|
العيد والاسعار ...؟! السلام عليكم وش أخباركم وش علومكم يالله أنك تحييهم بموضيعي والله أني فاضيه ماعندي شغله قلت انزل موضوع اوسع صدري بالردود السنعه إيييييييييييييييييه يارمضان الله يالدنيا خلص :cry::cry: والله أحس أني ماتهنيت فيه على طول راح بس أحسن شيئ أن العيد جاء بعده على طول<<أحلفي غريبه والله :eek: وش اقول لكم تصدقون نسيت الموضوع اللي ابغى أكلمكم فيه :rolleyes: إييييييييييييه ذكرت ابغى أحكي لكم معاناتنا مع العيد هذا الله يسلمكم العيد هالسنه علينا والله معاناة أعوذ بالله الدنيا هالأيام هبال أجل إستراحه يوم العيد تخيلوا بكم ..؟!<<تشويق :laugh: 2500 ريال :eek: يوم العيد بس وش دعوى والله لو هي من ذهب :sick: لا والمطعم عطيناه الذبيحه عشان العيد يقول1500:eek: ريال طبخه بس ماصار عيد صار زواج والله العظيم حاله والملابس آآآآآآآه عذاااب مايعلم فيه إلا الله أجل تيور 790 :eek:ريال تنوره وبلوزه بس خير إن شاء الله فستان على غفله :sick: لا والجزمه(وأنتم بكرامه)460:eek:ريال وهي شبشب عااادي مافيه شيئ والله أني مقهوره على العالم قلت أفضفض لكم شوي وأنتم وش رايكم بالشيئ هذا اللي يصير وصار لكم مواقف مثل هذي ... والحين بعد ماقرقرت على روسكم شوي مع السلامه الله الله بالردود السنعه ياناس مااقدر لازم ألون بس هالمره ماكثرت ألوان بس إثنين:d |
يابنت الحلال .. مافيه شي رخيص الحين .. كل شي أرتفع ! :sick: لكن مانقول إلا الشكوى لله بس ! :cry: .. |
^^^^^^^^^^^^^^^^^^^^^^^^^^^^^^ والله انك صادق بس ولو كل شيئ حدود يامال الثنكيوات على الرد |
يابنت الحلال انتم ماتبغون الا مااااركات عالمية يعني لازم تروحين للغالي اتوقع في سوق يمدحونه اسمه الميعقلية والله يااسعار عليهم تهبل 1000 ريال تجيب لك ملابس على شبشب على واكسسورات <<< امحق |
^^^^^^^^^^^^^^^^^^^^^^^^^^^^^^^^ لا والله أنها محلات عااااديه مافيها زود وغاليه المعيقليه ؟؟؟ وين هذا أول مره أسمع فيه يامال الثنكيوات على الرد |
اما عاد ملابس العيد ب1000 ريال وش ذا والله انتم يالبنات فاضيين احنا يادوب شماغ ب100ريال وثوبين ب250 و شبشب 120ريال يطلع المجموع = 470ريال مايجي حتى نص اللي تصرفونه مااقول الا الله يعين اللي بيته كله بنات والله مشكله والله يابنات لو يعطوكم ميزانيه البيت الابيض تصرفونها وتقولون نبي زود يعطيك العافيه على الموضوع سلملم |
اجل الاسعار ، نار ياحبيبي نار كل شين غاااالي :) أختي وديته للعثيم تبي تشري تيور للعيد ، نزلتها هي واختي الثانيه ومريتهم بعد ماخلصوا ، واشوف التيور معه قلت بكم هذا ماشاء الله قالت رخيص ! ، قلت زين والله رخيص يعني بكم ؟ قالت توقع ! قلت 200 ريال انا قلت هالرقم وانا متوقع تبي تنبطي بوجهي تقول لا ارخص على كلامه بالأول تقول رخيص ، الا قالت لا قلت كم احتريه تقول 150 او حوله قالت 500 :d قلت ماشاء الله ايوالله رخيص وكويس ، والله انكن على نياتكن وترحمن :laugh: وين اللي تقولين رخيص ، الله يرحم حالكن انتن :whacko: ، اللي فوق اختي ، بعد اخوي صارله سالفه مع غلاء الاسعار وهي انه عنده طيور ، المهم الشعير انقطع يعني مافيه شعير قبل امس اشوفه جالس مع الوالد ويقول ابطيرهن الحمام يترزقن الله :laugh: ، خطمت انا قلت ليش تبي تطيرهن قال الشعير اغلى منهن ، ولاتجده الا بصعوبه جداً ، عوافي على الموضوع أختي ،، |
بريماكس لا وبعد اللي بـ 500 تلقاه قبل العيد بأقل والله انا شفت اول رمضان بلوزة عادية وماتنشرى بعد بـ 150 وامس لقيتها نفسها بميتين..يلعبون علينا لقوا ناس تشتري ولا تسأل.. كله يهون وملابس الأطفال اللي ماتجي شبر بـ 500 كلها شهر وماراح يلبسونها مرة ثانية أصحاب العقول براحة.. وياحظ العيال كلها ثوب وشماغ وجزمة والسلام اما حنا من كل محل نلقط شي هالسنة السوق بايخ وماتحمست للعيد حيل.. بنت الزعيم عوافي على الموضوع.. دمتِ بطاعة :: أختك |
اي والله الدنيا غلا مب طبيعي :cry: انا فصلت عبايه بـ 1500 مادريت عن سعرها الا بعد مافصلتها :cry: >>>>>تتدعي على صديقته الي دلتها على المحل :d عوافي خيتو |
اقول يازين العيال بس ثوب وشماغ وجزمه .... مانتكلف وانتم الله يعينكم .. تدخل محل تشتري تنوره وتروح تركب عليها بلوزه ... والجزمه لازم نفس اللبسه والعطر والاكسسوارات والمكياج و و و و و ................ الله يعينكم شقا.. |
يا حليلي بس قايلك دانكن دونات أزين تقولي لأ :D |
إقتباس:
اختي والله من ناحية الاسعار كلن يعرف حريق البطحاء وسوق الجملة كل الناس يعرف ان 50% من تجار الملابس يعتمدون عليهن واكيد بسبب الحريق راح ترتفع الاسعار وتصير نار :d والله يخليلي بس الثوب و الغترة :d |
تيور بـ 750 :cry: والثاني بـ 750 :cry: والثالث بـ 750 =2250 :eek: <<ساعه لين ما طلعت الناتج ومدري صح ولا خطا:d الله يعينك والجزمه بـ400 << يمكن مطعمه بالألماس يعطيك العافيه |
عز الله عيدنا قبل العيد |
عاد تصدقون ثاني رمضان او ثالث رمضان رحت بافصل ثوب عاد الخياط اللي متعامل معه لسه ما رجع من اجازته المهم اني رحت لنفس المحل واعطيه كرتي ويوم خلصت من تنقية القماش وعرفت متى بيخلصن الثياب وقبل ما اطلع من المحل اشوى اني انتبهت للسعر اللي هو حاطه ابن الذين زايد علي على كل ثوب خمسين ريال ويوم سالته ليش قال لي وبالحرف الواحد: شوف صديق الحين كله اسعار غالي رز غالي دجاج غالي خضار غالي!!!!!!!! قلت له وانت وش دخل امك بالرز والدجاج والخضار لا تصير بتسوي لي مقلوبه المهم كرشته واتصلت على راعي المحل وقلت يا تفصلي بنفس السعر اللي كنت افصل عندك والا شفت غيرك ولولا العروس اللي عندنا ماكان فصلت برمضان وعدت على خيييير |
| الوقت المعتمد في المنتدى بتوقيت جرينتش +3.
الوقت الان » 09:08 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd