28/01/2002, 05:07 AM
|
| زعيــم متواصــل | | تاريخ التسجيل: 18/09/2001 المكان: الدمام
مشاركات: 189
| |
شكرا على طرح الموضوع لانه مهم بالفعل ،،
والله حرام يا شباب نروح ندور التعليق الجيد في التلفزيونات
الاخرى بينما نشوف التعليق في تلفزيزننا يحتضر فما بقى من
المعلقين اللي عندنا الا النقشبندي وهو الحين اعتبره افضل
السيئين فلا حياة لمن تنادي من محمد رمضان الى غازي صدقه
والله سيئين بكل ما تحمله هذي الكلمه من معنى واللي زادني
المعلق اللي علق على مباراة منتخبنا ومنتخب الامارات الماضيه
منغمس في تقليد البكر الى درجة انه صارت تجيني حموضه اذا
سمعته وهو يعلق مثل الغراب اللي ضيع مشيته ومشيت الحمامه يوم
بغى يقلدها فاشل فاشل الى درجه لا تطاق ،،،
طبعا ما ابي اخوض في باقي الاسماء مثل العدوان وشاكلته من معلقين
كرة طائره وخيل ولكن بالنسبه الى تطرقكم لمحمد رمضان فالشرهه
على اللي ما زال يخليه يعلق ،،،
وما نستغرب هالمستوى من معلقينا ما دامت لجنة التعليق برآاسة
زاهد قدسي اللي ماخذها محسوبيه وواسطات ولاهوب همه من الاساس انه
يطورها او يصقل كفاءاتها هذا اذا كان فيه كفاءات من الاساس زاهد
قدسي اكل عليه الدهر وشرب مفروض تتجدد اللجنه ويدخلونها الشباب الواعين والمثقفين رياضيا لانه والله العظيم كل من هو منسوب لهاللجنه
ماعنده الحد الادنى من الثقافه الكرويه ابدا ،،
اقول هالكلام من القهر اللي احسه لما اشوف دول صغيره ولا لها تاريخ
رياضي يوازي ربع اللي حققناه وعندها من القنوات الرياضيه والكفاءات
والمعلقين اللي تستحق انها تفاخر فيهم واللي حنا ندور عليهم في القنوات علشان نستمتع بتعليقهم الواعي والمثقف والمتفتح على العالم
واللي نستفيد منه حنا كمتابعين مو مثل معلقينا اللي تجينا المعلومه منهم مغلوطه وخاطئه ونصلحها حنا لانفسنا لاننا كمتابعين اكثر اطلاعا منهم ،،،
يا اخوان حنا محتاجين اعلام رياضي يواكب التطور اللي وصلنا له ،،،
اما مادام التعامل مع التلفزيون السعودي كاي دائره حكوميه اخرى
فلا عز الله ما راح يتحقق من طموحاتنا ولا شي ،،
(اعزائنا القراء تتابعون ما تبقى من هذا الموضوع على القناة الثانيه)
تحياتي للجميع ،، |