|
هكذا يصنع قلب الدفاع في الهلال :) بسم الله الرحمن الرحيم . . . . . . . . . . . . . . . . . السلام عليكم ورحمة الله وبركاتة .. .. وكل عام وانتم بخير . .. ومن العايدين .. ... ابن اخي لاعب في ناشيء الهلال .. كان العام الماضي في مدرسة البراعم . اذكر اول مارحت انا وياه عشان نسجلة .. اعجبوا ببنية الجسمانية كلاعب ناشيء وعلى طول قبلوه في المدرسة ولله الحمد ... سئلوه اي مركز تحب تلعب ؟؟ قال ان في الاساس العب مهاجم ( راس حربة ) .. قالوا له ( انسى انك مهاجم ؟؟؟.؟) حنا نبيك تلعب قلب دفاع .. قالوا ماعليك ... نبي نعلمك ؟؟ طيب جربوني راس حربة ؟؟؟ قالوا لا ... تبي قلب دفاع والا توكل على الله ؟؟؟!!!!!!! طبعاً الولد صغير والهلال بالنسبة له حلم .. اذكره يقول لو القط كور اهم شيء في الهلال .. .. وافق ولد اخوي .. وقال مدافع مدافع .. اهم شيء الهلال .. .. وكان يجي ويروح النادي مرات بليموزين ومرات اخوه يوديه .. وكل هذا من اجل الهلال وحباً في الهلال .. ( رغم انه بيته قريب من نادي الشباب ) .. المهم سنة على هالحال ... الى قبل رمضان هذا .. ومع بداية التمارين في الوادي .. لان ملاعب النادي كانت تحت الصيانة .. .. المهم استمر في تمارينه بأجتهاد .. وقبل وصول المدرب الفرنسي الجديد بيومين .. قالوا له وسبعه لاعبين معه ... ... لعاد تجون للتمارين الى ان نتصل فيكم ؟؟؟؟؟ جاء المدرب الفرنسي .. وشاف المجموعة اللى اختاروها له وهو ما اختار منهم احد ؟؟!!!!! والثمانيه المبعدين حرموهم من فرصة ان المدرب الفرنسي يشوفهم او يجربهم ويختبر قدراتهم .. انا متأكد انه على الاقل واحد او اثنين من المبعدين .. بيكون فائدة للنادي لو اخذوا فرصتهم .. .. يقول لي ولد اخوي .. ويقسم بالله على ذلك .. انهم يقولون لهم ( المدربين الوطنيين ) تبي تلعب قلب دفاع والا مالك مكان ؟؟؟؟ ويكون اللاعب وسط ايسر او ايمن او مهاجم ؟؟؟ ويقولهم طيب جربوني في مركزي الاساسي يقولون لهم لا .. تبي قلب دفاع والا توكل ؟؟؟؟؟؟؟؟؟؟؟ ... والا اللاعبين ال 8 المبعدين .. مازالوا معلقين ؟؟ لا هم اللي اخذوا فرصتهم ولا هم اللي نسقوهم ؟؟؟ .. للاسف عقلية المدرب الوطني اللتي تدير ناشيئنا تحتاج اللي كثير من التطوير .. .. اجل لاعب مهاجم .. يقوله ياتلعب قلب دفاع يا امسك الباب ؟؟؟؟؟ وكأن المسئله ليست موهبه وقدرات ؟؟؟ .. يبدوا لي ان المدافعين لدينا يصنعون بالطريقه ذاتها .. .. ارجوا ان يتعدل الحال في الهلال .. والله على ما اقول شهيد |
كلمك صحيح وانا اعرف ناس كثيره نفس القصه الله يستر بس |
ماأقول إلا حسبي الله ونعم الوكيل |
اولا 0000 كل عام وانت والجميع في اتم خير وصحة وعافية ونعود رمضان نحن واياكم اعوام عديدة ثابتين على اسلامنا بحول الله وقوته000 اخي الكريم 00 الفرصة في الاندية الكبيرة ليست بالسهولة التي تتصور لاعتبارات عديدة منها تحديد القوائم بعدد معين من اللاعبين في جميع المراحل وايضا نوعية اللاعبين الذين يتوافدون او يتم استقطابهم للنادي فالاندية الكبيرة لاتستوعب في الاصل الا النجوم ومن يتم استبعاده منهم بالتأكيد انه نجم وقادر على اثبات وجوده في اي فريق اخر ((ولكنها الافضلية)) من جعلته خارج الهلال والامثلة على ذلك كثيرة منها على سبيل المثال (( احمد عباس)) من الهلال للطائي (( احمد الموسى )) من الاتحاد الى حواري مكة ومن ثم الى الوحدة والمنتخب الاول بكل جدارة اتمنى لك ولأبن اخيك التوفيق0 |
اقسم بالله اني يومني صغير عمري تقريبًا كان 12سنة رحت للنادي ابي اسجل وطبعًا قسمونا ولعبت محور مهاجم وقدمت مستوى ولا اروع (طبعًا انا ما ابي امدح نفسي ولكن الضرورات تبيح المحضورات) وتم اختياري وبعدين بقدرة قادر خلوني مهاجم(سلمات)واعترضت وردو علي ما عندنا شاغر الا هل مركز فوافقت وطبعًا ادائي صار باهت جدًا لاني العب في غير مركزي وبعدين جا الوالد الله يهديه وحلف على اني معاد اروح |
ماأقول إلا حسبي الله ونعم الوكيل |
هذا والله من زين الاداره اللي المفروض تراقب كل صغيره وكبيره بالنادي والا وش فايدة انك رئيس بس تترزز في الجرايد والشاشات والدليل عبداللطيف الغنام ورضاتكر وبدر الحقباني كانوا كلهم يتمرنون في الهلال وتنسقوا |
الف شكر للجميع على ردودهم إقتباس:
للاسف اخوي العلاقات هي الاساس وصلة القرابة .. .. يعني يقرب لللاعب الفلاني للاداري العلاني ... .. وهكذا ... . ... يعني مثل قبول الكليات .. اول شيء اصحاب الواسطات بعدين اصحاب المعدلات المرتفعه .. .. النادي اصحاب العلاقات و والواسطات .. بعدين اصحاب المهارات والامكانيات .. ... يارجال فيه لاعبين كانوا وبعضهم لازالوا .. ماتدري وشلون لاعبوا في الهلال ؟؟؟ ... ولكن الشكوى لله ... |
ويقولون مافيه مواهب |
وين الادارة من هالكلام ماني مصدق انه يحصل في الهلال زعيم الاندية الاسيوية باقي بهاذي العقلية كلام خطير جداًجداًجداً والله يستر |
مشكور على الردود يا اخوان .. ولكن للاسف الوضع مضحك .. شر البلية مايضحك .. .. |
حسبي الله ونعم الوكيل |
الله يكتب اللي فيه الخير |
خله يتمرن بنادي الشباب ويبرز ويشترونه بالملايين |
الله يوفقه |
| الوقت المعتمد في المنتدى بتوقيت جرينتش +3.
الوقت الان » 08:31 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd