|
الدعيع الى المانيا..خبر مفرح من المتوقع ان يصل الى الرياض في الايام المقبلة مندوب من نادي بايرن ميونيخ الالماني بطل اوروبا لمفاوضة محمد الدعيع حارس مرمى المنتخب السعودي ونادي الهلال، وذلك بعد ان اوصى رودي فولر مدرب المنتخب الالماني الموجود في الرياض حاليا، بضرورة التعاقد مع الدعيع الذي يعتبر افضل حارس مرمى عربي. واذا ما صحت التقارير الصحافية فإن الدعيع قد يكون بديلا للالماني اوليفر كان، الحارس الدولي والمرشح ان ينقل لاحد الاندية الاسبانية ومن ابرزها برشلونة الذي تحدث عن امكانية ان يرتدي كان قميص النادي الكاتالوني. نقلا عن موقع الأزرق |
الله لايقوله اذا راح الدعيع من بيجلس معنا حسن نكبه؟؟ وبعدين الدعيع الحين فوق الثلاثين يعني مااظن ان فيه نادي بيتعاقد معاه |
الله يسمع منك والله ما ودي الدعيع يروح لاكن نبي له المجد يستهال والله حارس كبير وسيد حراس اسيا بدون منازع والخير والبركه بضاري وحسن |
هلا هلا كانافارو... وش الله لا يقوله؟! لا تصير اناني , مثل ما استفدنا من الدعيع طول هالسنين سواءا مع المنتخب او مع الهلال , لازم نكون أوفياء معه وما نكون عقبة في طريق مصلحته , وأكيد الاحتراف في فريق مثل بايرن ميونخ بطل ألمانيا مكسب كـــبــيــر له.. وترى المنطق اللي تتكلم فيه هو اللي حرم كثير من لاعبينا فرصة الاحتراف الخارجي , وبالتالي حرم منتخبنا من مستوى أفضل لو كانوا اللاعبين محترفين في أندية قوية مثل أندية اوروبا... بعدين تعال هنا..الدعيع فوق الثلاثين؟!!!!!!!!!!!!!!!!!!!! من قال لك هالكلام؟ وحتى لو صار فوق الستين الانسان قاعد يعطي ولا واحد عمره 18 سنه ماشالله عليه شكرا.. -- هلا وغلا M7akee.. :) يا حبي لك ولردك اللي ينم عن عقلية فاهمه..ووفيه :) شاكر ردك يابعدي :) |
يا اخي من حقه انه يروح |
اذا كانت الصفقة تستاهل ولا الافضل قعدته معنا. |
يااااارب ما يروووح .. قولوا أأأمين ؟ |
شكرا لكم هلا وغلا عاشق فن ابداع الهلال شاكر ردك :) -- هلا والله HArb200 أقول لك بايرن ميونخ تقول لي اذا كانت صفقة تستاهل؟! :) اندية أوروبا ذولي...ما عندهم الا مئات الألوف رواتب وشلون عاد صفقات :) أجل تحسبهم مثلنا؟! الموسى ياحول حق النجمة كرف سنتين مع ذاك النادي والى اللحين ما اخذ ولا ريال :) شاكر ردك :) -- هلا والله فتى الخبر.. ماني بقايل آمين :) |
يستاهل..... لو الكلام هذا صحيح |
الله يوفق الدعيع .. والله يستاهل فريق اقوى من بايرن ميونخ .. وصدقوني اي فريق راح يكون معه الدعيع راح يحس براحة واطمئنان .. والدعيع حارس كبير .. وصحيح عمره تعدى الثلاثين .. لكن الحراس يعطونك الين الاربعين .. ويطولون في الملاعب .. |
هلا وغلا بالموهوب هلا والله الوردي.. شاكر ردك :) -- شاكر ردك يابعدي.. اللي أعرفه ان عمر الدعيع 29 :confused: يعني ما وصل الثلاثين عشان يتعداها :rolleyes: وانا اتفق معك كليا في ان الحارس ممكن يعطي لسن متقدمه جدا.. شكرا مرة أخرى :) |
معرفنا وش تبون اذا جاهم عروض فرحتو واذا قالو نبي نروح سبيتوهم وقلتو هم الخائنيين عجب والله عجب ؟؟؟؟؟؟؟؟؟؟؟؟؟؟؟؟؟؟؟؟؟؟ |
الدعيع لازم يروح علشان يزداد سمعه وبعدين صح عندي سؤال كم عمر الدعيع ؟ |
...الله يوفقه...قولوا آمين..:) |
يستاهل الدعيع لاعب كبير ومستواه محد يقدر يتكلم يعيبه بكلمة وحدة ولازم مثل مااعطانا نعطية ....... وصدقوني الدعيع لو احترف راح يبرز ليكون من افضل الحراس عالميا فهو لا ينقص عن اي حارس عالمي خبررة - موهبة - مهارة - تمررررس - فصدقوني اي فريق يتمناه واتوقع للدعيع بعد كأس العالم حياة آخرى فسيفررررض نفسه عالميا وتذكروا كلمتي هذي سيفرض نفسه |
| الوقت المعتمد في المنتدى بتوقيت جرينتش +3.
الوقت الان » 09:42 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd