مــــذكـــرات موظف مفصــول + ومعرفتي بمواصل من عام 1413هـ - صفحة رقم 6 - نادي الهلال السعودي - شبكة الزعيم

زعيمكم2007 · #1 15/10/2007, 10:14 AM

:u pset:

تكمل والا لا ليش ماتكتبها مرة وحدة بلا حلقات بلا هم <<< مسوي خالد العساف

كبرياء إنسان · #2 15/10/2007, 11:05 AM

تدرون ليش اكتبها على حلقات
لانه لو كتبتها مرررره وحده بتكون طويله وبعدها بيطفش القارء اما على حلقات احسن وبعد عشان اتذكر كل شي على راحتي
وبعدين سبب تأخير الحلقه عشان إذا تقابلت مع مواصل من عام الفيل اقصد من عام 1413 هـ
نجلس ننسقها ونرتبها وخليه يكتبها من جهازي لأنه بصراحه هو اقدم مني بالمنتدى ويعرف وش اللي يعجبكم

وعلى العموم تشرفت بمروركم جميعاً واتمنا بأن تكون الحلقات السابقة اعجبتكم

اخوكم المفصول وسائق الليموزين حالياً / كبرياء إنسان

أول العنقود · #3 15/10/2007, 11:26 AM

إقتباس

الرسالة الأصلية كتبت بواسطة كبرياء إنسان


	تدرون ليش اكتبها على حلقات لانه لو كتبتها مرررره وحده بتكون طويله وبعدها بيطفش القارء اما على حلقات احسن وبعد عشان اتذكر كل شي على راحتي وبعدين سبب تأخير الحلقه عشان إذا تقابلت مع مواصل من عام الفيل اقصد من عام 1413 هـ نجلس ننسقها ونرتبها وخليه يكتبها من جهازي لأنه بصراحه هو اقدم مني بالمنتدى ويعرف وش اللي يعجبكم وعلى العموم تشرفت بمروركم جميعاً واتمنا بأن تكون الحلقات السابقة اعجبتكم اخوكم المفصول وسائق الليموزين حالياً / كبرياء إنسان

هلا أخوي صالح

خذ راحتك و شف الوقت اللي يناسبك

و يا شباب ترى الموضوع و الردود ما تطير إذا كتبها تعالوا شوفوها بأي وقت

لون الماء · #4 15/10/2007, 11:26 AM

צ تطول الغيبه !!

أبوسـراج. · #5 15/10/2007, 02:34 PM

< - هذا الشخص بيزعل على احد < - يعني انكم فهمتو .

اخوي كبرياء اخلوص علينا انا ما ابغاك تجيبها مرهـ وحدهـ بس الحلقات قصيره مره يعني خلها اطول شوي مجرد راي .

^ العنود ^ · #6 15/10/2007, 03:26 PM

متابعه ,,

<<<<<<<< ذكريات حلوه مشاء الله

Hictar · #7 15/10/2007, 06:34 PM

أخيرا خلصت من التنقيح بالموضوع ( حذف وإضافه )

والتنسيق وتعديل الأخطاء الإملائيه

صالح يبي لك مرشد طلابي يمشي وراك

هلالي مدريدي 10 · #8 15/10/2007, 06:56 PM

إقتباس

الرسالة الأصلية كتبت بواسطة مواصل من عام 1413هـ


	أخيرا خلصت من التنقيح بالموضوع ( حذف وإضافه ) والتنسيق وتعديل الأخطاء الإملائيه صالح يبي لك مرشد طلابي يمشي وراك

يلا كمل القصه

كبرياء إنسان · #9 15/10/2007, 06:59 PM

الحلقة الثالثة

للتعريف بمجال عملي السابق فقط أحب أبين إن العمل كان تنقل بين الرياض وجده.

في فتره عملي بقسم الإستفسار حبيت أتكلم اليوم عن المواقف الطريفه اللي حصلت لي بالقسم هذا ، وبذكر منها موقفين حصلوا معي بعد تعرفي على الزملاء بالمكتب :

الموقف الأول:
خلال فترة عملي في قسم الأستفسار حصلت على عدة مكافأت تقريباً عددها ثلاث مكـــافأت ومقدار المكــــــافأه الواحده 5000 ريال وكـــــنت اول موظف يحصل على مكافأه خلال ثمانية اشهر

.
ومن كثره المكافآت اللي أخذتها حسيت أني محسود

كل هذا لأني قايم بعملي على أكمل وجه

بوقتها سألوني بعض الموظفين
وقالو لي كيف حصلت على هذه المكافأه ؟؟؟؟
لأنا أول مره نشوف موظف جديد يحصل عليها خلال فتره قصيره من تعينه ولا في الأصل كان الموظف لازم يمر عليه سنه ونص او اكثر عشان يحصل على هذه المكافأه.
فما بالك بشخص يآخذها ثلاث مرات

انا خفت على نفسي من العين وقلت في نفسي خلني اسوي عزيمة عشاء وخل الناس تشاركني في المكافأة عشان مايحسدوني

وسويت العشاء في مطعم( بن مهري )

اللي في طريق جده المدينه وهو عباره عن مطعم متخصص ببيع السمك المقلي والمشوي الطازج وعزمت جميع الموظفين وكان عدد موظفين المكتب في الفتره هذي نهايه عام 1421هـ أو بدايه عام 1422هـ 50 موظف بس اللي حظر العشاء 16 موظف

لأن الباقين كان في بعض منهم منحرج وخجول وفي بعض منهم الله يهديهم فيهم شوفه نفس شوي

انتهت العزيمه والحمد لله إفتكيت من الحسد

ولما جاء ثاني يوم للعمل أشوف اكثر الموظفين مريضين وتعبانين

واللي غايب ، وأنا ما أدري وش السالفه

وأنا كنت تعباااااااااااان مره بس العمل يفرض علي إني أجي

مر علي اليوم الله لا يعيده بتعب ( مو لازم تعرفون وش التعب اللي فيني مشفر

)
بعدها بيوم قرأت بجريدة عكاظ ثاني يوم اللي اصبنا فيه بالمرض في أحد المواضيع ( أنه يوجد حالة تسمم في مطعم بن مهري للسمك

)
وبعدها استلموني الموظفين وقالو لي شكلك عازمنا بدون نفس

لأن أكثرهم دخل المستشفى

بس والله احسن شي حصل لي في هذي العزيمه إني تعرفت على أحد الموظفين اللي صار من أعز أصدقائي لحد الآن.
لأني في بداية الامر كنت اكره ما اشوف هذا الشخص

لأنه كان يمر من عندي ولا يسلم علي قلت في نفسي شكله رجال مغرور

بس بعد ماجلست معاه في العزيمه وسولفت معه لقيته رجال ينحط على الجرح ويبرا لذا نصيحه لا تحكمون على الواحد الا بعد ماتجلس معه وتسولف وتشوف وش هو من لحيه

<---- لايكثر بس

الموقف الثاني :
في يوم من الأيام بلغونا المسؤولين بأن الأمير عبدالعزيز بن فهد بيسوي جوله تفقديه في المكتب

لذا على جميع الموظفين الحضور والإنتظار حتى تنتهي الجوله التفقديه

بيوم الزيارة المترقب للأمير كنت مجهز نفسي بالبخور والعطور ما خليت شئ ما جبته

( بقى البشت

)
قالو الأمير بيجي بعد صلاة المغرب وصرنا ننتظر سموه الكريم الله يحفظه لنا حتى اذن العشاء ولا جا

وانتظرناه لحد ما انتهى الدوام ولا جا

وأمر المسؤولين بأن ننتظر حتى يجينا أمر بالأنصراف وراح يعاقبون اللي بيتحرك من مكتبه

من كثرة الإنتظار خرج الموظفين من مكتبهم بالأحتجاج على انتظارهم كل الفتره هذي

<--- يسمعون بالمظاهرات داخل القصر
وكل ما شفنا نور سيارة زينون قلنا هذا الأمير جا تشوف الموظفين وهم يدخلون المكتب يركضون مراكض ولا يطلع الأمير

المهم الأمير الله يخليه لنا ما جانا الا قبل صلاة الفجر بشوي

وأول مكتب دخله هو مكتبي

بعد ماخلص الأمير من الزيارة قال لنا معليش يا شباب بصراحه كان عندي ضيف ولا طلع الا قبل شوي عشان كذا تأخرت عليكم

( يالبى قلبك يا أبو فهد تعتذر )

بس بصراحه ماقصر معنا عوضنا بثلاث رواتب لكل موظف بسبب التأخير

تبون الصراحه كنت اتمنى يتأخر علينا كل مره يجي يزورنا فيها

وللحديث بقيه

Hictar · #10 15/10/2007, 07:03 PM

عليك مطعم بعد

أزين ما فيهم رز الصياديه أما السمك ما يمديني أكله

<--- ما يحب الأكلات البحريه

لو إنك ذابح لهم ذبيحه أصرف

مجنون الزعيم(9) · #11 15/10/2007, 07:08 PM

والله روعه .. وين بسام الملا ينتجها مثل باب الحاره

يعطيك العافيه اخوٍي .. وبانتضار الباقي< منبطح ويقرا القصص حقتك

المـشـاكـس · #12 16/10/2007, 05:13 AM

صالح وعبدالله ..
تبون رأيي ..
خذوا لكم اسبوع ..
جهزوا فيه سبع حلقات براحتكم ..
وبعدين ارجعوا ..
نزلوا كل يوم حلقة ..
وبكذا ضمنتوا وقت فاضي لمدة اسبوع ..
يمديكم تجهزون فيه سبع حلقات ثانية ..
وبكذا لا تضغطون على انفسكم وتتركون اشغالكم عشان المذكرات ..
ولا تتركون المذكرات او تتأخرون فيها بسبب مشاغلكم ..

هذا رأيي لو تبونه ..
اما اذا ما تبونه ..
فالشرهة علي اللي اعرض خدماتي عليكم

..
ولا انتوا ما تستاهلون

..
منا تدرون ان العالم يمسكون سرى على سنة وسنتين ينتظرون شور بسيط مني ..
وانا تاركهم وجاي اعرض خدماتي عليكم

..
<<< يعني بتذلهم لأنك اعطيتهم رأيك اللي زي وجهك

..
ترى وجهي حلو .. يعني لا يروح بالك بعيد انت وياه

..

ملاحظتن مهمتن جدن جدن

..
عبد الله انا امون عليك

..
لكن صالح والله ما دريت اذا يقبل اسلوبي او لا

..

Hictar · #13 16/10/2007, 05:40 AM

إقتباس

الرسالة الأصلية كتبت بواسطة المـشـاكـس


	ملاحظتن مهمتن جدن جدن .. عبد الله انا امون عليك .. لكن صالح والله ما دريت اذا يقبل اسلوبي او لا ..