مشكووور يا أخ my car

السلام عليكم أخوي my car ....

أشكرك على جهدك الأكثر من رائع ...

وحبيت أسألك عن الـدودج شـارجـر 2007

ــ( الأنواع ؛؛؛ الــسعــر ؛؛؛ المواصفات )ــ

ملاحظة ::
المواصفات تكون كذا
( جناح أو بدون .. شاشه أو بدون.. مراتب جلد أومخمل ... فتحه سقف ... 6 أو 4 سلندر ..)

شكلي أبلشتك بطلباتي و اللي تقدر عليه أنت مقبوول

و مــــــــــــــــشـــــــــــــــــكـــــــــــــــــــوووووووووووووورررر .....

بسم الله الرحمن الرحيم ..



السلام عليكم ورحمة الله وبركاته ..




شخباركم إن شاء الله تمام ؟؟



ياإخوان أنا أبي شوركم والله محتااااااار وهالمووضوع مضيقن صدري ..



أنا إن شاء الله ناوي أطلع سياره واللي بطلعه بإذن الله أكورد ..



بس وش تنصحونن فيه ؟؟ أطلع الأكورد 2007 اللي الحين مسوين عليه عروض ؟؟ ولا أنتظر الـ2008 ؟؟



وكم تتوقعون سعر الـ 2008 أول ماتنزل ؟؟



أبيكم تساعدونن تكفوووووووون طلبتكم ..



بإنتظاركم أنا ..



أخوكم



راشد ..

حياك الله اخوي شفشينـكو ..

شف يالغـالي على حسب فلوسـك ان كان معـك زود على دراهم الأكـورد 2007 خذ لـك 2008

لأن تعـرف النـاس يحبـون موديل السنـه .. وأي شـيء جديد حلـو لكـن قد يعيبـه في أول دفعه قد يكون فيها
عيـوب أو اخطاء مصنعيـه ..

وفعلا انا اشوف الأكـورد 2007 مسوين عليها عـروض ومع اضافة اكسسوارات مثل المسجل كاسيت والكشافات
والجنـاح الخلـفي .. ,.,

انا أتوقـع أسعار الـ2008 تبي ترتفـع .. والستة سلنـدر أتوقع بتوصـل لـ105 ,اذا مو أكثر ., :)

اتمنى أكـون أفدتك .. وأي استفسارات حنا حاضرين ,., :)

أخوك
مـاي كـار ,., :)

أبي أسئل عن الينكون 2003
أبي موصفاته وسعر المستعمله
تكفى أبيها بأسرع وقت

يعطيك العافيه أخوي ماي كار ،، وأنا والله محتار ياخوي مدري وش السواة ..



مشكوووور يالغلا ،،



أخوك



راشد ...

أخوي أبسألك كيف موصفات لأكور 2008 وهل تنصح بها
وكم سعرأنفنتي وموصفاته وهل السياره تصبر مع فوق الخمسة سنوات

السلام عليكم ..



أخوي ماي كار ،، حبيت أسألك يالغالي عن أسعار الأكورد 2007 اللي مسوين عليها عروض الآن كم سعرها وكم قسطها ؟؟ ووش المميزات اللي فيها ووش الإكسسوارات اللي تجي معها يقولون فيها 3 اكسسوارات .. ياليت تعطيني معلومات كامله عن الأكورد 2007 وأكون شاكر لك ،، يعني لاتخلي شي أبد ياليت تقول لي كل شي عن الاكورد 2007 ..



ومشكور يالغلا وسامحنا تعبناك ..



بإنتظار ردك ..




أخوك



راشد ..

يعطيكم العاافيهـ على جهوودكم,


اللهـ لا يهيينكمـ ,,


أبغى أستفسر عن الأكوورد ,


هل إنزلت 2008 ,


واذا نزلت مكن أعرف المواصفات اللي لهـا ,,


وأكوون شااكر لكم يالغاالين ,

الاكورد 2008 لسه ما نزلت

بس نزلت لها صور في النت و منتشره

اخوي الحزين

اي موديل من سيارات انفنتي تبي تسئل عنها

أخوي my car باسألك عن السفك 2007
(المواصفات , الأسعار)

السلام عليكم ورحمه الله وبركاته

كيفك يالغالي

عندي استفسارين عن سيارتين

الاولى الاودي تي تي الجديده كواترو

كم سعرها وكيف اداؤها

الصيانه .. توفر القطع..

الخدمه من سماكو..

هذي السياره الاولى


السياره الثانيه

FJ crusier

الجيب الجديد من تويوتا

عندك اي معلومات عنه

السعر المواصفات

القطع متوفره

هل هو عملي او لا..؟؟

اعذرني كثرت اسأله..

يالله نشووفك على خير

ياخوي انا اسل عن الكامري2007

وعندي سؤال ثاني بعد :

وش كواصفات الاكورد الجديده ومميزاتها ومتى تنزل ؟؟



شاكرين يالغالي

اخوي المايستر--> صح الإسم او غلطان ؟ :D

تشارجر تفضل هذي مواصفاته

تشارجر بمحركين الأول من 6 أسطوانات والآخر من 8 أسطوانات كما تأتي ب 3 طرازات
وهي SE , SXT , R/T وتعتبر تشارجر منافساً شرساً للعديد من السيارات الرياضية الأمريكية مثل شيفروليه كابريس SS ولومينا S وغيرها من السيارات....


المحرك وناقل الحركة

زودت تشارجر بمحركات عالية الهدوء والقوة وسريعة الاستجابة والاقتصادية في استهلاكها للوقود كما تمتاز بهدوئها التام وهذه المحركات كالتالي:

* محرك من 6 أسطوانات وبسعة 3,5 لتر وبقوة 250 حصانا.

* محرك من 8 أسطوانات طراز هيمي وبسعة 5,7 لتر وبقوة 340 حصانا.

وتعمل تشارجر بمنظومة الدفع الخلفي مما يمنحها الأداء الرياضي والثبات والاستقرار كما زودت بناقل حركة آلي من 5 سرعات مع تنقيلات يدوية (تيبترونيك).


التجهيزات الخارجية والداخلية وأنظمة السلامة

زودت تشارجر بتجهيزات رائعة ومميزة كما زودت بخامات ممتازة مع جودة التشطيبات الداخلية والخارجية كما زودت بأنظمة فعالة ودقيقة في عملها بالإضافة إلى تطورها وتكنولوجيتها المعروفة وهذه التجهيزات كالتالي:

تأتي تشارجر من الخارج بإنارة عالية القوة من طراز هالوجين مع غطاء مطلي باللون الأسود وأنوار ضباب أمامية وشبك عريض وواجهة شرسة يعلوها شعار دودج الشهير وفتحات للتهوية أمامية وجانبية ومرايا جانبية مدفئة وقابلة للطي وعادم رياضي مزدوج وإنارة خلفية عالية القوة وجناح خلفي مدمج مزود بإنارة للمكابح وعجلات من الألمونيوم مقاس 18 أنش تمتاز بعراضتها وفتحة سقف وطلاء معدني خارجي مقاوم لأشد الظروف المناخية وزجاج ملون وعاكس لأشعة الشمس.

أما من الداخل فتأتي بمقاعد من القماش الفاخر أو الجلد مزودة بتحكم كهربائي ونظام التدفئة للمقاعد الأمامية وعدادات قياس واضحة الرؤيا والقراءة بأرضية بيضاء اللون ومحاطة بحلقات من الكروم ومقود آلي مغلف بالجلد ومزود بتحكمات بالنظام الصوتي وزينة من الألمونيوم تحيط بمعظم أجزاء المقصورة الداخلية وناقل حركة مغلف بالجلد والألمونيوم وتكييف الكتروني مزدوج النطاق الحرارة الداخلية ونظام صوتي متطور وعالي الأداء مع مبدل أقراص ل 6 أسطوانات ونوافذ كهربائية بنظام النقرة السريعة وكومبيوتر للرحلات ومركز لمعلومات وريموت كنترول وإنذار ضد السرقات ومثبت للسرعة.

ولأنظمة السلامة دور بارز في تشارجر فهي مزودة بهيكل صلب ممتص للصدمات ودعائم جانبية للأبواب وأنظمة للتعليق متطورة وممتصة للصدمات ونظام

ABS لمنع أنغلاق المكابح ونظام EBD لتوزيع قوة الكبح الكترونياً ونظام BA لمساعدة المكابح ونظام ESP للثبات الالكتروني ووسائد هوائية متطورة تنتفخ بمرحلتين مع نظام استشعار مقعد السائق وتأتي بوسائد للسائق والراكب وجانبية.


الأبعاد والسعات

تأتي تشارجر بأبعاد رائعة وخصوصاً للركاب في المنطقة الخلفية كما تتمتع بطول في قاعدة العجلات مما يضفي لها الأتساع كما حرصت دودج على منح تشارجر بوزن يساعدها على الثبات على مختلف أنواع الطرقات فهي تأتي بطول 502,8 سم وبعرض 189,1 سم وبارتفاع 147,9 سم وبقاعدة عجلات طولها 304,8 سم وتتسع تشارجر لخمسة ركاب.


بالنسبة لسعره اذكر واحد اماراتي قالي ان اسعاره

بـ84 ألف ريال للـSE

والSXT بـ90 ألـف


انتهـي

اخوك
مـاي كار ,.,:)