الأصلية كتبت بواسطة abo_nasser


	خخخخخخخخخخخخخخخخخخخخخ يعني اني قحطاني لازم اكون شاعر والا ويش رايك يالمشاكس

ما قلت كن شاعر بس جب ابيات زي الناس

يالله لا تخرب المسابقه

abo_nasser · #3 17/10/2007, 02:19 PM

إقتباس

الرسالة الأصلية كتبت بواسطة خالي من الهم


	ما قلت كن شاعر بس جب ابيات زي الناس يالله لا تخرب المسابقه

ترى الابيات اللي اكتبها كلها لخالد الفيصل ...والا ما يعجبك

المـشـاكـس · #4 17/10/2007, 02:20 PM

إقتباس

الرسالة الأصلية كتبت بواسطة خالي من الهم


	ما قلت كن شاعر بس جب ابيات زي الناس يالله لا تخرب المسابقه

عادي يا عبد الوهاب ..
ترى اللي كتبه هو بيت واحد من شطرين ..
مهوب بيتين منفصلة ..
احس انك فهمته غلط بس ..

المـشـاكـس · #5 17/10/2007, 02:18 PM

إقتباس

الرسالة الأصلية كتبت بواسطة abo_nasser


	خخخخخخخخخخخخخخخخخخخخخ يعني اني قحطاني لازم اكون شاعر والا ويش رايك يالمشاكس

حرام لو اكتب لكم شعر من راسي ..
ان تقفلون النت كله ..
مهوب المجلس بس ..
وتقولون لابوه لابو من قال له انك شاعر

المـشـاكـس · #6 17/10/2007, 02:07 PM

غريبة يوم كتبته كان موجود ..

طيب ابو ناصر ..

جرح يشكي · #7 17/10/2007, 02:14 PM

خلووووووووووووووووووووووووووووووها

يوم ليلك بالغـلا لابـس وشـاح
............والهموم الها على خـدك مقيـل

كل جرحٍ منك لا غنيـت صـاح
............من عرفتك شامخٍ مثـل النخيـل

الدور لـ خالي من الهم

خالي من الهم · #8 17/10/2007, 02:16 PM

إقتباس

الرسالة الأصلية كتبت بواسطة جرح يشكي


	خلووووووووووووووووووووووووووووووها يوم ليلك بالغـلا لابـس وشـاح ............والهموم الها على خـدك مقيـل كل جرحٍ منك لا غنيـت صـاح ............من عرفتك شامخٍ مثـل النخيـل الدور لـ خالي من الهم

لو قلبكم طالب عيوني عطيناه ***********وأعطيه لاوزن خذيته ولا كيل

وإنتي جواهر لاطفى القلب مرساه*********ودي تبادلني المشاعر على الميل

الدور على اول العنقود

الهلالي الثقفي · #9 17/10/2007, 02:23 PM

إقتباس


	لو قلبكم طالب عيوني عطيناه *********وأعطيه لاوزن خذيته ولا كيل وإنتي جواهر لاطفى القلب مرساه*******ودي تبادلني المشاعر على الميل

سلام من شاعر جميلٍ محياه

يا خالي من الهم يا نجمة سهيل

لو يطلب الغالي لعينه فديناه

و العين من فرقاه ما نامت الليل

هلا و الغلا بالغالين كل عام و أنتم بخير و من العايدين ان شاء الله

خالي من الهم · #10 17/10/2007, 02:31 PM

إقتباس

الرسالة الأصلية كتبت بواسطة الهلالي الثقفي


	سلام من شاعر جميلٍ محياه يا خالي من الهم يا نجمة سهيل لو يطلب الغالي لعينه عطيناه و العين من فرقاه ما نامت الليل

هلا وغلا اخوي ياسر الشباب حاطين قوانين ودي اتجاوزها كعك يافتى

بس ترا مو شرط الوزن والقافيه بس علم ابو ناصر والمشاكس تكفى وهذي بيتين لك بعد اذن الشباب

الشعر يا ياسر عشانك كتبناه*********والشوق من قلبي يجي لك مراسيل
والله أعزك والعتب ما نسيناه**********وأشره على خلي بشعر ومووايل.

عتبك وصلني يالغالي والله ما سفطتك واظنك فهمت وش اقصد.

الهلالي الثقفي · #11 17/10/2007, 02:44 PM

هلا و الغلا

خالي من الهم

أتشرف بالمساجلة معك و أتمنى تحين الفرصة للاخذ و الرد معك
لكني أعتذر ألحين و ان شاء الله يجي الوقت المناسب

بس كلمني أحد الشباب عن الموضوع و حبيت أشوفه

ان شاء الله القادم أحلى

إقتباس


	الشعر يا ياسر عشانك كتبناه*******والشوق من قلبي يجي لك مراسيل والله أعزك والعتب ما نسيناه********وأشره على خلي بشعر ومووايل.

يا قلب لا تشكي من الحزن و الآه

لا ياخذك سحر العيون المظاليل

و يلاه لو تجدي عن الشعر ويلاه

الهم يسري و الليالي مقابيل

إقتباس


	ياصاحبي ما كل مافات قد مـات اقبـل تراهـا عاطـره ذكرياتـي خل الجروح تروح علاّتها اشتات وادفن على رمل الشواطي وصاتي

للقلب نظرات و للروح وقفات
و العين ترقب يا غلاتي غلاتي
آهات لو تجدي عن الشعر آهات
هات الفرح يا بهجة الروح هاتي

و كل عام و أنتم بخير

المـشـاكـس · #12 17/10/2007, 02:14 PM

عبدوول ..
هدئ من روعك

...
اذا ابو نورة مسوي قلق لهالدرجة .. نغيره لعيونك ..
تبي خالد عبد الرحمن

...

أول العنقود · #13 17/10/2007, 02:20 PM

لو اكتب انا ديوان من شعري ** ما نــوفي بوصـف انسـان فـناني

و الدور دورك يا أبو ناصر و خلها خالد عبدالرحمن

المـشـاكـس · #14 17/10/2007, 02:21 PM

هلا والله بالثقفي ...
نبي نشوف تأليفك انت وجرح وعبدول ..

خالي من الهم .. تكفى ازعج ماجد وخله يقوم من النوم الي ذبحه

..
ويجي هنا ..

ابو ناصر ...
خلاص دوري انا وياك انتهى هنا

..
لعن ابو بليسك خلصنا اغاني ابو نورة ..
لكن في ذمتي ..
اللي يبي يدخل مساجلة ..
ياخذ معه الاي بود الجديد اللي مسجلة فيه اغاني ابو نورة ..
وفي تيه تلقفها تاك انه ما يخسر

abo_nasser · #15 17/10/2007, 02:25 PM

يبكي الصوت والنظرات تشكي***والمعاني ولو صاحت حبيسه

اي واحد يطمر