قــال مــن أمــــرك ؟ قـــال مـــن نـــهــــاك !!
 

السلام عليكم

كل عام وانتم بخير والأمه الاسلاميــه بألف خيــــر

كثر الكلام عن ارتفاع الاسعار وما تبع الرز من مصاخر لكن بحكم اننا لا نفكر الا في بطوننا :laugh: ركزنا على الرز

وتركنا ماسواه مع العلم ان الرز لا يشكل شيئا بالنسبه لأشياء أخرى فالقهوه والشاي والسكر والحليب والعصائر ووو

والمضحك أن كل تاجر صار يرفع من عنده فمثلا قطع الغيار ارتفعت والبنزين رخيص , الكفرات ارتفعت 40% !!!

فصار الشيء عشوائي ارفع وانا أرفع :cry: والتجار يتنافسون على النهب

ولعل الملك أطال الله بعمره ما قصر أو أنه على الأقل أبرأ ذمته بتحويل الأمر ل أمراء المناطق الذين بدورهم اجتمعوا بالأمير نايف

وأتى الأمير نايف بالرد بعد الأجتماع على الصحفيين بأسباب ارتفاع الزياده قائلا:

أن الاعلاميين هم السبب فالمفروض يبينون للناس ان الارتفاع عالمي وحنا أفضل من الدول المجاوره !!

أخيرا أحب أن أخبركم بحادثه صارت قبل العيد, أمرني والدي بأن أشتري " رمل " للاستراحه قبل العيد عشان نضبط الشجر

فرحت لواحد كنت جايه قبل الصيف كان يعطيني الرد ب 100 , فلما جيته قال يالله ورحنا للاستراحه ويوم وصلنا للاستراحه

قال: 160 ,, قلت: ليــــــــــــه ,, قال: تعرف ارتفعت الأسعار

قلت: وش دخل الرمل هو تحرك من محله النفود وحنا ما ندري ,, قال مادري

بس كلهم رفعوا


فــــتـــــذكــــرت قــول الـــقـــائـــل : قــــال مــن أمـــــرك ؟ قـــال مــــن نــهـــاك!!
:)


تحيـــــــــــــاتـــــــــــي

ايه الله يرحم الحال وانا أختك كل شي طاااار بالسماء

كل سبل المعيشه ارتفعت أسعارها من ( بيت..أكل .. الخ

حنا فكرنا بأنفسنا مافكرنا بالفقراء والمعدومين وش حالهم امام طوفان الغلا ...

لكن الله موجود ومابينسى عبيده ..

ربي يعافيك يالرحال الازرق

ويعافيك

اي والله وشلون المساكين

رحت وديت أمي تزور جيراننا في حينا الأول في العشر وش أقولك وضع مأساوي والله اني داخل عليهم وبطانياتهم عيالهم بالحوش

دخلت أشيل أغراض مع أمي حصلت الشباب نايمين بالحوش واحد صحى فيني قال تفضل" مساحة الحوش من دون مبالغه 6*6م "

لكم أن تتخيلوا وشلون عايشين والله عفيفين ما يطلبون من الناس ريال

أنا صار وجهي أحمر.... وخجلت مادري من نفسي ؟ مادري من الزمن ؟ ما أدري من ايــش

معقوله حنا في أكبر دوله مصدره للنفط في العالم؟

وعليكم السلام ورحمه الله وبركاته

وانت بألف خير وصحه وسلامه يارب



فعلا كل شيئ ارتفع والتجار مو مقصرين ابد كل يوم والثاني شي جديد يغلى

اجل التراب بـ 160 والله حاله !!!

اذا احنا نقول كذا فما حال الفقراء الان !!

الف شكر لك خيوو عـ الطرح المميز


دمت بود


تحياتيـ
عاشقة الزعيم15

تحياتيـ
عاشقة الزعيم15

المساكين لنا ولهم الله والا المسؤلين ماحولك أحد

بارك الله فيك

بصرراحهـ صدقت ..

الله يرحمـ حالنا ..

المســؤؤلين سبب كـل المشاكل اللي عندنــا ..

يلعبوون بالأسعــار على كيفهمـ ..!!

مشكله المسؤلين عندنا مالهم لارقيب ولاحسيبـ ..

يعطيكـ العافيهـ

هلاليهـ

خخخخ اجل حتى التراب الي حنى مخلوقين منه مرتفع سعره << والله جد


مرسي يمرسكم

السلام عليكم
اللهم إنا نعوذ بك من الغلاء والوباء
اللهم يسر معيشتنا وارحم ضعفائنا وأغني فقيرنا ويسر علينا كل عسييير ....

جزاك الله أخي خير الجزاء موضوع في الصميم

ياخي لا تقلب المواجع تكفا انا اخاف اتفلت بالرد والله بكرا تلقوني موقوف .

يعني شي يقهر الواحد من سنه جتنا نكسة الاسهم ولا فيه سعودي الا وطارت دراهمه بهالاسهم .

وقبل ست شهور جانا ارتفاع الخظار < - يسبقون .

والحين ارتفع كل شي بس الحمد لله ان الخياط اللي اخيط عنده اثيابي على خبري ما رفع الاسعار اسكتو لايقلب علي بعد ست شهور .

الزعيم الغيور

اللهم آميــــن

كلي هلالي

لو بيديهم كان سووها :laugh:

أبوسـراج

يا خوي والله حنا لولا هالنت كان منفجرين نقدر نعبر ونتكلم ونفس عن اللي يضايقنا

لا مظاهرات لا اعلام لا احد يتكلم بلسان الشعب

اكتب بالنت الى ماتموت و الامور من سيء الى اسوأ