إقتباس الرسالة الأصلية كتبت بواسطة كبرياء إنسان الحلقه الخامسة طبعا مثل ما وعدتكم بالحلقه الرابعه إني بخصص الحلقه هذي للمقالب اللي كنا نسويها بأيه موظف جديد يدخل عندنا وأخترت شخص واحد من الموظفين إسمه ( ناصر ) ما ذكرت إسمه بالحلقه السابقه و بذكر فيها موقفين سويناها فيه . الموقف الأول نبذه عن شخصيه ناصر : خوينا ( ناصر ) الله يذكره بالخير ويحفظه لعياله كان يشتغل معنا بنفس القسم ، وكان عمره أول ما جانا تقريباً 23 او 24 سنه بس مواصفاته مواصفات واحد عمره 55 سنه يعني أسلوبه بالكلام وتعامله مع الناس كأنه شايب من شياب الأولين كان الموظف المتخصص بالمقالب بالموظفين الجدد واحد من الزملاء اسمه ( حمد ) *هذا حمد ينطبق عليه المثل اللي يقول رب اخ لم تلده امك ، لأني اعتبره مثل اخوي واكثر على إنه اصغر مني في العمر وفرق اربع سنوات بيني وبينه لكن الحق ينقال هو شخص اكبر مني في بالعقل ( على إنه مجرم بس بالإستهبل ) وهو من اهل القصيم الله يوفقه ويذكره بالخير. ( حمد ) كان مسؤول عن بريد المكتب اللي يرسل للأمير ( يعني الظرف اللي يجي للمكتب يفكه ويرسله لقسم الوارد فقط ) بعد ما تعرفتوا على ناصر و حمد نرجع للمقلب الشايب ( ناصر ) كان جديد وماكمل يومين ولا يعرف احد ، وكان جالس على مكتبه وما عنده شغل والموظفين خلصوا المعاملات اللي عندهم وكنا فاضين. اخونا ( ناصر ) من الفضاوه جلس يلعب بالكمبيوتر لعبة( سلوتير العنكبوت ) وواجهه شاشة جهازه الخاص على مدخل باب المكتب( يعني كل شخص يدخل المكتب يقدر يشوفه وش مشغل ناصر على جهازه ). بوقتها دخل علينا اخونا ( حمد ) راعي المقالب القويه وشاف ( ناصر) وهو يلعب بالكمبيوتر وبعدها طالع فيني وغمز لي . وقال ( صالح )من هذا ؟؟؟؟ وش اسم هذا الموظف ؟؟؟؟ وكان يأشر بيده على ( ناصر ) قلت له هذا زميلنا (ناصر ) وهو موظف جديد ( حمد ) طير عيونه على الرجال وقال يصير خير وطلع على طول قالي ( ناصر ) من هذا ؟؟؟؟ قلت له : هذا سكرتير الامير الخاص للشؤون السريه انت وش كنت مسوي |!!!!!! قال : ما سويت شئ!! قمت من مكاني جيت عنده للمكتب اللي هو جالس عليه وشفت الشاشه وشفت اللعبه وهي تشتغل عنده قلت له : انت كنت تلعب باللعبه لما دخل علينا (حمد ) قل لي : ايه قلت له : الله يهديك انت موظف جديد وتلعب لعبه في الشغل انت ماتدري ان اللعب ممنوع الله يعينك الحين الرجال بيكتب فيك تقرير وبيرفعه للامير ويمكن يفصلونك وقتها تقلب وجه الرجال وصار احمر وكان وده يصيح من كثر ما إنغرف قلبه لما شفته على الحال هذا قلت له : ماعليك ابشفع لك عند ( حمد ) يمكن يسامحك. جلست على مكتبي وإتصلت على ( حمد ) وفكيت ( الاسبيكر) علشان نسمع اخونا( ناصر ) قلت له : يا استاذ ( حمد ) معليش المثل يقول اللي مايعرفك يجهلك ، هذ اخونا ( ناصر ) موظف جديد ولا يدري عن القوانين ، تكفى المره هذي سامحه . قال لي ( حمد ) : خلاص المره هذي بسامحه بس مره ثانيه والله على طول بفصله قلت له : طيب. بعد ماقفلت السماعه قال( ناصر ) : بصوت خفيف وخايف (الله يجزاك خير) وهو وده يصيح أنا حسيت إني قوي وكنت ناوي أكمل عليه بنفس الوقت بس قلت الجايات أكثر وهذا اللي صار المقلب الثاني مع ناصر في يوم من الأيام كان باقي على نهايه الدوام ساعه تقريباً ولا عندنا شغل ومن قوة الفضاوة كل واحد جالس يكلم اهله واللي يكلم اصدقائه ( من تلفون المكتب ) كان اخونا ( ناصر ) جالس يكلم واحد من أخوياه عن بتليفون المكتب ، رحت انا ودقيت على ( حمد ) قلت له : ترا( ناصر ) يكلم بالتليفون حق المكتب ابيك تجي وتطل علينا من برا مع دريشه المكتب قبل ما يجي ( حمد ) قلت للموظفين اللي معي بالمكتب بصوت عالي : ياشباب ، ترا ممنوع اي واحد يستخدم تليفون المكتب في امور شخصيه ترا فيه تعميم بالشئ هذا . ( كل الموظفين يعرفون بالمقلب اللي سويناه بناصر وساكتين بس ما يدرون إنه فيه مقلب جديد ) طالع فيني( ناصر ) وقال لي : طز فيك انا لما سمعته يقول طز فيك مت من الضحك بعدها بدقيقتين طل علينا (حمد ) من الدريشه قلت بصوت خافت يا( ناصر ) يا ( ناصر ) ( حمد ) جاء للمكتب طالع فيني( ناصر ) قال لي : طز قلت له : شفه قاعد يطل علينا من الدريشه لما شاف ( حمد ) يطل علينا من الدريشه وبدون مايقول لخويه اللي على التليفون مع السلامه قفل الخط في وجهه ( حمد ) طير عيونه على ( ناصر ) من برا وقال ( حمد ) : يصير خير وراح ( ناصر ) من القهر قال : ياخي هذا مايخاف من الله والله انه حقود ويحب يقطع رزق المسلمين قلت لـ (ناصر ) المره الاولى انا ماقصرت معك وشفعت لك ، الحين عاد رح انت حب راسه وتأسف منه وبعد ربع ساعه راح( ناصر ) لــ ( حمد ) ودخل عليه المكتب وبعد نص ساعه طلع من عنده مبسوط قلت له : هاه بشر وش صار عليك قال لي : خلاص حليت الموضوع وما علمني كيف حل الموضوع !!!! رحت انا لــ ( حمد ) وقلت له وش سويت مع ( ناصر ) تدرون وش سوا المجرم خلا ( ناصر ) يكتب تعهد بخط يده بعدم تكرار ذلك على باله ان حمد سكرتير الامير الخاص وهو مجرد موظف بريد فقط المقلب هذا إنتشر بين كل الموظفين ، وكنا نتريق على ناصر لآخر يوم كنا نداوم فيه للحديث بقيه

ههههههههههههههههههههههههههههههههههههههههههههههههههههه


مسكين نـــــــــــــــــــــــــــــــــــــاصـــــــــــــر
الله لا يحطني بمكانه

ههههههههههههههههههههههههههههههههههههههههههههههههههههههه



يويلكمـ من الله وش سويتوا بـ ناصر

والله إني حزنت عليهـ

ههههههههههههههههههههههههههههههههههههههههه


مشكورين ( كبريـاء انسان + مــواصــل )

الله يع ــطيكمـ الع ــافيهـ ..


بانتـظار الأجـزاء القادمهـ

iiiiiiiiiiiiiiiiههههههههههههههههههههههههههههههههههههههههههههههههه

ناصر والله اني شفقت عليه خخخخخ

وننتظر الباقي

من جد مواقف جامدة
اتوقع سبب فصلتكم الدعاوي اللي جتكم منه

مواصل

بالعكس خل كل شيئ مثل ما بديتو الموضوع ولا عليك من اللي يتكلمون
وياليت نقرا تعليقاتك..

يعطيكم العافية

فعلا مواقف قويه..

ياويلكم وش سويتوا بالرجال..

وننتظر الجزء السادس..
ويامواصل من عام الفيل ماعليك من أحد انت سو اللي يرضي ضميرك..
وحنا معك ..

<< متابع بصمت

بس ناصر نكتة الموسم الفكاهيه ... وين ياعمي ... اجل يكتب تعهد !! خخخخخخ

والله لعبتم بالولد .. مالقيتم الا الجديد تتونسون عليه ..

- الله يوفقكم ويعينكم !

جزء قمة..
خاصة ناصر ياحرام هو والتعهد
بانتظار الحلقة السادسة

مواصل وكبرياء انسان الله يعطيكم العافية
مواصل..>>تابع ولايهمك اصلا ماصرت ادخل المجلس
كل يوم الابسبب موضوعكم ..بالعادة ادخل كل فترة...

موفقين

ودمتم على طاعة الله..
::
أختكم

كبرياء إنسان & مواصل من عام الفيل

كملو القصه احنا معاكم

متابعين بصمت


بأنتظار الأجزاء الباقيه

واصل يامواصل انت وكبرياء انسان ولاعليكم من الي يتكلموا


وانا وجهة نظري المذكرات صايرة في المنتدى العام من افضل المواضيع

متابع بصمــت

*تجاوبا مع من أرسلي على الخاص يطلب كتابه الحلقات جميعها مره وحده ( ها أنا ألبي الطلب )



الحلقة الثانيةبعد دخولي للمكتب بعد ساعة تقريباً جاء عندي نائب مدير قسم المحاسبة واسمه ( محمد ) اللي كنت أبشتغل عنده بنفس القسم وقال لي: ترا بنحطك في قسم ثاني غير المحاسبة إسمه قسم شؤون المرضى ( والقسم هذا خاص بعلاج المرضى على حساب الأمير عبدالعزيز بن فهد ) لحد ما تفهم وتعرف أصول الشغل.قلت له : مو مشكلة انت تامرني أمر ورحت أنا وياه لمدير قسم شؤون المرضى وأسمه ( عبدالرحمن ) الله يذكرة بالخير وكان وقتها رجله مكسورة ، وكان يمشي بعكازات ( كأني أشوفه الحين ) المهم قال له (محمد ) نائب مدير قسم المحاسبة ترا بناخذ منك موظف النسخ اللي عندك وكان اسمه( منصور ) الله يذكرة بالخير وبنعطيك ( كبرياء إنسان ) تدربه لنا لين يعرف اصول الشغل. في البداية رفض مدير قسم شؤون المرضى الاخ (عبدالرحمن ) بس بعد تهديد خاص من الاخ( محمد ) نائب مدير قسم المحاسبة وافق الاخ عبدالرحمن المهم قال لي الاخ ( عبدالرحمن ) رح يا ( كبرياء إنسان ) للاخ علي خله يعلمك على شغلنا في المكتب ، وكان الاخ علي اول موظف اجلس معه وأسولف معه عن الشغل وعن طبيعة وعن قوانين العمل بالمكتب ، وكانت وظيفة ( علي ) الله يذكره بالخير موظف ناسخ في بداية شغله في المكتب وكان يكتب أوامر العلاج اللي يأمر بها الامير عبدالعزيز بن فهد واما الان ما شاء الله صار مدير شؤون المرضى إلى يومنا هذا وبصراحه كنت في هذه الفترة اسمع عن مدير المكتب وهو الشيخ ( خالد العساف ) وكانت سمعته مرعبه مررره وكان مسبب رعب للموظفين والمدراء وانا كنت في بداية الأمر مستغرب الشي هذا لأني انا من يوم ولدت وأنا لي علاقة مع بعض الأمراء وكنت اشوفهم عباره عن ناس عاديين بس الشيخ خالد على شخصيتة هذي بصراحه كان مرعبه وانا ما جاني الرعب الا بعد ما أخذ جولة على الموظفين في اول اسبوع اشتغلت فيه في المكتب والرعب اللي جاني هذا بسبب مديرنا لما شفته يكلم ( الشيخ خالد ) وهو خايف قسماً بالله ان سرعتي في الكتابه نزلت من 35 كلمة في الدقيقة إلى 5 او 6 كلمات المهم صار( الشيخ خالد ) يمر على كل موظف ويسأله عن طبيعة عمله وبعد نص ساعة من دخوله علينا جانيوقال لي : وش شغلتك انت قلت له : طال عمرك انا ناسخقال لي : طيب ورنا وشلون تنسخأنا بوقتها قمت اخربط في الكتابة من الرعب والخوف من شخصيته القوية وبصراحه بعدها صرت ما الوم الموظفين لما يسكتون اذا جاء( الشيخ خالد العساف ) وصرت لما أشوف سواقه الخاص أكون مؤدب ولا اقوم من مكاني مهما صارشخصيته مرعبه بصوره ما أحد يتخيلها إلا اللي يعاشره المهم جسلت في قسم النسخ لمدة اربعة شهور تقريباً وبعدها نقلني مدير قسم شؤون المرضى الاخ( عبدالرحمن ) إلى مكتب ثاني وإسمه مكتب الاستفسار علشان ابعد عن وجهه لأنع مرتفع الضغط عنده علشاني متوظف عنده بالقوةوبصراحه كان مكتب الاستفسار هذا بعيد عن باقي الاقسام وكان عبارة عن قسمين قسم خاص لشؤون المرضى وقسم خاص للمساعدات المالية اللي يأمر بها الامير وكان زميلي اللي في قسم المساعدات اسمه عبدالله( مو مواصل من عام 1413هـ ) ، ( الكللام هذا قبل ما يتوظف مواصل من عام 1413هـ بالمكتب ) وكان الموظف عبدالله لعاب شوي الله يهديه وكان يجي للدوام متأخر ويخليني ادق له كرت الدخول لأني انا بصراحه احب احضر للدوام قبل ما يبدأ بنصف ساعهوهذه العاده معي من إولى ابتدائي وكان في واحد من الموظفين يستهزء فيني ويقول شكل ( كبرياء إنسان )معه مفاتيح المكتب وهو اللي يفتحه من الصباح المهم بعدها قال لي زميلي عبدالله يا ( كبرياء إنسان ) كل يوم ابيك تدق كرت الدخول حقي بدون ما أقولك ومن كثر ما تعودت على دقت الكرت له بكم اسبوع دقيت كرت الدخول حقه يوم من الأيام وكان الاخ ماخذ اجازهوبعدها كفشنا مدير شؤون الموظفين وعاقب الاخ عبدالله وكانت طبيعة عملي في قسم الاستفسار الخاص بشؤون المرضى هو أن ارد على المكالمات الهاتفيه وإستقبال المراجعين وأفيدهم عن معاملاتهم اللي قدموها على سمو الامير وأقول لهم عن حالة معاملاتهم سواءً كانت في العرض او صدر فيها امر او حفظتوكان المراجعين اللي استقبلهم في المكتب عبارة عن مرافقين الملك الخاصين والعاملين بقصر الملك وبعض ضباط وافراد الحرس الملكي وكان القسم هذا يكوّن لي علاقات قوية مع بعض اللي يشتغلون مع الملك أو الأمير.واذكر واحد كان يزعجني كل يومين يجي مره وكان يسأل عن معاملته ومعاملات اخوياه وجيرانه وكل من يعز عليه وكان عسكري في الحرس الملكي اسمه ( صلاح ) الله يشفيه ويفرج همه لأنه اخر مره شفته فيها كان مشلولالمهم جلست في هذا القسم تقريباً ثمانية اشهر وبعدها جاني مدير قسم المساعدات المادية وهو الاستاذ( زياد ) الله يذكره بالخير ويكثر من أمثاله لأنه بصراحه كان مدير يقدر الموظف المجتهد وكان يمزح مع الموظف المجتهد اما الموظف المقصر في شغله كان يعامله معامله غير لائقه.المهم قالي الاستاذ زياد : يا ( كبرياء إنسان )تراني باخذك لقسمي بالساعدات المالية وبخليك تفيد المراجعين على معاملات الخاصة بالمساعدات المادية في مكتب الإستفسار.بصراحه انبسطت وفرحت علشاني بنقل عنده لأنه بصراحه يعاملني بنفس طيبه الله يجزاه خير اما مديري السابق ( عبدالرحمن )كان يعاملني معامله سيئه ، على إني قايم بشغلي على أكمل وجه.كأني مسلفه فلوس وهو يبي يتهرب مني ولا يبي يشوفني لانه ما يبغى يشوفني أبدا. المهم في القسم هذا شفت فيه بعض المواقف الطريفة ومنها أن بعض الناس الله يفرج همّهم كان على بالهم أني اجلس مع الأمير وأشوفه وأكلمه وأنا بصراحه طوال فترة عملي في المكتب وهي خمس سنوات وشهرين ما سلمت على الأمير غير مره واحده فقط ولا اشوفه الا في التلفزيون أو في بعض أوقات الصلاة ومره من المرات اتصلت علي واحده الله يفرج همّه وكانت تقول لي يا ( كبرياء إنسان )تكفى ياولدي إذا جلست مع الأمير في الليل وسهرت معه قل له اني انا حرمه محتاجه وفقيره وتكفى لا تخليه الا إذا اعطاك شي وانا بصراحه كنت إذا كلمت أي احد احب اطيب خاطره باللي اقدر عليه ولا اخليه يقفل السماعة الا وهو مبسوط لدرجة انه في شخص قال لي مره من المرات والله لو الامير ما يصدر امر على معاملتي يكفيني كلامك الحلو هذا وبصراحه كان في بعض المراجعين على بالهم أن اوراقهم موجوده عندي على المكتب وانا كنت اشوفه في شاشة الكمبيوتر منسوخة في ارشيف خاص بالكمبيوتر عن طريق إدخال المعاملات بالإسكنر.وبعضهم كان يتهمني بأني ما ارفع الاوراق للأمير علشاني كنت اذكر له جميع الأوراق المرفقه في المعامله الله يفرج همهم ويرزقهم بإذنه عز وجل_____________________________

الحلقة الثالثة

للتعريف بمجال عملي السابق فقط أحب أبين إن العمل كان تنقل بين الرياض وجده.

في فتره عملي بقسم الإستفسار حبيت أتكلم اليوم عن المواقف الطريفه اللي حصلت لي بالقسم هذا ، وبذكر منها موقفين حصلوا معي بعد تعرفي على الزملاء بالمكتب :

الموقف الأول:
خلال فترة عملي في قسم الأستفسار حصلت على عدة مكافأت تقريباً عددها ثلاث مكـــافأت ومقدار المكــــــافأه الواحده 5000 ريال وكـــــنت اول موظف يحصل على مكافأه خلال ثمانية اشهر.
ومن كثره المكافآت اللي أخذتها حسيت أني محسود
كل هذا لأني قايم بعملي على أكمل وجه
بوقتها سألوني بعض الموظفين
وقالو لي كيف حصلت على هذه المكافأه ؟؟؟؟
لأنا أول مره نشوف موظف جديد يحصل عليها خلال فتره قصيره من تعينه ولا في الأصل كان الموظف لازم يمر عليه سنه ونص او اكثر عشان يحصل على هذه المكافأه.
فما بالك بشخص يآخذها ثلاث مرات
انا خفت على نفسي من العين وقلت في نفسي خلني اسوي عزيمة عشاء وخل الناس تشاركني في المكافأة عشان مايحسدوني
وسويت العشاء في مطعم( بن مهري )
اللي في طريق جده المدينه وهو عباره عن مطعم متخصص ببيع السمك المقلي والمشوي الطازج وعزمت جميع الموظفين وكان عدد موظفين المكتب في الفتره هذي نهايه عام 1421هـ أو بدايه عام 1422هـ 50 موظف بس اللي حظر العشاء 16 موظف
لأن الباقين كان في بعض منهم منحرج وخجول وفي بعض منهم الله يهديهم فيهم شوفه نفس شوي
انتهت العزيمه والحمد لله إفتكيت من الحسد
ولما جاء ثاني يوم للعمل أشوف اكثر الموظفين مريضين وتعبانين
واللي غايب ، وأنا ما أدري وش السالفه
وأنا كنت تعباااااااااااان مره بس العمل يفرض علي إني أجي
مر علي اليوم الله لا يعيده بتعب ( مو لازم تعرفون وش التعب اللي فيني مشفر )
بعدها بيوم قرأت بجريدة عكاظ ثاني يوم اللي اصبنا فيه بالمرض في أحد المواضيع ( أنه يوجد حالة تسمم في مطعم بن مهري للسمك )
وبعدها استلموني الموظفين وقالو لي شكلك عازمنا بدون نفس
لأن أكثرهم دخل المستشفى
بس والله احسن شي حصل لي في هذي العزيمه إني تعرفت على أحد الموظفين اللي صار من أعز أصدقائي لحد الآن.
لأني في بداية الامر كنت اكره ما اشوف هذا الشخص
لأنه كان يمر من عندي ولا يسلم علي قلت في نفسي شكله رجال مغرور
بس بعد ماجلست معاه في العزيمه وسولفت معه لقيته رجال ينحط على الجرح ويبرا لذا نصيحه لا تحكمون على الواحد الا بعد ماتجلس معه وتسولف وتشوف وش هو من لحيه

<---- لايكثر بس

الموقف الثاني :
في يوم من الأيام بلغونا المسؤولين بأن الأمير عبدالعزيز بن فهد بيسوي جوله تفقديه في المكتب
لذا على جميع الموظفين الحضور والإنتظار حتى تنتهي الجوله التفقديه
بيوم الزيارة المترقب للأمير كنت مجهز نفسي بالبخور والعطور ما خليت شئ ما جبته
( بقى البشت )
قالو الأمير بيجي بعد صلاة المغرب وصرنا ننتظر سموه الكريم الله يحفظه لنا حتى اذن العشاء ولا جا
وانتظرناه لحد ما انتهى الدوام ولا جا
وأمر المسؤولين بأن ننتظر حتى يجينا أمر بالأنصراف وراح يعاقبون اللي بيتحرك من مكتبه
من كثرة الإنتظار خرج الموظفين من مكتبهم بالأحتجاج على انتظارهم كل الفتره هذي
<--- يسمعون بالمظاهرات داخل القصر
وكل ما شفنا نور سيارة زينون قلنا هذا الأمير جا تشوف الموظفين وهم يدخلون المكتب يركضون مراكض ولا يطلع الأمير
المهم الأمير الله يخليه لنا ما جانا الا قبل صلاة الفجر بشوي
وأول مكتب دخله هو مكتبي
بعد ماخلص الأمير من الزيارة قال لنا معليش يا شباب بصراحه كان عندي ضيف ولا طلع الا قبل شوي عشان كذا تأخرت عليكم
( يالبى قلبك يا أبو فهد تعتذر )
بس بصراحه ماقصر معنا عوضنا بثلاث رواتب لكل موظف بسبب التأخير
تبون الصراحه كنت اتمنى يتأخر علينا كل مره يجي يزورنا فيها
__________________________

الحلقه الرابعه
[FONT=" border="0" alt="" />بالحلقه هذي تكلم لكم عن معرفتي بأعز الأصدقاء اللي تعرفت عليهم بالمكتب

بعد انتقالنا لمدينة الرياض لاحظني نائب مدير قسم المساعدات الماليه ولفت إنتباهه واسمه ( سلطان ) الله يذكره بالخير ويكثر من امثاله ( الإنسان هذا موظف مجتهد بمعنا الكلمه وكان يحبب الموظفين فيه ويحببنا بالشغل).
كان يشوف طريقة شغلي في قسم الإستفسار وعاجبه شغلي وأشوفها بعيونه
قال لي بصراحه يا ( صالح ) : شغلك طيب وحرام تجلس في قسم الاستفسار ، انا بنقلك إلى قسم ثاني وهو قسم الإسكنر.
( وهذا القسم يقوم بحفظ نسخه في الحاسب الألي من المعاملة كاملة عن طريق جهاز الأسكنر لإي خطاب يعرض على الامير عبدالعزيز بن فهد بدون الرجوع إلى الأرشيف .)
و بعدها نرسلها إلى جهتها المختصه على حسب التوجيه المكتوب في الجهاز.
طبعا قسم الإسكنر تابع لقسم الشؤون الإداريه ( المساعدات الماليه ) وهو مكون من قسمين قسم وارد وقسم ادخال اسكانر وهو ازحف الأقسام في المكتب كلها لزحف الموظفين اللي فيه
المهم بعد مانقلت إلى هذاك القسم قابلت مسؤول قسم الإسكنر وكنا نعايره بالصيني لأن اشباهه سبحان الله صينيه .

وتعرفت على موظف ثاني اسمه ( فهد )
فهد هذا قسماً بالله بدون مبالغه لو عنده ثروه مثل ثروة الوليد بن طلال كان ثلاث أرباع سكان المملكة مسلفهم
لأنه يحب يساعد الناس وبصراحه مافي احد في نعرفه الا وتسلف منه
ولا كان يقدر يرد احد لأن الخير يمشي في دمه الله يوفقه وين ماراح وهو الحين عاطل
وكنّا نسميه (بمستر فوجي )
(مستر فوجي ) = مصارع ياباني قديم كان حركته يرش ملح على وجه الخصم
لأن اشباهه كأنها يابانيه

( صوره مع التحية لهلالية@ميلانيه )

وصلنا عاد إلى الدلخ الكبير أبا بصير
وهو عبدالله والمعروف عندكم بمواصل من عام 1413هـ أو مواصل من عام الفيل
كنت اناديه بالزول لأن مواصفاته سودانيه بس فل أوبشين ( أبيض )
لأنه عجاز
أول ماشفته كان على بالي سوري أو مصري من قوة البياض اللي هو فيه ما شاء الله
وكان في البداية شكله ما هضمته
أذكره دخل علينا المكتب عام 1422هـ وكان خايف من اللي شافه برا عساكر وتفتيش وحوسه لحد ما للمكتب اللي بيتشغل عليه ( كلنا عانينا من الشئ هذا )
بذكر لكم موقف صار لي معه أول ما تعرفت عليه
كنا بوقتها وعلاقتي فيه لحد الآن مو ميانه في مدينه جده ورايحين لمطعم ( البيك )ولما جينا ندخل المطعم
قلت له: ادخل أنت قبلي
قالي : لا إنت أدخل تفضل
قلت له : لا إنت اللي بتدخل عشانك اكبر مني في العمر
هو جلس يطالع فيني بعين
وقالي : اقول ريح وأستريح لأفرشك هنا
انا لسه صغير بالعمر طيشاني أنت أكبر مني بثلاث سنوات
بوقتها انصدمت نفسياً وأنقهرت
لأني أول كنت احترمه واخليه يجلس قبلي وأمد له فنجال القهوه قبلي واخليه يدخل قبلي وكل شي كان يسويه قبلي
بس بعدها خلاص حرمت اني احترمه لأني انا كنت من مواليد 1397هـ من جد شي يقهر بس سبحان الله الحين كان ولا يزال من اعز اصدقائي
وكان من الموظفين اللي تعرفت عليهم شخص اسمه ( ماجد ) الله يهديه ويوفقه لأنه بصراحه كان متقلب شهر يصير ملتزم ومطوع وشهر يصير زاحف
ما عرفنا له شهر نكون محترمين معه وشهر زاحفين معه
جلست في هذا القسم تقريباً باقي فترة العمل في المكتب وهي اربع سنوات وشهر ، وبخلال السنوات هذي تعرفت على مجموعه طيبه من الموظفين من أزحف خلق الله
ما أقدر أتكلم عنهم بالتفصيل لأني ما راح اوفيهم حقهم.
لكني عشت معهم فترة عملي في المكتب وصاروا بالنسبه لي مثل الإخوان وأكثر.
لأن الأغلبيه يكون جاي من مدينه بعيده وما يلقى إلا زملائه بالمكتب هم اللي راح يفيدونه لو صارت لك أيه مشكله بعيد عن أهله .
علاقتنا مع بعض كبرت بصوره ما أحد يتخيلها إنها تكون بين زملاء عمل والحمد لله إلى الآن العلاقات متواصله بينا.
وإن شاء الله بالحلقه الجايه راح أذكر المقالب اللي كنا نسويها بأيه موظف جديد .
________________________

الحلقه الخامسة

طبعا مثل ما وعدتكم بالحلقه الرابعه إني بخصص الحلقه هذي للمقالب اللي كنا نسويها بأيه موظف جديد يدخل عندنا وأخترت شخص واحد من الموظفين إسمه ( ناصر ) ما ذكرت إسمه بالحلقه السابقه و بذكر فيها موقفين سويناها فيه .

الموقف الأول

نبذه عن شخصيه ناصر :

خوينا ( ناصر ) الله يذكره بالخير ويحفظه لعياله كان يشتغل معنا بنفس القسم ، وكان عمره أول ما جانا تقريباً 23 او 24 سنه بس مواصفاته مواصفات واحد عمره 55 سنه
يعني أسلوبه بالكلام وتعامله مع الناس كأنه شايب من شياب الأولين
كان الموظف المتخصص بالمقالب بالموظفين الجدد واحد من الزملاء اسمه ( حمد )

*هذا حمد ينطبق عليه المثل اللي يقول رب اخ لم تلده امك ، لأني اعتبره مثل اخوي واكثر على إنه اصغر مني في العمر وفرق اربع سنوات بيني وبينه لكن الحق ينقال هو شخص اكبر مني في بالعقل ( على إنه مجرم بس بالإستهبل ) وهو من اهل القصيم الله يوفقه ويذكره بالخير.

( حمد ) كان مسؤول عن بريد المكتب اللي يرسل للأمير ( يعني الظرف اللي يجي للمكتب يفكه ويرسله لقسم الوارد فقط )
بعد ما تعرفتوا على ناصر و حمد نرجع للمقلب
الشايب ( ناصر ) كان جديد وماكمل يومين ولا يعرف احد ، وكان جالس على مكتبه وما عنده شغل والموظفين خلصوا المعاملات اللي عندهم وكنا فاضين.
اخونا ( ناصر ) من الفضاوه جلس يلعب بالكمبيوتر لعبة( سلوتير العنكبوت ) وواجهه شاشة جهازه الخاص على مدخل باب المكتب( يعني كل شخص يدخل المكتب يقدر يشوفه وش مشغل ناصر على جهازه ).
بوقتها دخل علينا اخونا ( حمد ) راعي المقالب القويه وشاف ( ناصر) وهو يلعب بالكمبيوتر وبعدها طالع فيني وغمز لي .
وقال ( صالح )من هذا ؟؟؟؟
وش اسم هذا الموظف ؟؟؟؟
وكان يأشر بيده على ( ناصر )
قلت له هذا زميلنا (ناصر ) وهو موظف جديد
( حمد ) طير عيونه على الرجال وقال يصير خير وطلع على طول
قالي ( ناصر ) من هذا ؟؟؟؟
قلت له : هذا سكرتير الامير الخاص للشؤون السريه
انت وش كنت مسوي |!!!!!!
قال : ما سويت شئ!!
قمت من مكاني جيت عنده للمكتب اللي هو جالس عليه وشفت الشاشه وشفت اللعبه وهي تشتغل عنده
قلت له : انت كنت تلعب باللعبه لما دخل علينا (حمد )
قل لي : ايه
قلت له : الله يهديك انت موظف جديد وتلعب لعبه في الشغل انت ماتدري ان اللعب ممنوع
الله يعينك الحين الرجال بيكتب فيك تقرير وبيرفعه للامير ويمكن يفصلونك
وقتها تقلب وجه الرجال وصار احمر وكان وده يصيح من كثر ما إنغرف قلبه
لما شفته على الحال هذا
قلت له : ماعليك ابشفع لك عند ( حمد ) يمكن يسامحك.
جلست على مكتبي وإتصلت على ( حمد ) وفكيت ( الاسبيكر) علشان نسمع اخونا( ناصر )
قلت له : يا استاذ ( حمد ) معليش المثل يقول اللي مايعرفك يجهلك ، هذ اخونا ( ناصر ) موظف جديد ولا يدري عن القوانين ، تكفى المره هذي سامحه .
قال لي ( حمد ) : خلاص المره هذي بسامحه بس مره ثانيه والله على طول بفصله
قلت له : طيب.
بعد ماقفلت السماعه
قال( ناصر ) : بصوت خفيف وخايف (الله يجزاك خير)
وهو وده يصيح
أنا حسيت إني قوي وكنت ناوي أكمل عليه بنفس الوقت بس قلت الجايات أكثر
وهذا اللي صار


المقلب الثاني مع ناصر

في يوم من الأيام كان باقي على نهايه الدوام ساعه تقريباً ولا عندنا شغل ومن قوة الفضاوة كل واحد جالس يكلم اهله واللي يكلم اصدقائه ( من تلفون المكتب )
كان اخونا ( ناصر ) جالس يكلم واحد من أخوياه عن بتليفون المكتب ، رحت انا ودقيت على ( حمد )
قلت له : ترا( ناصر ) يكلم بالتليفون حق المكتب ابيك تجي وتطل علينا من برا مع دريشه المكتب
قبل ما يجي ( حمد )
قلت للموظفين اللي معي بالمكتب بصوت عالي : ياشباب ، ترا ممنوع اي واحد يستخدم تليفون المكتب في امور شخصيه ترا فيه تعميم بالشئ هذا .
( كل الموظفين يعرفون بالمقلب اللي سويناه بناصر وساكتين بس ما يدرون إنه فيه مقلب جديد )
طالع فيني( ناصر )
وقال لي : طز فيك
انا لما سمعته يقول طز فيك مت من الضحك
بعدها بدقيقتين طل علينا (حمد ) من الدريشه
قلت بصوت خافت يا( ناصر ) يا ( ناصر )
( حمد ) جاء للمكتب
طالع فيني( ناصر )
قال لي : طز
قلت له : شفه قاعد يطل علينا من الدريشه
لما شاف ( حمد ) يطل علينا من الدريشه وبدون مايقول لخويه اللي على التليفون مع السلامه
قفل الخط في وجهه
( حمد ) طير عيونه على ( ناصر ) من برا
وقال ( حمد ) : يصير خير وراح
( ناصر ) من القهر
قال : ياخي هذا مايخاف من الله
والله انه حقود ويحب يقطع رزق المسلمين
قلت لـ (ناصر ) المره الاولى انا ماقصرت معك وشفعت لك ، الحين عاد رح انت حب راسه وتأسف منه
وبعد ربع ساعه راح( ناصر ) لــ ( حمد ) ودخل عليه المكتب وبعد نص ساعه طلع من عنده مبسوط
قلت له : هاه بشر وش صار عليك
قال لي : خلاص حليت الموضوع وما علمني كيف حل الموضوع !!!!
رحت انا لــ ( حمد )
وقلت له وش سويت مع ( ناصر )
تدرون وش سوا المجرم






خلا ( ناصر ) يكتب تعهد بخط يده بعدم تكرار ذلك
على باله ان حمد سكرتير الامير الخاص وهو مجرد موظف بريد فقط

المقلب هذا إنتشر بين كل الموظفين ، وكنا نتريق على ناصر لآخر يوم كنا نداوم فيه
________________________________

الحلقة السادسه

بذكر لكم موقف طريف حدث قبل ما أنقل لقسم الإسكنر
وإنتقالنا من المكتب بقصر اليمامه إلى المكتب الجديد بقصر الأمير عبدالعزيز بن فهد
_______________________________________
قبل ما انقل لقسم ( الاسكانر ) كلكم تعرفون إني كنت في قسم ( الاستفسار ) ، وكان معي في نفس القسم هذا اثنين من الشباب :
الأول : اللي ذكرته سابقا اسمه ( عبدالله - اللي دقيت له كرته وهو مجاز ).
الثاني : ملكع ولعاب وراعي استهبال اسمه ( سامي ) الله يذكره بالخير.
شخصيات الموقف

( سامي ) هذا يجنن بلد بحاله ، يحب يستهبل على المسؤولين ويرفع ضغطهم ودايم يتأخر عن الدوام ، وإذا حضر يجلس له شوي ويطلع ويسوي مصايب كبيره بإختصار ( مبزوط )
( سعد ) موظف بقسم شؤون المرضى وإنسان طيب من أهل الخرج ، وجلف وكانت عليه يد تقول بطن ضب من خشونتها.

مره كنا جالسين و فاضين ومن زود الطفش
قال لي ( سامي ) : ودي أضيع وقتنا وبستهبل على بعض الموظفين.
قلت له : وش ناوي تسوي
قال لي ( سامي ) : بقلد صوت مدير قسم شؤون المرضى ( عبدالرحمن ) وبخليهم يروحون له

*ميزه مدير شؤون المرضى ( عبدالرحمن ) اذا طلب موظف عن طريق التلفون يدق عليه ويقول له( فلان ) تعال بدون مايسلم وبدون مقدمات.

نرجع للموقف بين ( سامي ) و ( سعد )
إتصل ( سامي ) على ( سعد ) وقاله له وهو يقلد بصوت( عبدالرحمن ) : يا ( سعد ) تعال.
كان مكتب( عبدالرحمن ) في قصر جده في الدور الثاني ، ومكتب( سعد ) في الدور الارضي. طلعت انا و( سامي ) نروح نتفرج على ( سعد ) وهو يطلع الدرج وهو رايح لـ (عبدالرحمن ) مدير القسم ، ولما نزل .
قال ( سعد ) : ياخي المدير انهبل يدق علي ويقول تعال ولما رحت له يقول لي لا ما طلبتك
إستمرينا على هالحاله كل يوم ولا تركناه بحاله
( سامي ) المجرم علشان يبعد الشبهه عنه من كثر ما سواها راح لمدير القسم عبدالرحمن
وقال له : سم انت طلبتني
قال له ( عبدالرحمن ) : لا ما طلبتك بس في واحد يقلد صوتي ويسحب في الموظفين وان شاء الله بنطلعه
بعد فتره إتصل ( عبدالرحمن )على (سامي ) وقال له تعال ، قام ( سامي ) المجرم واستهبل على المدير
قال له اقول لا تكذب انا داري انت تقلد صوت المدير وتبيني اروح له اقول العلب على غيري
كان سامي يدري انه المدير بس كان يستهبل عليه
الله لا تعاقبنا يازينها من ايام

نرجع لأيامي في قسم الاسكانر في عام 1423هـ
بيوم دخل علينا مدير قسم الشؤون الإداريه ( زياد )
وقال : بكره ان شاء الله بننقل للمكتب من قصر اليمامه إلى قصر الامير عبدالعزيز بن فهد الجديد و بنداوم لأن الموظفين كثروا وزاد عددهم من 25 إلى 150 بالوقت هذا.
لما جا ثاني ويوم رحنا للمكتب الجديد ، دخلت أختار لي مكتب من المكاتب.
لما شفت مكتبي اللي بجلس عليه شئ لا في الخيال ، احسن من مكتب مدير شركه كبيره.
جلست أفكر أجل كيف مكتب الامير عبدالعزيز او مكتب الشيخ خالد العساف إذا هذا مكتبي.
القصر من برا ومن داخل خيااااااااااااال.
تبون تعرفون مواصفات قصر الامير الجديد أقرأ كتاب اسمه (السجينه) قصة حقيقه لوحده كانت عايشه بقصر ملك المغرب اسمها ( مليكه ) في هذا الكتاب فيه وصف لقصر ملك المغرب قسما بالله مافي فرق بينه وبين قصر الامير عبدالعزيز.
انا بنسبا لي اعتبره من عجائب الدنيا التسع
<-- زادها وخلاها من سبع الى تسع

اول ما دخلت مكتبنا الخاص بقسم ( الاسكنر ) رميت نفسي على الارض وقعدت اتبطح واتقلب على الفرشه والموكيت
اللي احس قيمت المتر والواحد بقيمة سياره
قسما بالله رجلي تغوص في الموكيت تقول داعس على قطن
والممرات وعليها زخارف من الطراز الاندلسي والمغربي من جد شي خيالي
بس عيب مكتبنا الجديد هذا انهم فصلونا عن موظفين( الوارد )
صار موظفين ( الوارد ) لهم مكتب خاص وبعيدين عّنا وحنا لحالنا
بدايه دخول الموظفين للقصر تشوف عيونهم طايره من تصاميم المكتب
ما ينلامون الواحد فينا وهو جالس على الطاوله كأنه وزير
من اللي شافه بالمكتب

على الدلع اللي كنا فيه والمكتب الفخم والدعم المادي ، إلا انّا كنا نعاني من مشاكل مع اهلنا وأغلبيه الناس اللي نعرفهم برا الشغل.
لأنهم يعتقدون انا نقدر نسوي لهم شي ونكون واسطتهم بالمكتب ، و شغلنا كله مجرد توريد وتصدير المعاملات على حسب التوجيهات اللي تجينا ، ولا نقدر نحل ولا نربط..
الكثير من الناس اللي مقدمين معاريض على الامير يقربون لي وناس اعرفهم معرفه شخصيه وزملاء دراسه إذا ماصار شي في معاملته يزعل مني ، يظن اني أقدر أسوي له شي.
علشان كذا كنا نحاول نحل المسأله بكل الطرق كل هذا علشان مايزعل منا أحد.
ولا تهون بعض القوانين والأنظمه اللي تجينا من بعض المسؤولين في المكتب اللي ترفع الضغط وتقلل من مقدار الموظف والله في بعض القوانين احس انها خاصة بطلاب المدارس !!!

أكثر القوانين مايدري عنها الامير عبدالعزيز بن فهد ، وهي صادره من مسؤولي الأقسام. لدرجه انهم في بعض الاوقات يقومون بجولات تفتيشيه على الموظفين لمعاقبه الموظفين على أقل خطأ.
وأغلبيه المراقبين يتحمسون لهالجولات التفتشيه تقول بيحصل على ترقيه عليها.
و بعضهم الله يذكرهم بالخير كانو يكرهون هذه الجولات وكانو اذا دخلوا علينا
يقولون لنا : خذو راحتكم ، وحنا ندور علشان لا يقولون شي المسؤولين.
أذكر واحد من المراقبين اسمه( صلاح ) الإنسان هذا من عائله كبيره من بجده والله فاتح عليهم من واسع أبوابه من الرزق ، ولما يدخل علينا يخجل ويستحي مررره من اللي يسويه.
يقول : ياشباب والله انا ماني مسوي شي لكني بدخل عليكم علشان المسؤولين ما يقولون اني مهمل ومقصر.
الإنسان هذا ( أقصد صلاح ) سمعت عنه خبر لو درا عنه الامير يمكن يخليه عنده السكرتير الخاص وانا اسميه الجندي المجهول بالمكتب.
والخبر هو انه مره رد على مكالمه لوحده كبيره بالسن ، وهي وتبكي
وتقول والله راعي البيت بيطردنا بكره اذا ماسددنا له الاجار وكان الاجار تقريباً 4000 ريال .
تدرون وش سوا( صلاح ) هذا على حسب ما سمعت انه دفع للحرمه المبلغ بدون مايدري الامير

*سبب دفعه للمبلغ على اساس ان المعامله بتطول ويمكن تنطرد الحرمه ولا جاها شي

وبلغ الحرمه العجوز وقالها : هذي المساعده من الامير وان شاء الله بعدين بيساعدكم بمساعده ثانيه.

على النقيض من ( صلاح ) فيه واحد من المراقبين اسمه( محمد )
( محمد ) هذا مطلع روحنا من القهر وكان يعاملنا مثل الاطفال وكان قبل ما يدخل علينا في المكتب كان يطل ويناظر من ورا الباب ويشوف من اللي واقف في المكتب أو من اللي مو لابس شماغه أو من اللي يستخدم الجوال طبعاً الجوال كان ممنوع استخدامه في المكتب وكان يوقف لك كبيره وصغير.
وكان يقول لواحد من الزملاء وهو صديقه الخاص يلا عن اذنك بروح اخوف الموظفين ( للدرجه هذي وصل فيه الغرور والتكبر وشوفه النفس ).


وللحديث بقيه.

[/FONT]

يا ذا الخوبل سامي

أجل مهاوش المدير

آم ويتنق فور سفنث جزء