إقتباس الرسالة الأصلية كتبت بواسطة سهم الشباك حقوق الطبع محفوظة لسهم الشباك 2007 خخخخخخخخخ

لا تعصب طيب حاطها وش كبرها قالوا لك عميا!!
قلنا لك نمزح بس أهم شي احجز لي من هالحين أنا أول رد (حجز مع مرتبة الشرف)

أبد انا مواصله الى الساعه 6... والساعه سبع تجهزنا ورحنا للعيد حق عمان امي وحاطينه في قاعه كبيره وكل امه محمد جايين ... وحنا من طبعنا اذا خلصنا الغدا والمفاطيح يدخلون علينا الرجال عشان نسلم عليهم وهاتك ياتماعط عبايات ..المهم دخلوا الشياب ونسلم عليهم شوي إلا يدخل شله شباب << كل واحد احلى من الثاني وانا اللي ابلم واعنبوهم ما استحوا وقفوا يناظرون ويوم استوعبت دعععععععععععععست ورحت للحريم << ياهم قزوني قز قليلين الحيا طلعنا من القاعه ورحنا ندور نسلم << ييييييييععععععع حامت كبدي وموصله معي وحالتي حالة بعدين رحنا لبيت خالتي ونمنا عندها ساعه تقريبا يوم جا المغرب جا أبو وودانا لبيتنا ... وماجت الساعه 9 إلا اني في سابع نومه وبسكل عام وانتم بخير ومشكور اخوي على الموضوع

إقتباس الرسالة الأصلية كتبت بواسطة عفره يالله حيهم وكل عام وانتم بخير اما انا عيدي كل العاده رحت لصلاه العيد مواصل صليت العيد رجعت للبيت جو عماني عندنا بالبيت الى الظهر بعد صلاه الظهر رحت لخوالي الى الساعه 2 تقريبا بعدين رجعت وصكيته بنومه ولا احلى الى صلاه العشاء وبعد العشاء كانه يوم عادي طلعت مع الشباب ونسيت اننا في العيد .....تحياتي.....

اولا / كل سنة وانت طيب ومن العايدين

بصراحة احس يومك كأنه يوم عادي مو رمادي<<<<تكفى يالعندليب
من كلامك احس اقامتك بالرياض<< يعني سواسوا <<يعني سم سم<<

اقلك شي من الحين رتب نفسك لعيد الاضحى<<<بعااااا بعااااا
شكرا لمرورك

إقتباس الرسالة الأصلية كتبت بواسطة غــــــلا روحــــــي اول شي كل سنة وانت طيب وتجيك سالفة العيد/ في ليلة العيد جالسة انا وبنت عمتي سوالف وضحك وعشاء وروقااان على الآخر وكل وحده باقي لها اغرض تخلصها ومع ذلك فالينها مادرينا الا وذا اللي يقول الله اكبر الله اكبر قسم بالله ياجتنا روعه شلون الوقت راح كذا بسرعه !! ثمن كل وحده طست لبيتها وكنت ناويه اصلي العيد بس نسيت ما اكوي فستاني وعشان كذا جلست طول الصبحيه اكوي فيه ويوم جيت البس ادور القطعه الثانيه من الفستان ولا القاها دورتها في كل مكان بغرفتي ولاحياة لمن تنادي ومن الخوف عورني بطني وقمت دخلت غرفتي ابي اصيح بس ماقدرت فالأخير سالت امي عنها وقالت انها حاطته مع باقي القماش اللي بينكب يعني بغيت اروح فيها بس ربي ستر وبعدين رحنا للإستراحه من الساعه 8 الى آذان المغرب فالبدايه جلسه رسميه و زهق غلا تعالي صّبي القهوه .. غلا تعالي شيلي .. غلا تعالي حطي ...الخ ويوم بدوا يتفرقون تعال شف الطقطقه والرقص والهبال ثمن دق اخوي وقال يلا على البيت وانا في السياره دقت علي بنت عمتي وهي تسولف طاح الجوال من يدي <<< غفت عيني وانا مدري >> ياحياتي يا انا مررره تعبانه عقب رجعت للبيت وعلى النت الين الساعه 9 وشحذت اخوي يوديني اشوف الالعاب الناريه << ياحلو الطفوله وبعدين شريت عشاء ورجعت للبيت ولقيت عمي عندنا و يلمح يبي يأكل وجبتي وانا الي آكلها بسررعه عقبها أخذني الحنين الى سريري ودقت صديقتي ونمت وانا اكلمها للمره الثانيه على التوالي وربي بس اشوى قضى شحن جوالها وانقطع وانا من التعب نمت بدون مكيف و عذرن على الاطالة بس شسوي فشيت خلقي هنا يعطيك العافيه

وكل عام وانتي بخير وصحة وسلامة ياسلامة طوط ططوط<<< تذكرني بالحيالة

وبراحة احلى شي فيكي انك << ياصبابين القهوة زيدوا حلاته<<خخخخخ
اهم شي شفتي بنات العم وعمك الي جحدتيه مايأكل معاك الظاهر انك اكيييلة
شكرا لك على مرورك العطر

وننتظر المزيد من الاخواااااااااااااااااااااان الكراااااااااااااااااااااااااام

إقتباس الرسالة الأصلية كتبت بواسطة عاشق النجوميه كل عام وانتم بخير طبعاً وكالعادة وعادة الكثير من الشباب مانمت طبعاً صليت الفجر ورجعت للبيت أنا والوالد واخواني ولقيت الوالدة تزين القهوه وسلمت عليها وبعدين تقهوينا ورحنا نصلي العيد. بعد صلاة العيد حدث الشيء الي انا خايف منه وهو النعاس الشديد فقلت خلني أخذ غفوة ساعة فأخذت الغفوة الي تحولت من ساعة إلى 13 ساعة مادريت إلا وانتبه ولا أدري وش السالفه مادري كم الساعة لان الغرفة ضلام وأقعد متنح لي 5 دقايق أستوعب الموضوع مدري حسيت اني نايم أكثر من ساعة وطبعاً ما ادري هو النهار أو الليل لان شبابيك البيت فيها شتر والشتر هو الي يسكر الشباك ولا تدري هو النهار أو الليل. المهم وأخذ الجوال وكانت تشير الساعة إلى 10بالليل. ومكتوب مكالمات لم يرد عليها 32 مكالمة أبوي وأمي وأخوياي. فكلمت الوالد وقال وينك قلت بالبيت قال ليش ماجيت عند عزيمة عمك الظهر قلت نايم. قالي هذا الي فالح فيه نوم وبس. ونزلت للصالة ولا فيه أي أحد بالبيت كلهم رايحين يتعيدون وأنا نايم. وأتصل على الوالدة قالت تعال عند خوالك توهم ما حطوا العشاء. وأروح واتعشا وأرجع اهلي معي وتقولي الوالدة وشلون عيد عمانك قلت والله ممتاز (نصاب) وقفت السيارة وإلا الوالد عند الباب توه جاي من الزيارات المكوكيه . وقال الوالد فشلتنا كل عمانك يسألون عنك وأقولهم الحين بيجي ولا جيت. وقالتلي الوالدة يا نصاب توي أقولك وشلون عزيمة عمانك وتقول ممتازه. وهذا اول أيام العيد وأذا كانك تبي ثاني ايام العيد فأنا حاضر

تعجبني والله كذا والا بلاش هذا العيد الصح نوووووووووووم وبس
بس تبي الصراحة احس انك احسن مني على الاقل انا لا خوالي ولا عمامي

كل سنة وانت طيب ونشوفك بعيد الاضحى ان شاء الله

عيدي نفس ماذكر سابقاً يعني نفس الاخوان مكرر ماله داعي اكتب

لصاحب الموضوع وللجميع عيدكم مبارك

تريو ... موضوعي ... يوميات الاعضاء في العيد

بالنسبة لعيدي دراسة ×دراسة