للمشرف ماي كار :

انا عندي كابريس 2008 ال تي زد ,,

أبغى استفسر هل البلوتوث يشتغل فيها والا لا ؟؟ وذا كان يشتغل , كيف طريقة تشغيله ؟؟

وشكرا لك ..

مشرفنا العزيز : ماي كار ,,

يرحم امك عطنا وجه

والله حسيت اني مقدم على دي اس ال !!
اجل 3 ايام ولاأحد رد لى سؤالي !!!

اخوي ماي كار

وش رايك معي 50 الف وش اشتري سياره وش تنصحني

اولا اعذرني يامشرفنا على غلطتي في كتابه استفسار في موضوع واكرر اعتذاري

ان شاء الله ناوي اشتري التيما 2008

لكني اسمع من بعض الاشخاص ان فيها مشاكل وان النيسان بشكل عام

مايستمر وان السيارات الجديده خصوصا من النيسان مشاكلها كثيره

مادري ايش الحل اذا ممكن تساعدني او اي ا حد يرد علي ويكون ثقه وله خبره وتجربه

وبيكون افضل لو واحد عنده السياره يقول كيف معاه

انا ناوي ان شاء الله اشتريها 4 سلندر فل كامل بفتحه رجاء خاص ياشباب يفيدني احد فيكم

ومشكورين يازعماء

واكرر الاسف لمشرفنا العزيز

اهلا اخوي ماي كار واشكرك على الجهد اليتقدمه صراحه بس حبيت اسئلك
انا معي مبلغ 170 الف وش السيارات الي اقدر اشتريهم بالمبغ المذكور
بس تكون فخمه وفيها نفقيشن ومكينه زينه وشكرا

وقع الغيار معقوله

abbaasee10

الأقسـاط مادري .. لكن اللي اذكره ان سعره بـ48 ألـف .. أو 51 ألـف ..
وعلى فكرة نزلـوا نسخة رياضية من يارس .. فيها بلوتوث وزوايد رياضيـة .
وانا اقول لو تـدور على كـورولا أفضل بواجـد ,,.

----------

اسير روحـي ..

الأفـالون ماأظن تبي تغير بـ2009 .. لأنهم توهم مغيرين بالسيارة تغييرات بسيطة . وأتوقع بـ2010 التغيير اذا الله احيانا .. ,.,

أفـالون أو كابريـس .. أي نوع من الكابريس ؟ ls أو ltz أو ss أو رويال ؟

لو معي 100 .. صراحة فيها خيارات كثير ةتحيـر .. لكن أفضلهن أتوقع الأفـالون ..

----------

زعيمنـا الغـالي ..

اكيد يشتغل اذا كـان موجـود .. طريقة تشغيلـه مادري صراحـة لكن مايضرك لو مريت الوكـالة وسألت عن الطريقة .. ,.,

------------

شبـاب انا ملاحـظ اذا واحد مارديت على سؤالـه يقـوم يكتب ردود ماله داعي ( لي ثلاث ايام مااحد رد علي كأني مقدم على دي اس ال وليش ماترد على سؤالنـا ) ..

طيب وانـا انسـان .. احيـانا أكـون مسافـر .. أحيانا مشغـول .. أحيـانا ماأعرف أجاوب السؤال .. أحيـانا عندي اختبارات .. والموضـوع من البداية ومثل ماتشوفون 20 صفحة .. وكل الأسئلة انا مجاوبـه ... فلذلـك قـدروا وضعنـا شـوي الله يبارك فيـكم .. ,.,

-----------

اخوي عبوود ...

50 ألـف .. أكثر سيارتين أنصحكم فيهـم .. الأكـورد أو الكـامري ..

----------

y20 G8 R10 ..

بهالمبلـغ تقـدر تـاخذ سيارات فخمـة ..

لكزس LS 430 موديل 2006 .. بي ام الفئة السابعـة .. أودي A8 .. مرسيدس فياقرا S ..
بورش تيربو 2004 أو 2005 .. رينج روفـر 2006 .. طوارق ..

------------

HENRY 12 ..

يعطيك العافية على طرحك السؤال هنا .. وماصار إلا الخير وانا اخوك .. ,.,

بالنسبـة لسؤالـك ..

انا معـك ان الألتيمـا في الجيل السابق كان فيها مشـــاكل ..
لكـن صراحـة ماودي أقـولك الموتر مافيه شيء وأخاف يطلع فيه مشاكل ...


ومن قال لا أعرف فقد أفتـى . ,.,

فلذلك أتمنى أحد الاخوان اذا كان معه ألتيما أو يعرف أحد يفيـدونك ان شاء الله .. ,.,

-------

اخوكم
My Car

إقتباس الرسالة الأصلية كتبت بواسطة My car y20 G8 R10 .. بهالمبلـغ تقـدر تـاخذ سيارات فخمـة .. لكزس LS 430 موديل 2006 .. بي ام الفئة السابعـة .. أودي A8 .. مرسيدس فياقرا S .. بورش تيربو 2004 أو 2005 .. رينج روفـر 2006 .. طوارق .. ------------ Car

بس انا حبيت اخذ موديل 2008 من الوكاله وش السيارات المتوفره وانا ابيها فخمه وبصراحه حاط براسي gs 300 وش رايك فيها ووش البديل الافضل ما عليك امر ومشكووووووووووووور مره ثانيه

الســـــلام عليكم ورحمة وبركاتـــــــه ....

في البداية احب اقدم شكري وامتناني للعضو my car على المجهود الاكثر من رائع اللي قاعد يقوم فيه ...... واحب اقول انه من الطبيعي ان بعض الاعضاء بيزعلون اذا فقدوك في هالمنتدى بحكم ثقلك وأهميتك الكبيره وخبرتك في مجال السيارات .........

على العموم ... كان عندي استفسار بسيط عن السيارة ( ايـــدج ) اللي من فورد طبعا !!!!

وهو عن سعرها من كم يبدأ وش المواصفات الموجود في السيارة الأساسيه .... لأني شكلي والله العالم اني ماراح آصل قيمة الفل الكامل !!!!

وعلى فكرة تراي اكثر من مرة حاولت الاتصال بشركة توكيلات الجزيرة .... لكــــن لاحياة لمن تنادي !!!!!!

من عرفتهم وهم ... ون مومنت بليييييز !!!!! وبعدها نحتريهم مومنتات مهوب مومنت واحد ولا احد يرد عليك !!!!

على العموم ... اتمنى الاجابه عن استفساري هذا .....

واللـــــــه يعطيك العافيـــــه على المجهـــــود الكبيــــر اللي قاعد تقدمــــه

كم سعر الكامري 2006 اوتوماتيك مشت اقل من عشره كيلوا والزيرو بكم

مررررررررررررراحب بـ my car

اخوي اسألك

لو خيروك وش تختار وتقول الافضل من ناحيه الشكل والمضمون و على انه يعيش ولا لا , و ناحيه قطغ الغيار

* تشارجر 2008 سياحي
* أكورد 2008 سبشل
* ألتيما 2008 فل بدون فتحه

ووش السياره اللي تجمع بين الصفات هذي كلها ,,,,

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
؟؟؟؟؟؟؟؟؟؟؟؟؟؟
؟؟؟؟