|
الحارس نجم الجماهير الالمانية كان احتياطي ويطالبون باعتزاله محمد الدعيع نجم من نجوم المملكة مثله مثل ابويعقوب وسامي والنعيمه وابو ثنين والتيماوي لكن كل لاعب اذا كبر بالعمر يبدأ مستواه بالانحدار وأكثر الاعبين الاذكياء يعتزل قبل ماتجيه هاللحظة وااللي يحس فيها الاعب ان النادي يجامله وان فيه لاعبين صغار افضل منه محمد الدعيع بعد اخر مشاركة له مع المنتخب في دورة الخليج انهزم المنتخب بنتائج كبيرة وكانوا المحللين محتارين ان سبب الاهداف المدافعين ولا الدعيع لكن باكيتا ابعد الدعيع واقولها وانا احب الدعيع تحسن المنتخب وقلت الاهداف فينا من دون ماتتهجم وتزعل وعميد لاعبي العالم صحيح لكن شوف الاهداف اللي دخلت بالزعيم شوف نهائي الدوري شوف خروجنا من كأس اسيا لمتوا المسكين المفرج وهي كورة سهلة مفروض الدعيع يصدها حتى ابعد المدرب المفرج ودخلت اهداف من نجران اقل من صعوبة هدف اسماعيل مطر وبعدم وجود المفرج حتى صرح مدرب نجران البنزرتي ان سبب هزيمة الهلال تدني مستوى الدعيع لان كل تسديدة عليه هدف انا احب الدعيع لكن ليته يعرف ان اصراره على الاستمرار في الملاعب ومستواه بدأ في الهبوط يقلل من مكانته بين الجماهير ويجي يوم الجماهير تطالب بابعاده واكيد هو مايتمنى هاللحظة والفلوس ماتسوى ان تظهر بصورة غير اللي عرفناها عن الدعيع ورغم ان جمهور الهلال لو تدخل على الدعيع كرة تمشي صفر قالوا هدف صعب يعني يالدعيع لاتخاف جمهور الهلال مو عارف مصلحه فريقة والضحية المدافعين والزعيم وجمهورة |
الهلال هجومع ووسطه قوي وهذا مايخلي صعوبه الفرق الثانية انها تهاجم عليه لكن كل هجمه هدف علينا |
بالعكس انا اشوف انو الدعيع مالو ذنب في الاهداف التي تقول عليها وكلها اخطاء دفاعية واضحة. اما بالنسبة للسن اعتقد الدعيع صغير في حراس اعمارهم 43 ويقدمو مستويات جميلة. |
هدف الحسن اليامي صعب انا عارف ردكم كل هدف يجي بالدعيع تقولون صعب ياخي حنا جايبين الدعيع يتفرج على الاهداف الصعبه على قولك وش الاهداف السهلة ياخي جايبين الشمري بملايين جربه |
الدعيع مانزل مستوااه انت لوتشوف المفرج كان مغطي على الدعييع والدعيع اذا تقوول نزل مستواااه حقق شي ما وصل له أي لاااعب بالعالم وهي عمادة لاعبي العالم وبعد ماتعدا الثلاثين سنه |
يا أخي الحارس يقدم أداء جيد ولو أخطأ مباراة واحدة أو إثنتين مو غريب الكل يخطئ والدعيع مو أنا ولا إنت اللي يقيمه |
أولا يعطيك العافية وتقبل الله صيامنا وقيامنا آمين أخوي العزيز انا اتفق معك ان كرة إبراهيم مطر كانت سهلة وكان تمركز الدعيع خاطئ لكن هذا ليس مبرر ان نطالب الدعيع بالإعتزال شيئ طبيعي ان ينحدر مستوى أي لاعب الدعيع وان له بعض الاخطاء لكن إيجابياته تغطي سلبياته بفارق كبير جدا جدا ولنا في مباراة الكويت الكويتي في الرياض خير دليل كان الدعيع نجم بكل ماتحمله الكلمة من معنى لايمكن أن أحكم على حارس من خطأ أو خطأين الدعيع حارس كبير وخبرة ومطلب لأي نادي سعودي هل تعتقد لو الدعيع عرض على قائمة الإنتقال سؤال كل الأندية ستتسابق عليه لأنه حارس فريد من نوعه والحارس قادر على اللعب حتى سن الأربعين وأكثر في بعض الأحيان إذا حافظ على نفسه والله يوفق الدعيع والإختلاف في الرأي لا يفسد للود قضية |
والله الدعيع ماقصر ولى الحين محتفظ بمستواااه.. |
هههههههههههههه غريب جمهور الزعيم انا عارف انه عميد لاعبين العالم طيب وش رايكم نصف صالح النعيمه والثنيان وابو ثنين وسعد مبارك نجوم من ذهب كيف نفرط فيهم |
إقتباس:
ويبقى الدعيع افضل حرااااس آسياء |
تذكرون الاهداف اللي جت في المنتخب وكيف تخبط الدعيع بالمرمى يوم يبعد الكرة برجله وهو يقدر يمسكها |
الايام بيننا وتشوفون صدق صدق كلامي وباكيتا مابعده عن المنتخب عبث |
بصراحه أنا ماأقدر أقول شيء على الدعيع لأني أحترم تاريخه. |
إقتباس:
شكرا على التنبيه واعتذر على الخطأ |
صراحة هذا الموضوع يبغاله تفكير مو في يوم وليلة نقول للدعيع امسك الباب لازم تجتمع الادارة وسالفة |
انا اقول انها اخطاء الدفاع |
اول شي فيه خلافات بين الدعيع وباكيتا وباكيتا النذل مالعبه ولا نص شوط على الأقل ومعجبه ماشاالله ذا الحارس الي يجي فيه اهداف من نص الملعب واهداف كباريات بعد والمشكله انها كلها في مباراه وحده ...والدعيع هو حاارس آسيا الأول وبلامنازع ,,,,,,,, |
أقول انت واياه الا ابو عبد العزيز واذا كان على تدني مستواه هذا شي عادي وراح تشوفون بالايام الجايه راح يرجع لمسواه واحسن باذن الله ومثل ماقال اخوي لاتنسى مباراه الكويت ابداع ×ابداع الله يوفقك يابو عبدالعزيز وويوفق الزعيم |
اهداف نجران السهله على كلامك يافاهم واحد تسلل والثاني انفراده لو بوفون مايصدها |
كلامك سليم أخووي بحر العيون فيييية كور سهلة تدخل على الدعيع ونتو على طوووول الدفاع الدفاع والحارس شنهو مهمته بس يمسك الكورة..... !!!!! انا معك في أعطاء الفرصة للحارس فهد الشمري اعتبرة في فريقنا ناشئ ماياخذ فرصتة ...!!! وما فيها شي اذا كان الدعيع احتياط اوليفر كان كااان احتياط .....!!!!! ما فية مجامله على حساب فريقنا الدعيع حااااااارس القرن وعميد لاعبي العالم ما قلنا شي يصير عشان يراجع حساباته سااامي الجابر اسطورة ما يلعب أسااااااااسي اغلب شي احتياط ومشكور على موضوعك يالغالي |
الدعيع باقي باقي ,, لأنه أفضل حارس مر على الكرة السعودية . |
مع احترامي لك يا صاحب الموضوع لكن الدعوه لا الدعيع ولا المفرج انتم تبون تحطون اللوم على لاعب وبس والظاهر ما عندكم شغله غير هالشي وما شاء الله عليكم مسوين احزاب حزب المفرج والعنقري وحزب الدعيع والخثران والحين طالع حزب ياسر متى نرتقي بفكرنا شوي ونعرف ان اللاعبين بشر مثلنا ملثهم نخطي ويخطون لكن انتم يالجمهور الهلالي ماتبون الا الفوز وناسين ان اللعب فوز وخساره كلمة اخير الله يرحم والديك انت والباقيين اللي كل شوي مطلعين لنا لاعب فيه مشكلة فكونا من هالكلام الي ماله داعي ولا تنسى انت وياهم ان الفريق 11 لاعب |
إقتباس:
بالعقل كيف تبيه يصد الكورة بعد ما ارتطمت في الحيطه وتغير اتجاهها !! كانت ردة فعل حلوه من الدعيع انه حاول يصدها برجله |
ياخي قبل سنه صاد الدعيع بلتي يوم مع العين |
صدقوني الدعيع يتأثر بمستوى الفريق إذا الفريق في قمة مستواه تجد الدعيع في أفضل حالاته أما إذا تدنى مستوى الفريق فشي طبيعي بيكون الدعيع في أسوأ حالاته وتابعو المباريات اللي راحت وأحكموا حتى المبارايات القديمة مجرد رأي خاص .. |
يا إخوان مشكلتنا دفاع لا غير |
اسماعيل مطر سجل في الحبسي الحارس العماني بنفس الطريقه والحسن اليامي سجل في الدعيع اكثر من هدف لما كان في الاتحاد الاهداف من خلل دفاعي لانها كلها حالات انفراد تام ومهاره من اللاعبين بس يبقى الدعيع الحارس الاول ولا يمكن ان يملاء احد مكان حارس القرن |
لو تفكونا من مثل هالمواضيع كان صار الهلال بخير شباب هذي أمور فنية في أشياء يشوفها المدرب أنت ما تشوفها هذي وجهت نظري |
والله المشكلة مهب بالدعيع المشكلة بمدرب الحراس اللي عندنا |
ألا تعلم أن الدعيع يقوم بتدريبه مدرب أقل مستوى منه هو منصور القاسم لو أحضروا مدرب ايطالي أو ألماني تشوف الدعيع على حق |
انا عارف انك مقتنع ان الدعيع لايزال افضل حارس بالمملكه واسيا ولكنك كتبت هذا الموضوع عشان العالم ترد عليك ويكون موضوعك بالواجهه ولكن مهما صار يظل الدعيع افضل من اي حارس موجود |
,الله الدعيع يسيوي الي عليه بس المشكلة الدفاع ياليتك ماتعتزل الا فالربعينات |
الدعيع نجم كبير بس ان مستواه متراجع قليلا لاكن انشاالله انه يبي يشوف وضعه ابوعزيز ويزين مستواه |
الدعيع يبقى حارس كبير وسيعود بعد العيد باذن لله لمستوياتة |
الدعيع بصراحه مو دعيع زمان والسبب في مدرب الحراس |
والله ياليت يعطوون فهـد الشمـري فرصه..والدعيـع نـجـمـ لايمكن مقارنته مع أي حارس. |
والله الدعيع مازال فيه عطاء ولكن الى متى وهذا هو السؤال يعني عشان مانظلم الدعيع وبعد مانظلم الشباب واللي من المفترض انهم ياخذون فرصتهم واللي عندي هو مجرد اقتراح مثلا تكون هناك منافسات بينهم على من يمسك والاجدر للاقوى والاحسن مستوى واعتقد الجهاز الفني يعتمد معتمد على الخبرة فقط ولاهو معتمد على الافضل اي نعم الخبرة ضرورية جدا لكن برضه كيف بتجي الخبررة من دكة الاحتياط |
ياخي سامي الاسطورة صانع الانجازات بعد توفيق الله راااااح بكبره وترك الفرصة لغيرة ولنجوم الشباب وهو في عز عطاءه ليش الدعيع مايسوس زيه |
آآآآهـ يا دعيع زمـــــــــــن |
| الوقت المعتمد في المنتدى بتوقيت جرينتش +3.
الوقت الان » 09:30 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd