|
أنت تبون الحقيقة ولا العاطفة العاطفة تقول في أمل انه يرجع نواف عام ألفين بس الحقيقة والتي نشوفها امام أعيننا هي أن نواف انتهى وهو قاعد يخدع نفسه ويخدعكم وكلامي هذا والله ليس كرهاً في نواف بل حباً فيه. أبو بندر يعرف أن أضواء النجومية قاعد تنسحب من بين يديه و من تحته وتروح لياسر وهذا طبيعي في كورة القدم يروح نجم ويبقى نجم بس الجميع يلاحظ وأتحدى احد ينكر هذا الشيء أن نواف ليس هو نواف 2000 في أي شيء وراح اذكر لكم سلبياته وهي من نتاج ضغطه على نفسه وليس كما يدعي بعض الجماهير بأن هذا نتاج ضغط الجماهير عليه : 1-أصبح لا يمرر للمهاجمين من منتصف الوسط يعني تمريرة بينية بل دائما يلعبها كوره أطول من اللازم أو كورة واحد اثنين عشان ترجع له ويسدد كيف ما اتفق وهذا شيء ملاحظ . طيب أكيد في واحد راح يسأل يقول معقولة نواف ما يمرر ابد وهو لاعب وسط نقول لا هو ما يمرر بل يرفع للمهاجمين من وسط يمين الملعب أو وسط يساره وبالتالي تصعب على المهاجم كنترول الكورة وان ضربها برأسه للمرمي سوف تكون بالتأكيد ضعيفة 2-دخوله العنيف والغير مبرر على زملائه اللاعبين في الفريق المقابل. 3- عدم قيامه بمهام دفاعية وهذا مما يسهل لمحاورة الفريق الخصم التقدم والضغط على دفاعنا بالزيادة العددية. والغريب انه يصرح بأن مستاء من باكيتا لأنه يسند له ادوار دفاعية طيب في عرف الكورة إذا أصبحت الكورة في متناول الخصم مهاجم الفريق يكون أول المدافعين فما بالك يا نواف بلاعب الوسط 3- وهي الأهم/ اللاعب يعاني من رباطي صليبي يعني ما يقدر يعطي أكثر من شوط بنفس اللياقة وعادة لا يقدر أن يدخل في تمارين اليوم الثاني للمباراة بل يتوجه مباشرة للعلاج الطبيعي لعمل تقوية للعضلة وبهذا يكون مستريح من التدريبات قرابة ثلاث أيام ثم يعود يدخل في التدريبات ويحتاج إلى ما لا يقل إلى ثلاث أيام ليرتفع معدله اللياقي نظراً لكثرة أيام الراحة والتي كانت أصلا مخصصة للعلاج الطبيعي لذا إذا لعب مباراة لن يستطيع أن يكملها حتى التسعين دقيقة. نجمنا سامي الجابر معروف انه مهاجم من الطراز الأول عندما تقدم به العمر عرف أنه لن يكون كسابق عهده وان الهجوم يتطلب لياقة عالية وهذا ما افتقده عندما تقدم به العمر ولكن لم يكابر مع ان يحق له بل اختار لنفسه مركزأ جديداً وهو صانع اللعب وأبدع فيه كإبداعه في الهجوم. لهذا استمر في الملاعب سنوات إضافية وكان بإمكانه أن يستمر إذا حافط على لياقته ولكن هو اختار طريقه بنفسه. لذا نصيحة أقدمها لنواف خانة صانع اللعب أصبحت لا تناسبك، لو كنت لا عب وسط ارتكاز سيكون أفضل لك بكثير لأنك لديك موهبة إيصال الكورة للمهاجم بدقة متناهية. لذا نواف لا تفكر بالمرمى لا تفكر بإحراز الأهداف فكر كلاعب ضمن مجموعة. |
طيب الان نبي نطلع بفائده من كل هالكلام انا من وجهه نظري اوجه رساله لنواف اقول فيها نواف اترك عنك اللعب الفردي لان سرعتك ولياقتك ماعادت زي اول شي ثاني ليس ضروريا ان تتخطى اي لاعب امامك من المتاح ان تمرر وتفتح خانه احرص على اللعب من لمسه واحده وفتح اللعب ويجب ان لاتتعطل الكره من بين قديمك اتمنى له التوفيق |
صدقوني ياعالم ان نواف مشكلته نفسيه . يعني لو تلاحظن انه رجع من كاس العالم على طول ومستواه نازل . يعني اكيد فيه مشكله تخلي الواحد ينزل مستواه بالشكل هذا . |
بصراحه يا بدر لو أنك متكلم في نواف قبل الخليجية وقبل المباراة الأخيرة مع الوحدة الأماراتي كان أيدتك .. لكن أنا أشوف نواف في الفترة الأخيرة يجتهد ليعيد مستواه المعروف وأنت بهذي الطريقه شكلك ناوي تحطمه أنت واللي أيدوك على هالراي . بالعكس نواف أدى اللي عليه في المباراة مثله مثل غيره وعلى فكره غيره ما سوو اللي سواه نواف مثل الزوري اللي ما شفنا ولا تثبيته صح والعنقري اللي قاعد يتنافظ إذا جت معه الكورة . بالعكس أنا أخالفك تماما بكلامك ونواف له رجعه بأذن الله إذا خليتوه في حاله . بصراحه أنتقادك مهوب في محله مررررره ولا في وقتتته مرررره . لو أنك جايب طاري أضهره كان أصرف لك ولنا وللهلال . تخيل يا بدر أن يطلع لك واحد يقول أنك ما تعرف تكتب ولا موضوع ولا تعرف تكتب عربي أكيد بتزعل لأنك مجتهد وتحاول ترضي الأعضاء والمشرفين ويمكن يأثر فيك هالكلام ولا عاد تكتب أبد إلا خمات وخمات ... أللي صاير لنواف بسبب أنه كلما أجتهد طلع واحد يقول أبي أكثر من كذا والمشكله الغلط موب من نواف من غيره وانت وانا عارف منهم اللي غلطاتهم واجد في المباراة . حرام عليك نواف في مباراة الوحده الإماراتي مبدع وكورة في العارضه وضغط من عنده وتجي أنت في النهاية تقول هالكلام اللي يجرح حراااام عليك والله . |
بالتوفيق له |
اراء انه نواف يلعب بس بفلوس |
موضوع ممتاز ومهم الحقيقة ارى بأن نواف قادر على العطاء وله الكثير من المواهب مما يجعله من افضل لاعبى الهلال ولكن المشكلة فى راءى المتواضع هى عملية تحدى بين نواف ونواف2000 اللاعب يعاند الكرة لكى يثبت شىء لا يحتاج اثباته....وهوا الموهبة ويحاول الرد على منتقديه بدل من اللعب لنواف والهلال....واحنا كجماهير ربما ساهمنا فى هذا والحل الفنى بأن يلعب خلف طارق قليلاً ويستغل موهبته الدفاعية اكثر من هجومية لانه يتفوق على طارق فى هذا...ويلعب الكرة السهلة السريعة لانها اصعب وتحتاج الى موهبه مثله....وان لايبحث عن التفوق فهوا يتفوق بلعبه الجماعى والمهم....ان يلعب لتزيد معنوياته.....ونسانده معنوياً عن طريق التشجيع عندما يمرر صح...ويدافع....وليس عندما يسجل فقط والله اعلم |
يا عيني عليك يا هلالي كبير اصبت كبد الحقيقة بس ليت يفهم محبين نواف اننا اذا انتقدنا نواف مو معناها انا نكره بل بالعكس من زود محبتنا له وودنا يرجع نواف الفتى الذهبي بس ظروف الإصابة تمنعه ولازم يتعايش مع الواقع الجديد رحم الله امرء اهدي إلي عيوبي |
معليش صامت ةلكن حان الوقت كلامك ما ادري وش يبي بصراحه وشو اللي ياسر سحب منه النجوميه ؟؟!! كلهم نجوم ونواف بنفسه عارف انه اشيد به من قبل العالمييين اشادات ما سمعتها لاي لاعب غيره ما اتوقع انه هذا تفكيره صح انه يبي يرضي جمهوره بس كلامك غلط نواف التمياط كيد عذالك |
إقتباس:
|
الأخوان .. صامت لكن حان الوقت .. بدر .. سبق وقلت نواف لن يعود بمستوى نواف 2000 .. لكن أنا الحين أبيكم تقارنون بين لعبه ولعب لاعبيين الوسط زيه .. التائب والشلهوب .. شفنا التائب لعب لحاله وما سوى شيء يذكر.. في مباراة الإتحاد .. وكذلك شفناهم أمام نجران وماعملوا شيء .. مع وجود ثلاث مهاجمين .. الصويلح وياسر والكلثم .. وماعملو شيء .. فما بالك نواف يلعب لحاله في الوسط أمام الوحدة في الآسيوية .. ومع ذلك الهلال بذيك المباراة قدم أفضل من الوحدة .. أخوي صامت .. أنا أتفق معاك بشدة في النقطة الثالثة .. نواف يلعب شوط واحد بس .. لكن أنا عندي نواف أفضل من الشلهوب أو التائب بهذا الشوط .. اللي أنا أستغربه أنكم تقولون نواف يبي يسجل أهداف ..ولا يصنع .. كيف هالكلام والمدرب ما أشتكى منه .. ولاااا وغير ذا تقول أنه يتعمد لعب ون تو عشان يشوت ؟؟! صراحة الواحد يستغرب من هالتفكير .. شخصيا ما لاحظت نواف يتعمد .. بالعكس نواف يلعب بحماس .. والله لاحظوا يا ناس نواف قتالي على الكرة ..لكن اللياقة ماتساعد .. إذا أنقطعت منه أو من غيره يرجع ويقطعها أو على الأقل يحاول .. بعكس الشلهوب والتائب وياسر بعد .. ولاحظوا هالشيء .. الأخ صامت .. تقارن سامي بنواف ؟؟ سامي أعتزل لأنه ما يقدر يقدم نهائيا .. بالعكس بالثلاث أو الأربع سنوات الأخيرة كان عاله على الفريق .. نواف الحين عمره 31 وسامي 38 شوف الفرق .. أرجع وأقول لك يابدر .. نواف لا تستعجلوا بالحكم عليه .. حنا في بداية الدوري .. ثانيا مشكلتكم أنكم تقارنون نواف بنواف 2000 ذاك الوقت مستواه ما يقارن لا بالتائب والشلهوب جميع .. مع إحترامي .. |
والله بمباراة الوحده فنياته حلوه بس كان يلعب حتى يرجع صورة نواف 2000 عشانكم يعني بعد مباراة الوحده الواحد يقول نواف ما لعب زين كان اناني شوي بس ابدا ما يقول انه انتهى بالعكس بان انه لاعب مهم جدا بعد ولو انه رجعت له ثقته وتعوده عالكوره ان شاء الله انه افضل لاعب هالموسم نواف الفين اسطووووووووووره وكان شي غريب هالاعب بالملاعب السعوديه مع احترامي لكل الموجودين الحين بس نواف كان شي خيال ولليلحين ما جا اللي يمتعنا ويلعب بتكتيك وفكر صح زيه لا اجنبي ولا غيره |
موضوع ممتاز بس حسب رأيي نواف يستطيع تقديم المزيد والقادم أحلى بأذن الله وبالتوفيق للزعيم |
إقتباس:
|
ورده هلاليه مستحيل سامي عمره 35 |
| الوقت المعتمد في المنتدى بتوقيت جرينتش +3.
الوقت الان » 04:25 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd