|
مدري تفو هي مدح والا شتيمه البارحة جاني مـن الحـب مرسـال من عقب ما بينـي وبينـه خصيمـة وانا ترى في الحـب مانيـب فعّـال ولا بعـد ولّـع بقلبـي هشيـمـه ولا بعد غنّيت فـي ساعـة وصـال ولا بعد ذقـت الفـراق وجحيمـه ولا جرى دمعي على الخـد همّـال ولابعـد جربـت مــرّ الهزيـمـة حتى وردنـي تالـي الليـل جـوال وانا على شاهي وبسكـوت ديمـة الرقم بايخ لكـن الصـوت قتـال كنه مثل صـوت المذيعـة حليمـة قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة قلت ارفعي صوتك ترى مابه ارسال كـذاب لكـنّ المصيبـة عظيمـة قالت أقول اسمع ترى هرجنـا طـال ممكـن تصاحبنـي ترانـي وسيمـة واسمي الحقيقي أول حروفـه الـدال لكـن يسمّونـي البنـات الزعيمـة صحيح أحب الفخفخة واعشق المال لكـن ترانـي طاهـرة مستقيـمـة ما عندي امغازل ولا (لعب يهّـال) ما عندي إلا في الشرف والحشيمـة بس الصراحة قلبي لشوفتـك مـال واصبحت وحدك جالسٍ في صميمه فكّر بعقلك واترك القيـل والقـال واحذر تطيع اهل العقـول العقيمـة وارسل علي الحين خمسميـة ريـال أشحن بهـا جـوال أختـي غنيمـة أو طقم غالي فيه خاتـم وسلسـال أروح بـه فـي عـرس ولاّ عزيمـة قلت الحقيقة مانيب رجـل أعمـال ولانـي بتاجـر والمـوارد عديـمـة أنا الصراحة شبـه عطّـال بطّـال وعلاقتـي بالفقـر جـداً حميـمـة والراتب الله يرحم الحـال مـا زال محـدود والمصـروف ربـي عليمـه والدين بـالآلاف والبنـك شغّـال ياكـل فلوسـي بالربـا والظليمـة والسوق طايح والغلا ضيّـق البـال والموت والله صايـر اكبـر غنيمـة قالت تحمّل بـس والحمـل ينشـال خلك شديد الباس صلـب العزيمـة ياخي تصرّف جعلك اتصيـر نشّـال أهـم شـي إن النوايـا سليـمـة لابد تفهمني علـى كـل الأحـوال ما دمت من أهل العقـول الفهيمـة قلت إيه والله فاهم اللي على البـال لكن تـرى هـذي علينـا قديمـة يا بنت هـذا صايـر اليـوم مـوال للي تبي تلعب علـى ابـن اللئيمـة يا بنت ما تدرين كـم فيـه محتـال يلعب على الحبلين وانتـي غشيمـة يا بنت كم من جاهلة دمعها سـال من عقب ما جات العواقب وخيمـة والبنت لا اقفى عرضها بيد الأنـذال والله مـا يبقـى لهـا أي قيـمـة قالت تبي ولاّ فخلّك علـى جـال مهوب ناقصـي نصايـح حكيمـة عز الله إنك للأسف منـت رجّـال وانك قليل الذوق ما فيـك شيمـة يا لعنبو اللي مـا يسطّـرك بنعـال حتـى يعلمـك الغـزل يـا بهيمـة ( تفو ) عليك وصكّت الخط في الحال مدري ( تفو ) هي مدح ولاّ شتيمـة اعجبتكم او لا |
ما عندي امغازل ولا (لعب يهّـال) ما عندي إلا في الشرف والحشيمـة لا صادقه ! وارسل علي الحين خمسميـة ريـال أشحن بهـا جـوال أختـي غنيمـة 8 8 << كــــــذابه >> يا لعنبو اللي مـا يسطّـرك بنعـال حتـى يعلمـك الغـزل يـا بهيمـة < هههههههههههههههههههههههههههههههه > قصيده روعه يعطيك العافيه |
هاهاها مشكوره اختي هلاليه انا وردك الاروع والله عليك رد شي ثاني بس لاتسمعك |
قالت مساء الخير يـا طيّـب الفـال قلـت ارحبـي ترحيبـةٍ مستديمـة بالعود والصفـري ودلـة وفنجـال واجبك يا بنت الأصـول الكريمـة ردت بضحكة ثم قالت وش الحـال؟ قلت اشهد إن الحال عقبك سقيمـة قالت وهي تضحك بعد مثل الأطفال وانـا بعـد كنـي بدونـك يتيمـة من يـوم قالتهـا تزلزلـت زلـزال من فجعتي كنـي مسـوي جريمـة رقــــصــــني يا قدع ,,, بس سؤال أنت اللي مسويها والله انك شاعر مخضرم <<<مدري ايش معناها :d:d بصراحة اعجبتني بس تفو (الكتاب بين من عنوانه):laugh: |
zezoمشكور اخوي ولاني شاك بردك ومو انا اللي كاتبها ولما اكتب الشي من عندي دايم احط من كتاباتي اما ذي ولا لي فيها ابد |
مشكووووور |
صح لسانك الصراحه قصيده تحكي الحال الحاليه كيف وصلت قلة الحيا والتربيه في بعض البنات ولا يهونون العيال الله يصلح الحاااااال |
ما عندي امغازل ولا (لعب يهّـال) ما عندي إلا في الشرف والحشيمـة بالله الحين انتي وش قاعده تسوين ؟؟؟؟ اخوي مشكور والله روعه اول الولد يجي للبنت الحين البنت تجي للولد طبعا مو الكل<<الخربانه :::قالت ايش قالت ماعندي الا الشرف والحشيمه اقول مناك ولا يكثر بس والله حلوه اعجبتني مره مره مره مرسي يمرسك اخوي |
مشكور اخوي sky ويعطيك العافيه |
حظور طاغي مشكور الله يصلح حال الجميع طبعا مو الكل في كثير صراحه اخلاق ومانحنوا يومن لنا بنات رجال اصل واصول والبعض الله يخلف عليه اللهم احفظهم صراحه حنا بدونهم ولا شي |
غلاهم وماخذه حلاهم مشكور وانتي الروعه والحمد لله انها تعجبكم هاذا كل ماعندي |
تفوا على هالقصيده .. وش زينها:wink: صح لسانك وتسلم الأيادي اخوي |
مشكور اخوي وتسلم |
مشاء الله قصيدة روعة صح لسانك ورفع مقدارك |
قصيده روعه بتسلسلها وانا أحسبها شريفه وسنعه طلعت بتاعة بطاقات >>>> الخايسه :d والله والبيت اللي بناه الله انها خوش قصيده :thumbup: يسلموووو |
| الوقت المعتمد في المنتدى بتوقيت جرينتش +3.
الوقت الان » 07:31 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd